泰聚 (Closed)

7:15pm到，沒有訂位，等了25分鐘不知是本身大枱比例較多，還是咁啱很多都是大班人，眼見有枱但唔入得，建議book枱，唔係未有得食已餵飽蚊😖一坐低便點了菜，但第了15分鐘才出了碟沙嗲, 之後等了45分鐘才陸續上埋其他菜，最後上的竟然是沙律沙嗲--豬和牛共半打，其實也分不清邊樣打邊樣，味道不是太差，份量較一般大，其餘冇咩特別7:15pm到，沒有訂位，等了25分鐘不知是本身大枱比例較多，還是咁啱很多都是大班人，眼見有枱但唔入得，建議book枱，唔係未有得食已餵飽蚊😖一坐低便點了菜，但第了15分鐘才出了碟沙嗲之後等了45分鐘才陸續上埋其他菜，最後上的竟然是沙律總結--上菜太慢，份量雖大，但味道一般，可以一試，但未必再有下次PS. 有兩枱大枱似是街坊熟客，隊啤兼大大聲講嘢，好似落咗大牌檔咁😥

虎蝦$288。。。。差到。。。。。size只有8寸。。。。。同原本賣點12寸相5差太遠其他餸均無味比較好的是金柚沙律咖哩蟹。。。。。厚粉，無咖哩味盧魚，多魚鱗不會再去，不會再去，不會再去，不會再去，不會再去，不會再去，不會再去

今夜整野夜左食飯媽媽想吃泰國野所以去呢間試下店舖在西鐵站旁好方便入到去好有feel，好舒服被安排坐外面枱但黑得看不到menu上的字，點野食都要用電話既電筒🙄搞到隔離枱望住我地🙈青木瓜沙律份量夠，酸酸甜甜好開胃味道一般冇太特別串燒（豬，牛）半打牛肉不會韌一咬就開，醃得夠味伴碟有沙嗲花生醬和泰式甜酸醋沙嗲醬份量較少，花生味不夠濃黃咖喱牛腩（細）雖然叫細份量但份量一點也不少！牛腩數量多，一人有數件可吃不大塊但夠冧好入味，一咬便開椰汁味好香但不會過多但原來不辣的，還是喜歡辣的叫咖哩點少得薄餅呢上枱微熱，不會太油點咖喱很對味泰式炒椰菜苗份量比出面吃的多👍🏼不會太鹹，有炸蒜在面好香口 菠蘿炒飯飯硬度剛好但味少淡，我點左咖喱汁食🙈這裡沒有加一整體一般，份量足夠但價錢略貴下次有機會可以試下午餐

睇完呢度嘅食評，本來都對呢間餐廳無乜期望。點知食完發現都唔係唔差 特別係其中一個男經理(我估係)嘅服務真的不錯，不過其他嘅普通侍應就麻麻啦。 檸檬梳打...太酸了 炒雜菜...幾好食 鮮蝦春卷...唔錯！真係有成條蝦係入邊 菠蘿炒飯..還ok,可以再濃味dd 咖哩炒蟹。好好食！啲蟹都幾靚 另外仲叫左2份蒜蓉包點咖哩汁食 好味道不過餐廳樓底矮，環境有點嘈吵

天水圍無幾多野食揀，新開左呢間泰國菜，見佢裝修幾好都抱左啲期望。琴日第一次去，同屋企人慶祝生日。野食整體都好普通，價錢唔算貴，不過咁既食物質素就唔抵，無下次，無食過既人都可以唔洗試，貪近都寧願去元朗屯門果啲。逐樣講下啲野食先：柚子沙律成餐算較好，但啲蝦都係無味，ok啦，啲柚子甜囉炒通菜少少辣，普普通通，唔惹味菠蘿炒飯無乜味，普通茶餐廳質素，純粹放左上個菠蘿度咖哩蟹無咖哩味，得椰奶味，蟹肉又好散，食蟹鉗都食到好似拆肉咁一絲絲薄餅份量好少，仲好似百佳買番黎雪藏果啲咁，厚厚一塊份咁，唔似其他泰國菜餐廳即場手造咁鬆化泰式小食拼盤個蝦餅味道唔錯，勁彈牙。有個葉包住既雞肉，我個人覺得全餐最好食，好juicy又入味。串燒，好硬，硬到連咩肉都唔肯定其他雞翼，魚餅同春卷普通。蒜蓉包呢個好食，最好係佢又夠熱又脆，仲有好濃蒜蓉味芒果糯米飯幾好食，不過芒果唔夠甜，可能唔當造～椰汁西米糕十分普通，食半舊試下就夠整體所以餸都好普通，最大問題係唔夠熱，黎到枱面已經凍晒，泰國菜應該好惹味，但佢一啲都無，真係非常普通。食完我全家都話自己煮好過，咁你明啦。服務一般啦，個個都唔係好熟手矇下矇下咁。環境幾靚，不過野食差靚都無

創新？人們無時無刻都在為自己的生活改革，把舊有的事物加上點創意轉個新的型態展出。天水圍的泰國菜餐廳可以算是少之又少，一隻手也數得完。在網上的討論區鬧哄哄的新餐廳，裝潢華麗，食物質量聽似不俗，食物相片也很吸引，小妹也沒有錯過。開業不到一個月，已經在晚餐時間坐滿人海。天水圍西鐵站有幢三層的建築，每逢晚上便會有閃爍的招牌，本以為是甚麼樣私房菜，原來是小妹最愛既泰國菜，小妹也想試一下，適逢家姐請客，當然捉緊機會啦！！ 大概一行三個人訂了七點多的位，店內已經八成滿，所以要上樓，一共三層樓也算得上空間大。仲有就近停車場，所以駕車人士更為方便，還有代客停車的服務。二樓既環境優美，落地玻璃的窗口，再可以一覽無遺的天水圍聚星樓，加上輕鐵站的夜景。餐牌的設計也有大量食物圖片供參考，價錢方面比平日小妹在元朗店的貴些小，單價幾乎每種也接近80-120左右。我們三個人點了大概六七樣食物，冬蔭公(細)，金邊粉，明爐魚，串燒，燒肉炒椰菜苗，生蝦刺身，生菜包。沙嗲串燒(半打)$88豬肉，牛肉，雞肉，每種也有各兩串，醃肉的調味不會太死鹹，也不會用上鬆肉粉醃肉，不會軟得可怕的肉質，豬肉肉質爽脆有嚼頭，牛肉嫩而不會過韌，雞

因朋友生日，而一行4人去呢到食飯慶祝，沒有Book位，walk in 時大約7:10pm。職員話要8:30pm交枱，只有個半鐘用餐時間。我地前後叫左7款食物1個湯3杯飲品，我地先叫左~冬陰公(大)好咸(飲左少少無飲)，柚子沙律尚可，炸蝦餅幾好食，串燒唔夠熱，炒芥蘭偏咸，蝦刺身尚算爽口，蝦醬炒飯一般。之後再order左咖哩炒軟殼蟹(賣相完全唔似咖哩，食落更完全無咖哩味，加上佢地用三色雜豆mix埋。朋友問係咩，個男職員仲要話開店咁耐佢地廚師都係咁整，唔覺有咩問題。本人同朋友食咁多次咖哩都未見過會用雜豆mix)之後order3杯飲品，一位朋友要檸檬梳打，本人同另一位朋友要"椰汁三色珍多冰"，個男職員大大聲話個餐牌錯無呢種飲品，佢話得三色/珍多，朋友問有咩分別，個男職員大大聲問隔離執緊枱個阿姐，之後佢仲悔氣問我地要邊隻，我地識分唔洗問啦！間餐廳明知個餐牌錯，都唔去修改，仲要咁既服務態度，朋友異口同聲唔會再幫襯呢間"泰聚"。