泰斗

Open Now

Now Closed

📍 泰斗 (元朗)元朗大樹下東路大旗嶺村633號地下———————————————呢間餐廳係位於元朗嘅一間超大獨立屋，裝修夠晒靚，成個環境空間感極高，啱晒一大班朋友嚟聚會🎉亦都好啱情侶嚟拍拖💖🥰 餐廳到處都係打卡位，食物方面賣相都唔錯，啱晒鍾意影相嘅朋友們～ 唯一就係位置有少少偏遠，可能要揸車先會比較方便，不過勝在都有得泊車! 大家週末可以考慮去元朗半日遊，順便試吓呢間泰菜😋冬蔭功大頭蝦湯（細）(💰: 148 hkd)冬陰功酸酸辣辣，飲落仲充滿咗海鮮嘅鮮甜味，湯料都好足，除咗有好鮮甜嘅大蝦之外，湯底都有唔少菇類，總括嚟講味道好濃郁～泰式燒豬頸肉(💰: 128 hkd)豬頸肉外皮燒到脆卜卜好香口，上到枱仲熱辣辣，肥瘦同每件厚薄適中，肉質軟腍嫩口，配上酸酸哋嘅魚露汁簡直係絕配😍泰式香燒雞（半隻）(💰: 188 hkd)燒雞即叫即整，需時大概20分鐘左右，上枱嘅時候香噴噴仲冒緊煙超吸引，肉質好嫩，一啲都唔鞋口，而且雞皮好香脆，粉絲蝦煲(💰: 298 hkd)粉絲蝦煲有三隻大蝦🦐🤩 全部都好大隻好鮮甜，墊底嘅粉絲份量超多，我哋完全冇叫飯麵都好夠曬飽肚!!芒果沙冰(💰: 68 hkd)呢個我都會

同朋友慶祝生日，佢想食泰菜，喺佢屋企附近search吓，就發現呢間比較新開嘅泰國菜。搭68E馬田壆落車，行兩步轉左就到，比想像中方便。黎到見到間餐廳真係好大，戶外仲有個好大既area, 真係好似去咗泰國一樣。去到入面都覺得好大，裝修好泰式、好靚、好舒服！服務員都好熱情，招呼左我哋去好闊落嘅卡位。打開餐牌，真係有啲眼花撩亂，菜式真係好多，但係我哋得兩個人，就主觀揀啲平時鍾意食嘅嘢。泰式生蝦🌶️🌶️嚟到仲凍到出緊煙，生蝦新鮮又彈牙👍🏻👍🏻配生蒜點埋醬汁，簡直Perfect呀生菜包🌶️🌶️好大碟好吸引，叫咗小辣，肉碎份量大，香辣惹味，同生菜清爽口感配搭後好好食泰式辣椒膏炒青口🌶️賣相吸引，青口夠新鮮、又大隻、冇沙，都有八隻左右，配菜仲有不少嘅芫荽🌿同洋蔥泰式濕炒河（豬）河粉係炒得好味嘅，略嫌個汁覺得有啲偏甜泰式香菜肉碎炒飯呢個真係冇得彈👍🏻香料好香，加埋好多豆角切粒，配埋個飯好出色👍🏻回味無窮椰汁沙冰 🍧 青檸七喜清甜、解渴飯後必選餐牌上面仲有好多嘢想食，例如柚子沙律、串燒、咖喱系列… … 已約定友人到我生日再嚟 🥰🥰

今日黎到元朗食泰國菜，呢間泰斗係位於元朗既獨立屋，空間超大超靚，入面既裝修夠哂華麗，好啱同一大班親戚朋友係到聚餐！✨咖哩老虎蝦每一碟都有三隻大過手掌既老虎蝦，個頭好肥好大。老虎蝦外層炸得好香脆，連殼都食得。每隻都有啖啖肉好新鮮。咖哩醬有濃郁既椰汁香味，配上薄餅真係好正！如果你係咖哩控，咁呢碟菜絕對唔會讓你失望嘅！✨泰式燒牛肉沙律牛肉既份量好多，肉質鮮嫩多汁，燒得恰到好處，每啖都有啲少許既焦香味，夾住蔬菜、番茄、洋蔥、西芹等配菜一齊嚟食，口感爽脆，真係讓人一試愛上。而個汁酸酸甜甜又帶少少鹹香辣味，令人胃口大開。係一道好食嘅涼拌菜！✨大頭蝦冬蔭功個湯既味道好香好辣，因為加左香茅、檸檬葉、薑等等香料，配合埋辣椒同魚露，令啲辣味唔會刺鼻，而係令人上口，又有種燥燥嘅感覺。再嚐嚐湯底，真係啖落都幾鮮甜，而啲大頭蝦就更加鮮甜，肉質乾爽有嚼勁，唔會過熟，味道好香，咬落去都好多汁。✨芒果糯米飯一上碟已經覺得好靚！佢既糯米飯色澤好靚，咬落去口感亦都唔一樣，啲糯米全身都係Q彈嘅，唔係好黏口，而芒果嘅香味令得啲糯米飯更加芳香。同埋芒果都好成熟，食落鮮甜多汁，啖啖香甜，配埋少少咸既椰汁，真係一流！

母親節book左枱嚟食飯，8點鐘已經話呢樣冇個樣冇，幾款野話要預訂，但經whatsapp訂位又冇講，呢方面已經唔夠貼心。最基本既通菜！都話冇。可能見我地有d不滿，又行返過嚟話有人取消個火山排骨 可以比我地。野食方面叫左咖哩蟹（蟹少 一定冇一隻）火山排骨 冇咩味 似煲湯排骨生菜包 串燒 菜苗 均屬麻麻最燥係個泰式生蠔 張相係生蠔上面有d泰式汁，好喇 一嚟到 d蠔上面有一大堆應該係炸蒜，我仲以為錯單 就叫職員，個職員話係咁架 你去泰國食都係咁，圖片只供參考。我話會唔會相差咁遠。講真 好食都由佢 重點係難食 唔夾，仲要蠔好咸 唔係海水味個種咸。唯一係環境唔錯如果你只係食環境 打打卡 唔計較食物質數，可以嚟試試

原盅椰青大頭蝦冬蔭功 $128.0（細）都幾足料，落咗大頭蝦但係冬陰功偏酸 覺得好似味道唔夠紮實但係賣相係好靚嘅串燒沙嗲豬（兩串）串燒沙嗲牛（兩串）串燒沙嗲雞 (兩串）同平時出面食到嗰啲就唔係太大分別賣相都幾靚 唯獨是係沙嗲汁可以再濃啲咖哩老虎蝦咖喱唔夠濃 有啲水 蝦肉肉質唔差但係咁大個碟剩係得三隻真係有啲嚇親😂😂烤薄餅用嚟點咖喱就啱啱好泰式蝦肉炒金邊粉蝦肉好彈牙 略嫌覺得金邊粉唔夠味🥲🥲Pina ColadaBangkok's summerWhite Temple嘢飲係幾靚嘅 不過好似落得太多酒😂令到成杯嘢飲嘅balance唔係咁好-店員嘅服務態度真係好好佢哋一見到有咩需要就會幫手而且餐廳內部裝修真係好靚好似去咗泰國咁樣我相信食物質素係可以提升嘅希望下次嚟食嘅時候會好食啲

從來都唔會打食評，今次真係忍唔住要打篇野警惕大家！同朋友一共六位book左台，好期待今晚餐飯。現場環境裝修都好好，氣氛唔錯，所以入到餐廳都非常期待！開頭點左8-9樣野食，等左半個鐘未到，要親自追！普通泰式小食不過不失，但主菜份量又貴又少，味道普通。最慘係以下呢兩樣真係經典，要比個‘伏’佢！1. 椰奶汁青口青口係好多隻，但所有都係得個榖，一舊肉都無。離哂譜！2. 芒果糯米飯芒果唔新鮮無味，劣食。憤怒離場，無下次！！

見到呢間野有其他分店 諗住應該都可以可能期望太高所以整體黎講員工有禮裝修有心思同埋乾淨既如果純粹黎打卡係可以既又有地方泊車但食物強差人意，落錯單 又等得耐叫左牛同雞串燒，黎左豬同雞叫左紅咖哩牛坑腩，黎左黃咖哩牛肉叫左生蝦 蒜蓉包 成個鍾都未上落單同事落完單 已經覆左1次我地嗌既野食都唔明點解可以落錯附近有2張檯既客人遲過我地黎食物已經黎哂其實等得耐都唔係問題，但落錯單 而且野食上檯既時候唔熱味道亦都吾講得上係好食但要讚既係 整個過程員工好有禮貌，服務良好可惜食物🥲 而且性價比吾高真係唔會再有下一次

發現新開分店係附近即時去探店，點知第一次禮拜日去到full booking摸門釘，話最好提前係openrice訂座。第二次book好位去到就即刻安排入座。位置都算偏，揸車黎都冇乜車位停，但係環境就俾4.6星啦！！！門口露天位有一大塊草皮地打卡影相，擺咗個掛滿星星燈嘅心型木櫈同埋戶外檯櫈，望落應該未完全set好佈置，遲啲可能會完善。Menu啲嘢食好豐富好吸引，樣樣都想食！！！研究十幾分鐘order咗三個餸馬沙文咖喱牛腩食咖喱至緊要係啲汁，呢個掂啊！薄餅沾咖喱就完全感受到咖喱味好濃好正，牛腩夠入味夠霖，薯仔煮到好粉入口即溶，配菜口感爽脆最後先加落去唔會爛晒。椰子雞湯第一時間想講個湯真係勁足料有椰子味嘅清甜又有少少冬陰公陣味，都幾特別，一煲有4-5碗咁，我飲咗兩碗都開始飽肚。鐵板豬頸肉豬頸肉切到細細粒加上用鐵板黎整好野味，有啲似BBQ嘅feel不過又keep到啲肉汁口感juice。最後埋單七百幾，性價比唔算高，不過啲菜品質素加埋環境都OK嘅接受到呢個價。室內佈置環境非常有令人忍唔住影相自拍嘅衝動，服務亦都唔錯，好主動幫你弼湯收碟等等。如果下次黎會再試下其他菜

位於元朗既泰斗獨立屋餐廳計埋戶外場地成萬尺，附近亦唔係啲咩明牌商店大廈，揸車成日都會經過，最岩元朗覓愛好者感覺身於泰國園林，著埋泰裝去最過引！泰國菜有好多款，有啲fusion 菜仲係西式上菜打卡一流，老闆仲話遲啲有私房菜食。下次會再黎。食物份量都好量都好充足，碟碟大大碟，豬頸肉肥瘦適中，入口又脆又淋，豬肉有蕉香感，係好食既！鐘意食蝦既都可以試下大頭蝦粉絲煲大頭蝦都有成五六隻，每隻手掌咁大再開邊處理，粉絲送蝦夠好味，吸哂啲精華，正！

必經之路😃 雖然仍沒有餐廳名牌但知道開業了當然要嚟試菜啦招呼非常好👍🏻一落車就有侍應係餐廳門口接待態度非常友善😙生蝦刺身是我非常喜愛😋個杯杯芒果沙冰好大杯🍹兩個人飲極都飲唔完可能我無叫辣嘢食啦🤪😜😝串燒叫了雞串、牛串😊又係雞～咖喱雞😍個汁非常啱我吃味😋一定要叫埋薄餅會更正巧合又係叫咗個新派嘅雞扒麵，雖然全部都係雞但煮法唔同，都好好味