Video
Telephone
22905232
Opening Hours
Today
12:00 - 15:30
17:30 - 22:30
Mon - Sun
12:00 - 15:30
17:30 - 22:30
Above information is for reference only. Please check details with the restaurant.
這間素食餐廳是由泰國人主理，有一位懂講廣東話的泰國女士做樓面。雖然坐位大約20個左右面積交細，但味道不錯。當天我們二人叫了一個素叻沙雞蛋湯河，素火車炒飯，泰式炒通菜及凍泰式奶茶。
continue reading
泰好篤篤位於新蒲崗，有素menu，菜式選擇多，食物味道唔錯。炸春卷 ($50)春卷脆口，入面包住椰菜、粉絲、甘筍、木耳等材料。黃咖哩雜菜加薄餅 ($109)咖哩汁好好味，香辣惹味，送飯一流。薄餅酥脆，唔會好油。咖哩汁嘅配料有椰菜花、菜心、青豆角、紅椒等。泰式炒金邊粉 (含蛋) ($60)味道酸酸哋，炒得乾身，配料有煎豆腐、豆角、芽菜、素肉、雞蛋、花生碎等。泰式柚子蜂蜜 ($20)泰式椰汁沙冰 ($30)香濃椰奶味，底下飲到有碎冰。
continue reading
有時真係要好多謝互聯網。因為好多時，我們搵到好野食，都係靠各大網友的報導。尤其呢，係一些位於我們不常去的地方既飲食好店，若不是有該區內網友的介紹及推介，我們也不知這些地方，原來臥虎藏龍。這一次，我同太太看到有人推介，新蒲崗的《泰好篤篤餐館》有一系列的泰式素食。我同太太來了一次牛刀小試之後，再找了一天，帶埋屋企人一齊來，一人一份泰國葷食及素食。一來到，我們就受到一口泰式粵語既老闆娘的熱情招待。也能說一口流利廣東話的老闆女兒雖主力在廚房，也很熱情幫大家落單反煮製泰式的葷食及素食。原來，老闆娘是一名佛教徒，特意在家庭式的餐廳加入了素 menu，自己喜歡素食之餘，又可以宣揚素食。她說，店內的所有素食餐單都是由她親自設計的，一諗到新菜式，試過好食，就會加新野，希望我們多來。拿起她們的素食 menu，足有兩頁的選擇啊。以一間以葷為主再加插素 menu 的餐廳來說，算是很多的啊。第一次來，太太點的素食是泰式冬蔭公湯河粉。素食的冬蔭公湯底，夠晒辣，也夠鮮美。對我這一個茹毛飲血的人來說，少了海鮮，令湯底缺了一種鮮味道，所以我向來對素食冬蔭公湯的感覺都是一般。但有時候，菇類落得足，帶起了另一種的香味道，也是不錯的。而這裡的素冬蔭公湯，就是菇味夠濃，再加上加扎肉的味也煮了落去，感覺又唔錯。太太是喜歡吃喇沙麵的，所以，第二次來，她點了這一個喇沙雞蛋湯河粉。濃濃香香又夠辣的湯底，配了素魚蛋同足有一整隻的熟雞蛋在湯頭裡，非常之鮮美。另外，因為是授式，多了一些青檸同香茅的味道，比起印尼式或馬拉式既叻沙天香口惹味。太太說，比上次食的冬蔭公湯河粉更滿意。第一次來，我就先試這兒的海南雞飯。他們用的，似乎是新鮮雞，總之雞肉是結結實實的，皮香帶脆，肉嫩得黎，入口也充滿了質感，也有令人吃得開心的雞油味。配合了雞油黃飯，再加上泰式的辣醬，多了點 spicy，雞味更強勁。另外的一份海南雞，配湯檬粉。完全去骨的海南雞，尤其是配粉麵，吃入口不用吐骨頭，實在是幾爽下。這湯檬粉，帶有清淡而有充滿了香茅及香料的湯底，而檬粉亦很完美地吸汁，吸收了湯及雞汁的精華，很是美味。食泰國既午餐飯，除海南雞之外，另一個表表者就是泰式豬手飯。香滑可口，皮光肉滑的無骨豬手，入口充滿了不肥膩的膠質，而且滷水味很香，味道亦夠濃郁，再配合埋隻滷水蛋，完全是色香味俱全。這豬手，伴飯一流。另一個飯餐，是泰式燒雞飯。燒雞同樣是去骨的，雖然沒有即烤雞的那一種皮脆，但因為是烤過，雞油同雞肉混合了，是另一類的香口味道。不用點醬了，因為烤過的雞是份外的香口。最後說的是泰式小食併盤。全是開心可口的泰式炸點。魚餅，蝦餅同春卷都十分香口。再者，這些都是即炸的出品，吃起來份外的香口。加了點泰式甜辣醬，中和了熱氣感覺之餘又令到炸點有 spicy 的口味，感覺就是出色的。最後要評價的，是泰式奶茶。這是很紅色，帶有濃濃香料味的泰國奶茶，味道好正宗。。喜歡飲這一種香料茶的，一定會覺得是好。小店，充滿了人情味，客人邊享受美食，老闆娘邊親切地同大家聊天。尤其是因為食素而來的客人，老闆娘會更開心。食物好，人情味濃厚，這一種可愛小店，值得多去支持。
continue reading
新蒲崗呢間泰好篤篤餐館，老闆娘（見啲後生嘅熟客稱呼佢姨姨）係正宗泰國人。🇹🇭🙏我一坐低姨姨比張點心紙咁嘅嘢我 tick ，當中並無素食，我就問佢係咪有素食餐牌㗎？隔離枱嘅客人聽到即刻遞佢枱上嘅素食餐牌比我。😄素食餐牌選擇超多，諗食咩都好傷腦筋，而且價錢好相宜。為咗試多啲嘢所以我冇點飯或麵：😋🐔 泰式腰果炒素雞 $68極推介！素雞口感同真嘅雞完全冇分別，切到細細一口啱啱好。個汁微辣又帶啲青檸味，非常泰國，真係泰好味 👅，响呢啲咁悶熱嘅天氣食份外開胃。腰果好香脆，仲有啲青瓜，紅椒一齊炒。呢個餸唔算好大碟，加碗飯一個人食啱啱好。🍲 泰式冬蔭功湯 $68好大碗，應該夠三個人分。唔算太辣，好多料，有杏鮑菇，金菇，入面有好多塊食落好似魚腐嘅物體，好好食。我問姨姨係咩嚟嘅，佢話係豆腐。🍕 Pizza $20本身冇諗過叫 pizza，但姨姨好推介，話可以 $20 叫一塊，咁我梗係試啦。薄餅唔係佢哋整嘅，佢哋都係經一間泰國公司買，姨姨識個老闆。客人都可以經泰好篤篤訂，自己拎返屋企整熱。佢仲拎咗一個完整嘅 pizza 比我影相（叫我唔好影佢 🤣）。我今次食呢個係南瓜口味，除咗個餅唔夠脆之外，都算幾好食，個醬汁係有啲沙律醬咁，姨姨話係 vegan 嘅。☺️🥥 珍多冰 $26大大杯好清涼又抵飲，椰味濃之餘唔會太甜。有好多珍多，芒果又夠甜，仲有啲姨姨講係泰國生果但我講唔返係咩（佢話係「鴨盒子」但我應該聽錯，大家如果知道正確名稱係咩請指教 😅），就係圖中白色好似玉嘅鵝蛋形物體，咬落去煙煙韌韌咁又好似冇咩味嘅。😬姨姨好好人，熱情健談之餘仲好風趣。原來餐廳開咗十幾年，開頭係冇素，因為佢本身都係食肉。但覺得食肉令身體差，所以一轉就轉為 vegan，到而家已經十年。雖然餐廳都仲有提供肉食，但姨姨話所賣嘅素食都係冇蛋，奶或牛油。🌱💚姨姨講開素食就好興高采烈，所以如果唔係太繁忙時間，大家都可以請教吓佢食素嘅心得。講到興起佢仲送咗碗飯比我，比我試下用佢哋嘅辣椒油撈飯（都係 vegan）。辣椒油本身係咸咸哋，所以撈白飯食好正，不過辣度都相當強勁，差啲 KO 哂我杯珍多冰，所以自問食得辣先好試呀。🥵
continue reading
看見素食谷介紹這家泰菜， 馬上去試， 時間是3pm 左右， 去到看見店舖不大，是泰國人開的店， 坐下便問泰籍少女攞了素食餐牌， 點了數碟她介紹的美食柚子沙律 ： 好新鮮的生果， 調味做非常好泰式火車炒飯： 選當日新鮮蔬菜粒炒，好吃不會有多餘的油春卷： 新鮮鬆脆串燒： 像真度高， 好香好惹味湯河： 味道清新好吃中途老闆娘出來同我地傾計， 原來佢以前喺酒店做左30年泰菜，亦係素食者， 佢會分開素葷食的廚具， 真係好有心！
continue reading
You may be interested in