泰潮

Open Now

Now Closed

113_foodie_🧡🧡🧡泰潮 Thai chiu 🧡🧡🧡Lunch time唔知食咩好，見到呢個有米之蓮推介即刻衝咗過去試吓先🙈🥵作為一間泰國餐廳，梗係要試吓佢嘅咖喱啦🤣🤣🧡泰式青咖喱薄餅 $60🤩8/10今次小編就揀咗牛筋腩青咖喱，一嚟到就聞到咖喱有好香嘅椰香味👻👻作為一餐健康餐（因為有好多蔬菜）佢真係好正❤️成個咖喱好香好濃味，但如果啲牛筋腩同啲蔬菜煮耐少少就可以令到兩樣嘢都更加入味啦🙈Overall 個Lunch set好正，$60就可以有一個正宗嘅泰式嘢食🫣額外加多$8仲有杯正宗嘅泰奶添______________________________味道😋: 8/10環境👀: 8/10服務👨🏻‍🍳: 7/10抵食💰: 8/10

晚餐外賣已是疫情之日常，不是所有食物外賣是可入口的。這間是在科學園裏邊，外賣自取八五折，晚餐是主菜再加錢先有嘢飲或者小食。加錢小食份量比較少，雞腳只有兩三隻一份。海南雞飯味道也很好吃，油飯不是太油，啲雞幾嫩滑。滷水豬手飯，除咗豬手仲有豬腸+1隻蛋配白飯，酸菜不多。泰式金邊粉隻蛋一打開好似好假，味道一般。青咖喱牛腩配薄餅，咖喱唔辣汁液比較稀，四舊牛腩兩舊茄子。炸蝦餅$60/兩件-味道也彈口，外賣等15分鐘。可以提早致電落單。$25四件椰汁西米糕/大菜糕/千層糕，味道唔甜，泰式甜品

今天要到大埔辦點事，駕車經過科學園，就在這裏吃午飯。在一期泊好車，發現一間新開的泰國菜。地方好開揚，半開放式，也能看到出面的樹木和陽光，感覺好舒服。下午茶餐都幾抵食，而且，好難得有我喜歡的潮式粿汁。潮式粿汁：有豬肉丸、豬肚、豬腸……每樣都好味，炆得夠稔。粿條好正宗，又滑又爽。最初看到是白湯底，有點失望……因為，在泰國和星加坡，是黑色的滷水湯底……一飲……真驚喜！原來是胡椒湯底，微辣，夠熱。這個好好味！Honey就點鹵水牛筋腩飯這個有點失望。雖然牛腩牛筋的份量不算少，而且炆得夠稔。但是，那個汁「杰撻撻」，沒有鹵水味。而且溫度不夠熱，溫吞吞的。兩杯飲品，除了泰式熱檸茶，加$12轉三色冰。這個三色冰好喝，不太甜的，爽甜爽脆。加$12，可以換小食。我換了兩條春卷，剛炸起，好脆，裡面是蔬菜絲，都幾抵。但是，豬頸肉沙律，只有兩片，凍冰冰……麻麻地。科學園的新店，整體不錯！不錯！