牧羊少年咖啡館 (白楊街)

Open Now

Now Closed

同朋友約出黎聚，最緊要係環境悠閒，坐等舒服，唔會趕人走既餐廳，老實講，食物質素都係次要。呢間餐廳正正就係好岩三五知己，約出黎食飯既好地方。我地今次好好彩，比staff安排左坐最入既果個位，其實有好有唔好，雖然可以同friends大聲講大聲笑，但個位就好少會有waiter行入黎加水，要自己出去叫。食物質素都ok，如圖，大件夾抵食，但建議如果叫d排既拼盤最好share，一個人食真係有d多，我個friend表示佢係食肉獸都食唔哂。

文青女朋友要去文青既環境食野，其實女仔都係咁，有時都唔知佢想食野定係食環境搵左呢間餐廳見到幾靚咁，女朋友都表示滿意。叫左個ALL day breakfast，都差唔多1百蚊，環境係幾ok,但係野食等左好耐，至少20分鐘...餓親女朋友就唔好都算幾大份，炒蛋係幾滑，三文魚就鹹左小，香腸、蕃茄好大食完都幾飽。好似叫維也納咖啡，上面全部都係肥仔最愛既cream，下面係黑啡，ｍｉｘ埋就好甜架啦!個人喜歡飲冇糖既咖啡。

朋友介紹依到環境舒適，野食正，可以慢慢坐傾下計都唔會比人趕，又係cafe又係bar即管黎試下；入到去爆哂場，我地唔記得最緊要既野『訂位』😂好彩都仲有張2人抬紐西蘭肉眼扒配薯菜(10oz)$138伴碟幾靚除左有塊厚厚既肉眼，仲有半個蕃茄加沙律菜🥗牛扒叫左medium rare，但切開點睇都係medium well😂但無所謂既，唔食咁生囉😋好有牛味，肉質鮮嫩有少少油脂 ；薯條另上，分量好多既粗薯條上面有少少 黑胡椒紅酒繪牛肋肉配飯$72 牛肋條好腍好入味,,醬汁非常香濃心太軟朱古力蛋糕$49流心程度麻麻,, 旁邊簡簡單單配上一個CREAM+ 1球雲呢嗱雪糕,,雪糕好滑濃郁 比個心太軟更吸引士多啤梨奶酪$40 好重士多啤梨味唔會太甜真係高質喎，食扒又得甜品又正

因為逢星期二上堂，所以間唔中都會黎光顧。已有一年左右無黎，所以今晚諗住再黎食下pasta，飲下咖啡。估唔到今次咁火燙，服務態度一開始已經好差，我站在入口處好耐，都無人出黎問我幾多位，只見幾位侍應縮係水吧位置喪吹水，果下我其實已想走，不過之後有個短曲髮既女侍應走左出黎，我話佢知兩位，她就木無表情（一副唔想撈既衰樣）咁好hea地望下有無位，之後示意我要搭枱，我唔想搭，因為當時只係晚上 6pm，個場根本未full，我問可否坐較入既位置，班侍應就話入面已訂晒枱囉，咁我堅持唔搭枱，有個帶眼鏡男侍應最終好唔情願咁安排我入坐入面一張4人枱，但就少少兇我咁講：「預左之後有機會要你調枱架喎！」嘩，食餐飯o者, 感到生命受威脅咁濟。好似坐左佢張4人枱，要用條命交換咁，好離譜！最搞笑既係，我們食左1.5小時後離開，其實全程根本無人入座我們附近既位置，我唔明佢點解要咁「保護」自己d枱，又話俾人book晒又成，其實我地好快食完會走，佢哋根本唔駛咁既態度黎得罪d客。侍應落單時無乜反應，機械人一樣，水又俾少杯，全程無人幫你加水，最正係班侍應不停咁自己吹水，又同水吧附近一個相熟既人傾傾傾唔斷，係度做都幾so，d 侍應

大學畢業後，只與數個同學繼續有較緊密的來往，大多同學早已各散東西，各有發展。天下無不散之延席，但於延席後亦同樣有機會再聚。今天，便難得地與幾位曾於大學時期幾年間密切交往，後來卻保持有限度的聯繫，再次一聚；為的，竟然是幫我與另一位朋友慶生! 有時機緣的事情，是怎樣想也想不到的。今天來到這間小店，之前試過這裡的下午茶蛋糕set，印象也不錯，今天可以嘗試多一些食物了! 下午茶時段有不少下午茶套餐選擇，於假日時間飲品是半價的，平日的套餐價錢是連飲品，感覺更划算! 最後我們點了數款食物一起分享。先來有一口拼盤($42)，食物包括薯條，波波腸，八爪魚丸和春卷。以這個價錢來說，份量算是很不錯! 薯條控的我當然先被薯條吸引! 薯條炸得尚算香脆，基本上是熱的也不會太差! 其他剛不過不失。水牛城雞翼配藍芝士醬 ($52)其有五隻，現在出外去雞翼也差不多是這樣的價錢，10多元一隻，幸而一隻看上來也算是肥美。雞翼熱辣辣的，外皮炸得香脆，內裡依然保留肉汁，雞肉嫰滑，再沾上芝士醬，更加惹味! 推介!最後少不了來一份甜食，點了迷你窩夫。香蕉朱古力($46) 。兩大塊窩夫，上桌時熱辣辣! 窩夫厚身實在，咬下去超香脆，

忙裏偷閒，幾位密友許久不見，約出來閒話家常。朋友推薦呢間餐廳，原本唔太食西餐嘅我，確實有些小意外。可能同名一樣「牡羊少年」，門面一點都不招搖，開門入去甚是意外，各種文化，融合在一起的佈置裝飾品，每個角落也成為打卡的地方。每張檯客人都似乎很悠閒，竊竊私語中。我們幾個挑選了各自的食物。下午茶價錢相宜，第一次來食野的我挑選的飲品（士多俾梨綠茶）意外好飲，一直念念不忘。我們幾個話家常，坐了好耐也沒出現收餐碟的情況，值得一讚！說說笑笑，一個下午過去。下次小聚仍然會揀這裡。

一早睇完戲就打算來吃早午餐，任傾盆大雨都無法阻擋我的腳步。做餐廳開門營業的第一台客人。步入店內，環境不錯，裝潢可見花費心思。一人食也絕不無聊，可以仔細觀察店內周圍的裝飾。等到上菜，有員工播放起音樂，旋律輕鬆溫柔同窗外的大雨形成對比。食物自然是永遠的主角。我最關心的炒蛋，ok 順滑，三文魚 ok不會太鹹 合我口味，香腸 趁著熱氣吃下半條 很滿足。細嚼慢嚥連發呆一餐飯吃足將近一小時。陸續的有其他顧客近門用午膳。咖啡飲畢一杯最後才慢悠悠的離開。會再光顧！

今天系OpenRice揾食,見到牧羊少年個名好似好熟,有多款窩夫甜品,即刻去試試。店内佈置文青格調,氣氛舒服,不過呢幅牆壁的内容我尚未夠智慧明。😣布根地紅酒燴牛肋肉飯,份量不少,牛肉炆得很淋,肉質鬆軟,汁很多加咗小小酸忌廉,感覺調和咗,配飯不錯。😋日落巴黎(窩夫、朱古力雪糕、香蕉),女士可以甜品當午餐😁,碟一放下影相時已香氣撲鼻,快快影完動口,窩夫做得很好,外脆内軟,自覺熱窩夫配凍雪糕,配答一流👍,朱古力和香蕉又是好拍檔。😋午餐還可以自選咖啡,拉花很靚😍

今日去呢間cafe食野，叫左個中東包午餐，等左45分鐘個包先黎，跟住黎個包重要有條頭髮夾係d芝士到，堅係高蛋白質，之後換個一份又係要等勁耐，味道普通，薯條又硬，最後時間太趕連個包都要外賣，唔值得等同俾呢個價錢，極懷疑係有打手寫好評，順帶一提，d侍應服務好差，掛住傾計無理d客，不值得再去！！

自從開咗呢間咖啡店之後，我同朋友周不時都會幫襯，貪佢坐得舒服，環境又好好，食物質素又Keep到。星期五的下午一於去放鬆下先，入到去就安排左梳化位置俾我哋，而且播住啲好柔和嘅音樂，不錯不錯。重點又有wifi，真係可以hea好耐！我哋一行四人叫咗四樣唔同嘅嘢食，有紅燒牛肉麵，芝士焗雞扒飯，蘆筍青咖喱意粉同埋炸魚薯條。碗紅燒牛肉真係好足料啊，有勁多牛肉，而且炆得好入味，估唔到喺咖啡店都可以食到台灣嘅味道另外個芝士焗雞扒飯都相當出色，勁多芝士包住雞扒，仲有炒底添！

其實成日都聽到呢間牧羊少年cafe, 但真係第一次食，因為朋友為我慶生嘅關係，我又冇乜所謂，所以朋友介紹下試左呢一間cafe，又有驚喜喎。據我所知佢有其他分店嘅，我哋今次食嘅係太子分店，交通唔算方便，地理亦有少少 「隔攝」, 位於太子深水埗石硤尾三個地鐵站嘅中心，任何一個地鐵站岀都要行5至10分鐘，不過我覺得只要係好嘅嘢食相信再 「隔攝」大家都係會搵到😝店面普通，但入到去別有洞天，入面原來環境好闊落，配以精緻嘅裝飾和柔和嘅燈光十分舒適，好有文青feel，和出面嘅舊區形成好大對比，好似去咗另一個地方咁，幾適合三五成群一齊閒聊聚會。而且墻上貼左好多旅行嘅相片，聽講呢間cafe係好鼓勵互相分享旅行藝術閱讀等等嘅資訊, 亦會定期舉行一啲漂書相關event，等我得閑都參加下先。食物方面，下午茶價錢都算合理，因為平均都係$3x至＄5x一個餐，我地點左三個Tea set，但因為星期日嘅關係冇得配餐，要半價配飲品，變相貴左=_=我地點左一口拼盤（春卷墨魚丸火腿丸等等）配薯條（$42）擺盤都靚嘅，但味道正常冇乜特別，普通打邊爐嘅材料，春卷嘅餡係蘿蔔同蔬菜，同炸薯條一樣都唔算特別出色，會令我留下深刻印象。

要講太子cafe ,牧羊都可以話最具代表性,特別係D甜品小食真係零舍好食~~次次都會約一班friend去食.一次可以試多D款色~~呢度最出名係窩夫,所以我地都叫左分迷你窩夫,個窩夫夠厚夠脆,有香濃蛋味,一D都無食麵粉gei感覺,就算唔加糖漿都好食朱古力雪糕朱古力味好香濃軟滑,上面仲有粒粒朱古力~~而蘋果都好甜,正!京都春日個窩夫同前者一模一樣,味道當然都係咁香咁脆咁好味,我鐘意個糖漿唔太"杰",少少甜,唔會搶左窩夫本身gei味道,呢個綠茶雪糕都好綠茶又夠奶,點雪糕食都好好味朋友鐘意食鹹野,所以我地叫左小吃拼盤 ,老實講性價比係低,因為分量偏少,但價錢偏貴,不過D豆腐係幾入味,蛋都好有鹹香,如果可以多少少會開心D坐到就黎晚市,佢會較暗D燈,既然未走我地又叫左水牛城雞翼同薯條.雞翼炸到好脆,仲有少少辣好開胃,怕辣可以點D芝士醬中和下不過薯條就普普通通,我覺得仲有D油添.呢度d飲品有好多選擇,咖啡係特別出色,所以揀飲品的話可以從咖啡落手~沙冰系列都唔錯~~

太子另一好去處就係呢間cafe啦…食lunch 或tea 都舒服，雖然門外等位好大風。一口牛係油多左少少，焗飯好香，串燒味道可以，整體黎講，正餐好味。見到好多人都食意粉，大家可以試下。甜品有咖啡雪糕，不得不叫，香濃咖啡配以雲呢拿味雪糕，冷暖交流口感…正。個waffle好好味，等得耐都值得的。配杯熱茶，好寫意。大家注意有用餐時間限制喔。

Day off 又想飲咖啡咁就同男朋友去試下呢間！裝修好靚的！（好多女仕傾緊計費事影😂）我食lunch相信晚上會更靚～好鐘意佢小酒館咁既格調！講返重點食物餐前沙津幾正！幾新鮮同埋有芝麻醬好味！呢個係跟餐cappuchino作為咖啡控既我！（每日一杯，全年無休😂）我覺得咖啡味太淡 奶太多，奶泡太薄普通呢個係我叫既蜜桃拿破崙辣肉腸意粉個醬普通，唔太夠酸意粉都唔夠硬腸食唔到辣蜜桃好細粒但$62 連咖啡我覺得性價比高既！而且雖然普通但唔算難食！呢個價錢同環境好岩朋友黎食飯坐底傾計！到壓軸出場呢個真係超級好味！！！佢就係布根地紅酒繪牛肋肉飯（$66）個汁好正！好好送飯！牛肋肉好軟好腍！仲要有五條咁多！！好抵食！因為呢個飯我會再返轉頭食架！不過服務態度一般侍應都唔太nice 基本唔該多謝呢d都無呢度扣返少少分個笑係比食物環境only

每年都會同D朋友搞聖誕聚會，今次想簡簡單單食個lunch ,就揀咗呢間cafe。一入到去，好多人，餐廳嘅佈置都好特別，好有氣氛，啱晒扮文清嘅朋友影靚相。我哋去嘅時間啱啱係下午茶時間，所以叫咗幾個tea set。海鮮意粉，上面雖然海鮮嘅份量唔多，但係算幾高質，帆貝立同青口都好大粒，食落去幾鮮味。意粉唔算多汁，但係食落個味啱啱好。千島海鮮pizza ,上面好多海鮮，再配埋個千島醬，啖啖都好滋味，個批皮雖然薄，但係唔會係薄到脆個隻，厚度啱啱好。鐵板牛柳粒，上枱嗰時，啲肉係鐵板上面真係渣渣聲，食落好多肉汁，帶少少黑椒味。分別叫咗士多啤梨熱朱古力同榛子葉朱古力，朱古力甜到啱啱好，再配上上面嘅少少cream ,成個口感好好