泰肥牛海鮮火鍋菜館 (Closed)

未食過一間咁垃圾!食到好嬲!見到新開張咪同朋友去試下!入到去坐低望下MENU!價錢都幾貴!諗住好食都無所謂!但食到一肚氣!真係煮咩嫁個廚房佬．． 咖喱炒肉蟹 - 真係難食到．． 冬陰功大頭蝦湯 - 咸到一入喉巳經．．．好辛苦！飲哂成杯水！再無掂過Ｄ湯 蝦炒金邊粉 - 完全無味！仲要好似咬橡根！又無料！得Ｄ蔥，蛋同４，５隻蝦仔！＄７０ 一罐可樂　＄２４ 埋單一人要２百幾 全部野都係食兩啖！入左間野無半個鐘埋單走人！一次教訓 返到屋企同朋友都輕微既腹瀉！ 尼一餐一生難忘

平時好少落佐敦食飯，朋友說佐敦近廟街處有間新開的泰國菜館，門口經常有大量客人等位，抱住唔蝕底心態，同六七名友人落菜館試下，果然係一間好嘢。當日試了海蝦刺身，6隻68蚊，12隻115蚊，當然後者較抵，的確，刺身一上枱，唔使十分鐘只剩回吉碟，蝦肉爽夾滑，新鮮度爆燈，加上秘製調味汁，經眾人不用3分鐘的商議，即時再order多一碟。酸辣鳳爪又是佳作，怕食辣的朋友亦大叫好味，因為其辣不嗆喉，鳳爪亦好爽，50蚊大大碟，好抵食。冬陰功大頭蝦湯是我的至愛，味道濃，層次亦分明，唔會一味辣，蝦味在口中久久不散，我比100分，118蚊大大煲，抵飲又好味。青㗎喱豬亦不差，但略嫌汁液太杰，朋友話一向係咁，可能我少食青㗎喱，但味道又確實唔錯。咖喱炒肉蟹，308蚊，看似好貴，但吃着充滿咖喱香味的肥美肉蟹，感覺實在滿足，不過，食時要好小心，事關，我 就食到T恤一滴滴咖喱汁。炒椰菜苗，算是當夜較失望之作，因為菜苗比較老，不過跟老闆反映過後，極nice的老闆即時替我們換另一種菜，驚喜到而家。絕招炒花甲王，唔使講嘢，必食。炸釀珍寶雞翼，飯局尾聲已飽了九成，但實在忍唔住將雞翼放入口，食完先算咯。

今次同朋友兩個到這家開了約一個月的泰肥牛食午餐，之前都試過到這餐廳食dinner。上次試過的海南雞不太滿意，因為雞肉大老，入口好"鞋"，本來都不欲再試，但店長表示已改善，便再試一次。而朋友則點了冬蔭公豬脛肉湯金邊粉，另外再叫一個上次試過味道很特別的青芒絲軟殼蟹沙律。上菜速度很快，落單後約5分鐘便來到，海南雞飯賣相不錯，單看雞肉已比上次的嫩，入口同樣嫩滑，的確大有改進，而調味醬亦不同一般的海南雞飯汁醬，醬汁有香郁的泰國麵醬，加上生薑及魚露，十分野味。而冬蔭公豬脛肉湯金邊粉，湯底的冬蔭公是正宗的清湯底，入口不會嗆喉，酸辣度不高，作為麵食湯底十分適合。豬脛肉則以炭燒處理，香味濃郁，入口亦彈牙嫩滑。最後的青芒絲軟殼蟹沙律，上次亦試過，但今次卻不及上次好味，記得上次吃時在沙律上有新鮮的檸檬葉絲，令濃郁的沙律汁醬帶有檸檬香，入口更覺清新口感，但今次的沙律卻少了檸檬葉，令味道大打折扣。店長說這次的沙律的確少放了檸檬葉，之後的一定會加回，除檸檬葉外，還會加入薄荷葉，令味道更清新。整體上食物、服務亦不錯，是次消費約$170，扣除沙律，兩個午餐都只是$70-$80(連凍飲)

今日去葉氏湊個女放學，落樓下幫襯間新開泰菜館，個lunch set算唔錯，價錢唔貴有特飲送。店員好有禮貌，好細心，仲介紹話有燒活海鮮，好似好吸引咁，但咁早，都係下次先。我點了個乾咖喱牛柳粒飯，鮮蝦炒金邊粉，同老公兩份食，個乾咖喱夠惹味，出面好少有得食，金邊粉炒得好爽，唔會黐埋一舊舊，跟住點了個墨丸米線畀個女，個雞湯底好正好香，無味精。埋單唔使兩百。