泰國廚子

Open Now

Now Closed

今日下午來到荃灣泰國廚子，這餐廳位於悅來酒店地下，裝修環境整體尚好，叫了咖喱吉列豬扒配印度薄餅，豬扒鬆軟脆口，咖喱濃郁有辣味，比較我曾經試過多間的吉列豬扒，這間最好，值得讚賞，再試了這裏無味精的五指毛桃海底椰瘦肉燉湯，一盅夠兩人份量，真材實料，價錢超值。也點了必食的海南雞飯，薑黃飯味道正宗，海南雞皮爽肉滑，價錢合理。今日雖然餐廳顧客多，但侍應招呼周到，雖然忙碌，態度寬容，另外侍應還說晚上有杏汁燉桃膠糖水，這正是我的摯愛，晚飯一定再來光顧。

7-5-2022(Sat)同老公去另一邊送膠,然後食晏,我行經見到呢間有港式早餐,於是走嚟,但呢間明明係泰國菜,是但啦.而原本諗住呢個時間應該轉咗做午餐,但原來未轉,仍供應早餐.坐低後睇完menu,價錢唔貴,我要咗歐陸早餐中$38.00O嘅E,香茅豬扒餐配2號雞肉腸,炒蛋同蒜蓉包,飲熱奶茶.老公要$38.00嘅香茅豬扒公仔麵配煎蛋,加$3.00要凍咖啡.兩杯嘢飲到嚟,我嘅熱奶茶口感滑,茶味都ok 嘅.味道:3分然後兩份早餐都到嚟,炒蛋好嫩滑,味道濃郁,好似食到啲啲椰汁味.味道:5分雞肉腸係來貨,正常冇問題.味道:3分香茅豬扒香茅味及夠,豬扒口感ok,但比起食慣咗cafe嗰啲豬鞍扒,就食到分別,係比較乾同硬啲.味道:3.5分而蒜蓉包係好厚,蒜蓉牛油都塗得夠,好夠味.味道:5分上嚟睇返呢間,原來我哋喺2017年7月8日嚟過,食評係同係刊登嘅呢篇:https://www.openrice.com/zh/hongkong/review/%E5%94%94%E9%8C%AFo%E6%97%A2-e2819322.

港式早餐 $36都係一d 好經典嘅早餐combination, 如果住得近或者路過都係一個好嘅早餐選擇～火腿通粉正常茶記水準，個火腿係一片甘serve 而唔係切成絲。炒蛋唔算滑，略嫌乾左小小。腸仔好正常。蒜蓉包唔係脆口嘅，不過有蒜蓉牛油味，合格✅以性價比嚟講係ok 嘅，不過唔好expect 甘多，始終係一間街坊小店嚟～見到都有好多街坊落嚟hea 時間睇報紙~36 pp (breakfast)味道：2/5環境：2/5性價比：3/5回頭：⭕️

是晚出去玩完，只想找一個可以不用等的地方食飯。路經泰國廚房，看見室外區域不多人就決定食佢啦。餐牌名叫泰國廚房，但食物偏向多國菜，3個大人+1個小朋友，決定叫3款不同食物一起食。蕃茄焗豬扒飯($56)蕃茄酸甜開胃，重手芝士，豬扒軟身，味道算不錯。鐵板雜扒配薯條($88) 叫了黑椒汁，汁比想像中辣，雜扒有雞扒，牛扒，豬扒3種扒，黑椒汁會上枱後再淋，好有小時候去食大餐的感覺。如果可以有小許菜就更正咖喱牛筋腩($68) 配薄餅(+$8) 辣，配薄餅食好味，有4-5舊牛肉，牛筋腩軟身，味道不錯。椰汁紅豆冰(特飲+$6) 紅豆足料咸檸檬七喜(特飲+$6)送上一罐汽水自已斟生薑蜂蜜(特飲+$6) 一飲成身暖晒，冬天飲不錯最後埋單

發現隱世泰菜，荃灣區無乜泰菜選擇，途經附近便入內幫襯，炸蝦餅，咖喱牛肋骨，菠蘿炒飯，非常出色！和老闆傾談後，老闆人又好，又健談！而且發現原來此店已開經開業十幾年！還有啤酒Carlsberg飲，此店會成為我的聚腳地！

今日因為有野係呢頭做所以去左悅來坊搵食，見間日本野冇BB櫈所以入左黎。入黎先上openrice睇評語就知伏味濃...點左香茅豬扒同雞扒飯，上菜速度一般，但未有其他評語般咁慢。兩碟飯既份量都算大份但味道好一般，基本上都冇香茅味，好彩冇叫其他更貴既野食😅另外，最普通不過既凍奶茶味道非常淡，好難飲下。不過佢有BB櫈我無奈接受。目測餐廳都坐滿人，唔知係街坊定係好似我咁咁岩路過。我基本上都應該唔會再入黎食，主要係因為杯凍奶茶太難飲🤧

1.員工對menu唔熟悉，完全冇辦法回應客人嘅問題(早餐炒蛋轉腸)，要客人另外選擇其他餐2.客人叫餐之後冇即時落單，叫咗餐大概五分鐘左右要求我轉枱，聽到員工對收銀員講“個客轉咗枱要改返張單”，收銀員竟然話“放心我仲未落單”3.一邊食一邊聽到啲員工對枱號完全唔熟悉(落單枱號重複、送錯餐)4.水吧太慢／漏單？我食完個早餐，野飲都仲未到，距離落單時間已經四十分鐘5.收銀員連客人已經比錢走咗都唔知，上一位客人放咗單同錢係收銀台，我拎住單同信用卡係收銀台排隊，收銀員以為上一位客人張單係我6.我拎住信用卡明顯係想要比信用卡，但係收銀員表示因為上一位客人用現金所以撳咗現金交易要我比現金，平時唔帶現金出街嘅我好彩今日咁啱有現金係身，如果冇嘅話我點比錢？7.收銀員冇睇單／冇睇客人比幾錢？我比咗$42收銀員，冇找錢，上到車先醒起我張單明明係$41(早餐吉列魚+碎蛋蒜蓉包$38凍飲加$3Total$41)

同家人食過數次，青咖喱、炸蝦餅和蒜蓉包非常出色，因為真係幾香幾好味道。尤其炸蝦餅有點有泰國嘅感覺，而串燒(雞，豬）同炒通菜都OK。但海南雞飯啲雞就比較生同油飯唔夠椰香，但豬扒蛋飯個豬扒就好正，比較prefer豬扒。食物出枱嘅時間都頗快，落單去到第二樣嘢樣有得食唔使10分鐘，且仲非常之熱辣辣。唯獨嘢飲差啲紅豆椰子冰同椰青都麻麻。因為住在不遠，坐嘅位置都幾舒服，仲有singha、象等泰國啤酒飲，冇旅行去都可以回味下泰國嘅時光。有時間會再和家人食。將來如果可以收AE卡就完美

附近行過，突然想食泰國菜，就入去試吓，點知原來係一個惡夢嘅開始......想叫海南雞飯，因為無黃薑飯，最後放棄了。叫咗馬拉盞通菜，但其實係蝦醬炒通菜，得個咸字。冬蔭功，拼盤，炒金邊粉都係完全唔得。唯一個辣椒膏炒蜆叫好少少🤏🏼成餐飯食咗1個半鐘，個金邊粉催完再催，等咗45分鐘先岀現，但最後係無色無味一餅餅粉。全晚最欣賞係個椰青。。。。。。。。。。最後埋單時個老闆？話：個金邊粉等得太耐？我自把自為，俾咗個折你（9折），希望你滿意其實，只係免加一囉。。。。多謝哂。。。。呢間絕對無下次，Black listed!!!

我們一行三人於10/1 早上10:30左右到達餐廳，共叫了三個早餐。一）豬柳漢堡 炒蛋 薯餅 （$33）：普通，不過不失。二）吉列魚柳 蛋白沙律 蒜茸包 （$38）：魚柳熱騰騰，不錯之選，蒜茸包有點油。三）牛油熱香餅 （$12）此為特價之選，沒有飲品：熱香餅不熱，像是叮翻熱的，塗牛油也不太溶🥲此餐廳出餐比較慢，樓面職員眾多，但禮貌一般；食物方面，普遍的食品不太熱，也沒有一些像麥皮或通粉等熱點，有點令人失望，唯只是較抵吃。

茶餐時間唔知食乜好，就隨意揀左呢間食。茶餐可以揀既食物都好多款式，價錢就由最平既15蚊三文治，去到68蚊海南雞都有，供不同人選擇。點左個香茅豬扒蛋飯，$45一客其實感覺就普普通通，豬扒都幾薄下，味道就真係認真一般，唔係太值呢個價位。另外凍飲要+3蚊，仲有10%服務費。（除左過黎落單，同傳菜，都無乜點感受到佢地有咩服務），呢間餐廳感覺比我覺得好似普通茶餐廳既感覺一樣，不過算啦，其實現時根本上好多餐廳都係甘。如果要再揀，我未必會再選擇呢間食茶餐。

昨晚約咗幾位朋友第一次去荃灣的泰國廚子，心諗於酒店內的餐廳不會太差，可惜原來食物水準好一般。最驚喜的就是第一次見到餐廳內坐了不少食客其間，突然有位員工推了一個人咁高，同垃圾站見到一樣的綠色垃圾桶穿疏於食客枱間，然後進入了廚房，當時見到有些食客還要起身推入張椅讓垃圾桶過，可想而知垃圾桶與食客拒離不足幾吋。過了幾分鐘，員工又把垃圾桶從廚房原路推走。真是大開眼界，食物有幾好食都好，已經即時反胃，沒有下次。

突然想食泰國野，當時喺荃灣附近就黎左呢間泰國廚子食。三個人叫左四樣野，分別係生蝦、豬肉生菜包、炒金邊粉、燒豬頸肉同兩杯野飲。生蝦最好味，朋友話有時食完生蝦會肚屙，今次冇，應該都算乾淨..😂😂然後係生菜包，生菜包d肉好少，得一碗仔，如果包多少少的話應該四五塊菜就可以用曬d肉了，d肉碎肥肉比較多，食落係juciy d滑d，但就有d漏，炒得比較濕，乾身少少應該會再香口d...炒金邊粉同燒豬頸肉都冇乜特別，個人認為不過不失，野飲方面都冇乜特別，環境一般，朋友話似茶餐廳多過似泰國餐廳，😂😂😂又好似真係冇乜特色～態度就麻麻地啦...埋單五百幾，四樣野餸兩杯野飲，感覺上性價比唔高...因為唔係特別好味..

泰國特式船河（$58）：分別有3款豬牛雞.A.豬肉丸、豬頸肉B.牛腩、牛丸C.雞絲、雞翼全都有配炸豬皮銀芽金不換牛腩有2-3件可能牛丸無物轉左牛筋4-5件仲有蘿蔔3-4件配料份量多仲有大量炸豬皮湯汁好濃郁嘅老滷水味，鹹度適中牛筋吸晒滷水汁入口煙韌之後慢慢化開.好好味蘿蔔好濃郁嘅湯汁味帶清甜.海南雞（$62）份量有4分一隻，肉質嫩滑，海南汁中嘅辣汁好惹味.辣得嚟帶少少甜味.薑飯好濃郁香茅味.湯竟然最好味！湯汁好清甜.

大年初一荃灣好多餐廳都關左門，經過悅來坊時見到露天座位有客人喎！姐係呢間餐廳有開舖啦，即刻入去食下午茶先餐廳有室內室外，基本上個個都選擇室外，天氣涼涼地坐出面幾舒服！不過怕吸二手煙的人就避免坐室外，因為好大機會旁邊有人吸煙下午茶除左有泰式粉麵飯之外，還有港式多士/3文冶/雞翼餐等，價錢實惠 ！我叫左 『泰式肉丸 金邊粉 配秘制清雞湯 』加$8 青檸梳打，雖然係下午茶但一點都唔姑寒，有成六粒肉丸，好彈牙，金邊粉幼身但不算滑囗，相當抵食！