泰椰子

Open Now

Now Closed

一家人出外食飯，有人提議去食泰國菜，所以就選擇去位於黃竹坑南朗山的熟食中心，這裡小小的一個熟食中心已包含了數間泰國菜館，而我們這次選擇了在地下的泰椰子。來到的時候經已坐無虛席，所以店家將客人安排到附近已關門的餐廳外用餐，這令到整個市場地下都是這泰椰子的天下。咖哩軟殻蟹，眼下眾多食客，大多都會點一客，所以我們都點來一嘗究竟，首先這咖哩是不辣的，不像外面的咖哩，雖然沒有辣味，仍然都充斥著香味。蒜蓉包是跟咖哩軟殻蟹的，熱騰騰的蒜蓉包香脆，店家毫不吝嗇添上蒜蓉，再沾上香味十足的咖哩，簡直是其中一樣人間美味。

呢間泰國菜無論係兩個人定一大班人嚟食都會食得超開心！ 係香港要食泰國菜閒閒地都要二百幾三百頭！ 呢間泰椰子性價比超高，盡情食每人都係百幾蚊😃 一大班朋友最開心當然係可以樣樣都食到啦！ 兩個人食一樣開心，因為價錢唔貴， 所以都唔洗就住就住叫✌🏿😂介紹下先， 必叫系列有生蝦，生菜包，咖啡牛腩配薄餅，海鮮冬蔭公湯，冬陰公鱸魚煲，椰青，龍眼冰.....其實所有嘢都好好食🤤🤤好地道呀～地點係黃竹坑地鐵過天橋就到！ 都算方便呀。 小提示， 由於太旺場， 7:30/8:00去到可能要等下架～唔想等就建築7點前去到

南朗山街市係少數仲未裝冷氣嘅街市不過夏天嘅晚上人氣依然旺盛全因呢度有幾間出名嘅泰菜餐館而今日要試嘅就係位於地下嘅「泰椰子」！兩口子嗌左一個黃咖喱牛($60)再加份薄餅蘸黎食咖喱唔係超辣果隻 不過都相當惹味 而牛腩嘅份量亦都足夠不過個薄餅略嫌有啲油 不過蘸埋咖喱汁食就無問題～另外當然要嗌多個椰青($35)解解渴啦 清甜之選 正呀！

朋友成日話黃竹坑南朗山熟食市場嘅泰國菜好食, 今晚就襯住天氣未太熱就同屋企人去試吓! 今晚果度人唔多唔需等位, 叫完餸唔洗十分鐘就陸陸續續咁上菜。咖哩炒軟殼蟹配蒜蓉飽$148 - 個咖哩汁色水都唔錯, 味道都可以, 如咖哩味再重啲會更加香!軟殼蟹份量亦唔少略嫌有點燶蒜蓉飽好夠蒜蓉味好香脆 配埋個咖哩汁一齊食係絕配另外再叫咗個薄餅嚟配個咖哩汁, 薄餅唔油夠乾身, 好有奶酥香。泰式肉碎包$55 - 辣度適中夠晒野味生菜亦夠新鮮泰式生蝦$98 - 係熟食市場食生蝦好似有啲搏, 好彩佢嘅生蝦都新鮮夠爽夠彈牙泰式蔗蝦$68 - 炸得都唔錯, 沒有油膩感, 蝦膠夠彈牙, 咬咗幾啖蔗蔗汁都幾清甜整體來說食物都唔錯! 冬天的時候會再去

突然想食個甜野，就落左街去熟食中心食個芒果糯米飯。呢間泰國野雖然係熟食中心入面，但係d野食嘅味道一d都唔差，仲好過有d出名嘅泰餐廳不過今次我剩係叫左芒果糯米飯食，因為只係想食甜野。雖然無華麗嘅外表，但係有內涵！糯米飯超軟熟仲帶有椰香，重要唔係凍冰冰架，配上泰國味道嘅芒果，好想去一轉泰國食野🤣雖然呢到係小小遠離左市區，但係都好旺場，黎開黃竹坑嘅朋友可以入黎一試泰風味！價錢一d都唔貴，始終係熟食中心入面呀嘛

我一向好厚度 ， 食物唔好味一定唔會留言 ，但今次真係超受氣，決定留第一個劣評。 話說今日路經南朗山道熟食市場一入門口就見到呢間泰國菜， 於是決定買外賣試一試。我買咗一個泰式肉碎炒蛋， 當時只有一枱客，我 order完坐低等咗一段時間，一個紫色衫中等身材黑眼鏡嘅泰國女職員拎住個外賣盒走過嚟， 於是我上前問呢個係唔係我嘅外賣， 佢竟然大聲一喝「 坐返低啦!」我大感驚訝， 一來因為佢好惡好冇禮貌，二來因為現場我淨係見到我一個等外賣， 於是我問另一個泰國男職員， 但佢完全冇應我。 剛才個女人見我問第二個， 佢又走埋嚟大大聲咁講「 你好趕呀，趕時間就退錢啦!」 因為佢態度極差，於是我就應佢：好，退錢啦。 但佢又大大聲反口咁話「 入面炸緊啦，冇得退」 於是我就問佢，我要嗰樣唔係咋ga喎， 佢完全冇應我，之後佢就開始講泰文不停念念有詞， 整個過程佢都好大聲，其他職員都見到但完全冇任何表示。 我由坐改咗做企喺度等， 係等期間剛才個女人有意咁撞咗我兩次， 到最後終於等到外賣， 由嗰個女人拎畀我，佢拎畀我嗰陣仲要拎個尾彩大大聲話：買外賣趕就去樓上，唔好搵我哋。 我自問全程冇乜出聲表情平和， 但嗰位職員不

星期六晚還早，一坐下來問蝦餅魚餅可拼嗎，侍應態度惡劣咁話六十八唔抵，自己寫單啦，然後掟底紙筆走左，好啦，諗好食乜落單，40分鐘後來了前菜，一個半鐘後嘅呢一刻所有菜都沒有來，追了兩次，她們話未煮，只問取消好嗎？完全沒意願煮。我老公再追佢好唔耐煩咁話係咪要買單啊，取消啦好唔好啊，人都癲只叫你取消張單同埋問你係咪買單根本就唔想理會顧客嘅感受，我哋唯有唔食，男士應仲繼續問究竟有啲咩係嚟咗㗎，薄餅嚟咗未啊，啤酒嚟咗未啊，真係人都癲，成功激嬲左我地兩公婆，男士應繼續態度惡劣，跟他們大吵一場後我們買單離開了。好不愉快的星期六晚餐，我們唯有再去香港仔找東西吃了。全世界最差嘅餐廳千祈唔好嚟啊。

今日南區一天遊，到了晚上回程時，係黃竹坑站個熟食巿場試咗呢一間泰國嘢。我哋就覺得呢間餐廳性價比非常之高，平均每碟餸都係大約＄50-60左右，雖然係大排檔，但衛生程度非常之高，摸落去嘅碗碟感覺到佢真係有洗乾淨先俾客人使用。首先我哋就叫咗個海鮮冬陰公湯，材料非常充足，味道酸酸辣辣，用餐前飲呢個湯就最正喇！之後我哋點左鳳爪沙律，爽爽脆脆，味道ok la，雞肉濕炒河就比較多油，吃完後有好大的罪惡感，下次都係食菠蘿炒飯，炒通菜個味道非常之好，不油膩而且分量十足，下次會再encore。

自從上星期到泰國回來後，一直念念不忘泰國既美食，但奈何香港仔淨係得一間泰國餐廳，而且又貴又多人食，所以唔太想去由於而家南港島綫開左既關係，就多左架小巴直去黃竹坑地鐵站，又方便左我去尋食，呢間係同事推介既，因為我成日都話想食一行三人去食，點左三個菜，第一個係泰式炒金邊粉，我既最愛❤️，所以我食左先醒起唔記得影相😂話明最愛，當然係好食啦⋯⋯首先，炒得夠味道，酸酸甜甜，好味又似足泰國食過既，無得頂❤️第二個係鐵板蠔餅鐵板上滋滋聲，蠔又夠多，基本上食一大塊已經好飽，再點埋個辣醬，絕呀❤️第三個係咖哩炸軟殻蟹呢個係必叫呀！首先佢會配埋個蒜蓉包俾你，係脆既，然後配埋個咖哩汁😆👍🏻汁好多，送埋飯都得，食到最尾，佢仲會送個甜品俾你食❤️❤️❤️LIKE🙈

中午放lunch 唔知食咩好就去左熟食市場上面食有好多間泰國餐廳. 就隨意坐底，叫左知海南雞飯。真係好多雞，好大碟。味好濃，唔錯。作為一個lunch 快食，就算不過不失。

其實以前都有黎食過，都覺得唔錯，特別係燒豬頸肉，十分香口。但可能太多人推介及地鐵通車後，生意好好。環境衛生及態度都變得好差。本身琴晚去完海洋公園，諗住近近地行過黎食泰椰子。黎到叫左3位，職員比左張兩人枱我，執枱既時候仲掃左兩塊雞皮係地下，張膠櫈又濕既，兩人枱放4個餸都冇位放自己個碗啦！我見到有張4人枱，就同職員講不如比張大小小既枱我。佢叫我等等，之後過左5分鐘左右，我同第2個職員講。佢又係唔理我。之後我地就執野走左去上面食。我保證以後都唔會食依間泰椰子。

之前友人好介紹黎試食，8點去爆到七彩，心諗有冇咁跨張，唯有走人。今日決定早點去試食，6點出發，去到未7點都爆咗8成，點咗幾味普通小菜，泰式炒通菜，咖哩蟹汁炒雞，薄餅，肉碎生菜包，鐵板蠔仔餅，真係幾好味幾地道，個炒通菜幾有驚喜，用咗D細細粒蝦米仔炒，好香口，好過香港仔某間店，用水烚完炒，水汪汪咁，鐵板蠔黎到d聲仲嗞嗞咋咋，好有熱力，蟹汁咖哩雞，汁好濃郁美味，配蒜蓉包可吸多些汁仲正，但雞肉冇咩味咁。配埋飲品，埋單350元，人均消費120元，算合理吧！因廚房得一廚師，出野會慢，但慢功出細貨，想試下朋友要早些和比些耐性，可先叫一些可快上的小吃，如泰式鳳瓜和飲品吹吓水一路等。還有好多想吃的，食吾到咁多，下次會再試。

I and my friends have been to Ocean Park for wine and taste festival. After that, we would like to have Thai dinner. We went to this restaurant. There were so many people for having dinner here. We were arranged a table quickly and with a polite manner. All staff here was nice and friendly although they were all hectic. We ordered five dishes: raw shrimp, salad, yellow curry chicken with garlic bread, tom yum kong seafood soup. All were tasty and large plate. We were full afterwards and highly r

平日行返屋企見到黃竹坑熟食中心多左好多人幫襯，可能因為南港島線通車的關係。平時我都係下午去飲杯奶茶叫件西多TEA  下，晚餐就當然要豐富啲。今晚就帶左爸爸媽咪黎食泰椰子，一聽個名就知係食泰國野。食泰國野我一定會叫返個椰青的，仲一定會用匙更𢳂晒啲椰肉黎食添，呢個椰青夠晒大多汁。沙嗲一碟有豬同雞，各3 串。個醬味道麻麻，唔夠花生味，而且豬肉無味，有點失色。泰式木瓜沙律，呢個好好味，炸花生同炸蒜片好香口，柚子鮮甜，沙律油酸酸甜甜好醒胃。炸春卷個皮太厚，入面無乜料，味邊一般。馬拉盞炒椰菜苗有鑊氣，香口惹味，椰菜苗青甜爽脆。推介另外仲叫左碟濕炒牛河，無影到相，我估佢比錯左豬肉我地，豬肉又係無肉味之外仲要有雪櫃味，真心伏。 成餐飯最貴的粉絲蝦煲，粉絲入味，兩隻大蝦開邊，有大量蝦羔，呢個有驚喜。埋單五佰幾蚊。好多住香港仔的朋友都話泰椰子好好味，令我有好大期望，結果不過不失啦，都可以再幫襯的。

此泰菜位於黃竹坑南朗山熟食市場下層。當晚7點到達已經人頭湧湧。餐牌走樸實路線。飲品價錢正常。每次黎到都整杯青檸梳打泰式金邊粉 $45 每次黎都會叫，份量十足，蝦仁大概有6-7粒，舖左好多花生碎上面。酸酸甜甜，都幾醒胃沙嗲3豬3雞 $60沙嗲串只有豬和雞的選擇。之前食過串燒肉質可能過了火喉，今次再試進步左食落都仲有肉汁、豬肉易咬，醃得入味。正當掙扎要鹽燒魚定明爐魚時，突然好想沾呢個辣汁，加上鹽燒鰂魚$88 平40蚊所以就加多個蝦餅$40蚊ja…炸粉唔厚彈牙香口，沾辣汁比酸醬更惹味！2人食左4碟，2杯drinks ，埋單$24x南區泰菜推介！