芭堤雅泰國

Open Now

Now Closed

自從疫情以來我已經3年沒有去過深水埗了,蘋果購物中心很多商店都已經關門了，現在變成了美食廣場。 傳說深水埗竟然藏著這麼多不為人知的美食？！ 這是真的嗎？我喜歡去美食廣場和街頭美食愛好者。 真是太自由了，很多專櫃引人注目。好的生意取決於好的位置。 我搭乘手扶梯然後到了8樓。 剛到，第一眼看到的就是這個專櫃的牌子"芭堤雅 "。 引起我的注意! 嘗試一下，為什麼不呢？ 泰國菜應該很好吃。美食廣場有很多不同的美食，但有一點是相同的，那就是他們的裝飾和展示都充滿了照片和菜單。 但失去了焦點！ 這讓我很困惑，我該怎麼選擇？！驚喜!我發現$65泰式冬蔭功軟売蟹粉絲送紙包綠茶,如果你喜歡濃濃的泰式辣味，滿滿的泰式香葉，蘑菇，辣椒......這道湯不會讓你失望，真的讓你飛到泰國了！當然！ 最吸引人的是大量炸軟殼蟹，酥脆可口。 這在泰國菜的其他地方幾乎找不到。生意這麼好，應該有一些特別的東西。 你看？！但對我來說泰國粉絲不太軟，沒有彈性，吃完後覺得胃有點痛。 也許是個別情況？！ 也許你沒有任何問題？！因此，如果他們可以有另一種選擇，例如可以換成麵條或米飯，對我來說會更好！ 菜單只有這個，不知道有沒有這個選

聽聞這間很好吃，所以來嚐試一下，看了一輪，點了醉貓炒牛河$45和香茅豬排海南雞飯，各有一包飲料。牛河好惹味，配料挺多，有洋蔥，辣椒，生菜，菠菜，蘿蔔和炒蛋，辣得剛剛好，河粉完全炒入味，可是不夠吃，不同於中式炒河的河粉，泰式的河粉比較大一片，散一些。而且牛肉挺多挺大塊，沒有怪味，正正常常。香茅豬排海南雞飯賣相挺吸引，份量足夠成年男人吃飽，特意數了數，海南雞有8件，一半是雞胸，而且塊頭較小，豬排有4件，有大有小。海南雞的雞胸挺粗糙，不過雞腿肉和雞中翼做到了海南雞應有的嫩滑，味道中等不算差。香茅豬排色香俱全，味方面只感受到好乾身，還有少量咸味，對它評價是不過不失，份量少，大概只有正常豬排的3份之1。飯是薑黃飯，有一點味道，挺正常，挺配海南雞的。

今日黎到西九龍中心8樓food court見到有間泰式美食芭堤雅泰國叫左一份大蝦炒金邊粉$48食材新鮮爽口，份量十足，大蝦彈牙，金炒邊濕度適中，整體搭配正配料中有蕃茄有酸甜感覺不過不失，甘既價錢超值了會再幫襯👍

海南雞拼豬手飯🥫 💰48 ❤️‍🔥7/10分 送紙包飲品/湯飯好香黃薑味，我鐘意🤪湯好大陣藥材味，飲埋都好香，可能見我靚女（講笑）送咗好多蟲草花同一隻雞腳俾我😆仲有啲椰菜、甘荀、滷水蛋，營養均衡💁🏻‍♀️btw隻蛋蛋黃好濃，似茶葉蛋蛋黃嗰種feel，正🤩豬手滑，滿滿骨膠原但唔香豬肉味🤫雞滑，有胸位亦有脾位，但雞味唔算重，份量都幾多，有8嚿度，就咁雞飯$42，可以一試〰️一送就送酸汁、abc醬油、泰式醬、薑蓉，好多選擇同配搭，不過都係abc醬油完勝🤣（細個可以無餸就咁拎佢嚟送飯食）

今日同老公喺西九龍搵食 真係好多間餐廳眼花撩亂 我一早喺OpenRice搵咗一間叫芭堤雅嘅泰國菜 見到牛串印尼蝦醬炒飯 個樣好吸引所以我叫咗 出到嚟真係好出色無論個汁那個飯底啦都好好食 炒飯入邊有好多洋蔥豆角 沙嗲汁唔辣嘅甜甜地好好送飯 食食下會食到一啲蝦醬鹹鹹地嘅味道 我老公叫咗個青咖喱豬頸肉雞扒飯 相對起我個印尼炒飯呢我覺得我個印尼炒飯好食一點但係呢個青咖喱都唔係差但係我覺得咖喱味未夠濃 可以再重一點 廚師會問我好唔好食 我覺得有心煮好食嘅人先會想要意見 呢間一定會再食價錢唔貴我見隔籬枱嗌海南雞飯勁大碟 下次家庭聚會叫佢的外賣冇輸

【#海南雞皇🐔 】#芭堤雅泰國今日又去咗西九龍中心，當然要去完成為我未完成任務啦😄 之前出咗條片比拼依度嘅🇨🇷泰式海南雞，完成咗上集， 係時候要準備埋下集🤣 咁多間舖頭當中，好多網友都話呢間芭提雅幾好食，所以就去試下。海南雞飯，$42。 呢度係冇例湯送，佢哋係有糖水或者紙包飲品😄見到碟飯有少少「O咀」😨，好大碟呀！ 今次終於記得問店員攞兩兜辣汁唔要豉油😅目測睇到有十件雞🤤 都好嫩滑，大部分都係胸位，啖啖肉😄 不過我鐘意食其他位多D😂 個飯都好大碟，份量十足，而且做得幾好👍 印象中食過咁多間算係名列前茅♥蔥油係一般果種，辣汁真係不得了，好惹味♥♥撈飯一齊食最正🤣 有返少少以前最愛果間海南雞既風味。見到網友話依度份量好大，認真冇錯，加埋醬汁超 好食，$42好抵👍推介指數：7.5/10芭堤雅泰國深水埗欽州街37號西九龍中心8樓美食廣場18號舖@foodiehck2022 #港飲港食平靚正 #西九龍中心 #海南雞飯 #深水埗美食 水#泰式海南雞 #午餐 #抵食

這店身處西九8樓food court，正值剛打完風人較少尚且一試。叫左個厚切豬扒東蔭功湯河($42堂食)，盛載的湯碗很大，没有太多的油，河粉不似其它鋪頭的，這裡的粉較有嚼勁，豬扒用錫紙盒另上，東蔭功湯味道甜酸偏甜，頗醒胃得來順喉不嗆，辣度也很適宜對不喜大辣人士可以接受，湯內伴有芽菜、小許香茅和紅辣椒，另上的豬扒十分大件，比大家樂焗豬扒飯的也大出很多，而且腍滑，差不多是全肉只有微量的骨，令食肉獸們滿足至極，連我一個大男人吃也很夠飽，跟餐還送冰凍低糖道地綠茶一盒，整餐價格親民，性價比贏過了一眾連鎖快餐店或譚仔米綫。

平時好少過黎呢邊不過今日收工好鬼肚餓可能因為晏就食素唔太襟飽, 於是黎左foodcourt呢度覓食,本來想食螺鼎記但係無開門, 花多眼亂樣樣都想食, 然後實在太餓啦所以決定要食個飯foodcourt超級多人, 位置都唔十分多, 勁驚搵唔到位, 俾左錢後唔使5分鐘已經有得食, $40一個海南雞飯包埋兩個醬汁仲送一盒烏龍茶真係超抵食,開頭心諗呢個價錢都無太大期望, 點知都幾出乎意料之外, 雞夠滑有雞味, 味道唔錯, 個泰式醬送飯一流, 份量都幾多下(我太餓偷食左一嚿之後先記得影相), 油飯又香夠乾身,不過唯一缺點就係D伴菜好硬, 同埋D座位少少搖搖下唔係坐得好舒服.

應該係全香港最啱我口味嘅泰國菜！！！👅🥰🥰一直好想搵返正宗泰國味道，但平時出街食總係覺得差啲，之前畀我喺西九龍food court 搵到呢間隱世好味泰國菜！！！一於再食多次。佢嘅泰式沙律，無論係青木瓜沙律定泰式無骨鳳爪，一食落口就有種「我找到了」嘅感覺😍醬汁嘅酸甜度好出，超開胃，連蕃茄都好好食，呢個價錢真係好抵！❤ 平時去餐廳食一碟都要 $78/$88，呢度好似半價咗咁。生菜包偏酸，酸得嚟好好食🙈 我好鍾意呢隻味 (利申一向鍾意食酸嘢)，可惜肉碎太肥，如果多啲瘦肉會更加好！至於青咖喱海鮮炒飯反而無咁出色，我比較推介上面提嘅三款食物～呢間小店一定會回頭再回頭！🤤

今日終於黎到一直都好想試西九龍中心八樓嘅美食廣場。呢度起碼有超過二十間特色嘅食肆，仲有啲特色嘅手搖飲品同埋異國風味菜，行咗兩個圈發覺呢度最多嘅泰國菜所以今次就專登去食泰國菜，見到有間叫芭堤雅既比較多人排隊就嗌咗佢個超值套餐豬扒雞扒炒米，食落其實有啲人不過味道ok，下次可以再試其他

西九龍food court嘅美食實在多不勝數，實在太多選擇了！☺️ ·🐔招牌無骨海南雞飯 (HKD 38)剩係價錢都嚇死你🤣咁平就食到海南雞飯，仲要雞肉係滑嘅！油飯係香嘅！真係好surprise～份量仲要咁多！仲抵過平時出面食$60幾蚊但仲要加錢轉雞脾，呢到真係價錢同食物唔成正比🤣仲會包一包紙包飲品，覺得係附近返工嘅人好幸福💓

隱世小店 味道正宗 又抵食!  一直好想搵返正宗泰國味道，但平時出街食總係覺得差啲，呢日嚟到西九突然嘅想食泰國小食，就嗌咗呢個泰式無骨鳳爪$38，一食落口就有種「我找到了」嘅感覺! 😍 醬汁嘅酸甜度好平衡，都幾辣，好開胃，連啲蕃茄都好juicy好食，呢個價錢真係好抵呀！❤️完全係出面餐廳$108嘅份量。本身唔記得咗記低個餐廳名，不過諗住間餐廳就喺8/F food court「皇帝雞」間舖附近好易搵。啱啱諗返起個泰式無骨鳳爪就專登上嚟搵，確認係呢間無誤! 忍唔住寫篇食評讚吓佢 

原本係諗住食第二間泰國嘢，但係行過呢間又畀佢吸引到想試一試， 原本係直情唔想食飯，點知都係叫咗飯。首先去見到佢貼咗好多相出嚟，但係其實平唔算好平，但係又見到呢個套餐38蚊有嘢飲，就覺得可以試一試。叫咗一個紅咖哩雞炒飯,叫嘅時候屎忽痕問佢辣定唔辣，佢話可以可以辣可以唔辣 ，結果我哋揀咗辣，勁多辣椒真係辣但係又覺得好爽皮。成個飯都好濃味，認同其他食評個飯係超油嘅，雞就唔係好多件同埋冇乜肉，因為啲雞炒埋啲飯度，好彩唔好多碎骨。整體嚟講個飯係好好食嘅，應該之後都會再繼續試呢間泰國嘢

本人住上水，放工成日都會落去買個生菜包，海南雞同炸蝦🍤食，呢間泰國野同九龍城既味道真系差吾多，價錢🥰平！平！夾大份！量系好重要！生菜包，好食過泰國🇹🇭😂雖然佢地個廚師都係泰國人，但唔知係咪因為香港人口味比較重啲，做法應該有少少唔同，重口味，我中2！海南雞，其實我食過好多間呢間係肉質浸得好滑，我係完全唔介意啲雞肉有少少粉紅，雖然而家冇相因為食完先醒起要打食評食🤣炸蝦，佢哋啲配料落得好足，啲炸蝦連埋啲配料會食系超正🥺雖然炸嘢係熱氣但係成日都忍唔住就買咗返屋企。用氣炸鍋返熱真係一流！除咗魚吾方便我拎返去，其他我好多才要試過哂😂如果中2食黃咖哩既朋友，仲有陰功湯超暖身！一定要試👍🏻 突然有感而發，幫襯咁耐點可以唔打返個食評呢😅

呢日唔太肚餓，所以就同同事求其去咗西九龍Foodcourt覓食，佢揀咗呢間主打泰菜嘅「芭堤雅」，門面比起同場其它幾間泰菜無咁醒神🙈。不過佢貫切呢個場嘅風格，都係善用舖面貼滿哂餐牌同相片，花多眼亂🌸。唔好睇店舖細細，佢連蒸魚同炒海鮮都有得食。枱面上放咗塊黑板寫住”特價晚餐”，但其實其他時段都可以叫🤣。蝦頭膏蟹子海南雞炒飯($55)，嘩嘩嘩估唔到呢碟飯咁好食😋。單係睇賣相都已經覺得唔錯，因為飯粒夠乾身，粒粒分明。其實碟飯係我同事嗌，但我忍唔住係咁食...，唔好意思囉🙊。炒飯嘅蝦膏味唔算特別出，但蟹籽同海南雞肉嘅份量就好多，成個組合好正！青檸雞中翼5件($28)，由於我唔太肚餓(以為自己)，所以叫咗小食算。🐔雞翼有5隻，隻隻都好大隻，但個別入面有少少生。不過雞翼味道幾好喎，因為青檸味幾入味🍋，微酸。炒飯個餐跟紙包飲品，紙包飲品亦係西九個場嘅另一大特色😂，去到你就明。題外話，小店由兩個大男生主理，收銀廚房一腳踢👍。總括嚟講，呢餐我哋只係食咗兩款食物，但味道均令人滿意，特別係個飯，就連唔鍾意食飯嘅我都覺得絕對可以翻兜。唔知係咪太好食嘅關係，加上我食唔夠，我愈食愈餓，愈想食🤤。