泰Cow

Open Now

Now Closed

呢間泰國餐廳既串燒拼盤真係唔錯，燒焦香肉質夠嫩一啲都唔鞋，尤其係個雞肉串，可以食得出香茅同椰漿嘅味道，豬頸肉同牛肉都唔錯，加埋果幾款泰式醬汁幾好食特別係個啲甜辣醬，唔會太辣食完好開胃。生牛肉河粉湯底好清甜 果啲牛肉片真係切得夠薄，放落滾湯入面 岩岩好食得真係嫩滑。河粉比想像中煙韌唔會易斷，吸埋湯底好入味。加埋啲青檸同辣椒粉 酸酸辣辣咁幾正下次仲會再嚟試其他嘢食。不過位置有啲偏僻 入黎有啲難度 岩哂駕駛人士 。

元朗好多^隱世^私房菜，呢間算得上係環境舒服，抵食高質有特色的泰國菜餐廳👍🏻出面有好大塊草地露營車，夜晚好天果陣仲可以望到星星💫寵物友好兼且泊車方便！食物方面一直保持水準，最愛蒜蓉包和芒果鴛鴦糯米飯😋每次必點！蒜蓉包好大件，焗得好鬆脆香口，泰式生蝦都係必點，新鮮彈牙好野味💋💋仲有地方大郊區空氣都好D坐得闊落無趕客feel😆不論是下午茶chill下可以坐出邊慢慢嘆，還是夜晚聚餐都是一個好選擇👏🏻👏🏻

幫襯咗呢間餐廳好多年，貪呢度泊車方便，餐廳隔離有個好大嘅空地可以免費泊車。不過都幾隔涉，如果第一次嚟，可能會覺得沿途咁山卡啦，點會有間餐廳㗎😆餐廳環境舒服，座位都闊落，有室外同室內。lunch抵食又好味👍🏻-香茅豬頸肉湯粉$58(冬蔭功湯底加$15)：豬頸肉煎到好香口，配上泰式醬汁好味😋次次嚟食湯粉，都一定加錢轉冬蔭功湯底好惹味，食落口感好濃厚，我覺得算小辣同中辣之間。海南雞湯粉$62:飲咗啖湯，清清哋但唔淡，雞肉好淋，都唔錯連飲品埋單$141，人均$70，呢個質素咁嘅價錢好抵食👍🏻👍🏻👍🏻

下午5點到，餐廳冇乜人，目測我哋唯一一枱，老闆娘問有冇book枱？我哋話冇，即刻黑面 “你哋企吓先，我同你諗下”，態度惡劣，不過一場嚟到諗住試吓先。點咗六個餸，蒜蓉包幾好食，味道都可以，不過勁hardsell 元貝聖子等所謂推介菜式，點菜態度欠佳😟，我心諗點菜原來係問答遊戲，答錯要被懲罰 😂Overall 其實位置配套唔錯，泊車方便其實可以搞得好好，可惜都係一貫香港黑面服務態度，冇下次，永久Blacklist 。補充，7點食完離場，仲有10張以上空枱，我地冇book 唔知點解俾人黑面

五個老友去元朗逢吉鄉食泰國菜慶祝六月之星生日🌟🌟🎂好適合揸車人士🚙🚐🚗週末想去元朗市食嘢仲要揸車真係幾難，一係就商場停車場排隊，一係就停車場都貴，嚟呢啲偏遠嘅地方食就有免費泊車啦😌😌講返嘢食，樣樣都幾好味😋夠惹味😎推介蒜蓉燒大頭蝦🦐燒羊架🐑金磚蒜蓉包🍞呢幾樣都一致好評👍🏻👍🏻👍🏻不過椰菜苗好硬，唔係圓形細細粒果種😣紅咖喱雞d雞就太鞋😕環境舒服，服務態度好好👍🏻👍🏻個個都食到捧住個肚走😊😊

午餐跟餐點了小食，點知佢嚟咗正價小食(份量比跟餐只是多了一件)無留意打算食嘅時候，waiter話俾錯咗，咁我即刻停手話：未食架，你使唔使收走。 waiter知做錯，乜都無講就走咗。 我都停咗一分鐘，又無waiter跟進。咁我繼續食。後來喺張單到收咗我正價😓

推介一間偏僻啲嘅泰菜，搭巴士行去都要10分鐘左右，揸車/ 搭的士會比較適合🚗 睇埋內文就知點解咁遠都值得推介！🍞 金磚蒜蓉包💲68🥬 飛天通菜💲78🦐 冬蔭功海鮮湯（小）💲88🌶️ 香辣炒河粉（豬）💲78🍚 芒果鴛鴦糯米飯 💲88🥭 芒果沙冰 💲38🍋‍🟩 青檸梳打 💲30叫咗咁多嘢食係因為餐牌樣樣都好吸引🤩 店員推薦嘅金磚蒜蓉包每邊都焗到好香脆 滿滿嘅牛油香🧈 仲配有青黃咖喱兩款咖喱可以點嚟食 係唔錯嘅小食🥘 飛天通菜小小辣超惹味 合格以上🤓 冬蔭功湯叫咗2-3人份 但入面都有4隻蝦同埋唔少菇菇 啲蝦仲幾鮮添架😋 足料又大份 encore咗幾碗🥰 香辣炒河粉係小辣程度 夠晒鑊氣 河粉晶瑩剔透煙韌爽口掛晒汁 有喺泰國食嘅風味 必食🩷 食泰國嘢又點可以唔食芒果糯米飯😌 芒果好香甜 椰汁俾得一啲都唔孤寒🥥 滿足des! 芒果沙冰同青檸梳打都好大杯 飲得出唔係科學味嚟嘅 呢個價錢算係好抵架啦😬店舖分室內室外座位，當日就坐室外啦，但入夜同埋餐廳有幾把大風扇都唔算好熱，唯一缺點就係要留意會比較多蚊👀 環境唔算好好，要小心室外有蜘蛛網🕸️ 但贏在味道搭救👅 整體都係值得再訪 價錢中規中矩份量都幾多💞

昨天同幾個朋友一齊入去慶生，叫左幾樣招牌菜：芒果沙冰， 麵包方磚，芝士蝦球，青木瓜生蝦salad，冬陰功和串燒等等...全都是水準之上，特別喜歡麵包方磚，好脆口惹味👍🤭...地方也坐得舒服，唔洗比人趕🙈🙈...但無車就比較唔方便..自己揸車就prefect..有free parking👍👍..

呢間嘢食麻麻，服務超差，永不再幫襯❌我地lunchtime去，攞住個餐牌想叫lunch set啦，個阿姐走過黎瘋狂hard sell 濕炒河，話係lunch set好好味，見佢咁落力就點咗濕炒河轉個眼就黎咗，但就係凍嘅，炒河索曬水變成乾炒咁款，應該放咗喺度好耐同啲staff講，佢地話碟濕炒河係第二檯客點錯咗收返嘅，但我地已經掂咗碟嘢，唔會再幫我地整熱wor… 食完俾錢，個阿姐話埋單$390 但係我地3個人食頂多$220 ，咁剩低$170又喺邊度黎呢😅 我叫佢俾張單我睇，點知佢叫我等等先，然後喺電腦不停撳都撳唔到條數👀 搞做幾分鐘最後仲講咗一句「唉算啦 俾折你啦！」哇咁都得？明明係佢地亂收錢，宜家穿煲就變成俾折我?? 😂整體而言，野食超麻麻，服務更加差，唯一好處係有免費泊車，但係講真呢個價位咁多選擇真係唔需要幫襯呢間，試過一次就夠喇！如果唔怕中伏/俾人劏嘅可以去試嘅😂

經朋友介紹，嚟到位於逢吉鄉既泰cow，實在太偏僻了，環境尚算清靜，附近有地方可以泊車，如果要搭車就請自行上網查詢因為太凍既關係，選擇坐室內，室外位置歡迎寵物🐶🐱一行六人點了以下菜式，香檸大頭蝦🦐醬汁相當好味喺其他既泰國餐廳未試過，剩低既醬汁絕對唔會浪費，可以留嚟點蒜蓉包或者薄餅酸辣鳳爪，生蝦刺身，跟其他餐廳味道略同青檸蒸烏頭，本人都未食過泰式煮法，又幾鮮味同開胃炭燒魷魚，燒出嚟唔韌流心芝士蝦丸，夠大粒，味道不詳，因為本人唔食芝士海南雞，碟雞小得可憐，味道普通滷水豬手，夠入味，入口即溶金粒蒜蓉包，果然越普通既野，就越好食😋茫果沙冰，外觀原本好靚，因為倒瀉咗三分一，無咗面頭既茫果裝飾🙄椰汁斑蘭千層糕，唔值咁貴椰汁西米糕，西米仲硬身，唔得

環境好靚，喺元朗區入邊其中一間環境優美嘅泰式風情餐廳。最喜歡芒果糯米飯之正宗。芒果亦都好甜，另外叫咗個咖喱炒蟹，非常之惹味。服務亦多非常好感覺好似喺泰國一樣價錢亦都合理。

—一行五人浩浩蕩蕩坐室外食真係咁啱有人揸車先嚟到試嗌咗兩個lunch set主食之後再單點share菠蘿雞粒炒飯($65)/香葉辣肉碎炒河($63)炒河香辣惹味有鑊氣 較有風味金磚蒜蓉包拼雙色咖喱($68/4)必點小食 包很有厚度 表面脆而鬆軟冬蔭功海鮮湯($88)2-3人份量 我哋每人分到碗雖有大蝦但霉霉地椒鹽墨魚咀($148)香口幾特別泰cow小食拼盤($188)魚餅/春卷/串燒/蝦餅馬拉盞通菜($78)唔太鹹炭燒沙爹串($98/6)肉質有d乾泰式綠奶茶($36)—————————————泰Cow 元朗新潭路逢吉鄉54A號舖

呢日同小朋友去完 #錦田俱樂部 玩之後朋友就帶咗我哋嚟呢間 #泰cow 晚飯時間都多人需要等位的，所以大家最好就book定位！首先介紹下啲前菜🤪生蝦刺身$138刺身size 夠大隻厚肉🦐食落好甜！🥗青木瓜蝦球沙律$75夠辣，舊正宗！🌶️泰式無骨酸辣鳳爪$78小食拼盤$198呢兩個都好食.✅主菜推介😍燒春雞$188(一隻)完全好似去咗#曼谷 #芭堤雅 食燒雞一樣🤭燒到皮脆肉滑👍味道醃製得非常好食🤤呢個大人小朋友都爭住食❤️✅另外🥥原個椰青海鮮焗飯$168呢個#椰青 飯又係超無敵🤩簡直係進攻我嘅味蕾🍚呢個飯真係唔係間間泰國餐廳都有超級推介💯另外我哋嗌咗個青咖喱牛腩煲$98Order咗蒜蓉包同薄餅去點 #咖喱 食💚值得一提，係個蒜蓉包💝佢係一個立體正方形嘅方包🍞六面都沾滿蒜蓉，然後新鮮焗出嚟✅呢個 #金磚蒜蓉包 超級好食❤️‍🔥❤️‍🔥唯一缺點係個泰式濕炒河粉$88較為遜色味道偏淡，而且入面放咗好多蔬菜雞肉份量極少同埋個蒜蓉炒椰菜苗$88份量都好少🥬我哋九個人食👨‍👩‍👧‍👦👨‍👩‍👧👬連加一服務費$1527呢度適合一大班人黎食如果大家去完錦田俱樂部玩又或者入到 #元朗 唔知食咩？😏都可以試吓呢一間

喺元朗呢間泰Cow講真，食完之後心情真係好似得咗個彩頭咁曬開心！🌶️🥥🥢 一坐低第一樣到嘅就係特色拼盤，五花八門嘅小食，真係邊食邊讚，沙爹啲花生醬汁搭得興緻勃勃㗎，魚餅咬落鬆軟得嚟帶點辣，正！再嚟就係個經典冬蔭公湯，嘩，酸酸辣辣，飲一啖暖笠笠，鮮到出汁，啲烏頭魚又肉厚，當冷風一陣陣吹過，就係飲杯冬蔭公最啱。諗番咖哩軟殼蟹，咋！啲南瓜蓉紅咖喱撈埋飯一齊食，即刻飽滿哂味蕾。啲軟殼蟹又係脆口夠味，我實受唔住咩，食到手停唔到口啊！最後呢，嗰啲大蝦粉絲煲就真係封金張食晚餐嘅大閘，啲粉絲嗜汁又入味，啲大蝦又新鮮無比，具晒咬口。成晚食嘅嗰陣仲有小風㖞啲葉，不過幸好有暖氣吹，唔然真會凍親！呢度啲菜式新鮮啲味道都幾正，環境又幾特別，睇落都豪邁，食完轉轉元朗，真係正喇👌！下次同三五知己再黎轉轉，口味唔會輸埋俾咁風格感覺㗎！

📍泰Cow (元朗)元朗新潭路逢吉鄉54A號舖難得閨蜜👯‍♀️得閒出車 車bu去遠啲食嘢今日就揀咗位於元朗既 泰Cow冇車真係唔知點入去 都幾偏僻下🤣不過勝在有特大空地可以泊車 落車嘅時候 仲見到有露營車黐住餐廳 下次可以考慮吓去露營喎嘢食都幾多選擇👍🏻份量都唔細•紅咖喱南瓜軟殼蟹哇個賣相已經好吸引 南瓜🎃挖空裝住滿滿嘅紅咖喱紅咖喱 惹味得黎唔會太辣 有南瓜嘅甜味軟殼蟹都炸得好酥脆 最後我刮晒成個南瓜嘅肉食🤣•豬肉碎生菜包豬肉都好新鮮 調味啱啱好唔會太濃•椰汁雞湯入口順滑 微甜微辣 濃郁嘅香茅味•馬拉盞炒椰菜苗 椰菜苗好嫩 都好索馬拉盞嘅味👍🏻👍🏻好食•香葉肉碎炒飯🌶️Wow 夠晒味 少少辣 真係好好送飯 秒清😂