The Americano By Texas Burger (Closed)

🥢荔枝角工廈內工業風西式美式餐廳🥢荔枝角呢棟工廈內，發覺原隻有好幾間不同的餐廳美食，今次就試下一間主打食漢堡包的美式餐廳，餐廳裝修感覺很工業風，而且開揚闊落幾好坐🥢招牌德州烤牛肉芝士漢堡 $138漢堡包厚厚的一大個，麵包較有質感的口感，有空氣感之中帶點厚實，有洋蔥圈同勁多芝士，漢堡扒肉味重，拌以粗薯條份量都夠曬多🥢10 安士美國安格斯肉眼扒，燒露荀配黑松露燒汁 $248上檯時已經充斥住很香的松露味，安格斯肉質軟腍有牛肉香氣，油脂感平均地分佈，露荀配上黑松露汁香味更惹味🥢餐蜜桃菠蘿特飲+$8可愛胖胖的玻璃杯有更覺有冰涼感覺加上清新蜜椒菠蘿香氣更啱熱辣辣的夏天🥢凍美式咖啡 +$3香濃的美式咖啡，我比較喜好沒有太多酸度的美式，呢杯啱飲🥢地方幾好坐之外又交通很方便，而且好適合約附近放工的朋友一齊去，感覺可以唔洗趕，又傾到計的地方

我今日要farewell同事問佢想食咩佢就指定呢間餐廳原來佢上一份工farewell都係呢度特登早幾日喺OpenRice book位啱啱好一行8人唔超過限聚令職員就早一日WhatsApp我比餐牌我睇咁我就gather好晒其他人食咩嚟到就唔使等咁耐呢度最出名就係食burger試過幾款都幾好食其他食物反而試過都覺得麻麻地個burger份量好大 食唔晒味道都非常好 好抵食薯條都係炸得剛剛好個餐仲包埋飲品 同沙律或者湯

大家既印象一定會覺得工廈好似好污糟好舊咁，其實依家既工廈己經發展得好好，入面仲開咗唔少特色餐廳，質素並唔會比外面商場/地鋪既餐廳差，所以就等我幫大家發掘下香港工廈既隱藏食店啦！！！！！今次既第一間工廈美食店就係The Americano @theamericanohk 啦，佢係位於荔枝角億利工業中心，而佢有別一間分店就係位於旺角朗豪坊既Texas Burger。呢兩間都係美式餐廳，佢地主打啲咩，你睇個名都估到係burger啦。其次仲有pasta, risotto, salad 同牛排呢啲揀😋。而旺角朗豪坊分店仲多咗墨西哥菜式，例如係墨西哥芝士夾餅、墨西哥卷等等。滿足曬唔同人既需要，而最最最重要既係佢所有嘢食同飲品都賣相滿相，連張枱都係雲石花紋，岩曬用嚟打卡、呃like用📸📸。飲品方面選擇都幾豐富，除咗咖啡 茶，仲有特飲, 水果茶同cappuccino。夜晚仲會有milkshake 😍.龍蝦忌廉汁青口蝦球意大利麵($138)好足料嘅pasta🥰 有成6-7粒青口仔，平時出街食飲最唔鐘意就係食蝦，因為要自己剝，搞到隻手污糟曬，但佢好貼心咁，蝦係已經剝左殼而入面魷魚係好彈牙。Pasta個汁就

The Americano @theamericanohk 💛黃店美式餐廳主打burger, 除咗burger都仲有pasta, risotto, salad 同牛排呢啲揀😋。而飲品方面除咗咖啡 茶，仲有特飲, 水果茶同cappuccino。夜晚仲會有milkshake 😍.龍蝦忌廉汁青口蝦球意大利麵($138)好足料嘅pasta🥰 有成6-7粒青口仔，仲有彈牙剝左殼既蝦同埋魷魚。個汁幾濃忌廉味，只不過有少少乾，如果再多啲汁會更好！餐湯幾濃，唔係好稀好水個種，但略咸。蜜桃茉莉花茶，冇咩特別嘅花茶.午市套餐(12:00-16:00)配餐湯/沙律&飲品 ($88-$208)

依家有唔少工業大廈都開咗不同類型嘅餐廳，工廈雖然感覺好似好舊好污糟，但只要餐廳入面乾淨整潔都幾值得去發掘嘗試。今日就先試呢一間西餐啦！餐廳入面基本上都整齊嘅，餐具枱面都算乾淨，我叫咗個set lunch, 烤芝士牛肉漢堡，有餐湯+飲品。餐湯我就冇影相啦，因為賣相好茶餐廳feel🤣其實一間kind of食美式嘢嘅餐廳，都應該要注重下D器皿，話晒你唔係收緊茶餐廳價。至於個牛肉漢堡，整體味道都可以。芝士包住整個漢堡扒，鐘意食芝士嘅會覺得好正，只係漢堡扒略嫌唔夠juicy, 可以烤得耐咗啲，調整返應該ok。粗薯仔好味，呢個完全冇問題😋

The americano-今次搵食搵到荔枝角嘅工廈，呢間the americano喺其他地方都有姊妹店嘅。-今次嗌左素食牛油果漢堡包再加彩虹蜂蜜千層蛋糕。-素食牛油果漢堡包配薯條牛油果厚切亦都新鮮,有一塊扮肉嘅嘢，但我食咗好耐都食唔出佢係咩，可能係啲豆類製品。肉上面有芝士。 綜合來講比較偏鹹。薯條啱啱上碟嘅時候都幾好食， 但係凍咗之後呢就有啲油益味。-彩虹蜂蜜千層蛋糕上碟嘅時候比想像中靚，真係睇得出千層裏面有好多隻色， 同埋每層嘅間距都好平均。蜂蜜嘅味道亦都好搶，只要hi少少就足以食到成個蛋糕都係蜂蜜味。但係略嫌千層嘅皮雪得比較硬，cream唔夠smooth.-總括而言不過不失啦，都可以一試！

.今日黎咗荔枝角一間工廈入面食黃店💛餐廳空間都大，坐到好多枱客，店員都好有禮貌🥰👍🏻黑松露炸薯條🍟 $58係我最鍾意嘅粗薯條😋，食到入面有熱辣辣嘅薯蓉，好鍾意依個口感。重點係個黑松露醬，重黑松露味之餘又唔會好膩👍🏻，如果個醬嘅份量多返啲就好啦。脆皮香嫩西班牙燒乳豬🐷 $228乳豬唔算大件，個外皮燒到好脆唔硬，值得一讚嘅係佢唔算好油，不過啲肉就無餐牌講到咁嫩啦，有少少韌🙈。仲有翠玉瓜同薯條做配菜👍🏻招牌德洲燒烤牛肉芝士漢堡 $128依個性格比好高！牛肉好厚又juicy😋，仲有好脆又唔油嘅煙肉，都幾特別。🤪仲有一大條酸瓜，好開胃呢。不過又係薯條做配菜，食到有啲厭。🤣蒜香白酒紐西蘭鑽石蜆義大利麵 $138依個就有少少失準啦。蒜香味完全欠奉，得個辣字。不過佢個辣係幾惹味嘅。仲有佢啲蜆肉一咬落去係感覺到成啖海水湧咗出黎😖，鹹死咗，仲覺得有少少腥。不過朋友就話佢食唔到有腥味，可能咁岩我果隻係咁啦。😂晚餐有套餐，食以上嘅主菜就會免費送埋湯同埋飲品，仲可以加錢要甜品同小食，我哋就加咗錢要個薯條。都算抵食嘅🥰👍🏻

億利好多好嘢食就人人都知 今次試左呢間 估唔到burger甘有驚喜😋餐廳門口旁邊個霓虹燈標誌好搶眼 懷舊得來又有味道😻晏晝12:15去到 冇咩人仲有好多枱👏德州漢堡🤡 有別於傳統漢堡有一塊patty 佢比較似mince beef 個燒烤醬好惹味 係平時据扒嗰種美式牛扒汁嘅味道 配埋芝士 重口味之選 裏面仲有兩塊炸洋蔥圈 配搭有創意👍見到餐牌竟然有Beyond meat burger 聽佢個大名就聽得多 喺香港都冇咩餐廳有 於是就叫嚟試塊素肉扒豆味太重 個人覺得要配返啲濃味醬汁 識落先至會更加似patty口感來講算唔錯 有咬口 最鍾意佢入面有半個牛油🥑牛油果嘅脂肪香味令到個包多咗啲油香 更加似真肉🤞

「招牌德州燒烤牛肉芝士漢堡」盛惠$138，套餐包一杯嘢飲及餐湯或沙律，二選一薯條即刻炸起係好味嘅...漢堡都唔錯，但我覺得佢啲汁醬加多少少會好啲，提升返個Juicy 嘅層次，相信會去到另一個境界，同埋$138哩個價錢嚟講我覺得貴咗啲，$108左右就非常理想啦第二個餐係「脆皮香嫩西班牙燒乳豬」盛惠$228，套餐同樣包一杯嘢飲及餐湯或沙律，二選一乳豬表皮烤得非常脆，可惜塊肉嘅脂肪多咗啲，但我明白燒豬唔肥就做唔到燒豬嘅效果，可能人多share會好啲，兩個人食多幾舊真係會有啲膩嘅感覺另外一提，我食完哩兩個餐回到家後明顯有口渴嘅感覺，可能調味料或味精落重咗手啦，但整體嚟講味道、賣相、服務、餐廳環境都唔錯，所爭在係覺得價錢貴咗啲間鋪夜晚9點截單，我哋8點10先去到，所以我哋係最遲走嘅一枱客，臨走時店員收緊檔，但都有刻意出嚟同我哋講「多謝晒，拜拜」埋單連埋加一服務費Total $402

今日第一次嚟試新餐廳，地點位於長沙灣廣場附近嘅工業大廈 - 億利工業中心我地揀左 set dinner menu, 是日餐湯 - 龍蝦湯，都幾香龍蝦味，但味道偏鹹，份量適中。兩個主菜包括： 紅酒燴牛尾菠菜意大利麵 👇🏻 牛尾都入味、紅酒汁都算唔錯，但份量較少，男士可能唔夠食。另一個主菜：香艾菊蜜糖燒焗法國原隻🇫🇷春雞👇🏻 呢個反而唔錯，雞肉好滑，味道好香👍🏻餐廳員工好好，知道我朋友生日，喺甜品度寫咗Happy birthday 👏🏻👏🏻

繼續撐「黃店」~兩公婆 , 今日到 荔枝角-億利工業大廈 的 The Americano 食 lunch ~Menu ~Lunch set 包括了 湯或沙律、主菜、餐飲餐湯 (週打海鮮) : 喝得出有濃郁的海鮮味, 亦吃到魚肉 , 但質地偏稀 , 不過若不是太奄尖的話 , 還算 OK 的 ~Philadelphia Cheese Beef Burger 費城芝士牛肉漢堡包 : Burger 的兩片包烘得外脆內軟 ; 牛肉漢堡扒香口惹味 , 肉味香濃且滿有肉汁 ; 配上濃濃的芝士，和三色燈籠椒 , 非常邪惡 ~USDA Angus Beef Chuck Top w/Chimichurri Sauce 香煎美國牛腹扒配南美特色香草醬 : 我點的熟度是 Medium Rare, 牛腹扒肉質軟嫩 , 味道濃郁 ; 配上味道微酸微辣 , 且帶有滿滿香草清香味的 阿根廷青醬 Chimichurri sauce, 實在好吃 ~Iced Americano : 啡味正正常常 , 酸道一般 , 味道踏踏實實 , 還不錯喝 ~本篇完 ~

放工同同事食飯，億利工業大廈，喺D2對面，近巴士站近地鐵站，地點就腳。間舖主打食漢堡包，menu上面漢堡嘅選擇仲多過plasta同risotto餐湯係蘑菇湯，配料唔係打到爛晒，反而保留返d口感，忌廉味唔會太重，好味道今次冇試漢堡包，試左招牌脆皮鹹豬手 ($158), 餐飲轉左蜜桃菠蘿梳打 (+$8)。豬仔外脆內軟，雖然佢開宗名義係 "鹹" 豬手，但係對我嚟講略嫌鹹左少少。值得一提嘅係，豬手唔係配薯條，而係配蕃薯，蕃薯甜甜地，襯埋鹹嘅豬手，食落冇咁寡

到工廈食漢堡包，漢堡包好香脆亦唔乾身，鴨肝都好香口同脆面（餐牌話鴨肝但我以為自己食緊鵝肝🤭），漢堡肉味都有肉味，美中不足係我食唔到芝士味... 薯條都夠脆口，整體不錯，可以一試。另外叫煎青檸香草紅鯛魚柳拼珍寶蝦球-香檳忌廉汁，魚柳都算大條，但更顯得蝦係一小隻，魚肉質不錯但味道偏啖，香檳忌廉汁獨立試覺得都幾特別，但個人覺得同魚唔太夾，反而配紫薯蓉ok。餐湯係周打蜆湯，有蜆味，味道都Ok，但餐飲咖啡同熱檸茶一般般，轉其他咖啡要加$1x蚊...喜歡漢堡包可以一試，但人均$18x個人覺得唔太抵食

Texas’s Burger旗下的一所餐廳，其漢堡包質素當然有保證，食物售價屬中等價位。餐廳除了供應未來漢堡的植物肉漢堡外，更有素食的牛油果漢堡提供。素食漢堡中間夾著一塊以豆類製作而成的漢堡扒（個人覺得很好吃，口感厚實，咸度適中），即使沒有了肉餅，配上芝士、牛油果及生菜，味道跟口感也很有層次，調味也剛好，不會過咸。整個包的配搭很好，即使吃完一整個包也不會太飽濟。旁邊的薯條炸得脆身，也很好吃( ´▽｀)有驚喜，下次會來嚐嚐未來漢堡。

The Americano+ 西式 burger 為主+美國菜+餐廳裝修靚-座位太近 感覺太迫招牌脆皮豬手$158好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻 豬手 新鮮大隻👍🏻 外層脆卜卜而肉質依然嫩滑👍🏻 肉嫩汁豐德州燒烤漢堡 $108好食指數：⭐️⭐️⭐️⭐️打卡指數：⭐️⭐️ ⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻 超足料 啖啖肉👍🏻 包皮外脆內軟 👍🏻薯條新鮮即炸荔枝角長沙灣道883號億利工業中心1樓12室 星期一至日12:00 - 22:00