86
9
2
13-min walk from Exit B, Kowloon Bay MTR Station
continue reading
Telephone
34683233
Good For
Private Party
Opening Hours
Today
08:00 - 22:00
Mon - Sun
08:00 - 22:00
*Last Order: 21:00
Above information is for reference only. Please check details with the restaurant.
這間人氣咖啡店其中一間分店位於九龍灣的德福廣場,裝潢採用木質簡約設計,雲石地台搭配綠色植物,格調感十足。菜式與其他分店大致相同,包括全日早餐、薄餅、意粉、小食和甜品等。與你分享二人套餐 - $428東京醋汁雞翼五隻香酥的雞翼嫩滑多汁,日式醋汁有淡淡的酸味又溫潤。鮮忌廉野菌煙三文魚長通粉煙煙韌韌的長通粉好掛汁,忌廉汁幼滑細膩,又有鹹香的芝士,還有爽滑的野菌片及煙三文魚粒粒添油香。法式油封鴨腿伴牛油紅酒汁伴薯蓉烤澳洲西蘭花法國傳統料理,油封保存的鴨腿令肉質變軟,同時卻保存到肉內的水份,鎖住肉香,切開容易骨肉分離,煎烤後的鹹香味好突出,還有幼滑細膩的薯蓉和西蘭花平衡膩感。Häagen-Dazs雪糕杯是日為Cookie & Cream味,香滑的雲呢拿雪糕內有濃郁的朱古力曲奇。焙茶心太軟蛋糕配雪糕 +$58即叫即焗的心太軟外脆內軟,切開流出濃濃的焙茶醬,整個蛋糕充滿著焙茶誘人的煙薰香氣,還有Häagen-Dazs的焦糖脆餅味及鮮忌廉。抹茶可可朱古力冷熱同價,可走忌廉。極濃稠的朱古力充滿堅果香氣,同時又有濃郁的抹茶醇香,有陣陣回甘。
continue reading
約左九龍灣友晚餐 佢誠意推介呢間環境好優雅 係好舒服嘅cafe😌平日嘅晚上 都坐爆哂成個場 絕對唔簡單👍🏻👍🏻有個二人餐幾抵食 但係甜品選擇有限 所以最後決定咗單點🍝蒜香牛肉碎松露醬雜菇意大利粉配料牛肉碎/雜菇都有超多😋意粉索哂啲精華 超香 超惹味一個人KO一碟 絕對無問題😊🐟鹽麴燒比目魚 伴烤澳洲西蘭花·普羅旺斯燉菜🌱健康之選比目魚相當厚身 底面都煎香左個皮仲帶少少脆香 肉質軟香 超好味😋😋仲有一堆普羅旺斯燉菜 甜甜地咁 好健康🍠蕃薯條 佐 刁草檸檬蛋黃醬見到隔離檯食得好滋味🫣個醬帶少少酸 中和返蕃薯嘅甜好食食到停唔到口😍😍🧇日落巴黎香蕉朱古力窩夫+🍦焦糖脆餅+冧酒提子窩夫蛋香味超濃😊 係無法抵擋嘅香味☺️朱古力醬可以自己淋 甜度自己控制 四大塊 兩個人share 岩岩好😋😛☕️焦糖可可朱古力(熱)聞落好香焦糖味 但飲落都唔會太甜最緊要朱古力味夠濃 🍹午夜紅菜頭+藍莓🫐+香蕉🍌 mixture 無咩草腥味 甜度剛剛好 平日晚上都要等位嘅餐廳 跟住排隊就一定無錯😆餐廳職員仲要勁sweet睇到朋友仔肚漲漲🤰🏻 專登斟咗杯暖水俾佢❤️呢啲微細位都做得咁好 真係排隊都要再食👍🏻
continue reading
無幾耐前係連登見到有個post吹奏牧羊少年咖啡館,話佢越開越多分店,而且食物質素高,價錢唔貴,而本人都係十分同意 😝 。今次新開德福分店,大大間,而且裝修越嚟越靚 ❤️ 。Menu一貫風格,係一本小書子,前段部份介紹唔少藝術資料,後半部份就係食物同飲品。與你分享二人套餐($428),講真真係好抵食,可以喺Menu上任選$98以內前菜一款、意粉任揀、main course都係任揀、仲有飲品兩杯任揀、加送兩杯Haagen-Dazs雪糕杯 。呢度有超級多特色飲品,套餐竟然唔洗加錢任揀,揀嘅時候我都有花多眼亂呀 😍 有好多都好吸引!。🍤金沙鹹蛋黃鳳尾蝦份量都唔少有成10隻蝦,大隻又彈牙。🐑咖啡羊架伴露絲瑪利燒汁其實唔太食到咖啡味,不過羊架淋得黎唔騷,仲有伴上澳洲西蘭花同日本南瓜。蒜香牛肉碎松露醬雜菇意大利粉呢碟意粉煮得好好味,牛肉同松露呢個組合味道好夾,食到舔舔脷 👅。我將其中一杯雪糕加左$48轉做特濃芝士半熟撻,強烈建議要試試~ 中間流心嘅芝士撻少少酸,芝士味濃度岩岩好~ 超喜歡 💕
continue reading
牧羊少年咖啡館,相信好多人都去過,質素一向都不俗。而德福呢一間,應該係裝修得最靚嘅一間。睇完餐牌,覺得二人套餐抵食,因為$428已經包咗一個頭盤,一個主菜,一個意粉,仲有兩杯飲品同埋兩杯Häagen-Dazs雪糕。金沙鹹蛋黃鳳尾蝦:一客有成8-9 隻,大大隻,鹹蛋黃味好香濃。蒜香牛肉碎松露醬雜菇意大利粉:好香松露醬嘅味道,意粉煮嘅時間掌握得幾好,唔會太淋又唔會太硬,係略嫌淡咗啲啲。慢煮 BBQ 醬美國豬肋骨 伴 蕃薯條.普羅旺斯燉菜:個豬肋骨好厚肉,喜歡佢配襯蔬菜同埋番薯條,兩樣都好食,番薯條直頭停唔到口。餐飲估唔到有咁多選擇,睇極都睇唔完,我揀咗梳打濃縮咖啡,夠晒清爽。朋友的栗子燕麥奶沙冰,靚到不得了,打卡一流,估唔到呢兩樣都唔使加錢。甜品不用加錢的有Haagen-Dazs 雪糕杯,另外一份我們加了$48轉特濃半熟芝士撻,原本上枱嘅時候覺得好似唔抵,因為個芝士撻唔算好大。但係食完之後就覺得好值,完全唔係平時街邊買到果種芝士撻,佢係鹹鹹地,入邊有啲好似煙肉嘅嘢,總之味道好複雜,但係又神奇地好好食。加埋一埋單$525 ,主菜有少少食唔晒,三個女仔都應該夠食。
continue reading
餐廳:牧羊少年咖啡館 (九龍灣)地址:九龍灣偉業街33號德福廣場1期平台P26號舖牧羊少年繼2022年喺尖沙咀文化中心打造咗Lemma之後,2023年12月再喺九龍灣德福開設第10間分店——Alchemist’s Mirage,仲特別將餐廳裝修設計得好似海市蜃樓咁,日頭喺Coffee Shop☕️,中午喺餐廳🍽️,夜晚就喺啱晒放工人士嘅小酒吧🥂,喺一個能夠享受朝啡晚酒嘅好地方👍餐廳幾千呎嘅空間都真喺幾大間,而且劃分咗好幾個區域:Dining area、吧枱、書櫃、Open Kitchen……呢個多用途空間除咗坐喺唔同位置食飯會有唔同感覺之外,餐廳仲會不定時舉辦唔同類型嘅文化活動🎭,甚至乎可以喺度借書一邊食嘢一邊睇📚,嘆埋杯咖啡真喺無得頂😋✝️紫蘇香蒜蔥鹽醬烤雞扒 $68皮脆香烤嘅雞扒,底層鋪上紫蘇葉帶出微微清香🌱,香蒜蔥鹽醬就充滿港式風味,好似食緊蔥油雞咁,兩者嘅配搭啱啱好,嫩滑多汁嘅雞肉仍然充滿住鮮香滋味🐓✝️俄式牛仔柳意大利粉 $128用咗牛肉汁、蘑菇汁同香料炒香意大利粉🍝,加入酸忌廉,呢碟濃而不膩嘅傳統俄式牛仔柳意大利粉確實幾出眾好食,薄切嘅牛肉片有少少筋部食落有啲咬口,仲食到有陣陣黑椒香🤓✝️焙茶心太軟流心蛋糕配Häagen-Dazs雪糕 $88絕對要試嘅甜品,呢個價錢有大大件心太軟同Häagen-Dazs焦糖脆餅雪糕真喺好抵食🤑,即叫即整上枱仲喺熱辣辣,切開見到流心焙茶醬,比起朱古力無咁溜而且有陣陣茶香,食完非常滿足🥰牧羊少年嘅創意咖啡同一般咖啡,分別用咗台灣冠軍咖啡大師主理嘅品牌Gabee.烘焙咖啡豆🇹🇼,同埋本地精品咖啡烘焙商Goffee engineering主理嘅中美洲薩爾瓦多單品意式水洗咖啡豆🇺🇸,前者叫咗杯伯爵茶咖啡($58),一層厚厚嘅奶泡之下品嚐到好balance嘅伯爵茶同咖啡醇香,咖啡香唔會比伯爵茶味遮蓋咗;後者就嗌咗熱Latte($36),欣賞過靚靚拉花之後,就慢慢嘆呢杯帶有陣陣榛子同牛奶朱古力香嘅奶啡😎值得一提嘅喺佢哋星期一至日晚市17:30後有1人/2人/4人套餐,價錢低至五折,2人套餐四百幾蚊就有齊1款小食、2個主食、2杯飲品同雪糕2份,除咗價錢平之餘份量亦好足,難怪吸引咗咁多人過嚟食晚飯😍
continue reading