泰寮泰菜館 (Closed)

約了媽媽和妹妹去一田買羽絨, 去一田前就去這間餐廳食午飯. 看之前的食評, 好似幾好, 所以就揀這間, 但很可惜, 實際上, 又不是太好.我們三個人order了: 蟹肉炒飯: 近乎沒有蟹肉, 很多蛋和蔥, 很多油 炸蝦餅: 炸粉厚, 蝦肉不多 泰式濕炒河(雞肉): 河粉在底部, 但太濕, 太多汁, 好似湯一般, 西蘭花比較硬, 幸好, 都算多雞肉和菜 沙嗲串燒(雞肉和豬肉): 沙嗲汁不辡, 反而好咸這餐總共$102, 價錢不貴, 但食物質素差, 侍應十問九唔應, 態度差.應該不會再光顧了.食完後, 終於明白, 為何在星期日下午的黃金時間, 在這人來人往的商場內, 這餐廳還可以不用等位.....(PS 由於餐廳內好暗, 所以相片不太清楚)

遲左好多寫食評 ><親戚黎香港,帶佢地食好野 每逢星期三都有特價,有8折 .星期2去即刻覺得蝕左...不過用credit card 比會有折...大概有八五-九折 (depends on用咩卡)4個人去.叫左個388 ge 4人餐, set dinner ge 配搭部分可以自選,都算flexible包括:什錦拼盤: 有春卷,雞串,魚餅個d ....無咩特別蒜蓉牛油焗大蝦: 推薦ar ,蝦好大隻,好多肉,牛油味唔偽好重,但會食到蝦ge 鮮味,外面有少少乾,但都可以接受>< 無辦法,咁大隻蝦...最唔好就係得6隻,唔夠分 甜酸豬柳(轉),原本係青0加喱雞黎....一開始諗會唔會好似平時d 甜酸排骨....但佢又唔係喎...係另一種,都好味ar 飛天通菜(轉): 呢個都 推薦ar ....原本係素菜煲黎...個菜個汁好好味,但硬係食唔出用咩整....唔係我都想咁整ar 蝦糕炒飯:唔....咸左少少 甜品-"椰青糕"....普通,不過椰青可以再多d 唯一唔好係份量少左d ,唔多夠食 太肚餓....所以有d 相濛左d ,請見諒><

食物唔錯，但係服務就有待改進，因為我同朋友係咁叫佢地，但係都無人應叫飲品的話，大家千萬唔好飲三色冰，味道好怪異好難頂得順﹗但係碗麵就幾好食又夠大碗好飽肚架，而且又平平地包埋飲品都算係食得過啦~

沙田唯一的平價泰國菜~每逢星期三都有特價,十分吸引,雖然環境一般,味道同份量都比較好...只不過這煲咖哩就...有D好奇怪既味道,唔似泰式的.........最值得回味既就係肉碎煲仔飯,陣陣飯香,草姑同肉碎再加芋頭...簡直天衣無缝呀!!!

三個人忽然想食泰國菜 所以用手機上openrice後決定試一試依間野一去到就叫左一杯三色冰 不過真係唔係太好飲之後叫左一個鐵板豬頸肉炒麵就幾好食 都係35蚊姐大家一定要叫咖哩牛腩煲 38蚊真係抵食到暈加7蚊就有個白飯送咖哩仲有叫左個冬陰功海鮮雲吞(30幾蚊)不過好細 又唔夠辣 三個人唔係好夠分 得果兩粒雲吞仔最差係一開頭迫你食蝦片 成10蚊最唔抵 不過又幾好食先死平日埋單記得用信用卡 好多卡會有85-9折一係就星期三先去 唔洗用卡都有8折好抵食p.s. 所有係入面做既人都講泰文連廚師都係 因為我偷聽到

想食泰菜，如果返工會特登收工去九龍城食，但係今日放假，於是行去附近求其搵一間食，咁就出事啦！７點鐘，唔知點解啲人咁早食飯，平時７點手先開如周圍要等位咖嘛，今日７點已經要等，不過等咗兩三個字就入枱。蝦：唔係我哋叫0既，枱枱坐低，都屈你要一客，成為$10，人人有份，永不落空，但竟然係全部嘢最好味嗰樣。飛天通菜：唔夠味，唔係唔夠醎，係唔夠飛天！泰式豬頸肉：原價$38，特價$28。豬頸肉ok0既，但啲醬味道勁怪，我覺得似蕃薯味，男友話似酸梅味，唔知點解無叫生蝦，又有碟生蝦醬，攞來點豬頸肉，反而夾啲。泰式炒金邊粉：$45，普通啦，大碟，兩個人食，有啲滯。明爐烏頭：$138，特價$118（無烏頭，取消）拼盤：無鳥頭，改食拼盤，４拼－－炸蝦餅、炸魚餅、春卷＆串燒，其實好貴，大:$158，中:128，小:98，我哋叫咗個小0既，等咗好耐無來，催佢，再等好耐都無來，一定係漏單囉，漏都算啦，咁催你就好快啲上啦，仲要我哋等，跟住唔等叫佢取消，佢仲好意思話整緊，我哋睬佢都傻，都係唔要，埋單。東亞信用卡八五折，中銀９折，我用東亞埋單，$125。食唔飽，但唔想再乾等。叫佢加茶，又係勁慢。服能度唔係差，不過超慢。嘢

尋晚做冬(3個人), 就去左食晚飯, 叫左 : 豬頸肉 --- 正 :冬陰公湯雲吞 --- 湯好飲 鰔魚炒介蘭 --- 鰔魚好大粒, 唔通出面個d , 得個少少. 蟹子炒飯 --- 好食, 有鑊氣 . 鐵板甜酸魚 --- 麻麻, d 肉"霉"既 總的來說, 唔差呀, 仲好味喎 !!! 埋單用東亞咭仲有 85折添, 抵食!!!! 共 HKD 191

叫左:椰汁繪海鮮飯好淡淡淡的白汁喇...真係食唔有D咩味... 好似係D杰杰地既水味...好在D料都唔會太少...話曬...都係...LUNCH SET 呀...咸魚雞粒炒飯還好喇...D飯都好軟...唔夠硬身...沒有咸魚的香喇...肉絲少油麵下午荼...等左好耐先有得食喇...一上菜...真係滴曬汗呀...雖然話圖片唔可以作準...不過...都唔好差咁遠呀嘛???好求其的...好細碟的...好油的...自己去排隊俾$的~

Lunch時間一個人黎到呢度食野。泰式雞翼冬陰功担仔麵: 泰式雞翼以為係香茅雞翼，原來係豉油雞翼!!!!!!同係屋企食既完全一樣，攪錯呀，咁就唔叫泰式啦!!!! 真o咀冬陰功湯底($5)係另加既，冬陰功酸得緊要，酸到蓋哂其他味，唔得担仔麵ok，其餘仲有d西蘭花，椰菜花，草菇，蕃茄，不過都救唔到呢碗野，比喊一定走唔甩嫁啦!!!涷檸茶: 杯茶濁到唔透光，飲落澀澀地，超難飲我食完拿拿聲比低錢走，呢間野永遠Blacklist呀!!!!

一家人睇完戲食晚飯, 叫咗四人套餐$388.00, 不過; 非常失望,1. 特色拼盤: 春卷/ 蝦餅 / 串燒還可以, 不過; 還有一個唔知係咩肉餅, 味道怪怪.2. 焗大頭蝦: d蝦肉梅梅地, 食落有d怪.3. 青咖哩雞: 一舊雞肉都無, 衹是得d雞絲, 勁差.4. 蝦糕炒飯: 都可以.5. 什菜煲: 都可以.6. 香芋紫米: 都石以.埋單$438.00, 超失望.

今天當了整天「孝順女」，因為媽媽想到一田買東西，故與她一起到達「人山人海」的新城巿廣場，結果，想要買的甚麼也沒有買到，不想買的卻買回家了。大概到了下午六時左右，我見媽媽腿累了，便摧促她一起到希爾頓中心的泰寮，早點吃晚餐，早點讓雙腿休息一下吧！當時大概六時五分左右吧！門外已經有三位叔叔、嬸嬸在等位了，他們都說這間店不錯，當時我看到店門寫著「五時至六時，員工晚飯」，結果，我們等到大約六時二十分才有人說「可以入去了」！天啊！如果是這麼久，何不寫「請六時半再來」？坐下了，那兒的卡位並不好坐，因為有點瘦，也可能是我的屁股太大，怎麼坐也覺得坐不定，哈！然後等了很久，那些侍應也沒有給我餐牌，甚至是倒茶也是在我要求下才發現我這一桌，既沒有要「收費」的蝦片，也沒有茶和餐牌，加上之前的十多分鐘等待，印象降到極點，看他怎樣用食物鎖住我的胃！！最近在節食，因為體重不受控地往上升，年紀漸長，要好好控制體重，不過那堆價值HKD 10的蝦片也算不錯吧！樓下有食評說印尼蝦片好吃一點，不過我覺得這盤蝦片也不錯，可能我較喜歡泰式蝦片吧！記憶中有這款蝦片的零食，一大包大概 6.9，這裏十元，相差不了多少吧！雖然有四款不同的

又在新城市食野，要吃的都吃到爛哂，今次竟然俾我０係希爾頓搵到呢間野﹗入座即有蝦片送上，少少辣夠哂香脆，雖然唔洗錢不過份量卻不少，正﹗先來一個泰式鴨胸青木瓜沙律，份量多而且做得夠辣，加上少少酸醒神開胃，鴨胸味道濃郁，用來做個前菜最好﹗點了個香茅胡椒鳳尾蝦，蝦用炸粉先炸再加入香茅及胡椒同炒，麻中帶鮮，惹味之選，好味道﹗最後以一個菠蘿炒飯作結，炒得乾身有鑊氣，用料亦多，好味道﹗總結呢間野食物不錯環境亦不差，在沙田來說的泰菜叫做很好的了﹗可能今次夜左來一入來就有位坐，相信平日繁忙時間要找位也是難事了﹗

見到呢間野成日都咁多人係門口等位就入黎試下喇今日一向都好喜歡食炒米粉所以就叫左泰式炒米粉$28(唔包野飲, 另加要$6)本身真係好有期待ga點知.............佢送黎既時候~~見到~~e??呢d咪金邊粉黎ge???我見到隔離台叫炒米粉都係叫送埋same既野就知佢冇送錯~~我當時唔係心情好一早叫佢換走佢lor!!!點解可以咁樣欺騙人ga......佢唔係當香港得佢一間泰國餐廳先得ga......金邊粉當米粉都有~~~~(佢門口同menu都係寫米粉)其實味道係正常~~不過如果食過大埔或mk都有既紅辣椒餐廳既金邊粉~~就會比下去~~~首先~~呢到d豆乾冇味~~口感差好難食~~d腰果軟林林~~~好似過晒期咁~~~成碟野有個唔新鮮既味道係到~~~好差~~最差既係我一心一意想食米粉~~~結果卻送上一碟金邊粉黎~~~~~我對食泰國野不嬲都好有要求~呢間野~~以後都不會再say hello喇~bye bye

成日行過希爾頓中心都見呢間餐廳有好多人排隊﹐今晚吾知食MUD好﹐所有就黎一試。 由於時間尚早 (6點)﹐所有即刻有位﹐可惜2個卡位已經比人坐左﹐唯有坐係入面校靜既一張台! 一黎先有個蝦片小。之前去其他泰國菜餐廳都無﹐幾特別! (不過原來要收$10)MENU上面有好多野食﹐最後都係懶所有叫左4人套餐! 大蝦冬陰公 (酸酸地不太辣﹐而且蝦都有4大只) 燒豬頸肉 (幾好味!!) 腰果炒大蝦 (套餐裡面其他餐都可以轉﹐唯獨呢個吾可以﹐麻麻地﹐好多蔥見吾到腰果同蝦) 飛天抄通菜 (係招牌菜﹐裡面加D豆﹐好好味!! ) 泰式濕炒河 (吾錯) 椰汁西米露 (有好多芋頭﹐可以接受)呢間餐廳雖然望落無MUD特別﹐但味道吾錯而且有特色! 最重要係價錢一D吾貴 (晚餐恆生同東亞信用卡有85折﹐匯豐同中銀有9折)﹐我見到 MENU上面有好多其他野想試﹐下次一定會再幫襯!

抵食下午茶同細妹行街路經此店,下午茶勁多人等位,原因唔駛加一下午茶餐:豬扖米+支裝可口可樂都只係$15( x2 )串燒x2+魚餅+蒜蓉包x2只係$22( x1)味道唔差,價錢便宜服務人手不足,可能是下午茶關係,平野預左要等唔收加一,埋單兩人合共$52