牧羊少年咖啡館 (白楊街)

Open Now

Now Closed

食過番尋味，今日再嚟呢間西餐廳食個lunch，貪佢環境唔錯同埋唔係好貴。叫左蕃茄牛脷中東包配香料薯角，仲平過上次，成set lunch只係$64，前菜喺沙律，新鮮好食，主菜嘅中東包喺好似熱狗包嘅長型包，但是size大成兩倍，中東包已經開邊，裡面放左兩大塊厚切蕃茄，同埋兩大塊厚切牛脷，牛脷一直都是我杯茶，呢塊厚切牛脷實在令我好滿足，又大塊又好食。我又加左十幾蚊要左杯綠茶牛奶，上枱時杯飲品色彩分明，賣相夠殺食，飲啖之後透心涼，牛奶同綠茶真係絶配，真心比個LIKE。

喺太子搵地方食晏，經過警察會所隔離條橫街呢間西餐廳，見到入面坐左好多人，所以入去是旦食，入到去發現雖然人多，但是就冇乜好嘈吵嘅感覺，天氣好熱，所以想食得清淡啲，叫左個set lunch ：羽衣甘藍沙律配火腿及胡麻醬，包埋前菜同埋一杯飲品都只係$66。落單之後好快趣侍應就將前菜送到面前，是日前菜喺沙律，細細碟，但係算新鮮，另外我加多十幾蚊要杯菠蘿芒果沙冰，飲左啖放喺面前鮮黃色沙冰，真係成個人醒一醒。主菜羽衣甘藍沙律非常有咬口，清清淡淡嘅羽衣甘藍配合咸咸哋嘅火腿，又幾好食喎。

好耐冇食過呢間用旅遊做主題嘅Cafe啦！咁啱同朋友啱啱去完旅行，所以專登揀呢間餐廳黎食，順便回顧下個旅程！晚餐時分餐廳氣氛幾好，配埋世界地圖、明信片呢啲裝飾，旅遊氣氛濃厚！又可以期待一下下一個旅程！！豬頸肉配牛油果薄餅豬頸肉好嫩，唔會燒到好硬，啱啱好又爽口，幾好食！夾埋牛油果再加薄餅一齊食，口感更佳，唔錯唔錯！燒半雞配薯蓉燒雞幾香口，上枱嘅時候熱辣辣，證明新鮮製造，而下面嘅薯蓉份量都幾多。配埋一啲烤過嘅蔬菜一齊食，滿足！忌廉煙三文魚意大利粉呢個意大利粉好creamy，分量亦比想像中大，而且煙三文魚都有好多，所以share食亦不錯！呢度仲有自家製嘅牧羊少年浪人啤酒，飲落幾香，濃度亦都適中，推介！！

晚餐時段，由於晚上而且是週末的時分，選擇不太多，好像大部份都是單點的菜式，例如有些雞翼，又或是一些小食拼盤。因為當中的大食拼盤亦都售罄了。什麼文青路線的Cafe，但是其實近來已經聽到很多人說，以前這間店子是給食客坐坐一起討論旅遊的事宜；但是現在，卻會限了時間，如果過了多少分鐘，如果有食客在等位，員工就會前來告訴你，用膳時間已到。雞翼正常，十隻陳列板上，都是煎過炸過過，味道還香脆惹味，一邊就放了一些好像馬兒的零食，西芹以及生蘿蔔條。窩夫、士多啤梨、綠茶雪糕，窩夫正正常常，窩夫面頭夠脆，而內裏的餡料亦都正正常常，綠茶雪糕當然不及名牌雪糕那麼幼滑，但是亦都算味濃。熱莫卡，忌廉多過乜，太甜太膩，顯得不濃。落單時說話清晰，完全沒有什麼混淆的餘地，但是，竟然都會漏單。明明店裏都不是很多人客，可能大約只有一半桌子有人，但是竟然，在五個主菜當中，竟然會漏了其中兩個🤔，而員工亦都沒有發現這麼奇怪，怎麼五六個人來，只有兩三個東西在分享，而漏了其中一個比薩，以及另一個雞🤔。而當我們追單之後，店員亦都沒有為廚房的漏單而表示不好意思，就只是說是「漏了，你還要不要，不要就取消」😉。

在香港的飲食業之中，除了舖位超細的台式飲品外，cafe 可算是入門門檻較低的一種，但要開到好似牧羊少年般，有6間分店就絕非易事。叫自己做文青cafe的牧羊少年，還會搞小型音樂會同旅遊分享會，比只賣食物多了一重意義。餐廳英文名竟然叫Alchemist鍊金術士？且看看他是否能把食材跟環境好好配合，產生到化學作用吧！餐廳的裝潢風格很有等 一個人 咖啡的感覺，inspiring 的字加上小飾品，成功營造成可以坐一整天看書的那種cafe。食物選擇跟普通的CAFE一樣，都是ＰＩＺＺＡ　意粉等等由於沒有套餐，我就自制了一份。沙律我點了有豐富膳食纖維的羽衣甘藍，欣賞他們加了松子讓口感提升，芝麻醬剛好蓋住了羽衣甘藍本身的濃郁草青，加上沒有吝嗇的巴馬火腿，這一大盤菜比想像中還要飽！香草豬肉小漢堡是少有的豬肉製漢堡，意想不到的是豬肉有醃過，味道很出，基本的芝士跟生菜都有，能小小地滿足我的吃漢堡欲英式牛油雞是我很喜歡的一道菜，牛油味濃而且用上比較嫰滑的雞腿肉，基本上配飯吃是２００％好吃的必勝組合。ＡＦＦＯＣＡＴＯ上的雪糕意想不到的好吃，滑身不會太硬，混和濃郁的咖啡跟大量的巧克力碎，甜中帶微微的咖啡澀香，非常好

牧羊少年咖啡館The Alchemist Cafe Bistro路經太子白楊街見到 牧羊少年咖啡館，聽朋友說這間是他們的第一間餐館，有時更會有文化聚會及音樂表現，門面很舒適吸引，那就入去吃個午餐。點了午餐，前菜是沙律菜配胡麻醬，菜好新鮮，胡麻醬份量好多，我喜歡少一點😊主菜是蒜片豬肉腸黑胡椒意粉，豬肉腸不似香腸有腸衣，似免治豬肉塊，有蒜片的香，豬肉還有其他香草味道，清新不油膩。吃完才發覺沒有黑胡椒的蒜片豬肉腸黑胡椒意粉。飲品選擇很多，西班牙咖啡是其中一種，一個飲品便滿足了兩個享受，凍咖啡和一球美味的雲呢拿雪糕。

進修日响旺角道上堂，放學想起妹子差唔多放工，一於約佢食埋晚飯先。相約去年妹子已經力推，一直無機會試的牧羊少年，店外無咩特別，一不留神就錯過了。入坐時未夠6點，仲可以叫午餐和下午茶，係！午餐！但係就要7:00回枱，無所謂啦，我哋都想早啲返屋企。我的座位是木製椅，比較寬敞，坐得舒適，快速點餐後，才留意到店內裝修及擺設幾特別，有書架放著旅遊書供客人取閱，妹子說餐廳主題是旅遊，夜啲仲會有音樂演奏。店內有點暗氣氛浪漫，比較適合情侶。前菜樣子精緻，好像是忌廉薯蓉都幾好味，跟餐飲品：妹子的紅莓青檸梳打要+6，入口酸酸地，紅莓和青檸夾埋又幾醒神，好飲。我的檸檬生薑茶，是茶包泡在熱開水裡，祇有檸檬味，薑味幾乎沒有，有點失望。我們都叫了午餐：龍蒿大蝦蕃茄意粉 $72蕃茄意粉卻沒有蕃茄的食味和痕跡，卻有不少的黑椒碎，辣！雖然味道不差，卻名不符實哦。羽衣甘藍沙律配火腿及胡麻醬 $66上桌賣相不討好，九唔搭八，幾種食材隨意放在像托盤的碟子，大大塊的羽衣甘藍葉的頂部直接用，要拿刀切細才能吃進嘴裡，還有些葉變黃了，不夠新鮮。巴馬ham好咸，一定要包住菜才能吃，胡麻醬味道很酸，不是純味的說。這個不會再試了。妹子用印花

牧羊系cafe真係多的是，但聽聞就唔係間間好食！ 咁岩同朋友係太子參加workshop，try try啦，點知又有意外收穫wor!不過星期日幾多人，我地下午茶時間都排左20分鐘到先入到收費黎講都正正常常啦依家香港食茶餐廳都貴，咁坐係cafe舒舒服服，先至係人生！我最喜愛既all day breakfast ！Decorate得好靚呀，好有心思，分量足夠！其實all day 食材普通，喜歡佢既原因都係decoration，同埋夠多款式，呢到就滿足到我既要求喇！Another favourite: Mocha latte好香濃既green tea，唔太苦，又夠味，岩岩好朋友叫既紅油燴牛肋肉d肉燴得好淋，又好入味本身以為cafe食中餐都係伏伏地但係呢碟又出乎預料中咁好食仲有呢碟南瓜意粉看似好普通，但原來南瓜味好香好小可食到咁香濃既南瓜汁真材實料係就係細碟d，但女孩子就剛剛好朋友叫左呢隻清涼之吻都係果茶之類，但朋友話層次好多飲得出唔同生果既味道惟一不足係店員服務一般可能太忙，最後忘記比雪糕我地我地又趕時間，就無追了

同朋友一直都冇試過少年牧羊餐廳所以搵左一日放工去試下探個究竟由於係夜晚去 餐廳內環境比較陰暗可能係平日 人流都唔算太多同朋友叫左意粉 串燒 同西蘭花share黎食小形cafe黎講味道都算幾好不過真係好暗 要打下燈先影到相傾計就一流

之前同朋友去過沙田嗰間牧羊少年咖啡。慢遞館，已經比佢個佈置同理念吸引，成件事真係好文青。而且，食物係有質素的，名乎其實睇得又打得。今日難得經過太子，當然要去太子總店朝聖啦。太子分店的佈置比較走懷舊民族風，是另一種味道，不過食物先係重點呀。我同朋友點左一個English Brunch 同鮮忌廉煙三文魚意粉。English Brunch 對於一個週末晏起身嘅香港人黎講，真係一大樂事，難得仲有早餐食。成個早餐都好足料，有個迷利牛角包、炒蛋、煙三文魚、蘑菇、茄汁豆、腸仔、豬柳同火腿。基本上所有配料都做到應有水準，蛋算炒得滑身唔老，比較值得加許。雖然唔算太有驚喜，但能夠食到咁豐富嘅早餐已經好滿足。至於朋友個意粉，我都偷食左幾啖。鮮忌廉汁做得幾香，攪拌放面嘅水牛芝士，成個汁更加香濃。蘑菇都炒得幾香，意粉煮得比較硬身，加返個汁就軟硬適中。師傅係呢方面控制得好好，非常欣賞。總括來說，保持牧羊少年一貫食物水準，價錢亦合理，值得一食。

朋友揀左呢間食lunch, 環境的確好文青風,坐得舒服 ~點左布根地紅酒燴牛肋肉飯，估唔到個牛炆得幾淋，個汁mix埋酸忌廉撈飯好味~甜品揀左京都春日，窩夫同抹茶雪糕都好食，但士多啤梨有點酸~飲品揀左薄荷香茅薑橙茶，好fresh~

放假好早起身,香港都係有土地問題,屋企太多人好難集中精神工作,所以去左屋企附近既牧羊少年,今日專登揀左個入少少既位坐,因為唔想太多人行過,就坐左係鋪頭最入近廁所既地方～黎到當然要醫下肚先喇,叫左個all day breakfast,scramble egg炒得好滑,腸仔都好稱職好大條,豬柳,ham,三文魚,茄汁豆,最難得既係有蘑菇又有腸仔,因為出面好多all day breakfast都分左肉既同素食既,腸仔同菇就要揀一樣,但其實我2樣都鍾意食,why not both😆,不過今日廚師好能落油重手左少少, a bit oily,但水準一樣好👍🏻

同朋友A幾年冇見，佢約左美味子嚟呢度慶生兼聚舊。佢話同事介紹，我地入度去都覺得環境唔錯，好適合邊食邊傾計。周圍都貼滿d去旅行既postcards, 美味子都想快d去旅行放鬆下心情。呢句說話幾有意思，美味子其中一個簡單既幸福秘密就係係肚餓既時候食到自己想食既野今晚預左好多囗水有排傾，即刻叫左兩杯招牌蘋果蜜桃鮮打綠茶補充水分先💦蘋果蜜桃鮮打綠茶新加坡海鮮喇沙讚岐烏東-落烏東雖然唔係好正宗，不過都唔差，喇沙湯底都可以。水牛城雞翼配藍芝士醬-雞翼好味，熱辣辣即刻焗烤完咁，yummy芝士肉醬薯條🍟-抵食仲好大份，美味子覺得3-4個人share都夠食其實已經好飽，但最後朋友A堅持要叫埋個甜品，見碟比利時之戀賣相唔錯，尤其朱古力窩夫香味撲哂入鼻，點能夠錯過呢？照食！ 🐖🐖🐖難得好友相聚，先能夠開懷大食嘛

在太子有很多舒適的cafe及特色的咖啡店，我在太子找到一家比較多元化的cafe, 叫做“牧羊少年咖啡.茶.酒館”。有幾多元化，睇個名都知有咖啡，茶同酒啦～原來不只咁簡單，仲有食物架，哈哈🤣🤣🤣我去的時間剛是下午茶時段，食物選擇很多輕食，炸物，甜品，主菜，小食樣樣有。☕咖啡種類繁多，💐花果茶或銘茶🍵也有，啤酒都是有特色的手工啤🍺🍻，多成咁你叫我如何去選擇😣😣😣所以我決定試咗個下午茶先，吃了一個辛辣雞扒烏冬，味道也不錯，而且在下午茶時段裡食物份量也十足， 推了一壺洋甘菊茶，價錢都係＄48蚊，相當抵食，環境仲好舒適，有時想找個好地方傾計嘆茶不防來這樣試試。

之前食過一次晚餐，食物一般，叫左個三文魚白汁意粉，好乾，味道一般.今次去路過只想買一杯latte,已經沒有期待，只因附近沒有coffeeshop,但係佢地嘅員工服務態度十分差，整一怀咖啡要等上十分鐘都算，我飲咗一啖發現加左糖水，麻煩佢地換過杯冇加糖，點知佢個waitress 仲要將個責任推去我身上，責怪話我點解一早唔講..仲要話佢地餐廳一向都加糖喎⋯⋯講真我又唔係成日去你餐廳又唔係係佢度做，鬼知你地會加糖㗎，作為員工唔係應該由你來問我要唔要加糖咩！佢仲要堅持話其他coffeeshop 如Starbucks 都會落糖..其實一啲比較有質素嘅餐都唔會serve 加左糖嘅LATTE,係由顧客自己加lor, 個waitress 度態度差到一個點！我要飲冇質素加糖嘅咖啡，我去茶餐廳啦，20蚊有找，員工啲態度隨時好過呢間餐廳，點解要係一間似有coffee shop 質素嘅餐廳，俾30幾蚊，仲要受氣..真係有d差嘅員工令到趕客，呢間我以後都唔會再光顧，請都唔食