Video
Introduction
Thai & Grill Restaurant presents authentic home-style Thai cuisine and grilled specialties featuring Meyer Natural Angus Beef prepared by our Chef from Bangkok. The restaurant overlooks onto the lobby, and includes two private dining rooms, intimate booth seating, a temperature-controlled walk-in wine room, and an extensive selection of fine vintages.
continue reading
Additional Information
切餅費每位$35。開瓶費750ml$350
Opening Hours
Tue - Sat
18:00 - 23:00
Above information is for reference only. Please check details with the restaurant.
Signature Dishes
一直想試較高級既泰國菜，grand hyatt 既 Thai & Grill restaurant 應該比較穩陣。環境唔錯，揀左窗口位冇咁暗，又可以望住個lobby。可惜Waitress 甚寸，當我問個waitress flat iron steak 同Siroin 有咩分別，個waitress 竟然答我就係英文字上既分別，而沒有解釋食落有咩分別，好似當人唔識字咁。 最後揀左US Siroin。Siroin 做得好好，表面燒得燶燶地而個肉就冇overcook, 烤既生熟程度掌握得既好。肉質亦唔錯，配埋mushroom & cream 既sauce 更能帶出牛味。Pineapple fried rice 賣相唔錯，味道都幾好。提子乾同蝦既鮮味和香味充分在炒飯中反映出黎。Shrimp broccoli 味道ok，d蝦都ok大隻同幾新鮮，同埋價錢幾扺。Dessert 就叫左Thai ice cream and creme brulee。 第一次食Thai ice cream，好好食，好鍾意o個隻茶味，食落重有少少甘甘地，不消10分鐘便征服了兩球ice cream 了。Creme brulee o係e度既「名物」，當然做得有水準啦。用左半個耶殼做碗，靚就靚，不過食既時候個椰殼在碗中郁黎郁去，應該有更好的方法固定個椰殼吧。焦糖厚度適中，濃郁的椰子味與蛋香非但沒有蓋過對方，反而融為一體，鍾意食椰子既千祈唔好錯過!
continue reading
一向對泰國菜的印像,就是在九龍城吃到的那一種,價錢便宜,充滿地道風情.如果要我付五,六百銀吃一頓泰國菜,我真係睬你都有味.誰不知,收到有關方面的邀請,來到五星級的君悅酒店"Thai & Grill",與幾位朋友一起品嘗高級泰國菜.看看高級的泰國菜,又是什麼樣子呢?Thai & Grill前身為昔日城中熱點JJ,S,點樣熱法?連當年軟硬天師都會唱:{落完Soho再落JJ,S}便可知一二.現今由蒲場變成泰國餐廳,環境陰暗帶有浪漫情調,最適合來二人世界,另一邊更有吧檯,可以先喝兩杯才晚飯,一大班人來更可包下貴賓房,吃泰國也可以很浪漫.當所有人在座之後,酒店公關G小姐,便介紹總廚Chef Mum比大家認識,這位來自曼谷的女主廚,名字叫Khun Siriluck,早在十多年前,已在同集團的酒店任職,曾經為過泰國皇室服務.直到五年前,便派往來到香港.因為她對待下屬如子女,所以大家也叫她一聲Chef Mum.Mum同大家傾兩句之後,便回到廚房,為大家打點菜式.先打開酒牌,作為泰國餐廳,酒品選擇十分之多,並不同我在九龍城吃泰菜,最愛喝泰象啤.有來自世界各地的佳釀,由幾百到過萬也有.雖然是試食會,但也不會厚面皮到吃掉別人的"車".結果在酒牌上,選了兩支比較便宜的餐酒,一支為我喜歡的Cloudy Bay Sauvignon Blanc白酒,與Schloss Johannisberg Riesling.兩者的味道,與是夜的泰國菜相對襯.Kratong Thong是將粟米弄成皮,炸到如basket一樣,再放上免治雞肉,蝦肉同粟米,味道除有雞肉的味道,有蝦的鮮味,亦有粟米的甜味.作為一道開胃菜,絕對稱職.Kratong Thong為炸蝦餅,金黃香脆,打成膠的蝦肉鮮甜彈牙,配以酸甜醬是必然之合拍.燒豬頸肉則還是在九龍城的泰式小店,吃過更好.Yam Nua Yang是燒牛肉沙律,辣度屬二級,本身牛肉燒得外焦內嫩,更有點肉汁,番茄的作用是將辣度中和,令到這一道沙律除了刺激之外,更多了一份酸甜味道.Som Tam Thai就是大家吃泰國菜常見的青木瓜沙律,這道反而沒有想像中的辛辣,切成幼絲的青木瓜絲,爽口帶甜.Tom Yum以小碗上,不同其他地道泰菜館成窩上,精致得多,而且因應每人吃辣的程度而調教.我不敢要大辣,只要少辣,此Tom Yum的湯底比較清,喝下去香料味甚出,而且帶有蝦肉的鮮味.小辣的程度對我剛剛好,心想如果去到大辣,恐怕我受不了.是夜有三種咖喱,Som Tam Thai是青咖喱雞,很重椰味也不失刺激.Gaeng Mussaman Nua即是牛肉咖喱,本身味道帶有較濃的香料味道,比較複雜,風格有點像印度式.牛肉入味又鬆化.真的不錯.Gaeng Kari Gai為咖喱鴨,又是以椰香為主的紅咖喱,濃厚的椰香,與肉厚的鴨肉,的確合拍.青菜方面有一道脆肉芥蘭,旨在於桌上的火紅之中,加上一點綠.殿粉質菜式少不了炒金邊粉Gaeng Kari Gai,在九龍城用$30就可吃到,在君悅就要$130,味道酸甜,每條炒得分明,並沒有黐埋一舊舊.風味比龍城不及,但環境好得多.沒有想過吃泰國菜,也可以吃和牛,這一晚,Chef Mum為我們準備了三款牛扒,由USDA肉眼扒,美國安格斯牛,澳州和牛.雖然身處在泰國餐廳,吃牛扒的配套,一點也不馬虎,芥辣有三款,鹽亦有四種你揀.只欠任揀餐刀而已.三款牛各有三種不同個性,肉眼扒的肉味最濃,和牛的肉質最為嫩滑,安格斯牛扒也是充滿肉味.三味牛扒外表燒得焦口,生熟程度掌握得很好,做得不比常規扒房差.三款芥辣之中,以黑松露芥辣最有印像,將黑松露的香氣,與辛辣的芥辣打成一片,黑松露的香將芥辣的辣度中和了一大半.配菜有Creamed Spinach with Pine Nuts and Shallots,早前在Bistecca也吃過此味,在Thai Grill的一味,菠菜甜忌廉香滑,下了松子,加強了口感.品嘗一頓高貴的泰菜之後,假若沒有一道甜品作結尾,有如去不到高潮便洩了.Thai & Grill數味甜品之中,印像最深刻的是用椰殼盛上的Sangkaya Maprao,即是椰子焦糖焗蛋,落入泰國人手中,這creme brulee多卻濃厚的椰味,也不會搶走蛋香的風頭,面頭的焦糖面香脆,証明這一次fusion組合是成功.其他的椰子雪糕,芒果糯米,很飽了,只能少吃.在浪漫環境下,喝著白酒吃泰國菜,果然新奇刺激又好玩.在飯桌上談吃固然高興,如果遇上一個能夠共享音樂的朋友,那就更加開心.外貌如The Pancake,加時裝界名人黎堅惠的公關G小姐,與我一樣喜愛Radiohead,她也喜歡Muse.更是愛好爵士樂的鼓手,自從在開飯圈打滾了四年多以來,也沒有結識喜愛音樂的朋友了.大家吃著咖喱,喝著手上的Riesling,大談Radiohead"OK Computer",到Muse新作"Resistance".不亦樂乎.很高興結識這位同聲同氣的朋友,同時亦多謝有關方面之邀請,令我得以享受一頓高級的泰國菜.
continue reading
剛剛有人生日 , 3 人飯局 , 埋單 $790 ~ Order 左以下的東東@1) 青木瓜沙律配椰汁飯 + 炸牛柳絲味道清新可口,是款很開胃的前菜2) grilled爐魚整條魚用了像荷葉的葉去包grill,出來的效果沒有那種很的口感, 魚肉的水分完全存了在魚肉裡 面 , 很香 , 很好吃 . 加上魚本身很鮮甜 ,點上兩款醬汁 : 甜醬和酸辣醬, 更能帶出魚的味道3) 芥蘭雞用炒飯 (中辣)我地因為大家也吃得辣 ,所以叫中辣 ,一個很好的炒飯 ~4) 米通配Namprik豬用醬很美味 , 本來以為Namprik一定係用魚整 , 估唔到配豬也ok , 椰漿味幾重 ,辣中帶甜 ! 5) 8安士的西泠牛扒 一向水準以上 ,good ! 愛心小提示:1) 如唔去private room , 可以要靠窗 , 對著酒店大堂 quiet good !2) 據講個廚之前係service 泰國皇室的 3) HSBC Platinum有 15% off discount4) 白飯是任添的
continue reading
訂了檯7:30，不過遲了少少，一進去準備坐下時，看一看旁邊，看見一名男士拿著99枝玫瑰在求婚，真有趣! 有時我會忍不住向那邊望一望，不過又不太好意思。但論環境和情調，這裡的確是一個不錯的地方。不過真的很黑，常懷疑侍應哥哥究竟看不看到我們。是晚是星期五晚，也有數檯客人，不至冷清。先來放下一盤蝦片，非常香脆好吃，一點也不辣。它有一碟醬汁跟著的，酸酸辣辣的，有點像甜酸醬的感覺，是好吃的。頭盤叫了沙嗲串，分別是豬肉和雞肉。個人覺得豬肉較好吃，因為較淋和肉汁較豐富，雞肉吃下去感覺較乾身，雖不至於靱，但相較豬肉就差了一點點。沙嗲醬不辣，略帶點點甜味，也算是開胃的。沙律叫了柚子蝦沙律，因為這個好像是唯一不辣的沙律。不過來到的時候其實也是有點點辣，因為吃到薑粒，而且也有辣椒粒。吃下去有很濃的青檸味，柚子頗多，不會很酸，感覺清新。整碟很多細蝦仔，也算有鮮味。沙律可以接受啦，不過不算特別好吃。之後主菜叫了燒雞，來到的份量也是適中的，不過我們說感覺有點像豬頸肉呢，哈哈! 也燒得有點點燶，吃下去吃到炭燒味，相反雞味就不太突出，不過肉質是肥美嫩滑的。也附有一碟辣辣的醬汁，加少少更惹味一點。最後叫了個菠蘿炒飯，其實我是挺喜歡吃菠蘿炒飯的，因為菠蘿鮮甜和酸酸的，會令到人很開胃。飯來到的時候賣相非常不錯，而且也很大，我們吃了一段時間才吃完。菠蘿很鮮甜，和炒飯在一起真的很好吃。飯炒得不算乾爽，不過與其他材料配在一起是很香的，如提子乾，青椒紅椒粒。它有數隻大蝦，真的挺大隻，而且爽口鮮甜，不錯呢!最後吃畢當然要叫甜品，首先叫了一個芒果糯米飯。以前真的不喜歡的，但不知為何於泰國吃過後就變得非常喜歡吃了。這裡和泰國的水準也非常相似，吃下去糯米飯是暖暖的，也是用白糯米，而且有暖暖的椰汁在面，飯索掉了椰汁味，既香又軟熟，真的好吃! 芒果也是鮮甜不酸，不會有渣的，吃得再飽也要把它吃光光呢。另外叫了法式椰子焦糖忌廉燉蛋，這個很好吃! 不過朋友一吃即刻變臉，哈哈，因為他是不喜歡吃椰子相關的東西的。結果整個燉蛋就由我負責吃完了，喜歡椰子的我當然覺得很好吃，因為真的超濃椰汁味，有個椰皇作器皿，真係貼題。表面的焦糖頗甜，而且咬下去時感覺有點點厚，椰子味的燉蛋也充滿蛋香，也是很好吃。不過就真的有點點漏，我吃完它已吃不下任何東西了。環境及服務也是不錯的，AE白金咭有 85 折，所以今餐可以慳返少少，哈哈! 如果不是distill water，可以更平呢! 聽說這裡廚師是泰國御廚，難怪有一定的水準呢! 我正準備推介給身邊的朋友吃呢，因為他正苦惱與女友慶祝生日的地點!!!
continue reading
23-10-2009有幸出席呢餐非常的特別 dinner, 多謝晒食友 M 的邀請! 炸蝦餅: 蝦的比例比其他地方食到的多好多, 食落有實實在在的粒粒蝦肉, 味道鮮甜, 食落無油, 彈牙之餘係鬆化得似食緊餅乾 , 再蘸點酸多過甜的醬汁, 係十分開胃又唔膩的小食, 正 面頭仲有炸檸檬葉 furnish 一下, 又係炸得酥脆無油, 帶淡淡草香 (食友們仲笑說「無碧麗珠味」!?!? ), 幾討好. 第一道菜就咁出色, 不錯的開始喎. Minced chicken & prawns with corn in crispy corn basket: 將面頭的芫茜剔除後成件放入口, 食到淡淡粟米香, 及鮮蝦肉的清甜味, 無留下深刻印象, 不過都幾好食的.燒牛肉沙律: 牛肉燒得香口軟腍, 沙律 base 以洋蔥及蕃茄為主, 配上多酸微辣的唔知乜 (醋/魚露-based?) 沙律汁, 夠晒開胃, 不過又一印象唔深菜色... 青木瓜沙律: 青木瓜幼如 capellini (!), 食落極爽口清嫩, 辣度就比想像中溫和得多, 酸度亦唔算高, 好對胃口 燒豬頸肉: 一般肥美爽口, 亦燒得唔多夠香, 食咗都唔多記得...青咖喱雞: 雞件唔嚡, 咖喱汁有點稀, 辣度比想像中低, 味道除帶點 basil 香以外, 就較鹹, 不過青咖喱我一向麻麻, 唔講太多了.紅咖喱鴨: 汁較濃稠, 好香, 唔辣, 椰味重, 帶點甜味; 燒鴨件亦唔馬虎, 幾嫩腍, 連皮食帶淡淡鴨羶香, 送飯一流的一道菜!Massamen 咖喱牛: 第一次食 massamen curry, 咖喱汁帶點 nut 味薑味香茅味, 質地比紅咖喱更濃稠, 有點印度 feel 牛肉燴得軟腍入味, 又係送飯一流.冬蔭公蝦湯: 我怕死, 要了「小辣」, end up 辣度剛好 (睇怕 "default" 辣度應該辣得死我...), 而且可能因為湯底無落椰汁, 飲落酸香及檸檬葉味突出; 配料就以蝦及草菇為主, 印象特別深刻又係嗰兩隻新鮮清甜肉又爽的海蝦, 哈哈 脆肉炒芥蘭: 脆肉唔脆, 芥蘭就夠爽脆又幾嫩, 還可以的一味.泰式炒金邊粉: 配料有 standard 的蝦, 豆乾, 蔥, 芽菜 etc, 炒得頗乾身, 食落煙韌, 味道甜多過酸; 4 款配料 (e.g. 魚露, 糖, 辣粉...) 就一款都無試到, 真失敗 Thai 以外, 亦食了 3 款 Grill, 好似係 USDA Rib Eye, US Red Angus Beef Tenderloin 及 Australian Wagyu Rump... 幾款都烤得好香, wagyu 最軟腍嫩滑, Angus 牛味就最重最「濃縮」, rib eye 就帶點油脂的甘香, 個人而言就最喜歡 Angus 幾款醬汁有 green peppercorn, mushroom & cream, béarnaise 及 Thai Jiew Dip, 只試了 mushroom & cream 及 béarnaise, 前者杰身, 菇香濃烈, 味道有點似 gravy, 後者就係牛油-based, 帶點酒味又酸酸哋, 配牛扒都不錯.鹽有 4 款, 試了 Himalayan, 諗起 Intercon 的「名物」(http://www.openrice.com/restaurant/commentdetail.htm?commentid=2016640), 哈哈 Mustard 就有 3 款, 試了「招牌」(?) truffle mustard, 香得緊要, mustard 的微辛及 truffle 的濃香加埋一齊, 原來好夾, 仲竟然有點 "aftertaste", 勁正 Side orders 有 creamed spinach with pine nuts & shallots 及 sauteed mushrooms with herbs -- 只試了前者, buttery 又 cremay 到呢 , 忍唔住當 cream of spinach 湯係咁「畢」嚟飲 食完一堆牛扒已好飽, 但 dessert menu 咁吸引, 唔係唔食呀嘛? Chocolate chilli tart with mango sherbet: 朱古力味夠香濃, 少甜, 不過就無乜 chilli 痕跡; mango sherbet 味道夠自然清新, 但我覺得同 chocolate 唔多夾, 還是 creamy 一點的雪糕較好.芒果糯米飯: 糯米飯軟熟, 索滿椰汁香, 芒果亦香甜無渣, 簡單的一味亦做得出色, 不過糯米始終較膩又飽肚, 勁飽的大家好努力仍然食剩唔少呢 Pineapple pancake 面頭的係 thyme & lime sherbet: "pancake" 質地味道都似 sponge cake 多 d, 食落鬆化輕盈, pineapple 味就較淡; thyme & lime 用嚟造甜品真係第一次食, 雪葩做得幼滑, 味道勁酸, 帶淡淡草香, 令人諗起 Mix 的 Grapefruit Granita (http://www.openrice.com/restaurant/commentdetail.htm?commentid=147063), 幾得意.Coconut creme brulee: 據聞係呢度「名物」, 用椰皇做碗, 面頭焦糖我覺得厚了少少, 不過夠香甜; custard 甜度低, coconut 味又唔會蓋過蛋香, 好食喎 Coconut ice cream 落了粟米及芋頭一齊打, 味道帶少少鹹, 幾特別;「後加」的就有海底椰及 cashews, 多一份咬口, 幾得意亦幾好食.而咁多款當中, 最正就係 Thai Tea ice cream -- 滑溜, 甜度低, 茶味好香, 帶點甘甘哋, 唔知乜茶嚟0架呢? 好喜歡呢 食物精緻又好食, 環境及服務當然亦十分好, 不過呢度係 Grand Hyatt, 唔係唔好呀嘛?再次多謝食友的邀請及店方的安排, 希望將來有錢再幫襯呢度一次吧.
continue reading