Thai Cool

Open Now

Now Closed

呢間外賣舖頭仔細細，今日就試一試佢個胡椒豬肚雞腳湯佢個湯底十分濃郁，胡椒嘅辛辣香氣融入左係個湯到，帶來左一種溫暖感覺。豬肚同雞腳則提供左豐富的膠原蛋白，令到個湯更加美味。煲到柔軟嘅豬肚、雞腳，同埋胡椒湯辛香嘅味道。三者結合了豐富嘅口感，味道濃郁又滋補。如果係冬天可以食到一個咁樣嘅胡椒豬肚雞腳湯，簡直係天下美事。可能唯獨有少少缺點嘅就係，佢嘅雞腳煲到相當之淋身，一入口就成隻雞腳散晒，呢啲絕對係佢嘅扣分之處。

泰式豬軟骨飯（$40）豬軟骨份量不少，味道不錯，醃得好入味，而且煮得好腍，一啲都唔嚡，軟骨位又夠爽口。黃薑飯味道欠奉但夠乾身，好在有豉油同薑蓉，仲有泰式辣醬（頗辣但接受到），用嚟點豬軟骨提升味道層次。另外奉送紙包飲品一盒。如此價錢，有飯有嘢飲，份量足，味道又可以，抵食。

幫襯開都係食雞排/雞翼冬蔭湯金邊粉又唔覺得差wor, 30幾蚊一大碗粉，湯底ok，雞排ok，算係咁啦？但佢最平果個清湯雜錦河就真係麻麻其他野冇食過，不予置評自屋企樓下買碗粉填肚，都唔會太高要求覺得味道真心唔差，食得過當然唔好同九龍城果啲好出名既泰菜餐廳比，亦唔應該咁比

其實食過幾次泰Cool 無論飯,麵同炸物都令人好失望！飯類分別試過海南雞，雞翼同腩肉飯。海南雞有陣冷藏味 啲肉質又麻麻雞翼醃得唔夠入味 近乎無味既腩肉係叫好少少 不過都係乾爭爭飯類配有既辣雞汁得個死辣😮‍💨麵類算叫較易收口 但個冬陰功湯油到不得了食過兩次 二次都係食到痾係個菜普叫還可以 炸物試過鹽酥雞 完全係差勁！無諗過炸野都可以難食成口炸粉 唔知食緊雞定粉仲要係無乜味真係未食過咁難食既炸物唯一讚既野係服務態度幾好試完咁多樣 真係唔會再比機會佢！

💁🏻‍♀️ Thai Cool (青衣) 🍴-8人餐（$498）開party唔一定要幫襯連鎖店，支持吓小店啦！呢間青衣泰國小店超高cp值，前幾日落定order，之後就可當日拎貨，8人餐包：小食拼盆、鳳爪、雞絲木瓜沙律、肉碎生菜包、炒金邊粉，仲有8包紙包飲品🤩🤩🤩個人覺得野食好高質，特別推介冷盤💛💛💛全部野食都超大份，老闆娘又好nice，誠意推薦！-📍 Thai Cool (青衣)#青衣 担杆山路6號長發街市地下5號舖#小丸子搵食記 #小丸子青衣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #黃店到會 #黃色經濟圈 #青衣黃店

夜晚想食宵夜見到網上外賣平台有泰國菜叫，就諗住叫一個胡椒豬肚湯同埋豬肉碎生菜包食下，見到佢有鳳爪，以我食泰國菜嘅經驗都唔係好敢亂叫鳳爪，因為唔係間間都整得好好食！題外話食過一間喺黃竹街嘅鳳爪同埋九龍城有一間嘅鳳爪喺香港來講係食過最好食！唔緊要啦咁咪唔叫囉，點知店主打電話嚟話胡椒豬肚湯賣晒，就送鳳爪俾我！嗰一刻我又諗唔到食咩，就試吓啦！外賣送到之後，食個鳳爪果然真係冇味！雖然鳳爪唔會話太晏，但係就好似食緊一隻冇味嘅雞腳咁！之後就試過生菜包，生菜包唔會話好出色，不過就遜色咗啲，但係我都有食晒成個生菜包同埋鳳爪嘅，費事嘥野啦！

由於交通關係，經常會去到青衣長發果頭，甘就講下長發街市入面兩間泰國小店啦，先寫泰cool（先寫呢間小店只代表甘岩系openrice搜尋到先姐👍🏻）泰cool呢間小店主要由香港人主理，中午時段都好多街坊同學生哥去幫襯，可堂食或外賣，佢嘅湯粉同飯類係最受歡迎嘅👍🏻海南雞飯（單拼$35；雙拼$40）我上次叫左個海南雞拼豬扒飯，海南雞肉飯不算嫩滑，甚至有點粗糙，而炸豬扒亦有少少過氣，有待改善，不過份量還好；至於個海南雞醬，真的只有辣味，而缺乏了其他配料的香味；至於香油飯，你可以當佢白飯甘理解。不過，價格便宜，而且加10蚊有杯龍眼冰/ 椰汁冰又幾抵嘅至於服務態度，唔係去餐廳食飯，都唔會點要求有咩Service, 只求以禮相待，等我列舉一例，等大家自己分析下佢嘅態度啦：上次堂食，隔離果位先生想蔥油分開放，唔好放系啲飯上面（好似話唔想整到啲飯油淋，同健康少少，甘我又明白喎，將啲蔥油放系啲飯上面，同食油真係無分別；分開啲蔥油上，就甘夾啲蔥同雞一齊食，又真係唔洗食晒啲油）先生：呀姐，唔該啲蔥油記得唔好放系啲飯上面呀姐：甘你要唔要呀？！先生：。。。。。