Teru Teru Bōzu (Closed)

銅鑼灣怡和街一向多食肆，最近去完Victoria Secret行吓發現街尾既新大廈幾靚，仲有幾間食肆進駐左。因為想食日本野，就上去walk in踫踫運氣，好彩時間尚早可以安排到！　環境舒服簡潔，仲有個outdoor area可以喺度飲杯野，幾relax既感覺!餐廳有個時令menu，間唔中會轉吓既~見到呢個鱧魚純菜涼小鉢咁啱呢排睇【森美旅行團】介紹川床料理都有鱧魚，7月京都仲有鱧魚祭添，當然要一試！鱧魚有無數既小骨頭，骨頭亦非常硬，所以師傅要將魚骨切斷，但不能切斷皮所以師傅刀功好緊要。起骨後既魚肉好似花咁，味道淡香清甜，加埋純菜爽口滑嫩嘅感覺都幾得意！🍴日式煎蛋捲一口咬下，充滿關西風味，濕潤帶鹹有高湯味道既玉子燒，口感鬆軟幼滑 ！🍴黑糖黑豚角煮五花腩用左黑糖、醬油、味醂燉煮，雖然唔係東坡肉果種入口即溶，但肉質都係嫩滑既，黑豚脂肪層沒有感到半點膩，反而係甘香既。舞茸同蘿蔔吸收哂湯，特別香甜！　🍴鹿兒島黑毛和牛西冷扒 黑毛和牛係鹿兒島名物，應該唔洗多介紹～而烹調方式就要睇廚師啦！　上碟相當靚，最底有一大片朴葉，四邊除左有甜薯，仲有調味既醬汁、粉紅岩盬、芥茉、青檸，中間一塊石上就係主角黑毛和牛

一向都鐘意食日本菜既我地除咗正宗既日本菜之後，有時都會揾啲特色同創意既日本料理，今次就黎到銅鑼灣既日本餐廳🤤門面都幾靚。鰻魚玉子燒($108) 蛋捲好重蛋味好滑，雖然鰻魚得好少，但隱約都會食到鰻魚既味道。和牛海膽壽司 ($108) 認真貴價既壽司，一舊仔就要呢個價錢。海膽炙燒完味道好濃郁，少少溶係塊燒到半生熟既和牛上面。和牛油脂比例較高，入口好軟滑，連同海膽同飯食係一種享受☺️蟹糕甲羅燒 ($108) 燒蟹膏上面仲加咗增芝士，蟹膏味雖然好濃郁好香，但食得多難免會有點膩。海膽忌廉汁意粉 ($188) 海膽意粉食得多，但呢個味道都係第一次試，用海膽同蕃茄炒意粉。雖然海膽味相對地係少咗，但酸酸地既蕃茄味可以令人感覺冇咁漏。三文魚親子蒸籠飯 ($128) 醬飯放入蒸籠度蒸一蒸好似變得更加香同好食🤤 成塊三文魚加埋三文魚子食落好鮮，整體都不錯。

星期日預先訂位，夜晚怕會冇位，點知上到嚟，客人唔多😅，計埋我地都只係得兩枱😅。餐廳環境好有居酒屋格局👍，清清靜靜咁食嘢最啱我😝。睇過餐牌，就慢慢叫嚟食啦👌。先叫杯吉乃川柚子酒飲先，柚子味十足，酒精唔高，可以飲好多都得🤣。再嚟日式煎蛋卷，賣相就唔得架喇🤦‍♂️，但係一食入口，蛋香味濃👍，富有彈性添😋。吞拿魚腩，只係中吞拿，魚油唔多，入口個質感腍腍地😉。3點刺身，甜蝦就大大隻，但個蝦頭好黑🤦‍♂️。帶子就好細粒啫🤦‍♂️，size應該都係s級🤦‍♂️。油甘魚魚油唔算多，魚味唔夠凸出🤦‍♂️❗️呢碟嘢偏貴喇，食多幾件吞拿魚，感覺好啲😅。味噌燒蠔，蠔有啲腥🤭，我就唔怕，好有蠔味😋，加埋個味噌燒汁好食👍。天婦羅拼盤，個粉漲唔錯，隔油做得好👍。松葉蟹肉蒸籠飯，松葉蟹肉唔算太多😉，蒸飯好軟綿綿👍，但松葉蟹味太淡，食嘅時候唔加豉油，就淡茂茂🤦‍♂️。蒸飯都係要啲味濃嘅食物，先好食啊😊。紅酒煮牛舌，牛舌輕輕一切，已經散開晒😁，入口嫩滑😋，但紅酒味唔見咗🤦‍♂️。豆腐芝士蛋糕，一啖入口就先係豆腐味👍，食食吓入面嘅芝士味就凸晒出嚟👍。

店名 てるてる坊主 就是睛天娃娃的意思☀️ 非常可愛的名字呢～ 餐廳日式木系的裝潢配上敞大的玻璃窗，有空間感之餘格調簡潔明亮，整個氣氛都很有朝氣！Open Kitchen 可以看到師傅認真地烹調食物～ 先來了一客金黃色的鰻魚玉子燒新鮮燒好的玉子蠻有厚度，軟綿綿又熱呼呼好鬆化哦，裡面包著軟嫩的鰻魚，多重口感而且濕軟度適中～ 加了一點蘿蔔泥加醬油沾來吃更提味呢接下來就是由日本直送的燒野菜拼盤色彩繽紛好豐富，輕輕烤過的蔬菜們味道香甜鮮美，健康又好吃吃完燒野菜拼盤，店員就送上擺盤十分精緻的網燒黑毛和牛西冷扒。必須要讚一下這裡上菜的速度剛剛好，很細心的一道接一道菜，可以慢慢品嚐美食。略燒過的黑毛和牛表層微微焦酥，將肉香和肉汁緊緊鎖住，內裡牛肉仍保持色澤粉嫩，脂肪比例均勻，吃起來口感真的柔嫩腴美網燒黑毛和牛西冷扒伴了多種醬汁，不過和牛本身已有濃郁牛味～ 原汁原味品嚐也很讚，入口即化，每一口都很幸福哦當然不少得這裡主打的蒸籠飯，我們選了最多人推薦的松葉蟹肉蒸籠飯用方型的木蒸籠裝著很別緻呢，風味十足～ 店員在我們面前將蓋子打開，徐徐的蒸氣慢慢散開，四周彌漫著一股清香的味道鮮甜的蟹肉配上飽滿又咸香十足的三

下雨天總掛念晴天，在這個打風落雨既天氣下，唯有去這間有晴天娃娃庇陰的日本餐廳，食個豐富的晚餐。好彩一早訂了位，七點幾到都全場爆滿，有很多walk in客都唯有落幕而回。菠菜煙肉芒果醬沙律菠菜爽脆，加些煙肉碎、番茄仔及蛋，醬汁還加上了炸蒜，清新開胃。香梅鱧魚天婦羅四件鱧魚及其他蔬菜如南瓜、冬菇及茄子等，外層炸漿又薄又脆，魚肉新鮮，肉質比較腍滑，南瓜很甜且軟。蒸和牛和牛有五片卷成花狀，不是油脂位所以油份不多，但肉質嫩腍，肉味濃郁，下面以蔬菜及菇墊底，蔬菜吸收了牛肉汁味道，為清淡的蔬菜增添色彩。海膽忌廉汁意粉意粉軟硬度適中，以雜菌及番茄為配菜，主角反是海膽忌廉汁，既鮮且creamy，海膽汁味道濃郁，每條意粉都沾滿了醬汁，感覺是為醬汁而食，簡直是整碟的靈魂。松葉蟹肉蒸籠飯以中式蒸籠原籠送上枱，蟹肉舖滿了飯面，蟹肉鮮甜，不過有少許蟹殼，另外還有些三文魚子，令平平無奇的米飯更鮮更甜。

終於食完啲中藥唔洗介口，搵埋同事一齊食返個和風午餐滿足下先搵左間我地都未試過既樓上居酒屋，午市期間有好多款set lunch可以揀職員有同我地介紹店內既日式蒸飯，中式既咸魚蒸飯食得多，呢餐一於食個 日式鰻魚蒸飯$168 既set先個set望落好豐富啵鰻魚肉嫩無泥味，經過竹籠蒸熱後更多添一份清香個set仲有籠 蒸豚肉高麗菜，肉片唔嚡，椰菜微甜，清清地都唔錯當中配有熱茶湯同配料，為蒸飯加上後，又係另一種美味既食法跟餐既蒸蛋都無失手，滑溜有蛋香難得唔洗介口，同事又肯同我share，一於豪少少叫返份 網燒黑毛和牛$288黎嘆下先真係貴少少都值得叫返份黎試下啦，睇見啲肉色已經知道正肉同牛脂既比例好好，燒既生熟程度無失手，所以食落有入口既感覺但又唔會覺得油膩，單單沾上些少鹽巴就可以令牛香喺口腔四散之後職員推介餐廳既手工甜品，見到唔算貴啵，又同左同事揀左款黎share我地要左份日式抹茶Tiramisu$50，食落質感軟滑，中層蛋糕唔會太濕，配上紅豆蓉同吃都唔會太甜，作為飯後甜品岩岩好

融合了日，意，法的飲食文化，創造出一道一道美味佳餚，觸動了味蕾。今晚的美膳又另我留下深刻印象。店名Teru Teru Bozu是否跟那期求天晴的手製吊掛公仔一樣，希望每一道菜餚予人陽光燦爛的笑容呢！柚子胡椒生蠔 $78生蠔肥美爆膏，那黏口感又不會太強烈，恰到好處，柚子胡椒的調味另鹹香的鮮甜被提升了。鰻魚玉子燒 $108蛋味香濃嫰滑，保持著濕潤的口感，捲得層次分明。配撘蒲燒鰻魚，醬汁入味，與細嫰的煎蛋交織纏綿，融為一體。照燒油甘魚蘿蔔 $128油甘魚肉質肥美，一般以刺身食用，可感受到油脂甘香的味道。今晚試了照燒的效果又另一番風味。魚質比較平實，配合濃厚惹味的照燒汁，卻有一種越食越想食的感覺。蘿蔔煮得入味，清甜。松葉蟹肉蒸籠飯 $148絲絲的蟹肉，粒粒晶瑩剔透的魚籽舗滿飯面，另人賞心悅目，手指大動。啖啖的蟹肉鮮味盡出，還滲透入每一粒飯內，那鮮味保持得完美無缺！鹹鹹香香的魚籽增加了豐富的層次感。必試的蒸籠飯啊！綠茶Tiramisu $50淡淡清悠的綠茶香，甜而不膩，口感細滑如綿，滋味！

朋友帶了我去樓上日本餐廳食晚飯 還要預先訂位 去到個場full晒幾受歡迎店員安排我哋坐吧枱，又可以睇住師傅整野朋友發板，揀晒佢鍾意食嘅嘢首先叫了一個小食：炸河蝦炸得好香脆，可以成隻連殼食好夠鹽味再加上檸檬汁就另一種味道 酸酸鹹鹹幾好味之後再想一個味增煮牛筋一上枱時已經聞到好香牛根味 食落口好煙韌好好咬呢個份量唔算多，但兩個人食啱啱好在來個炸蓮藕明太子入面夾左好多明太子我最愛又係啱啱炸起，好爽脆又夠熱再加小小木魚喺面，有三種味道上多個紅酒煮牛舌朋友最鍾意食牛舌 店員一上菜就話呢個好好味帶着好期待嘅心去食 牛舌好厚身，先切開分件 夠林食落口口感啱啱好，唔算好林都唔會好韌 最緊要個汁超好味紅酒味唔算太重，唔會蓋過牛舌本身嘅味道，啱晒唔飲酒嘅我咁大舊牛舌配呢個汁，一流再點左一個好精美嘅魚醬野菜棒一邊食牛舌嘅時候已經見到前面嘅師傅好有心機地整緊一道菜 所有野都擺放得好靚杯入邊有唔同嘅蔬菜，點埋魚醬一齊食 蔬菜夠甜加上魚醬鹹鹹地，感覺好特別特別係佢嘅粟米真係超甜，生食粟米真係第一次最後想多個主食：吞拿魚冷天使麵吞拿魚鹹鹹地再配上好新鮮嘅牛油果，加埋蟹子撈落天使麵一齊食 好好味好爽口因為係凍食，所以

銅鑼灣是多國美食的集中地，尤其越來越多的高級食府進駐該區商廈，基本上搵食可以集中在這一區。這間以Teru Teru Bōzu以晴天娃娃命名，主要以日本菜為主，但煮法中又有點中西合璧之感，食物普遍高質，不會參差不齊。鮮魚意式魚生有三文魚、吞拿魚、鯛魚及帶子，本身已經加了調味料，所以基本上都不用再點任何醬油。幾乎刺身中鯛魚味道最濃郁及鮮甜，三文魚則比較一般。味噌煮牛筋這個簡直喜出望外，牛筋及牛腩切成小粒，炆得很入味，而且肉味濃郁，入口嫩腍，是必試之一。紅酒煮厚切牛舌牛舌炆到幾乎入口即溶，紅酒汁內充滿肉香。炸櫻花蝦豆腐豆腐外面沾上了櫻花蝦再炸至香脆，外脆內嫩，豆腐嫩滑而且清新，加上鮮脆的櫻花蝦，非常惹味。香蒜和牛炒飯初時以為和牛會切粒炒在飯內，但其實是一整塊放在飯面，和牛油脂豐富，煎至表面帶點焦香，入口即溶而且充滿油份甘香，在煎的過程中部份油脂揮發，所以不會太油膩，炒飯飯粒煙韌，裏面有些雜菇粒，而且吸收了和牛油脂香味，飯爽且香。整體食物質素毋庸置疑，簡單常見的食材，以炆煮的方法做得如此出色，價錢亦不算貴，絕對超值。

呢間日本料理雖然新開張無耐，但係人氣相當高，特別係多日本嘅客人，可能因為呢度既menu有日文，而且店員亦識講日文。柚子胡椒生蠔蠔身唔算特別大隻同埋肥厚，但係配上調味之後頗為清新。鰻魚玉子燒鰻魚嘅比例都幾細下，不過食落去整體嘅味道唔錯，鰻魚同蛋味好balanced自家製酒盜芝士豆腐酒盜味道鹹鮮但毫無腥味，與creamy既忌廉芝士同香脆既多士十分匹配，每人兩舊都嫌唔夠喉呀西京燒豬排燒得啱啱好！相當juicy，豚肉嘅肥瘦比例適中，份量都唔少，所以食到最後有少少膩，兩個人分應該會比較好～值得一讚嘅係佢啲配菜好唔錯，例如個日本番薯好綿軟又好甜呀～～炸蓮藕明太子魚餅成個配搭味道同口感都好豐富，有天婦羅蓮藕嘅爽脆、魚糕既軟糯同嚼勁，再配上香蔥、木魚絲同蘿蔔茸，唔錯最後叫咗一個蟹肉蒸飯，用蒸籠上枱架分量看似好少，但係食起嚟都幾多下，喺叫咗其他嘢食嘅情況底下，我同男朋友share呢個就啱啱好。一開頭食嘅時候覺得個味道偏淡，有諗過加小小甜豉油再食，但食多兩啖又發覺蟹肉嘅鮮甜味其實幾出，加豉油既話反而驚搶咗呢個味道，再加上有三文魚子嘅鮮味，整體上都ok既。整體來講食物質素都唔錯，價錢亦都合理；環境方面，枱與

近來吃得很清淡，希望可以持續吃得健康。今晚和丁丁光顧了一家新派日式餐廳。餐廳裝潢典雅，採用黑色和木質元素結合的沉穩裝潢，在昏暗的燈光與周圍所營造的氣氛帶領之下，有著讓人一秒來到了日本的錯覺呢！翻開餐牌，除了壽司、刺身、料理，最特別莫過於還有蒸飯。⭐️生芋吞拿魚$108在生芋蓉覆蓋在醃漬吞拿魚上，灑上幾粒芝麻，配上青瓜絲和紫菜絲等配菜，吞拿魚口感Q彈細緻。帶點醬油甜美的吞拿魚配上生芋，軟滑無比，完全是天衣無縫的組合啊！⭐️蟹糕甲羅燒$108蟹蓋上放滿蟹肉、三文魚籽，配搭芝士一起吃，芝士的鹹香將蟹肉的鮮味引出來，入口盡是一絲絲的蟹肉，吃得滿足！⭐️網燒黑毛和牛西冷扒$288燒好的和牛西冷扒放在黑色石板盤上，點綴幾塊形狀不一的綠葉，旁邊提供了各式醬料，擺盤十分精緻呢！嚐一口，半成熟嫩到一個不行，肉質粉嫩，吃起來的香甜多汁，充沛豐潤油脂和甘甜肉汁在口中不斷流出，越是咀嚼肉甜香更是濃郁！⭐️松葉蟹肉蒸籠飯$148看到這盒佈滿蟹肉的蒸籠飯，已經融化了我的心！用料實在，絲絲的蟹肉和蟹腳，配搭三文魚籽和蛋絲。別以為吃起來很寡淡，蟹肉的清甜透過咀嚼慢慢滲透出來，香甜飽滿的米飯也毫不失色，吃著吃著，根本弄不清吃的

早前與係港島區工作的友人食飯, 今次我地選了食日本嘢, 友人帶我去了位於銅鑼灣的Teru Teru Bozu食飯. 我地點了鰻魚玉子燒, 味噌煮牛筋, 紅酒煮厚切牛舌和松葉蟹肉蒸籠飯. 鰻魚玉子燒. 玉子幾滑身, 而蛋中間就加入了鰻魚粒, 雙重口感. 味噌煮牛筋. 牛筋煮得相當稔身, 而且好入味, 對於愛食濃味的我就啱. 但友人唔食得咁濃味, 佢就覺得偏向咸了一點. 喜歡飲酒的朋友, 這個用來佐酒係不錯選擇. 紅酒煮厚切牛舌. 我自己好鍾意食牛舌, 一見到有相關的菜式, 就必定點來試下. 牛舌切得夠厚身, 入口時特別有咬口. 肉質夠鬆軟, 入口有淡淡的紅酒香味, 這個的味道較為適中. 松葉蟹肉蒸籠飯. 一口氣食了好幾款較濃味的菜式, 就食番一個清淡一點的蒸籠飯. 飯以一個木盒上枱. 打開後, 賣相夠精緻. 飯面放滿了蟹肉, 蛋絲, 三文魚籽. 蟹肉夠鮮美, 入口有三文魚籽卜卜聲, 多重口感. 飯軟硬度適中, 好啱我口味. 下次再來時, 要試下其他口味的蒸籠飯.

最中意試新野，對於新開不久既餐廳更加有興趣想試，琴晚就試左哩間日本餐廳，哩度仲會有西式野食，選擇好多元化。影左餐牌俾大家參考一下，有齊三種語言好pro 😂 店員安排我地坐喺壽司bar 台前面，可以近距離望到師傅們做野😂刺身盛3款 $2583款魚係餐廳指定既，係厚切嫁！見到好肥美真係要一啖擺落口。最愛當然係三文魚啦，永遠第一位！漢堡扒 $98一上枱就聞到勁香，配個生蛋可自己選擇加埋落塊扒到。漢堡扒係手打新鮮牛肉，好林同個醬汁好夾，好味到好快食晒😂鰻魚蒸飯 $158蒸籠飯真係幾特別，第一次食咁既鰻魚飯。用蒸哩個方法好健康，見到擺滿蒸籠既鰻魚流晒口水。味道清清地，唔錯呀！哩個蒸飯仲可以加入清湯變左湯飯，咁樣食都幾好味，令一番風味！香蒜和牛炒飯 $148哩個飯勁香，有和牛同好多雜菌一齊炒好好味，珍珠米既炒飯係比中式飯更有咬口，哩個飯好正！

女兒生日月, 多位朋友相邀吃飯, 是托小女鴻福, 還是父母面子大? 不用多計較, 反正有餐好吃, 有良朋, 友佳餚, 有回憶, 紀念日的意義就在這裡.​朋友和老公都在港島返工, 選了銅鑼灣大家也就腳. Teru Teru Bozu 坐落銅鑼灣新落成的商廈Aura中, 開業只有個多月, 新鮮感驅使我們選作今次的聚腳點.​簡約木系設計, 靠窗大玻璃, 日間採光充足, 晚上都市華燈四起, 各有不同的感覺.​刺身拼盤5款 ($388) 赤蝦, 三文魚, 油甘魚, 吞拿魚和帶子各三件​油甘魚厚切, 冰凍, 粉白的魚生結實而富油香. 三文魚油份不算多, 但勝在肉質稔軟魚味香濃; 帶子一開三, 清甜鮮味.​赤蝦已預先去殼, 稔滑, 入口即溶, 十分鮮甜, 吃起來也方便.​松葉蟹肉蒸籠飯 ($118) 這裡的其中一款招牌菜是蒸飯, 有多款選擇, 我們點了其中兩款. 松葉蟹飯預先把蟹肉混入飯中, 蟹肉的比例相當多, 加上三文魚子, 蛋絲, 放在方型竹籠裡蒸, 揭開時一股蒸氣上升, 蟹香四溢. 蒸飯用上珍珠米, 有口感, 啖啖都能吃出松葉蟹肉, 鮮甜中亦較清, 能嚐到蒸飯的原汁原味.​穴子竹葉壽司 (