泰農菜館 (Closed)

的野唔好食, 枱櫈又污糟, 阿姐既服務態度一般好多樣野賴係特價, 但份量超細, 又唔好食 (馬拉盞通菜冇馬拉盞, 燒雞又乾又硬又冇肉)得條爐魚食得下, 連最容易做既柚子沙律都麻麻地最慘係去toilet時有隻大過手指公既曱由行過, 嚇親死呀! 而且嗰時真係走動不得=___=;唔知廚房有幾多隻呢???

我的評價:1) 餐牌選擇都幾多, 有d仲有圖, 方便唔識中文的朋友!2) 食物ok, 特別係泰式拼盆, 菠蘿炒飯和咖喱!3) 飯後有糖水送(good!)是我意料之外ge事, 早知就唔叫禁多野食啦, 飽死人了!4) 招呼唔錯, 一無水識得即刻黎斟水(醒目), 臨走時識得講多謝哂bye bye!5) 唯一ge唔好之處就係有隻蚊飛黎飛去(其實唔係好關佢地事!), 影響食野心情!

今晚同班fr到九龍城聚一聚, 泰菜依然係首選, 今次輪到泰農, 叫左1) 去骨鳳爪 (週年特價) $33........唔夠入味, 唔知係咪特價好細碟2) 泰北紮肉沙律 (週年特價) $33........ok3) 泰式烏頭 (週年特價) $78........淡, 都ok4) 咖哩蝦 $138.........咖哩汁勉強得, 蝦又有dee霉5) 炸蝦餅 (唔記得幾錢)......岩岩炸起, 幾得6) 炸軟殼蟹 (唔記得幾錢)......成晚最唔得呢味, 炸得又唔, 冇味, 量少, 附送太量洋蔥7) 炒雜菜.....ok, 冇難度8) 蒜蓉包......諗住配咖哩一齊食, 3催4 請先到, 等到咖哩都凍晒飯後送芋頭西米露......ok服務唔得, 叫加水都要叫幾次, 食左$528, 一般一致通過冇下次>"<

第一次光顧此店，等位用了20分鐘，尚可接受。座位一般，顧客之間的距離近，我講笑話，隔離就勁笑，所以不好在此講是非。食物選擇都幾多，我兩人去食，點了粉絲蟹煲、炒莧菜、一碟少粉，敬送糖水。食物質素不過不失，味道不錯，沒有期望要食特別野的朋友，這裡是不錯之選。尤其是這店的蟹很大隻，有蟹味，其他菜式都有合適的份量。這店好過對面馬路好多人排隊那間。

o個晚幫阿爸阿媽收鋪之後, 行左黎九龍城, 本來想去對面既隆姐, 但係見full o西唔想等, o甘又去左呢度.我地叫左細既冬蔭公, 馬拉x炒芥蘭, 雞肉生菜包, 炒金邊粉仲有唔記得咩野青口煲. 另外叫左木瓜果汁, 椰子涼粉冰同二支啤酒.總括黎講除左o個個青口煲, 其他野都唔掂o羅. 唔掂既意思係全部都無咩味道o羅, 同以前差好遠, 連阿爸阿媽一向食得好清淡既都話唔得o羅! 下次都係去第二間lu!

第一次o黎食,試下架咋.點知....出事!個冬陰公,唔好講笑,真係唔得!服務又麻麻....以我地全家都熱愛泰國菜o黎講,真係好失望...仲食左成千蚊.但都冇糖水送.唯一可取,係d咖哩,真係好正!咖哩椰芯炒雞肉,好味!咖哩麵包蝦,好味!咖哩青口,好味!細心之處-->有bb凳!試一次好了,下次都係唔好搞咁多野,去返小曼谷,金蘭花好喇!!

本來大約1個月都會黎1次泰農食,但係經過今次,以後都會少d黎今次我地4個人叫左1)咖喱蟹$128-隻蟹食得出係用滾水"拾"完先放落d咖喱度炒兩下, 一d都吸收唔到d汁,好唔得, 個蟹鉗又硬又難夾,隔離枱都夾到成隻跌左落地,好彩d咖喱汁都ok2)西柚沙律$45-超難食,千祈唔好叫,d醬汁加左椰油.好臭3)咖喱炸雞翼及炒貴妃苗,$45及$48-ok,可以食用4)蒜容包-求其一間面包舖都好食過佢, 仲要6小塊賣$22,好唔抵,5)薄餅$10-用咖喱蟹d汁點黎食,唔錯6)炒什菇$45-唔好食,炒得一d都唔香及偏咸7)芒果糯米飯$38-呢個都可以,普普通通D野真係一次俾一次難食,你唔問佢都唔俾糖水你,仲要有個侍應態度勁唔好(黑皮膚,紮住條辮,50歲附近,香港人),埋單個陣用張7折劵,又黑晒口面話要CHECK下用唔用得, 好似覺得我地好煩咁,真係去番金寶食好過,價錢又差唔多

想推介佢地個木瓜沙律, 勁好味, 又夠辣!!其他都OK水準, 我地成十個人都唔使等位, 但就嘈左D, 下次人少坐近門口的卡位相信會好一點!!

27.1.2007 (Sat)我一行3人，喱間泰國菜館食lunch，午市有7折，都幾抵食。我叫麵包咖哩蝦、咖哩蟹、薄餅和菠蘿海鮮炒飯。麵包咖哩蝦- 比張相欺騙，明明係一個大麵包裝著咖哩蝦。但出係一個碗裝著咖哩蝦，而另上蒜蓉包。好彩，個味道都幾好。但我覺得得應該係落單前話比客人知，同埋換張相。咖哩蟹- 蟹都算新鮮，但咖哩汁好傑，同埋唔夠熱。薄餅- 始終唔及印度薄餅咁好味菠蘿海鮮炒飯- 都好大個，好味！食飽仲有糖水送，都算抵食！

唔洗唔想寫食評，而係呢幾個月好多野整，連坐低時間lum 下寫乜既時間都無。黎呢度，應該係上個月同班好友的事。係旺角想唔到食乜，咪的左落黎先，想搵泰國野食。我地三人食左:咖哩炒蟹、蘿蔔糕、甜咖哩大蝦多士、炒通菜、同埋一個炒飯。咖哩炒蟹好夠辣，唔食得辣千幾祈唔好試。味道好好，但係肉唔多，同埋d殼撬唔開。d蟹太唔大隻，唔好太高期望。甜咖哩大蝦多士係最好果個菜。果咖哩味道好好，好香好甜。值得試。其它野一般，無乜特別，有唔係差，如果唔想等位，呢都度都係一個唔錯既選擇。

又嚟九龍城食泰國野,食一間未食過既....就嚟左呢度.叫左咖喱炒蟹$??-估到估唔到呢碟係最快上枱,一隻肉蟹,斤兩十足,咖喱幾香口,不過我覺得甜得滯.青木瓜皮蛋沙律$30-呢個做特價,不過酸得滯,皮蛋唔好食.冬蔭公湯細$42-呢個就真係少左D,唔夠辣同又係酸得滯燒爐魚$78-呢個正,魚點左個汁就真係好甜,就咁食有些少鞋口,個汁先至係重點.後尾重叫左客蒜蓉包點咖喱汁...飽飽..!重有呢樹個冷氣好鬼凍,所以食物好快凍...!!!!

見佢地做promotion,好多菜色有特價,試下啦咖哩麵包蝦, d蝦係炸過的海蝦?, 肉質都幾好, 麵包係另碟上,我仲以為係d咖哩汁在麵包盒內tim,都okay啦,咖哩汁味道不是太濃烈,我都可接受,蝦味會出d另一個泰式皮蛋salad就一般,d皮蛋唔係好高質果d...兩位唔大肚餓就只叫兩碟,埋單100左右,okay咁啦

我地6個人,食左7樣野,埋單$550 ,有2位老人家,於是店員推介牛肋骨,wow 真係好味,夠淋,又唔辣,d汁甜甜地,用來"點"薄餅,蒜容包岩老人家人架反而個串燒冇第一次去咁好食,因為好乾身炒牛河唔好食,同我地去香港酒樓食既味道唔一樣,我自己就接受唔到,有一種怪味,我唔識形容波羅炒飯入面既波羅好食,哈哈菜苗我覺得好食架,平時好有機會食到薄餅就一定好食架啦,唔駛講 蒜容包熱既,所以都好食今次呢個店員服務都幾好喎,又送左甜品,上次個個姐姐就差d啦,又落錯單,又冇送甜品

早幾年, 同男友o黎過呢度食飯, 覺得好正. 成日心思思想過o黎食多次. 今晚終於"的"起心肝再o黎食,點知......我地二人, 約8:00到達, 唔駛等位, 仲可以揀枱坐. 叫了:1. 生蝦剌身(有10只, $68 ) 只有辣味, 無蝦味. 我想係個調味做得不好, 帶唔到生蝦的鮮味.2. 冬蔭公(細$42 ) 好失望---唔係咁好味, 好多泰國菜館做得好味過佢. 3. 紅酒會牛肋( $88 ) OKAY, 感覺好以"東波肉"般, 偏甜, 偏"林"及偏肥.4. 2個白飯( @ $6)5. 咖喱蟹($128) 可能d菜o黎得太快, 差不多10分鐘內已經o黎齊此四個菜, 碟生蝦都未食完, 已經o黎咖喱蟹了. 所以當食完以上三個菜後,咖喱蟹已經凍了. 用湯匙"不"起d汁, 面層已經有凝結的積象, 而個汁偏"杰", 好以羮伴飯咁..... 而個汁又無咖喱味.... 但係隻蟹就好好味. 大隻, 實肉,鮮甜, 真係好正. 一件不留, 食晒.唔可以唔講, 就係送o既"芋頭西米露", 好香, 好綿. 如果唔係好飽, 真係想叫佢送夕多一碗.埋單後, 有coupon 可下次用, 滿$

原本尋日唸住去金泰食dinner, 但行過南角道有人派傳單話呢間餐廳17週年特價, 勁叫我地入去試喎, 而我又記得星期六&日黎經過呢間餐廳都ok多人, 所以…..由於平日, 入到去客人唔係咁多, 但當我地唸完食乜想落單既時候, 叫極都無人理我地, 等左5分鐘左右先有人落單, 而落完單d食物都好快到。鹹魚抄芥蘭–味道ok唔太鹹, 但略微抄得生辣椒抄硯–唔太辣味道都ok啦麵包蝦–個份量真係少得可憐, 得5隻中蝦+ 4塊燒焦左而無蒜蓉既麵包, 至於味道方面, 咖哩唔夠香& 麵包應該放左好耐好硬炸蝦餅–炸得唔脆又無鮮味另送芋頭西米露糖水1碗, 反而味道幾好喎~~