泰聚 (Moved) New Location

今晚放工約左朋友過去花墟買花，買完之後就諗住喺附近搵食，行行下近佢屋企樓下有間泰國菜，佢話試過下午茶未試過夜晚，唔想再行黎行去嘅我就決定入去試下佢喇！可能六點半時間尚早無乜人，感覺好寬闊環境唔錯！睇返餐牌都幾多選擇，主菜我哋叫咗鹽燒活鮮魚(烏頭)、泰式炒雜菜、金柚子蝦球沙律飲品方面叫咗原隻菠蘿沙冰同火龍果沙冰，只能夠說兩杯都好fresh，好真實有菠蘿同火龍果嘅香味，清甜嘅感覺！唔似有啲地方用糖水做出嚟好甜好假咁！值得試吓！金柚子蝦球沙律上枱已經覺得好靚，因為用咗整個柚子當碗咁，好可愛！隻蝦好爽好新鮮，味道好清甜，用咗個甜甜哋嘅汁撈埋一齊食，好味到停唔到口！泰式炒雜菜一啲都唔油，菜種類好多，又有菇相伴，廚師亦炒得非常爽口！鹽燒活鮮魚(烏頭)用左鹽燒方法就唔會浪費咗新鮮魚嘅原汁原味，好滑好鮮，時間燒得恰到好處，配埋佢個秘製酸辣汁都不錯！但我個人都係比較喜歡原本嘅味道！朋友想食埋甜品，唔想出去搵就喺度叫埋！叫咗個椰汁西米榚，好有椰奶味道，唔太甜！整體唔錯，服務態度亦都好好，今次兩個人試得唔多款式，同朋友已講好下次嚟試埋明爐鮮魚同咖喱卡農包~

不少捧場客品嚐具東南亞代表性的地道泰國菜佳因可體驗餐飲食文化的味道之餘保證俱全猶如自己置身泰國當中，不但充滿泰式風情和琳瑯滿目經典菜餚香口特別，因傳統泰國菜是當地人常拜託海鮮之一，誘人之處在於選用香茅、香草、金不換香料靈感所配合不斷試味不斷改良非常地道包括酸酸辣辣或微辣添加惹味，絕對值得一試味道不俗，食物賣相兼備，於周末同節日不論對年輕情侶或一家大小來說主理多款餐前冷盤熱盤小食、前菜、沙徫及甜品等……任君選擇應有盡有豐富美食，是人生一大喜訊怎讓人能錯過！泰聚餐廳約有很多個座位，要在熱鬧太子區找泰國菜不多，鄰近方便，浪漫光線氣氛加上情調之際浪漫氣氛富雅典，氣派店各其色可遠望落地波80個座位，與另一半同享甜密時刻場內佈置當有渡假村感覺感覺，富有渡假村感覺寧静四周環境有助享受遠離塵囂平衡，減低心寧損耗，壓力等……更是一流泰式燒活魚盲鰽魚質味鮮，因烤調需等25分鐘，魚皮被粗鹽輕灑上令魚肉味更鮮富有鄉土風情顯得出色，肥美頗大魚骨略小，原條焗爐的熱力把香料逼出另有一番風味，特別在於用的甜酸帶辣汁料更滋味！常用魚露調出咸鮮任意配搭悠蔬炮製的滋味！

朋友想食泰國菜，係旺角嘅我地search到呢間超多好評嘅餐廳，不過原來泰聚地處內街，如果唔係Openrice都真係會錯過呢間高質餐廳。我地叫左兩杯飲品、一個前菜、一個主菜、一個湯同一個甜品，上菜速度值得一讚！前菜到：小食拼盤有五款，配以梅子醬和泰式甜酸醬。煎雞翼皮脆肉嫩、蝦餅彈牙爽口、春卷皮薄餡多，配上甜酸醬更添風味。而魚餅配合梅子醬更有種梅子清香，值得一試。主菜到：青咖喱香濃微辣，非常開胃，牛腩鬆軟入味，送飯一流，而且份量好足。湯品到：肉碎粉絲湯有多款素菜，足料又新鮮。食完咖喱就應該食呢個湯，一濃一淡，正好中和。甜品到：餐廳推薦嘅椰汁西米糕非常好味！椰汁香滑配上西米糯軟，甜味適中，口感豐富。叫得太多食得太飽添最後埋單每人263蚊泰國菜果然好有風味！

旺角太子有唔少嘅泰國菜選擇，呢間泰國菜一直都大獲好評，今日再食，果然水準依然首先點左個泰式小食拼盤$138(小)，裏面包括雞翼，蝦餅，魚餅，春卷同香葉包辣雞。啱晒貪心嘅你同我開心share樣樣都好好食，最欣賞嘅係佢嘅春卷裏面好料了外面又夠脆另外雞翼同香辣雞都好惹味食得泰國嘢一定要點我最鍾意嘅青咖喱牛腩$98，可以揀牛/雞/豬。青咖喱啱晒我呢啲中意咖哩又唔係好食得辣嘅人🙈夠creamy有椰奶香，有咖喱嘅惹味得來又吾辣，用嚟送飯真係一流(蛋黃哥都眼甘甘望住😂)牛腩比較煙韌，都好入味肉碎粉絲湯$78 ，其實裏面都好多材料，有粟米仔，娃娃菜，粉絲，肉碎，菇同玉子個湯飲落去好清甜又有鮮味，粉絲夠爽口食得泰國嘢梗係唔可以錯過椰汁西米糕$38好creamy，好重椰香，裏面嘅西米份量好多，面層好滑，咬落去爽口，價錢又平必叫呀椰青$48，夠多肉又清甜一杯野飲啦兩種食法另外我就叫左青檸梳打$38，甜甜酸酸，又消暑買完單出去發現下次可以早啲嚟或者遲啲來，仲有85折添，抵食之中更抵食

今日同朋友突然好想食泰國野，就上openrice睇下附近有咩食😝最後比我地發現了泰聚💕因為我地都好餓，所以一去到就點左好多。我地叫左一個肉碎粉絲湯，青咖哩牛腩同一份泰式小食🐷 原來泰式小食（小）都已經咁大份，所以大家記得睇住人數嗌阿！有兩粒好似糭既小食原來係燒雞👍🏻因爲一直包喺裏面，所以超入味阿！其他小食都好香脆，唔會太油又熱辣辣咁❤️🤤青咖哩牛腩一黎就好香，食落係滿滿既咖哩香💕🤤牛腩都幾多，肥肥地既牛腩送飯一流👍🏻個肉碎粉絲湯比到驚喜我😃估唔到個湯咁甜😛仲有好多料，一路食飯一路飲湯，可以雙重享受🙆🏻我地每人叫左一杯特色飲品，我叫既火龍果沙冰超正！睇相可以見到幾大杯！！！我由未食野到最後走都未飲完haha 而我地叫左個甜品，係泰式西米糕🤪超香又多西米露🤤👍🏻強烈推薦要點黎試下

約左朋友心思思想黎個泰國風情午餐先🤣午餐都好多選擇😌一行4個人選擇左🤤泰式豬頸肉冬陰公湯金邊粉🤤蟹肉蛋炒飯黃咖啡牛腩飯泰式炒金邊粉冬蔭功湯底唔多辣既，佢係偏酸重蕃茄味個種🤔都算幾開胃😊唔太食得辣既人士可以一試呢！（推介的）黃咖哩都唔太辣，好香椰奶味😎唔錯，牛腩肉質岩岩好唔錯🤔其他兩個😊不過不失咁law炒金邊同炒飯都唔多油既，味道一般既一般（你懂的），炒金邊份量唔算大份嫁，細胃人士食岩岩好，大食既你就要好好考慮一下🤭

上次同朋友試完隔黎間打邊爐見到呢間野好似好好食咁，講好左想試呢間泰式野，今日終於黎到啦！見餐廳價錢算係中價，唔係賣平，我地對佢地食物質素都有啲期望。我地叫野食問佢有咩好介紹，佢介紹左燻魚比我地，平時食泰國野比較少食魚，見佢介紹就一於試下! 條魚果然係不得了咁好食!!我地朋友都食到想叫多條，但係又好飽，唯有下次再黎食過，下次一人一條 😂沙律佢用左柚子混炸蒜片，蒜片我本身麻麻，但啲蝦就好岩我口味，好好食。炒菜好食。白飯正常。叫左個甜品椰汁西米糕，一定一定一定要叫。好好食，但一定要食哂其他野先食，因為係好甜，但係好好食既甜，唔係得個甜字。個甜品好抵食。兩杯野飲都幾好，個服務員仲好細心咁問我要唔要少甜，因為泰式野比較甜

今次和朋友兩人去試一下太子的泰國菜—泰聚。泰聚很多菜式也有大/小和2人份量/4人份量可供選擇。人數少也可以叫多點款式，頗貼心喔。我和朋友2人叫了泰式小食拼盤 (小) 、青咖哩(牛腩) (小)、粉絲湯 (肉碎) (2位)、2杯飲料和椰汁西米糕。泰式小食拼盤 (小) $138泰式小食拼盤有香葉包辣雞2件、春卷4條、蝦餅4件、魚餅4件和雞翼2隻，配以泰式酸辣醬和酸梅醬。香葉包辣雞挺有驚喜！原本以為會比較乾身，但雞件連皮，有小許脂肪，令整體嫩滑了不少。另外還有雞軟骨，口感很有層次喔！味道方面不太咸，辣雞不辣，對我來說剛恰到好處。其次，春卷的調味很好耶😍，不是只有單單的咸味，炸過後香脆惹味🤤。魚餅微辣，味道濃烈，可以沾上較甜的酸梅醬。蝦餅的味道相對清淡，就配上較惹味的泰式酸辣醬。青咖哩(牛腩) (小) $98青咖哩較稀身，有濃烈的金不換香草味道，而且可以看到加了很多的香料烹調。牛腩有牛味，口感不嚡，唯牛筋部份較少。而且，還有大量的四季豆，質感較生硬喔。咖哩佐白飯一流，和朋友一人吃了一碗白飯。粉絲湯 (肉碎) $78/2位粉絲湯的湯料很多，有粉絲、玉子豆腐、肉碎 、娃娃菜 、菇和蘿蔔。湯水清甜，吃

今日到花墟幫家裏的花花辦貨後，突然想食泰國嘢，於是周圍逛逛，終於睇到間泰式餐廳，望落去裝修都唔錯就走進去。炒雜菜蒜茸炒什菜有西蘭花,椰菜花，甘筍, 草菇，粟米芯及芥蘭等。比一般泰式館子有多種蔬菜，其味道配搭好味又唔油膩。大蝦柚子沙律大蝦柚子沙律，原隻西柚端上，賣相好靚，大蝦都爽口，西柚絲同埋腰果，花生碎夾埋炸香脆嘅香茅絲，配以甜酸汁都好味道，不過略嫌柚子稍碎。鹽燒烏頭平時食得多明爐烏頭，今次點嗰鹽燒烏頭，呢條烏頭比一般大，用鹽醃製干燒， 揭開魚肚，配以香茅，南薑及香葉， 魚肉燒得啱啱熟，鮮甜又唔腥， 肉質都算嫰滑，配以酸甜醬汁齊吃就更加好味。 呢款燒魚好啱怕魚腥味又想食魚嘅人。芒果沙冰芒果沙冰賣相好吸引，飲落去好多芒果肉，清香清甜，好啱小朋友。椰汁西米糕椰汁西米糕嘅椰汁夠濃，都幾好。

今晚約左班朋友黎酒吧街飲野，飲之前當然要食飽飽先啦，經過見到呢間泰國菜好多人，而且氣氛都好好，一於入去試下啦。睇完menu，好多野食都好吸引啊，仲可以叫呢個泰象啤套餐，真係勁抵啊。不過因為一陣都飲酒既關係，而家都係唔飲住啦。呢個柚子沙律唔單止賣相靚，而且食落好清新好fresh，入面仲有好多蝦tim，作為前菜真係一流。呢個炒雜菜都唔差，唔會太油，而且食得出d蔬菜都好新鮮。食泰國野最緊要緊係飲椰青啦，清新既甜味襯埋泰國菜，真係最佳配搭。而且作既椰青肉都好容易拎出黎食，飲完之後更加開胃呢。最後就緊係食甜品啦，呢個椰汁糕比想像中更好食，食落唔會太甜，而且口感岩岩好，真係令人想食多幾舊呀。呢間泰菜唔單止性價比高，而且地點方便，下次有機會都會再黎呀。

上次去吃火鍋時，見到這間泰國菜，覺得應該幾好，今晚就來試試。這裡樓底很高，就算好多人同一時間説話都不會太嘈，有方枱又有梳化，給人一種新派泰國菜的感覺。原個西瓜沙冰，這個造型非常吸睛，看上去就覺得好冰涼，入口不會覺得太甜，好清涼。原個菠蘿沙冰，菠蘿味道清甜，甜度適中，沒有加糖水，值得一試。金柚子蝦球沙律，採用了泰國金柚，比起用大陸柚子鮮甜很多，吃完胃口大開。鹽燒烏頭，點菜時，侍應提醒要等廿分鐘，因為是即燒的，烏頭以鹽包著來燒，所以魚肉保持鮮嫩。而魚肚以香茅填滿，辟除魚腥味，怪不得魚肉香甜而不腥。泰式炒雜菜，鑊氣夠，香味十足，味道非常好。椰汁西米糕，椰汁香味濃，不會甜，作為今晚的完美結局，非常合適。

今日同幾個friend去泰聚食晚餐，感覺呢間餐廳個環境好岩同friend傾計，成間餐廳氣氛好relax同靜靜地，最重要係冇人會催你，伙記都好nice。食物方面都幾高水準，set B既大蝦沙律好清新、食材新鮮。其餘既食左燒魚、泰色炒雜菜，不過重點係果碟燒魚到，真係好正！我地揀烏頭，燒出黎好香，脆皮魚皮咬落魚肉到好好食，同埋好新鮮。飯後有椰汁糕做甜品，中規中矩。野飲我揀左青檸汁，幾清新開胃。價錢黎講唔算貴，間野cp值幾高，下次會黎試埋其他野食！

話說係上一次同男友慶祝生日時係呢條街發現有唔少隱世好野食上次經過已經心思思想食係門口見到佢menu有原個果汁冰感覺好真材實料就即刻上openrice 睇下其他人食咩見好多人推介鹽燒鮮魚同柚子大蝦沙拉就跟著叫左個食下柚子大蝦沙拉 啲柚子粒粒分明 仲有加左啲花生粒 蔥 生菜食落仲有椰子同香矛既香味有別於傳統沙拉 感覺煥然一新！鹽燒鮮魚 就要啲時間等大概15分鐘左右都上枱條烏頭魚燒到岩岩好 表面有厚厚既鹽～讓係魚肚仲有好多香料有香矛 藍姜 香葉等等！未食聞到已經流哂口水魚肉一啲都唔腥 而且仲好滑啲咸香味好正飲品當然唔少得恨左好耐既水果冰我地叫左個西瓜冰 一個菠蘿冰飲得出佢地即榨而且冇落糖醬只係見到個賣相就已經覺得冇來錯好吸引 好新鮮勁fresh!食得泰國野甜品當然係要係椰汁糕啦 糕好足料 入面有滿滿既粟米 椰子粒 西米食左兩件都仲想繼續食！

Happy Friday 當然要去飲兩杯，男友建議到太子酒吧街填飽肚子再飲。見到呢間泰聚，望落去比一般泰式餐廳的格調明亮寬敞，一於去試試！先黎係兩杯飲品，椰青係正宗泰式椰青，整個超清甜，仲要啖啖椰肉👍🏻男友點了菠蘿沙冰，估唔到真係原個菠蘿！賣相已經非常吸引😍本來以為會好甜，但原來味道超清新，唔太甜又帶有濃濃嘅菠蘿香~金柚子蝦球沙律上菜時細細個，仲覺得98蚊似乎有啲貴喎...但原來入面好足料！有好多柚子同大大舊嘅蝦肉，味道仲唔錯添~😋串燒沙嗲出色之處正於伴隨嘅沙嗲醬，嘴刁嘅男友一試就試得出係用花生新鮮炒香調配而唔係用現成醬，香口到我地忍唔住encore左多兩個醬😂泰式炒雜菜幾爽口唔會炒得太老，食落新鮮口感清脆👍🏻泰式燒烏頭係我地大愛，外皮燒到脆卜卜，一打開熱騰騰而且佈滿黃油~~肉質又香又嫩滑，而伴隨嘅醬汁依舊出色，微辣又摭蓋魚香，但如果無咁多骨相信會更正！

今日難得同朋友相聚 ，於是就嚟咗太子區附近度食晚飯。 就打算食完晚飯之後，再同去附近酒吧街飲多幾杯。嚟到花園街街尾， 係有幾間餐廳選擇， 諗起好耐冇食過泰國嘢就揀咗呢間泰聚。入到去環境靚， 暗暗地，燈光佈置有心思。 我哋入去嘅時候入面一枱客都冇， 我哋就暗自高興， 因為可以盡情咁傾偈，又唔使同人逼！ 睇咗個餐牌一輪 ，最終我哋就嗌咗 肉碎粉絲湯 ，青咖哩牛腩， 同泰式小食拼盤。食物大概係五分鐘之後就送到。 肉碎粉絲湯味道不過不失 ，粉絲索曬湯汁 ，味道都算唔錯 。而且上面 有非常多嘅蔬菜， 朋友都好鍾意，夠曬健康。青咖哩牛腩跟住就送到。 買相非常靚 ，有啲椰汁作為裝飾， 又綠油白咁，非常開胃。 味道就椰汁味較重， 咖哩味略嫌不足，而且希，牛腩都唔多 ，係有少少失望嘅。當中我哋最鍾意嘅就係泰式小食拼盤。 魚餅香，香料好食。 春捲炸得夠脆， 入面粉絲亦好食 。仲有用葉包住嘅雞件 ，又嫩又香又入味。 我最鍾意食嘅就係炸蝦餅 ，蝦餅彈牙， 炸得熱辣辣又好食。 我就冇食到雞翼但朋友好似都話幾好食。 飲品方面 ，我就叫咗青檸梳打 ，對我嚟講有啲甜。呢個環境 絕對係適合同朋友一齊相聚嘅地方。難怪佢叫