泰嘟嘟

Open Now

Now Closed

見open rice有成500個好評咪搵日收工去左試叫左個2人餐有飯有魚有肉黎左個飯先個飯普普通通然後黎個魚個魚就唔差既之後黎個肉個肉其實係應該黎送飯因為個肉好多汁但個飯一早食曬上菜既次序有啲反智同埋個份量都唔夠2個人食都完全唔飽我一個人都食得曬.然後去到間鋪講真就唔多人既香港地依家有鬼餐廳會大排長龍咩個侍應就同我地講進食90分鐘個侍應西口西面好似唔憂做咁.Ok fine～又係香港比智商稅食飯同埋間餐廳有啲逼 望落感覺好亂

今日有活動，完咗係大角咀附近諗住搵泰國菜食同一班fd去黎到呢間，近8點都仲要等咗陣位，因為冇book到枱8個人嗌咗個6人餐同單點半打串燒，初初仲擔心唔夠食，結果食得好飽，仲要價錢親民，每個人平均$137平民價之餘菜式嘅質素都唔差！排骨好大一份，8個人都食唔晒，味道鮮甜，加上醬汁，同係泰國食嘅不分上下！炒金邊粉，炒飯，同生菜肉碎就正常發揮！份量啱啱好海南雞好滑，雞肉鮮嫩多汁，雞皮嘅口感滑嫩，肉質飽滿而不乾燥。咖哩牛腩煲，牛肉的口感醇厚，咖哩的香氣濃郁，並且口味層次豐富。咖哩嘅辛香同牛肉嘅鮮美相得益彰牛腩好和泰式奶茶口感豐富、滑爽而順滑。既有紅茶的淡雅香氣，又有牛奶的奶香豐滿Staff都好好人，雖然小店坐位有限我哋人又多，佢哋都幫助我哋可以坐埋一齊，而且唔會嫌我哋太遲黎，就算佢哋要收鋪都唔會啤住你趕你走。職員都好talkative and friendly，臨走前講咗句係朋友生日，叫停咗我哋，結果竟然送我哋雪糕食! 好難得遇到一間餐廳有好舒服嘅環境，令客人感覺開心滿足嘅職員，平價高質菜。一定會再去食！

收工同男朋友覓食☺️見到間泰國菜好多人排隊，心思思排埋一份等佐大概10分鐘左右就安排入座，餐廳好有泰國風情🇹🇭仲有嘟嘟車樣嘅4人卡位，打卡一流😍菜式款式齊全，價錢亦合理唔貴，仲有2人套餐選擇😍飲品點佐泰奶同椰青，椰青清甜新鮮，泰式奶茶亦十分地道明爐烏頭😍酸辣味啱啱好，魚好新鮮，非常惹味泰式菠蘿海鮮炒飯🇹🇭估唔到海鮮份量非常足☺️每啖都食海鮮同肉鬆，飯都炒得非常乾身串燒沙嗲☺️見係每台必點菜，肉質嫩滑唔乾，配埋惹味沙嗲汁，難怪個個都點地道又抵食泰國菜越黎越少，我同男朋友都邊食邊讚👍🏼咁近返工一定要經常黎食😍

今日去咗呢間泰國菜下午茶，呢間泰國菜位於美容坊附近係一間真係好有泰風味嘅餐廳，佢入面座位真係好似tuktuk咁，所以唔係成日覺得好有風味，另外食一個餐有嘢飲都係60幾蚊，所以都係性價比高

今次黎到大角咀同朋友食泰國菜😋餐廳燈光閃閃，又燦爛又吸引😻😻😻入面除咗有普通座位，仲有卡位，裝飾好靚，佈滿霓虹燈😚😚😚仲坐得好舒服，服務員態度好好添啊👍🏻👍🏻👍🏻👍🏻餐廳選擇十分多，有唔同份量嘅set揀之餘，仲可以散點，有齊前菜、主食、甜品等🤤🤤🧡肉碎生菜包 $88推薦！！生菜好新鮮，洗得好乾淨，青脆又爽口😻😻😻肉碎好入味，少少辣，包住生菜食超正！！🧡鮮蝦炒金邊粉 $78好足料😚😚😚超多隻蝦，金邊粉炒得好夠味👍🏻👍🏻👍🏻連埋配料一齊食超滿足！！🧡芒果椰汁糯米飯 $58推薦！！🤤🤤🤤🤤芒果好新鮮好甜，糯米飯煮得好軟熟，椰汁超級香，正！！🧡泰式奶茶 $26🧡椰青 $38

去完泰國旅行，返到香港都總係心癢癢想食泰國菜，於是誠意繳請埋個泰國華僑朋友去食另一個朋友介紹大角咀哩間泰嘟嘟。平日晚巿黎，無訂坐，咁啱走咗枱卡位，即刻有得入座。坐位設計係嘟嘟車，好彩坐落都算舒服。兩個人點咗明爐花甲鍋、泰式生蝦12隻、豬手煲及飛天炒通菜等。先黎豬手煲，皮及肉都煮得夠軟身，我好欣慰，因為之前食過幾間，啲肉又硬又厚又唔好食……汁夠濃，不過略帶甜味。生蝦刺身有兩隻汁，用shooter擺盤，其中一隻汁係傳統泰式生蝦辣汁，另一隻食唔出係咩味…都係傳統嗰隻汁好食啲。明爐花甲鍋，湯底略為酸，花甲大隻，好似有成8隻咁多，兩個好食食極都唔完咁，飛天炒通菜，味道正常。唔係唔好食嘅，不過我同朋友嘅評語都係……好港式泰國菜味。我講都可能唔當然口味去都唔同地方係會微調嘅，泰東泰南泰西泰北口味都唔同啦，可能係我對佢有啲期望，所以如果係諗住食旅行食嘅嗰種地道泰式味道，就未必係選哩度。

見咁多好評諗住試下，點知竟然中伏‼️平時好少寫食評，今次真係忍唔住要寫. 吾止食物差，服務亦都麻麻首先，個咖喱吾香，又油，麵包又硬，完全食吾到落去. 另外，海南雞吾太新鮮，皮又厚，d肉好柴，完全吾值呢個價錢. 仲有個招牌蟹肉炒飯d蟹肉勁少，只係得一兩舊仔，炒飯又吾夠乾身，咁都可以係招牌菜？環境方面裝修有特色，但枱與枱之間太迫，服務又麻麻，有個staff成日行過會望住你幾時食完，好似要趕人走咁， 最差既用餐體驗😓

香港嘅泰國餐廳嚟講，呢間都算係平靚正！CP值極高😻喺大角咀返工午餐晚餐就諗到呢間！餐廳嘅裝修都好特別，有幾個卡位係布置成taktak車咁既樣，坐唔坐到就睇你運氣啦🤣呢度CP值最高嘅就梗係佢嘅套餐，2-6人餐都有得揀今晚老公嘈住話要食佢嘅最愛，所以就冇叫到套餐前菜我哋叫咗泰式酸辣鳳爪沙律，鳳爪份量都好多，調味剛剛好唔會太辣去泰國餐廳食飯點會唔飲鹹檸七！呢度嘅飲品大多數都係有冰底！超正老公嘅青檸梳打係用泰國嘅泰象水🐘次次都好鍾意嚟呢到食飯，係因為份量真係好大份🤣老公最愛嘅香葉辣椒肉碎飯真係好足份量，兩個人share都得。超香九層塔味超下飯今晚我就揀咗第一次食既招牌焗黃咖喱麵包軟殼蟹，一嚟真係嚇親我😳太大了吧！麵包超級香脆，切落去都聽到聲。軟殼蟹夠晒大隻！而且超級多咖喱，份量真係超級大又好食，真心三個人都可以食得飽🤣想食泰國菜嚟呢到真係冇得輸😻同場仲見到好多人嚟呢度食飯慶祝生日好多人，氣氛超好！

今天去咗奧海城有啲事要做，約了在這裏附近工作的朋友一起吃午餐！ 友人話大角咀一帶有很多食肆，推介有一家很好吃的泰式食店，名叫泰嘟嘟！ 我們都喜歡食辣嘢，真的啱哂！ 它在大角咀利得街14號地舖。 奧運站 B出口行幾分鐘都到！ 店舖面積唔算太大，裝潢採用泰式酒吧的概念，設有仿照泰國篤篤車的餐座！有色彩繽紛的壁畫和多款著名球星的球衣和球褲掛在牆上做裝飾！餐牌內有許多選擇！ 我們要了二人餐： 可以選一樣A，兩樣B。 A既食物我們揀左招牌焗黃咖喱麵包軟殼蟹。份量超大的，足足有兩隻蟹咁多，黃咖喱香濃，唔會好辣，有椰汁味帶甜！ 麵包質地軟熟又厚切，點咖喱汁超夾。 軟殼蟹炸得酥脆，淋上咖喱汁好好味，果然是名不虛傳！B既食物揀左泰式明爐大蜆鍋。 蜆大大隻，鮮甜美味！ 入面仲有好多配料： 有肉碎、秀珍菇、芹菜和粉絲等。材料索曬冬陰功湯底的精華，好入味，湯也鮮味好飲，超正！ 還有的是招牌去骨豬手煲。 豬手煲燉得軟腍入味，去咗骨啖啖肉，豬皮嫩滑，味道濃郁，入口溶化！不油不膩！這個套餐還有升級優惠：我們要了飲品半價！珍多冰的粉團七彩繽紛，份量不少，椰汁味濃。好飲！ 冰凍的泰式奶茶好地道，茶味夠濃，甜甜的好解渴

推介一間正野泰式青木瓜豬頸肉沙律。佢個口感爽脆，青木瓜切成絲狀，配上豬頸肉同泰式醬汁。每一口都可以感受到木瓜絲嘅清脆口感同豬頸肉嘅嫩滑質感。味道方面，泰式醬汁帶嚟一種酸辣同甜香嘅味道，非常開胃。青咖喱雜菜煲。佢個口感滑嫩，煲內有各式各樣嘅新鮮蔬菜，例如青椒、茄子同豆角等等，再加入青咖喱湯底煮熟。蔬菜保持住自己嘅口感同鮮甜味道，青咖喱湯底濃郁香辣。每一口都可以品嚐到蔬菜嘅鮮味同咖喱湯底嘅豐富味道。爆炒鐵板牛仔骨。佢個口感嚼勁，牛仔骨經過炒製，外層炒至微微焦香，內裡肉質嫩滑多汁。每一口都可以感受到牛肉嘅濃郁味道同嚼勁口感，特別係牛仔骨上嘅炭燒風味更加提升咗整體味道。蟹肉炒粉絲。佢個口感滑嫩，粉絲炒得恰到好處，蟹肉鮮美多汁。每一口都可以品嚐到粉絲嘅彈牙口感同蟹肉嘅鮮味。整個菜式非常入味，蟹肉同粉絲嘅結合令味道更加豐富。

作為一個從未踏足泰國的香港人，我最近有幸品嚐了位於大角咀一家裝修潮流的泰式餐廳，名為"泰嘟嘟"。這次的午餐給我留下了深刻的印象，讓我彷彿置身於泰國的美食天堂。首先上桌的是"肉碎生菜包"，這是一道以肉碎和泰式香料烹調的佳餚，所使用的香料豐富而正宗。每一口都能感受到辣椒、蒜頭和檸檬葉的香氣，使整道菜更加開胃。將肉碎包裹在新鮮生菜中，吃起來清爽又具有層次感，簡直是一種享受。接著，我品嚐了"六隻泰式生海蝦"，這道菜以小酒杯盛載，呈現出精緻的擺盤。每隻海蝦都鮮嫩多汁，蘸上特製的醬料更是美味。在咀嚼的瞬間，我能感受到海蝦的鮮甜與泰式香料的結合，讓人回味無窮。午餐的最後，我享用了一個精緻的甜品拼盤。其中包括了芒果糯米飯和椰汁糕。芒果糯米飯的口感軟糯，搭配上香甜的芒果片，帶來了濃鬱的芒果風味。椰汁糕則是輕盈綿密，入口即化，散發出椰香的迷人氣息。這個甜品拼盤完美地結束了我的午餐，讓我心滿意足。除了美食，我也點了一杯正宗的泰式奶茶。這杯泰式奶茶香醇濃厚，帶有茶葉的苦澀和牛奶的甜滑，口感極佳。它與餐廳的氛圍相得益彰，為整個用餐體驗增添了一分愜意。總的來說，我對"泰嘟嘟"這家裝修潮流的泰式餐廳印象深刻。他們

舊街坊又返嚟大角咀約朋友食飯，熱熱地想食下泰國菜，搵咗呢間喺區內都有啲名氣嘅餐廳位置喺內街，如果唔熟路，分分鐘有機會經過左都唔知，不過街坊我梗係唔會行錯啦餐廳勁有泰國feel，好似坐喺個篤篤車度食嘢咁，2點到，啱啱入座時唔算太多人，坐坐吓到下午茶時段就越來越多人兩個人想食好啲，揀咗個二人餐，但平時午餐其實都好抵食，幾十蚊就有個餐，份量都幾大份先來嘢飲，珍多冰同埋鹹檸梳打，熱辣辣飲杯凍嘢，即刻降溫，好有東南亞風味海鮮炒金邊粉，海鮮份量好多，食極都仲有，金邊粉炒得乾身，加埋青檸汁，酸酸地，泰正！辣肉碎生菜包，肉碎入邊加咗好香嘅檸檬葉，包生菜好食，朋友撈埋啲金邊粉又係另一種風味明爐烏頭，連埋個爐一齊上，熱辣辣！條魚好大條足料，魚肉嫩滑鮮味，加埋酸酸地嘅湯底，非常惹味，抵食👍整體來講，呢間餐廳性價比高，食物份量多，座位闊落，都幾適合幾個朋友gathering食飯。大角咀舊街坊表示非常滿意😆

門口招牌已經成個Tuk Tuk（篤篤）Logo比佢吸引住😍鋪頭入面一半卡位都以Tuk Tuk為主題，未食野已經感覺置身係泰國咁😝.✨ 二人餐（假日） $318餐廳有二人、四人、六人套餐，大多數都自由配搭，可以揀曬自己最啱食嘅菜色啦😜✨ 曼谷火山排骨火山排骨嘅肉同埋筋都煮得十分之淋，一絲絲嘅排骨肉，肉質十分軟嫩😋蘸微酸微辣既泰式海鮮醬汁，爽口不油膩👍🏻✨ 泰式明爐大蜆鍋（走辣）因為有朋友唔食得辣，所以走辣。上菜時有個爐熱住一路食🔥食落大蜆無沙，仲有啲清甜，而且仲有大量嘅青蔥、菇類同肉碎，好滋味🥰✨ 泰式豬肉炒豆角（走辣）豆角十分爽脆，豬肉片腌得幾入味，食落淋身唔韌🤭✨ 生蝦（6隻） 追加 $68生蝦杯內已經有醬汁，生蝦鮮味彈牙🦐大小適中，而且一人一杯，勁方便😉✨ 泰式菠蘿海鮮炒飯 $98大大碟炒飯十分足料，而且炒得好乾爽，全部都金黃色，食落粒粒分明，口感十足。配料有蝦仁🦐、界花魷魚🦑、青口🦪、菠蘿🍍、三色豆、腰果、肉鬆等，每一淡食落都有唔同配料，好豐富💯.✨ 總結咁有心意嘅裝潢，而且價錢唔貴，依間可以再趙襯👍🏻但餐廳唔算大，晚市食飯時間好快就Full咗，或者要一早訂枱就最穩陣。.⭐整體︰

約朋友喺大角咀食飯🍽,原來呢頭都幾多泰國菜~其中呢間泰嘟嘟好似評價最高😋😋~現場睇真係好多人等位👯‍♀️👯‍♀️!泰國嘢必食炒椰菜苗🥬,份量都ok~椰菜苗炒得夠熟,唔會一陣草青味🌱~馬拉盞炒落去好惹味香口~另一個我見好多人點嘅就係泰式鐵板蠔仔炒蛋🥚,有啲似潮州蠔烙~佢嘅蠔新鮮又大粒🦪,而且數量都多~喜歡食蠔嘅人一定滿意呢個餸🤗~店員推介嘅有呢個炭燒豬頸肉🐷~上檯連埋個炭爐上,一路keep住熱🔥~佢切得偏厚,所以油脂好香,而邊邊燒得有啲焦脆~另一樣泰國嘢必點當然係炒金邊粉🍝~佢哋炒得好乾身,連碟底都無乜油,真心唔錯💝~佢最特別係最入面嘅座位真係Tuk Tuk咁樣🚃,勁有特式~而且嘢食好味😋,價錢又合理🤑~侍應仲會推介菜式,又會叫我哋唔好點太多,怕食唔晒😍~咁好嘅餐廳,實在要大推👍!

放工心思思想食泰國菜，諗起大角咀有間又抵食又好味嘅「泰嘟嘟」就捉埋我同事陪我去食，裝修富有特色，牆上掛滿大量波衫、拳套、boxing褲⚽️🥊餐廳有二、四、六人餐提供，人均只係百零蚊咋，但係我哋今晚想試多幾樣嘢，所以就散叫咗以下幾樣餸，每碟都好足料，下次一定要嗌多幾個朋友黎食😋去骨海南雞半隻嘅份量都不少，本身隻雞夠大隻，色澤金黃，雞皮嫩滑有雞味，雞皮下帶有少許脂肪，入口滑而不肥，配上佢地嘅泰式雞醬，酸酸辣辣味道恰到好處豬手煲豬手煲燉得軟腍入味，滑嘟嘟嘅豬皮配上啖啖肉，味道濃郁，滿滿嘅骨膠原，入口即溶，底下仲有芥蘭墊底，吸收咗香濃嘅湯汁，爽脆美味馬莎文咖喱牛筋腩煲椰汁味道香濃，牛腩帶點根夠咬口，肉質鬆軟，牛筋煙煙韌韌口感Q彈，加上大量爽口嘅洋蔥同青椒，送飯食一流，一滴汁都冇剩低😆👍🏻馬拉盞炒通菜通菜爽脆碧綠，加入辣椒絲、薑絲、馬拉盞，香辣又惹味椰汁冰青檸梳打📍泰嘟嘟 (大角咀)大角咀利得街14號地舖人均消費：$200-250食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐