楓雅廊咖啡閣 (Closed)

今日同朋友去咗美麗華大堂咖啡廳食Tea Buffet，好抵食，$80一位，連加一都只係$88。不過個名好似叫The artrium(唔知有無串錯呢﹗)，但個訂座電話又係呢個喎，所以我將個食評POST喺呢度啦﹗我地原本以為$80都唔會好多嘢食啦，點知熱葷都有成七八款(有點心，仲有粥…)、冷盤連三文治都有十幾款(最正係有燕窩海鮮鮮果沙律)，甜品又有十幾款(大多以朱古力做主題，仲有幾款曲奇餅…)，仲有TCBY雪糕，朱古力梳乎里(但要排隊，因製作需時…)同班戟…啲嘢食好好味，又不斷refill，而且refill嘅款式又同之前唔同，所以前前後後有成幾十款嘢食，真係唔錯呀﹗

今日o黎食lunch buffet，唔貴，$98一位，恒生BIA仲有8折添。都算有幾多o野食，魚生有三文同八爪魚，三文魚都算幾甜。冷盤仲有生蠔(一般啦)，同少少菜蔬沙律；值得一提o既係呢度有兩款幾特別o既dressing：南瓜味同橙味，以前從未試過，特別得o黎都幾好味。呢度D熱盤比較強，居然有瀨賴尿蝦，不過略嫌唔夠大隻；仲有D幾大隻o既螺添。另外有日式鐵板燒，燒o既應該係銀雪魚，都算幾香幾滑。臨近buffet尾段，見到有D迷李荷葉桶飯，餡料有D似糯米雞，味道都唔錯。甜品一環就比較弱D，居然連cheesecake都冇，比較唔錯o既只有coffee mousse同椰汁布甸，另外仲有TCBY軟雪糕。總括o黎講唔算係好正o既buffet，但以呢個價錢都幾抵食。

燕窩自助餐食品款式不算多, 但有一些有燕窩的小食, 以補不足. 甜品款式少, 生果亦不多. 燕窩蜜糖雪糕內真的有燕窩, 惜太甜.<br>吃了送的椰汁燕窩後會頗飽呢!

呢度lunch buffet都算吾錯﹐起碼一路食一路出野﹐同埋佢D蛋糕好正ga,仲次次出D吾同款﹐魚生又多款﹐百幾蚊抵食啦﹐環境都吾錯﹐食過都想再食......

呢度過左燕窩buffut 一段時間...做緊鮑魚buffut...都好多款菜係有鮑魚, 亦有很多海鮮.... 但我覺得燕窩buffut 好吃過鮑魚buffut...因為鮑魚吃得太多....消化不太好....一家大細來吃,未必適合....如果轉返以前的燕窩buffut..就更正..... 價錢都叫做物有所值.....坐得舒適兼唔駛爭........都幾多甜品....

雖然D 食物都唔錯都幾多款揀，刺身都算幾新鮮！而且服務都幾好！但敬請閣位下次光臨Foyer Cafe 時，請留意閣下之餐具是否清潔，因為我見到我隻叉的隙有D 好似朱古力漬?!

我三號那日去了食夜晚的燕窩自助餐,那裏的食物款式都算多而甜品都好多款式,食物都好好味,大部份食物都有燕窩o係裏面,鍾意食燕窩可以值得一試.記得唔好咁早走,因為每到九點,餐廳會贈送每位客人一盅燕窩甜品.

The lunch buffet is good at such reasonable price of $88 with quite a number of variety of food. The settings and quality of food is attractive. Good ice-cream, 三文魚,different desserts and hot chinese dishes plus "hotel services" at such price-- so i highly recommended to u for lunch in quiet, open area (寬闊空間)!

Lunch buffet $88 + 10% service charge~ Chase Visa有discount~ 好多o野食, 不過好多人爭食, 好恐佈~ 一到1pm, D o野食開始少, 又添得慢~ 到1:30pm, D魚生生蠔更加唔添~ 有無搞錯呀~ 不過我最開心係佢有生牛肉刺生~ ^_^

唔記得講..佢仲有TCBY軟雪糕o架, 自己按掣~ 不過唔夠凍, 未拎到番埋位已經開始溶~

我上星期去這間廳食自助食物都款式都很多, 還有免費飲品供應, 有棷王啤酒, 珍珠奶茶, 熱盤有很多選擇, 冷盤更有壽司魚生供應. 價錢中等.

自助晚冇乜野食揀, 蟹又好似放了很久的樣子, 甜品也只那麼三兩款, 雪糕也太麻麻, 除了個環境似番個酒店之外, 就係冇乜可取.