泰胡椒餐廳

Open Now

Now Closed

原本想食韓燒，但係知道只係可以食個半鐘至一小時四十五分後，覺得坐一陣就走，就決定去太古城食泰國菜。呢間菜館幫襯過幾次，次次都係叫菠蘿炒飯、辣味炒河、去骨鳳爪及炸蝦餅。今次因為人少就無叫炸蝦餅，就叫個酸辣海鮮湯(細)。7:00pm去到，餐廳無乜人，大約7:13pm到齊所有菜，好快。Waiter服務好好，飲湯前先比碗我地，又幫我地拆筷子套。先到去骨鳳爪。食去骨鳳爪好睇運氣，因為一時好多雜菜，一時雜菜較少。今次比較少雜菜，去骨鳳爪一向有青檸的酸味，但係今次有點苦味，水準比以前差。酸辣海鮮湯(細)比想像中細好多，菜多海鮮料好少，魷魚及魚肉只係見到各一舊。湯無辣味，只有好酸的味道。下次有機會去食都唔會再叫。辣味炒河一向好鐘意食，今次亦keep住水準，唔係太辣，炒得唔錯，不過嫌太細碟。最後是原個菠蘿炒飯，炒飯落埋雞肉、提子、蔥及雜菜粒。炒飯份量好多，味道不錯，又有好多菠蘿，雞肉粒就比較少。四碟計埋加一$220。3+1人食都算係咁。

尋晚想食thai野, 就揀左呢間餐廳~d侍應服務不錯呀我覺得! 不停加熱茶, 見我地食蟹食得辛苦(本身只有刀叉), 會主動拿筷子同一碗茶比我地洗手我地叫左:冬蔭功 - 唔係太辣, 幾惹味~~幾開胃菠蘿炒飯 - 好大個啊~ 我覺得比出面的份量多, 而且有勁多菠蘿!咖喱炒蟹 - 個咖喱汁超好味!!! 撈飯好正! 蟹都ok, 好多肉呀, 但唔知點解d肉好癡殼..d蟹鉗肉咬極都咬唔到出來....呢個份量較少, o岩2個人食!比起好多thai餐廳, 呢間算幾好! 會再幫襯

年底大家放假前食飯蛋奄列, 好西式 style, 蛋包住肉醬, 唔錯豬頸肉, 一般濕炒貴刁, 一般咸魚炒芥蘭, 麻麻, 以前食過好 d冬蔭功, 酸得幾好味, 唔太辣炒粉絲, 好辣下 (仲辣過冬蔭功), 不過幾好味, 鍾意辣既就要試下, 黃咖喱雞, 有 d 椰汁, 幾甜, 唔錯甜咖喱牛, 好似黃咖喱雞仲甜, 麻麻

慶祝有同事加入, 黎左 thai pepper 食豆角豬頸肉 (比平時果 d 無咁乾身, 都 ok)泰式牛柳 (好淋, 好食)濕炒貴刁 (一般)炸蟹餅 (點埋 d 醬汁, 幾好)炒粉絲 (頗辣下, 幾好食)鹹魚炒芥蘭 (幾好)黃咖喱雞 (一般)咖喱炒蟹 (咖喱好味過蟹, 撈飯一流)order 左椰青, 青檸梳打, 龍眼冰龍眼冰 (龍眼好甜, 都幾好飲)

這間店由我3歲就吃到現在！是我最喜愛的一間店。細細個果時唔食得辣就最愛吃他們的沙煲青口和炒粉絲，但今時今日d青口邊到有以前咁大隻，真係冇咁好味。不過而家我就最鐘意食佢地ge醃牛柳和鹹魚炒通菜和炸魚餅。基本上e 間野冇味賣相可言，但一定係最正宗的泰國野！而家我同我哥哥都去左外國讀書，但仲成日突然好想食佢地ge野！一句講曬！超正。

幫襯左呢間泰國菜館都有十幾年, 雖然我唔係太古城街坊, 但係由剛有太古城UNY開始, 每次過黎太古城就幫襯。十幾年前未有City Super, 只有沙田八佰伴, UNY超級就真係好多野賣, 好多野睇。今晚又同屋企人黎行太古城, 都有好幾年無黎過, 晚飯當然係呢到, 依然咁好生意喎。五個人叫左冬陰公, 炒雜菜, 咖哩青口, 燒牛柳, 醃鮮尤, 炒肉碎。呢幾樣都係好少機會失手, 結果都係咁滿意...其中當然有感情分啦。

細妹叫去食飯, 佢話想試下個同事介紹o既泰國店, 好早黎到, 得一檯客, 地方唔算大, 感覺幾娘, 侍應又冇笑容。我地研究左一輪餐牌後, 決定點黃咖哩魚, 炸蝦餅, 香茅包雞。先上檯o既係咖哩魚, 聞落都有咖哩香味, 薯仔份量等約魚o既三倍, d魚好腍, 入口即化o個種, 冷藏急凍魚都少食到咁'化' lor, 再黎o既係蝦餅, 睇個樣唔錯, 咬落熱辣辣又脆, 但就冇嘜味, 內裡有d碎蝦,好似好懶wor, 嘜唔係要打成蝦膠先至黎做餅o既咩？咬到落d蝦肉到反而食到淡淡腥味, 最後來個雞, 頗黑的外貌, 心想外表唔係咁靚唔緊要, 最緊要好食, 一食之下, 味覺話我知, 完全辨認唔到究竟係嘜味, 只知係怪味, 抬頭望下個妹, 巳見佢額頭撓起數條紋, 未等我出聲巳經開口話有怪味, 同個侍應反應, 佢好有禮貌咁幫我地取消左佢, 原想俾返個OK 面佢, 但諗諗下, 兩樣野成百四蚊, 仲要係咁o既質素, 真係俾唔出手。

絕對相信，如果大家樂肯賣泰國菜，一定好食過呢間野。

尋日去食午飯，發覺有set lunch，只售$48/一位，已包小食、湯、菜一碟、咖喱同甜品；經一番考慮之後都係散叫，因為D o野o岩食D。隔籬檯就叫set lunch；但當佢個set lunch上檯o既時候，我地o係附近o既人都「嘩！」一聲叫o左出o黎~~真係好細碟！碟菜只得三、四條，湯大概1/4滿，春卷得兩小件；唯一似樣o既係白飯，有一大碗，果然係一分錢一分貨。相中就係我地散叫o既菠蘿飯同炸蝦餅，份量之多同set lunch簡直冇得比！

今日o黎o左食lunch。兩個人叫o左：1). 炸蝦餅：即叫即炸非常夠熱，上檯時仲聽到"see see"聲，好味道，正！不過平均要成十蚊一件蝦餅，雖然大件但都好似貴o左D。2). 炭燒豬脛肉：D肉都算鬆軟，不過唔夠Chili n Spice整得咁香；個sauce都爭DD，只係用魚露同辣椒，唔夠濃味。3). 菠籮飯：好大dull，有菠籮、肉鬆、花生、提子乾、雞肉等等，唔錯！埋單加一後都要差不多一百八十蚊，唔算平，但味道唔錯，又食到我地鬼咁飽。以前曾經試過哩度D泰式咖喱，都整得幾好。Service方面，D waitress都成日同我地refill茶；問佢要餐具o既時候係冇feedback o既，但又會拿俾我地，唔知係咪泰國人唔多喜歡講o野呢？！