泰潮

Open Now

Now Closed

之前一直有幫襯開泰潮，因為多食品選擇，價錢又唔貴。可以食麵又可以食飯。但今晚去到，成個餐牌都唔同咗😮‍💨 少咗好多食品選擇，價錢又貴咗少少。雖然招呼仍然幾好，但太少食品款式選擇了…. 之後想食少啲嘢，又想食湯麵的話，又少咗一間揀🫠 科學園及白石角已經少好嘢食，咁又少咗一間了。

滑完水之後，唔知食咩好，就近近地食呢間泰國嘢，都好耐冇食過。雖然住得近，但係都好少專登行過嚟一期呢邊食嘢。既然小食梗係一食嘅話就食得豐富少少，嗌咗豬髀海南雞飯豬鼻都炆得幾腍亦都入味，啲豬皮滑嘟嘟補充番啲骨膠原。雖然係雙拼，但係個海南雞都冇Hea都係比雞髀位另外加隻雞翼。雞翼就入味咗少少，但係基本上個海南雞都係合格嘅另外豬鼻嗰啲酸菜同埋嗰啲泰式醬料都好好送飯，如果個份量可以多番少少就更加Perfect啦。另外值得一讚個龍眼冰，唔太甜仲要係碎冰，尤其是畫完水之後再飲番杯凍嘢，真係超爽皮。環境方面鄰居就覺得有啲熱，但係涼住冷氣有少少陽光曬入嚟我就覺得唔錯。

Lunch time 係科學園，間間都勁多人，見呢間環境都ok，一於試下佢！職員手腳好快，無論執野速度定上菜時間👍🏻食物方面叫左個船麵$38，麵有唔同選擇，例如粉絲、米粉、金邊粉等，另外需要至少加兩款餸，每款+$10，今次叫左蝦球同豬頸肉，賣相算係咁，配料有芽菜、韭菜等，湯底都幾濃郁，但味道上比較港式，唔係泰式船面既味道！蝦球都算彈牙，有3隻，但冇乜味道，明顯用水烚完再放落個麵度😂豬頸肉就不過不失啦，都有5塊左右，不過食落有少少豬臊味🙃（以上價錢未計加一服務費）

科學園分店湯底完全無味，似足白開水。唔知胡椒豬肚去咗邊度？待應話個湯有時會比較淡味 。點解廚房唔試啱咗味道先。榮獲2011-2020米芝蓮？不外如是，冇下次啦！差差差差差差差差差差差差差差差差差差差差差差差差差差差差差差

試過咁多科學園嘅餐廳，第一次嚟呢間泰式嘢，總結飲品好過嘢食。叫咗個菠蘿炒飯，忘記影相，好一般。之後點咗個冬陰功味媽咪麵，啲麵好腍，又忘記影相，真的非常唔建議叫。之後叫嘅兩杯嘢飲反而好味，椰味非常濃郁，好唔錯。而生菜包就不過不失。

不是第一次到泰潮吃東西，以往曾吃過午飯和下午茶，覺得海南雞飯和船粉味道不錯，價錢合理，吃晚餐是第一次。這晚一行二人，點了兩個晚餐。晚餐附小食，可以選上湯是時蔬或木瓜絲沙律。我們都點了上湯時蔬，上湯比較清淡，蔬菜是生菜，還有些紅蘿蔔粒，味道還算可以。一份主食點了泰式滷水豬髀飯，這飯令我有點失望，因為感覺不太正宗。在曼谷吃了許多次的滷水豬髀飯，滷水汁很香，而且是稀稀的，一點也不稠，豬髀則煮得肉質軟爛，盡吸滷水汁精華。這滷水豬髀飯，雖然豬髀肉也算嫩滑，但那滷水汁卻像廣東菜的芡汁，沒什麼滷水香，質感也有點稠。另外，在曼谷吃的滷水豬髀飯，不會有豬腸，這飯除了豬髀肉，還有豬腸。後來我再看看餐牌，照片中確是有豬腸的，是我點餐時沒看清楚，不過這也給我不夠正宗的感覺。另一主食點了牛筋腩、蝦船粉湯底米粉，這船粉為今天的晚餐挽回不少分數。湯底雖然和泰國的船粉湯底還有點距離，不過還算是正宗的，米粉是地道的泰國米粉，蝦只有兩隻，不算大隻，幸好肉質爽口彈牙，牛筋腩有幾塊，味道也不錯。若再光顧，還是點海南雞飯和船粉就好了。飲品點了凍檸檬茶和凍泰式奶茶，檸檬茶是一般的水平，泰式奶茶有泰國風味。另外想一讚這店的侍應，她

放工買飯返去食，想叫蠔餅剛好無晒，見前台姐姐好好介紹，唯有改豬頸肉繼續買。主要嚟喇，個黃咖哩蝦晚餐九折後79蚊，呢個餐犀利，首先餐要薄餅但俾錯白飯，跟住個蝦只有四粒，尺寸見圖。豬頸肉正常，但出面買急凍嘅會厚切啲好味啲。青木瓜絲過辣。成餐唯一正常係……個咖哩汁。不過又無咗個薄餅點。我唔明，其實洋蔥同青椒好平啫？點解都得幾粒？個餐嘅包裝仲多過食物本身，令人大開眼界。零分俾攪到廚房諗呢啲縮數嗰位。食到成肚氣，而家好肚餓。

泰潮係米芝蓮推介食府之一所以食物嘅質素係有保證亦都係好食之選不過可惜今次體驗麻麻🙀平時食開冬陰功湯粉今次試咗個泰式全餐湯粉食物質素也下降，及食物處理不乾淨泰潮全餐湯粉（鹵大腸，雞絲，扎肉，豬頸肉，肉碎，牛腩筋，鴨絲，豬肉丸）全餐有八款食物，款式多冬陰功湯底👍👍保持水準佢一共有四款湯底，四款麵選擇食評可惜如下👨‍🍳牛腩臊味較重🙁不是雞絲，是雞肉，又重雪味☹️紮肉散散地，無口感D牛筋有毛毛（好似鼻毛😰）重要一枱6人，有2份都有毛毛下次都係食返冬陰功湯粉算另外就係推薦海南雞😗😗

講真科學園真係冇乜好食。呢間泰潮算除咗M記以外嘅最好食。佢嘅深水埗分店拎咗米芝蓮，所以喺沙田分店嘅門口，都有大大隻米芝蓮公仔喺度。今次呢就堂食試咗佢嘅，冬陰功河粉。個河粉呢唔似我哋酒樓嗰啲河粉咁一條條，而係一卷卷，幾得意。唔知係咪泰國某啲個地方先會係。因為我記得喺曼谷食嘅河粉，都唔係咁嘅樣。個冬陰功湯底都幾好食，同好開胃。仲有四五隻大蝦，啲下都幾爽口同大隻。唯一唔好就係，都未食完就想收走你隻碗。。

去開科學園叉電車，都會想起「泰潮」已經食過三次，唔貴又好食😬😬今次四人食晚飯，可以叫多啲野食，泰國嘢我就最鍾意生菜肉碎包、冬陰功湯，我女最愛粉麵飯😬😬，另外加泰式鳳爪、春卷

午餐口淡淡 想食吓泰國嘢見到呢間野 大大個米芝蓮公仔 二話不說 即刻試吓佢泰式蛋包金邊粉色水好靚 味道酸酸甜甜 好開胃粉質煙靭 份量幾多 一個女仔食唔哂泰潮全餐湯粉揀咗河粉 冬陰功湯底河粉好煙韌 一卷卷禁 好得意湯底 略嫌唔夠辣 不過整體嚟講都好好味而且鴨肉雞肉 份量都幾多泰式奶茶 跟餐加凍飲$10 小冰都好多冰 味道方面 有啲香草味 茶底夠濃泰式咖啡 跟餐加凍飲$10同奶茶一樣 有啲香草味 個人喜歡奶茶多啲香茅雞翼 跟餐加小食$12上台唔夠熱 唔脆口

喺科學園返工，食麵就一定會揀啲間，不嬲鍾意食開酸辣野。辣🌶🔥之前食開啲冬陰功湯，湯底都唔好飲，一係就好多渣🥹呢間話晒都係米芝蓮👍👍，佢個湯底唔算好濃味，但係味道又好足夠😋😋平時食開lunch，加個飲品要成10幾蚊，所以一向都好少加。今日難得同啲同事食dinner🤩，又有個優惠套餐，一碗湯麵🍜，一杯嘢飲🧃，一份小食😋😋（註：圖中為3份）佢啲河粉係一卷卷甘，都係金邊粉最好食⚠️⚠️千祈唔好加$10加配料因為會冇咗佢上面啲海鮮，冇咁抵食

🍜 泰式船粉 $55（豬肉丸、肉碎、通菜粒）有3大粒豬肉丸🍡，彈牙啖啖肉，湯底好濃郁、甜，鍾意佢有加通菜😝，如果系成條通菜唔系粒就更好，香葉都幾多🥬✨灣仔新店開張，試業中仲有9折，座位唔多，上菜快

平時都有叫開海南雞飯轉雞翼, 雖然要加十蚊不過都有5隻(通常3隻中翼2隻翼頭), 今日打完風下午返公司買外賣返去食, 坐低打開個盒, 竟然得1隻翼頭2隻中翼!!! 會唔會過份咗?

[ Thai Chiu | 大埔 ]New Thai Michelin recommended restaurant at Science Park! Very long lines with lots of people on lunch times weekdays so I recommend going on the weekend. —— —— Thai Chicken Soup $55 with the choice of two toppings and noodles. Order with shredded duck, shredded chicken and pad Thai noodles. First off, the soup is so intensely flavorful! Love that rich aromatic taste of celery. It’s very clear and light but carries a lot of flavor and I can drink it by the bucket! Love the addi