泰嘟嘟

Open Now

Now Closed

呢間泰菜幾有特色，餐廳門口感覺唔錯，裡面兩位姐姐好好招呼，菜式幾特別，亦都好多選擇，擺盤精緻，有些少FUSION感覺，其中嘅特別推介菜式，就係曼谷火山排骨，真係幾吸引，因為放咗乾冰做效果，所以仙氣飄飄咁，幾正，味道酸酸辣辣幾開胃，而且份量好大，三四個人食都得。仲有個冬陰公湯，賣相唔錯，味道香甜濃郁，微辣，配料都幾多。另一個泰式生海蝦，因泰菜館的生蝦好唔好食都幾影響我之後會唔會再嚟食，好彩呢間冇令我失望，D蝦新鮮爽口，最開心係見到佢D擺盤，好靚好有心思，用D SHOT杯盛住每一隻蝦，裏面有醬汁同薄荷葉，我見到時忍唔住問姐姐，我話係唔係要一SHOT過成杯啪咗佢咖 😂，搞到上菜姐姐都笑死，佢話千企唔好啊，好辣咖！🤭仲有佢地嘅蒜蓉包夠香夠熱，外脆內軟，似厚切多士咁，切成方形一條條，而且擺得好靚，顏色金黃，真係有D料到，跟住食咗一半又試吓浸落D冬陰公湯度食，吸晒D湯汁, 另一番風味，好滿足。飲品亦有好多款選擇，我地試咗兩杯都覺得好好飲，真材實料。最後總結吓，間店的裝潢幾得意，睇得出有花心思；菜式有新意，多選擇，味道唔錯；最重要係D招呼真係好好，呢樣嘢比所有食物更吸引。

約左表妹食飯，佢想去大角咀食，難得佢搵左幾間餐廳俾我揀，我見近排無食過泰國嘢，我就揀左呢間泰嘟嘟。去到見到有個2人餐都幾抵$298分，揀嘅食物都幾ok,咁就決揀呢個餐啦。A我哋揀左招牌焗黃咖喱麵包軟殼蟹正常發揮，不過無乜辣味，麵包都有焗到脆口B可以揀2款就揀左串燒同月亮蝦餅月亮餅份量岀乎意料咁大，蝦餅皮用左類似春卷皮去包，十分香脆，好味串燒就分別係3串豬3串雞，豬串燒肥瘦適中，肉軟淋淋，相對雞串燒就偏硬。飲品表妹就叫左芒果沙冰(半價），我就叫左椰青（正價）芒果沙冰，比一般餐廳嘅沙冰細杯，因為叫開沙冰都大大杯，呢方面就遜色左。椰青正常，不過開口，開得唔夠大，食唔到入面啲肉。食物都算中上，不過服務就有啲問題。首先，已經叫2人餐，但不停叫我哋揀食物要叫No.，都唔緊要，但同佢講No.佢又好似唔知個No.代表乜食物，喺到諗個No.代表咩，咁咪講完No.再提下講食物名，但佢又勁強調要講No.！如果你只接收到No.咁一係一講No.你就落到單😑第二我揀椰青原來無半價，可能我睇漏左，但落單嗰陣時提一提客人會好啲。總結呢間都可以一試，月餅餅係推介，不過餐廳都算細，想試就最好先book位。

叫左2個下午茶套餐🍽冬陰功湯河粉👍 好喜歡這個冬陰功湯的味道，同去泰國吃差不多感覺，有魷魚，蝦和草菇， 河粉也好滑。泰嘟嘟生牛肉河粉👍湯夠濃，牛肉質感也0K， 有白蘿蔔， 芫茜， 洋蔥 和蔥拼在一起好香。吃到最後，飲理D湯勁正。以上2 兩碗也很大碗，超親民抵食泰式奶茶。 夠香濃龍眼水。 超多龍眼， 味道也很香甜。📍大角咀利得街14號

大角咀出名多野食，中日韓泰都搵到，而呢間人氣泰式小店泰嘟嘟，鋪仔細細又好有氣氛，佈置都好有特色，就決定嚟試吓二人套餐A+B（$298）超抵食，可以揀三款嘢食！A 我哋揀咗「曼谷火山排骨」， 要啲時間製作，但一拎出嚟真係極度驚艷，排場同份量一流，個盤底有乾冰，有飄煙效果；而且係有四大塊排骨咁多！真係非常足料抵食！食落啖啖肉，豬肉肥瘦有致，而且有豬肉香味更加鍾意佢嘅酸辣汁吊味，食得好過癮！B1我哋就點咗一客「鮮蝦炒金邊粉」配料十分豐富，蝦再加海鮮的數量同種類都比想像中多，就算一款食材都有切成唔同Size，帶出唔同口感，而且都好彈牙，咬落每啖金邊粉都有好爽彈的口感😇金邊粉個底係用咗甜酸嘅醬汁，羅望子醬味道濃郁，再加埋少少嘅青檸酸香，就更加惹味B2「泰式串燒半打」（雞豬各三串）呢款又係超正。雞串燒做到皮脆肉嫩，豬串燒則有好香豬油同香茅醃料味，一啲都唔嚡口，好Juicy醬料嘅香炒花生味好濃郁，係食泰國串燒會想食到的味道👍🏻跟餐配飲品有半價優惠， 我哋叫咗一杯「泰式奶茶」（+$13） 甜度固定，會稍甜，用嚟餸泰菜必嗌「咸檸檬梳打」 （+$13）呢杯可以做到無糖👍🏻係消暑之選計埋加一，二人都只係$3

收工5:30前嚟到可以食佢哋嘅下午茶冬陰功湯河大碗又多料先$58 好扺食！餐另外加$13就可以轉特飲～叫咗一杯火龍果沙冰同芒果沙冰芒果沙冰比較甜咗啲 火龍果沙冰唔係太出味不過天氣熱飲吓呢啲特色凍飲係開心嘅跟餐可以加小食月亮蝦餅厚身得嚟表面煎得好脆身！好食另外馬拉盞通菜都煮得好夠味！欣賞相比起冬蔭功湯河，雞肉pad thai就略嫌有啲乾身相對失色啲，但係味道都唔錯嘅整體都好滿意係有機會會想再嚟encore嘅一間！

今日o係奧海城行完街，o係附近搵吓有乜好嘢食，天氣熱想食d辣o野，喺OpenRice呢度見到呢間泰菜，有好多人話幾好食咁就去試吓啦。一入到餐廳，第一個印象係覺得好光猛，鋪仔細細但係好有泰國小店裝修風格，叫左泰式經典明爐烏頭、炭燒豬頸肉、芒果沙冰、仲有芒果糯米飯。明爐烏頭值得一讚，條魚好肥美，同埋好入味，好好食。炭燒豬頸肉份量唔算多，但豬頸肉好肥美，啖啖肉，好正！芒果沙冰一飲就知係新鮮芒果整，唔會太甜，味道岩岩好，最後叫埋芒果糯米飯，白糯米好軟熟，超級滿足，食到咁飽，埋單只係$363，勁抵食！

{泰嘟嘟超正美食 - $448}天氣一熱就會回想喺泰國火車頭夜市嘅美食，呀！！真係好想去泰國呀，不過香港地勝在你一諗起邊個國家都可以食到果個國家嘅美食頂下癮！呢間泰嘟嘟真係頂晒癮，無論係食物質素至到裝修都真係還原泰國夜市風味，真盞鬼！♦️曼谷火山骨超正，一上碟真係好似仙境一樣，肉肉比在泰國本土食還要多，而且佢地調教成香港人口味，大大減辣，但仍保持泰式酸辣口味，連對面嘅麻甩女都食得好滋味！本麻甩就更加大愛啦！♦️泰式海南雞叫左半隻雞雞！份量都唔少，係大肥雞黎架，多肉得黎，仲要連雞胸都係滑滑地，煮嘅時間剛剛好，真係好味！♦️泰式生蝦之前食過其他真係夠膽死俾佳寶急凍生蝦我，但呢度唔同，隻隻大大爽口彈牙，而且逐隻送入cocktail 杯度，入面有大量醬汁，真心食完隻蝦都想飲埋啲醬！♦️龍眼冰+青檸梳打熱辣辣食咁多肉肉，一定要叫兩杯泰式特飲，扎扎實實嘅泰國風味，唔會太花巧，仲獨立俾一樽泰國梳打水，但本麻甩勁鍾意！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #泰嘟嘟 (大角咀)大角咀利得街14號地舖

今天中午在奧運站附近搵吓有乜好嘢食，喺OpenRice呢度見到呢間泰菜，有好多人話好好食咁就一於去試吓啦。咁我哋一行三個人就去到呢間泰篤篤度食午餐啦，我哋呢就一齊叫咗佢個船麵啦，除咗船麵呢仲有冬陰功嘅，不過我哋就怕食辣，所以呢最後一齊嗌咗船麵食。啦咁除咗船麵呢我哋都嗌咗啲特色飲品啦，例如龍眼冰同埋檸檬梳打嘅。咁我哋講吓個船面啦，我覺得個湯呢就夠濃嘅，但係又唔會太鹹都算唔錯。但係呢啲肉啊同埋肉丸嘅份量呢就有啲唔夠囉，一個成年人，我食完都仲未係好飽，雖然佢都有埋通菜啊其他配料但係都係爭啲，如果個份量就OK啦。我飲嗰個龍眼冰呢啲龍眼肉呢都有幾粒嘅，但係睇落好似擺咗好耐，所以呢我都冇食到啲肉，但係飲落去正正常常冇問題嘅。咁overall呢都對得住60 蚊個餐嘅中午。如果份量多少少就好啲啦希望下次有機會再嚟食，推介俾大家。

嚟之前睇左好多食評，知道唔BOOK枱就無位，所以一早whatsapp訂枱😏。當晚星期日，唔少無BOOK枱嘅食客摸門釘。星期一至日都有套餐，不過星期六、日及假日會貴$20。我地一行四人，點左個四人餐$508，注意套餐唔包飲品，但可以半價柯打特飲，不過椰青除外。套餐好豐富，五樣食物，而且每款份量都好足夠。🤓招牌焗黃咖喱麵包軟殼蟹見唔少食評都話正，但我同男友都覺得唔好食。首先個軟殼蟹炸粉好厚，油膩感提升，蟹味又唔香😥；咖哩偏甜，唔係我杯茶。麵包烘過，食到尾D邊位都依然脆。月亮蝦餅份量算大，有成八塊咁多。呢個蝦餅有別於平時食開嘅泰式蝦餅，佢加入左好多香料、蔥頭去整，所以食落香料味好出，蝦味無乜存在感；建議快快脆食，因為放耐左嘅話，外層塊皮會變軟同油。 我都係鍾意食平時嗰款大額蝦餅多啲😅蝦餅配左兩款醬，一款係偏甜嘅泰式雞醬、另一款係更甜嘅醬。招牌去骨豬手煲雖然個煲用蘭芥菜墊底，不過豬手份量唔少，炆到好軟好沐，不過偏甜、無乜藥材香料味。蟹肉炒飯呢個飯望落好淺色、唔似炒，但其實係全餐最好味!! 炒得夠乾身、粒粒分明、少少鑊氣、另外仲有炸蔥頭提味，唔錯。泰式明爐大蜆鍋材料除左大大隻蜆外，仲有肥肉碎、粉

最近好忙啊 不過也吃了很多好吃的 跟大家分享一下希望大家經過可以去試試看 純碎個人分享🤤我們點了2人餐 $298 可以選3個菜式❤️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道：⭐️⭐️⭐️⭐(5⭐️為滿分）CP值：⭐️⭐️⭐️⭐️(5⭐️為滿分）環境：⭐️⭐️⭐️⭐ (5⭐️為滿分）服務：⭐️⭐️⭐⭐️(5⭐️為滿分）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️焗黃咖喱麵包軟殼蟹 推薦👍🏻這款咖喱麵包軟殼蟹也是必點的 份量超大 夠四個人一起吃 還有一隻超大的軟殼蟹 咖喱不會辣 甜甜的 配上軟軟的麵包 簡直不要太好吃🤤❤️炭燒豬頸肉 推薦👍🏻一定要吃的炭燒豬頸肉 豬頸肉是我吃泰菜一定會點的 這間的豬頸肉也太令我震驚了 太有儀式感 味道也很不錯 份量也不少 而且還能一直保持熱熱的 超推薦！❤️鮮蝦炒金邊粉 不錯👌🏻份量很大 金邊粉旁邊還有花生碎 攪拌和粉一起吃很香 酸酸甜甜的 口味很特別 越吃越上癮🥹

大角咀呢間泰國菜食咗可能有十次 ，朋友一講起泰菜，每次都會諗起佢。記得第一次食完，覺得好好食又抵食， 同同事介紹完，再下次幫襯就要排隊🥲進化到連大時大節嗌到會，都會嗌泰嘟嘟🤣 今次收工去到7:30pm，全間鋪都爆滿，俾我哋sip 到最後兩個位一如既往，諗都唔洗諗就嗌咗個二人餐 可以喺A揀一款，B揀兩款我哋嗌咗小食拼盤、招牌蟹肉炒飯同埋泰式經典明爐大蜆煲。小食拼盤入面有蝦餅3件、春卷3件、香葉雞3件、魚餅3唔好睇佢三件三件好似好少咁，兩個人食其實份量真係好多每次都覺得佢蝦餅同魚餅好正，春卷同香葉雞就正常發揮好味指數：🌕🌕🌕🌕🌑泰式經典明爐大蜆煲每次見到都覺得好誇張 ，大蜆有好多隻 ，好似食極唔完咁啲湯酸Maymay 好開胃！ 最底仲有粉絲， 同個湯超夾！ 好味指數：🌕🌕🌕🌕🌑招牌蟹肉炒飯基本上每次黎諗唔到食咩，都一定會食呢個炒飯。 好鍾意佢每次都會炒到粒粒分明，唔會油淋淋，蟹肉都超多。 好可惜嘅係咁岩坐咗喺風口位， 搞到食完第一碗就吹凍咗（不過凍咗都好食）好味指數：🌕🌕🌕🌕🌑

大家好今日到了位於大角咀既泰嘟嘟泰國餐廳食野這間餐廳都幾近奧運站裝修都幾泰式仲有一D波衫做裝飾食物方面首先點左椰汁冰椰汁冰用不锈鋼杯來裝夠晒凍都幾清甜跟住係柚子蝦沙律這個沙律係蝦加柚子伴有好多蝦式既香料所以成果沙律都好惹味仲有好多新鮮既生菜可以包住來食跟住就係下一個火山排骨這個菜上枱時都係煙霧迷漫原來係落左乾冰所有呢個效果份量方面這個火山骨都幾大份有六塊甘多味道方面這個火山排骨是水煮唔會太肥膩用幾多泰式香料特別係青辣椒所以都係好惹味 最後點埋芒果椰汁糯米飯 這果糯米飯都落左幾多椰汁仲有D炸得比較脆既粒粒所以食落都幾得意腍腍定又脆脆地甘總括這間泰國餐廳都幾多泰國香料都幾惹味

泰國餐廳豬手滷肉蛋煲:豬手滷肉蛋係好林，好好味。肉質鮮嫩入味,帶著濃郁的五香醬汁香氣。加入的溏心蛋更是融合了肉汁,口感鮮嫩滑溜。盲曹魚:盲曹魚下面有火熱住，又有粉絲底。新鮮盲曹魚肉質細嫩唔老，啲魚汁好鮮，本身就帶有一股清甜鮮美的味道。加上泰式辣醬、檸檬汁等調味,酸甜辣爽的滋味瞬間在口中爆發。蟹肉炒飯:蟹肉炒飯有獲氣！又多蟹肉。芒果沙冰:好凍，又有芒果味正！椰奶：好香好飲環境都坐得好舒服，員工都好禮貌。

今日喺大角咀嗰邊收工，見到呢一間餐廳有套餐都幾抵食，入咗去試吓。泰式經典明爐烏頭啲烏頭一啲都唔腥，而且新鮮同埋唔會煮得太老，肉質鮮嫩多汁，配上泰式獨特嘅調味料，幾惹味。馬拉盞肉碎通菜煲啲通菜係BB苗，所以唔會太老。馬拉盞同肉碎香香辣辣，份量亦都好大碟。泰式肉碎生菜包❤️肉碎非常有鑊氣，而且個調味都啱啱好唔會太辣，酸酸地非常開胃。而且佢嘅生菜非常多，有時有啲餐廳俾得好少搞到要加多個生菜。泰式炒金邊粉裏面有好多隻大蝦，而且非常大碟。 調味亦都唔錯酸酸甜甜，而且麵質都彈牙，而且成個炒金邊粉比較乾身有鑊氣。 鹹檸檬梳打啲檸檬嘅酸甜味道同埋微微嘅鹹味，清新解渴，解辣啱晒！最後因為嗌套餐有得加$78食甜品拼盤，裏面有芒果糯米飯椰汁糕同埋西米糕。芒果糯米飯 推介❤️芒果超級甜，配上糯米飯本身暖暖地甜甜地煙煙韌韌。呢間餐廳嘅價錢都偏平，性價比非常高。 環境有啲似泰國嘅篤篤車，幾有feel。同朋友或者屋企人嚟嗌套餐幾抵食！

喺大角咀附近收工經過見到呢間泰國菜，裝修好似幾地道，就入咗去試吓佢個四人餐，覺得味道都相當唔錯，而且個價錢又好合理，值得一試。餐廳地方雖然唔係好大，但係就好有泰國嘅風味，一入到去佢個裝修就真係好似去咗泰國咁，有一啲好似篤篤車咁嘅卡座，牆身仲掛咗好多泰國相關嘅藝術品，咁啱店員安排咗我哋坐喺啲好似篤篤車入邊嘅卡座，好有feel～四人餐入面有幾個餸都好好食。泰式經典明爐大蜆煲 相當經典嘅泰式海鮮煲之一，呢度嘅大蜆煲非常惹味，湯底又酸又辣，蜆肉都好鮮甜，而且仲有好多粉絲係煲入邊，吸晒湯底嘅酸辣味，送飯一流。泰式肉碎生菜包 又係一個大家都好鍾意食嘅泰國菜，呢度嘅生菜包好啱鍾意食酸辣味嘅人，呢度嘅調味偏酸，個人都幾鍾意，因為好開胃！而且生菜同肉份量都好多絕對夠四個食！鮮蝦炒金邊粉 呢度嘅炒金邊粉都好有鑊氣，配上彈牙嘅鮮蝦，調味都適中。珍多冰食咁多熱辣辣嘅嘢梗係要飲返杯珍多冰，跟四人餐半價加錢買就好抵飲！甜品最後又係用套餐優惠，再追加多一個甜品拼盤，除咗有芒果糯米飯，仲有椰汁糕同埋斑斕千層糕，芒果糯米飯都好有驚喜，糯米好軟熟，芒果都好鮮甜。整體嚟講呢個價錢真係性價比高！