泰斗 (TKO Gateway西翼)

Open Now

Now Closed

餐廳的環境相當舒適，特別是窗邊位，開揚的視野讓人感覺非常放鬆。陽光透過窗戶灑進來，讓整個用餐氛圍變得愉悅，非常適合下午茶的時光。泰式炒金邊粉泰式炒金邊粉的味道整體來說不錯，但偏甜的口感讓我稍感意外。雖然炒得幾均勻，金邊粉吸收了醬汁的香味，但甜味略為突出，可能會讓喜歡重口味的食客覺得有點不夠過癮。配料方面，蝦和蔬菜新鮮，搭配得亦相當好，但若能再加一些香料或辣味，會更加提升整體風味。珍多冰至於珍多冰，甜而不膩，好飲。不過，講到價錢，下午茶的定價似乎欠缺競爭力，對於同類型的餐廳來說，可能會讓人覺得不太划算。此外，職員的服務方面亦有待改善，這影響了體用餐體驗。

服務一般般，依間泰式餐廳完全不是泰國菜的口味，叫左冬陰功湯、明爐魚、菠蘿炒飯、咖喱牛腩、生蝦刺身。冬陰功湯有少少酸味嘅蕃茄湯味道，香茅檸檬葉欠奉唔係正宗冬陰功湯。明爐魚條魚好食，條魚處理得好差多處地方有魚鱗，又係完全冇泰國香料香茅檸檬葉完全係冇嘅，如果蒜頭豆豉蒸就非常好食菠蘿炒飯唔熱，應該唔係即炒咖喱牛腩，牛腩份量少（3少件）完全係微微暖，應該係微波爐出嘅生蝦冇乜問題食過九龍城嗰啲泰國菜就覺得佢亂嚟

泰斗 (TKO Gateway西翼) (將軍澳)地點📍將軍澳坑口常寧路2號TKO Gateway西翼1樓W114號舖咁耐冇食泰國野，今次近近就係附近搵間泰國野食下---------------咖喱牛腩飯💲忘記咖喱唔算辣，用左黃咖喱有甜甜地嘅味，而且牛腩亦都炆得好冧，仲有薯仔做配菜---------------泰式豬髀飯💲忘記豬髀忟得好冧，一D "鞋"肉都冇，而佢個泰國辣醬都好好食--------------自選船麵💲忘記船麵湯底好好味，好濃，金邊粉分量都好多亦可以自選要雞絲/札肉/豬頸肉---------------

今日行過，打算入去食，明明眼見有很多位，但又唔畀人坐，又話裏面清場，都算，但出面都有大量位置，但都唔可以坐，話我哋得兩個人，係都要同其他人逼埋一齊坐，如果係繁忙時間大家明白嘅，但現在已經三點半，沒有太多人光顧，為何仍要這樣安排，已將此店列入黑名單永不幫襯

我叫了一份午餐是泰式豬肉炒粉絲，豬肉份量得2至3片，其餘都是碎濕濕的肉碎，菜也比得很少，差不多好似是齋米，同服務員投訴，她的回應竟是：「係咁架啦…」我真是無語＞＜好似慣常答案。態度好差，好hea!!!味道又唔好食，仲有果間又不是茶餐廳又要自己酙水，價錢平均都$70以上凍飲再加$5,真係咁既質素都好意思收這個價錢，我須然第一次食但下次唔會再幫襯

不好吃，冷氣也很冷讓全世界的北極熊來没有一隻會死！點了豬肉炒粉絲，猪肉少到呢，㕑房當豬肉係寵物呀，咁唔捨得咁。問個店員仲話係呀，你佔吓我做咩問你啊喂！還有個碎肉飯，肉少到我以為世界末日了沒曬食材。總之就是差，仲有個店員唔知叫咩名，態度差仲有個食緊野又話收咩餐牌，做咩呀你餐牌有腳會走架，我仲食緊，又拎嚟拎去咁。出到嚟見個個人都係灰色架之前食過都幾好架，做咩呀，仲收70蚊最後我一個須佐能乎，別吃了 快倒閉吧

We wanted to have Thai cuisine on this weekday night, so we went to try this Thai restaurant on the way in TKO shopping center in Hang Hau. Quite spacious restaurant and there were not many customers in the restaurant at 8:30pm, so we were seated at a quite big table next to the window. 馬拉盞炒通菜 is very yummy. We order pork, chicken and beef satay skewers to have a try. It ended up the beef skewer was the best as it was the most tenderThe presentation of the tom yum kung in coconut is amazing. So

週末悠閒地去食個下午茶，求其揀了一間泰式餐廳，想不到食物的味道卻令人十分驚喜。第一道是泰式雞柳炒河，雞柳肉片經過炒煮後保持了嫩滑的口感，並且與炒麵條完美結合。這道菜一上枱已經香氣撲鼻，一放入口味道鮮美，很有鑊氣，讓人難以抗拒，一口接一口，很快吃完。另一道菜是海鮮冬陰功金邊粉，同樣令人印象深刻。這道菜結合了多種海鮮和微辣的冬陰功湯底，味道酸辣開胃。金邊粉的軟嫩麵條與湯汁完美融合，使整道菜的口感更加豐富。海鮮與湯底的味道相得益彰，是特色的泰國風味。總體而言，這家泰國菜餐廳的泰式雞柳炒河和海鮮冬陰功金邊粉都展現了泰國獨特的風味和意外的烹飪技巧。無論是對於喜愛泰辣口味的人還是喜歡有鑊氣的人來說，這些菜肴都是非常值得一試的美食選擇，亦成為我假日餐廳的口袋清單！

19號星期五 夜晚7:00 一行兩人 星期五夜晚都冷冷清清 都知間野伏伏地 算啦 鬼叫坑口得一間泰國餐廳 叫左一個泰式鳳爪$88 ,一個馬沙文咖哩牛腩配薄餅$148 ， 之後因為啲咖哩多再加配咗一碟薄餅$28 一個海鮮濕炒河 $98一杯椰汁冰 同一杯凍檸茶 連加一 埋單 $476首先講碟 鳳爪 數埋唔知有冇5舊 跟住個牛腩咖哩 啲牛腩硬過我條命 垃圾😢$148最後海鮮濕炒河 45分鐘催左4次先上 上到黎問侍應拎辣椒醬話冇 得辣椒粉 咁照要 但最後成碟食曬 都冇拎到黎 成個用餐過程 要食物質素冇 要服務冇 難怪星期五夜晚 都冷清清 落單用QR CODE 淨係入座時倒左2杯水 捧左幾碟食物上黎 憑咩收服務費？ 簡直垃圾

去咗呢間將軍澳嘅泰式餐廳，首先試咗佢地嘅燒豬頸肉沙律，酸酸地又微辣，豬頸肉燒得啱啱好，外皮微焦香脆，入口即化。手打炸蝦餅真係勁，蝦餅鬆脆得嚟唔油膩，真係即炸即食👌。炒飯同炒河細節做得好好🍚。泰式香辣蝦膏海鮮炒河，海鮮個個爽口，炒河味道濃郁得黎唔會太辣，蝦膏嗲嗲地，融合得好。而家講到鹹肉炒飯，炒得粒粒分明，鹹肉嗲埋嚟香噴噴，咬落有嚼勁，夠哂飯香。飯後嘅芒果糯米飯，啲芒果新鮮香甜，撲鼻椰香，同黏糯嘅糯米飯真係絕配！薄荷奇異果乳酸飲落去清新解膩，而洋甘菊香茅花茶就提提神，好適合飯後㖭下。全體嚟講，呢間餐廳嘅泰菜真係好地道，食物新鮮，味道正！胃口大開噃～ 🍤🥗🍛

星期日接近八點 餐廳冇坐滿 有位直入 想叫侍應落單 個mk 妹侍應行過黎拎起個牌叫我地自己掃qr code 落單 我反問佢係唔係就唔落單侍應話：你想落都得嘅 咁你想要d 咩啊？態度傲慢無禮 收加一嘅餐廳要人自助落單已經好荒謬用餐期間 杯水飲曬 都已經擺到出臺邊示意要加水 d 侍應都係完全無視 臨收銀個陣投訴個侍應 點知個收銀話： 係啊 唔好意思 我地都知佢傻傻地 佢係唔係好識點招呼客人 我地餐廳開善堂 比較包容 佢係傻傻地架 慢慢教緊佢認真九唔搭八 最後奉勸各位 如果你夠寬容大量接受又傻又態度差 食物又貴又麻麻嘅餐廳 歡迎黎呢度

坑口區內泰國菜，環境舒服，坐到窗口位係望街景，食物種類選擇都算多鐵板蠔仔蛋，蠔仔新鮮，不過濕左d，唔知係唔係蛋下面d牙菜出水木瓜沙律魷魚小辣，酸酸辣辣都幾好味泰式鹹肉炒椰菜苗蒜香軟殼蟹一般，無乜驚喜清邁香酥酸辣魚，酸酸辣辣魚又滑仲有個泰式蝦醬炒飯，唔記得影相炒得唔錯，幾好味道整體食物係ok,係可以一試的泰國餐廳

今晚想食泰國菜 就入咗呢間餐廳試下 叫咗 炒金邊粉 ，串燒 有豬、雞和牛，軟殼蟹， 小食拼盤 有蝦餅、魚餅、春卷和雞卷， 咖哩雞 蒜蓉包 同薄餅， 其實每樣都好好食， 除了串燒 ， 真係有少少失望， 尤其是雞肉 係唔香係無味，同埋唔熱，算了吧！ 叫咗咁多嘢都係六百幾蚊價錢都係公道的。

📍呢間泰國餐廳係坑口咁多間嚟講最舒服，會有玻璃窗邊坐氣氛都幾好，多人食仲有梳化位可以揀，夜晚嚟同屋企人或朋友食飯都適合！💕 生菜包($98)可以揀辣度，送嚟嗰陣時仲會有埋炸豬皮都幾惹味。汁燒牛小排($168)會燒到半熟，牛味都濃但就比較肥，我麻麻哋不過屋企人幾鍾意😂💕餐廳仲有唔少自創嘅新食品，見到有冬陰功炒飯都幾想叫不過最後就揀咗蝦醬炒飯($88)，蝦醬都落得幾多，成個飯會偏向鹹口，再加埋臘腸，呢個飯幾重口味🤭最推薦係串燒($32@2)，每款都係即叫即燒，仲要燒到外皮好脆口。

將軍澳都有泰國嘢食，呢個係黑松露蟹肉炒飯，$70，連埋熱嘅泰式奶。一上枱以為蟹肉係得兩條蟹柳，嚇死我，但食落去其實飯入面有好多蟹肉絲。而且黑松露味都好足夠，炒飯都炒得好香，不過就唔係太似泰國嘢。而且第一次飲都熱嘅泰式奶茶，好搞笑。