楓雅廊咖啡閣 (Closed)

Buffet食物都算幾多種類,最喜歡食長腳蟹, 用把交剪慢慢剪晒d肉出來食...要小心果牒放長腳蟹既牒,佢地放左d好假蟹肉嚮牒邊仲好多人都唔知,拿晒d假蟹肉留返晒d真長腳蟹,不過你一食就知"奶"野....d刺生都好過得去! 都係三文魚, 吞啦魚, 大墨魚.我都係食開中午buffet, 因為信用卡長期有discount, 買單都係每位$110到...算非常低食~!!不過聽過幾次間野有人食到要入院, 希望係個別事件啦...不過佢d生意又好似一樣成日都係full..哈哈! 香港人為左食, 咩都ok!

the theme of the buffet is crab, not much selection, food is delicious, no western soup, sushi not fresh, paid 650HKD for two included 20% discount, really expensive

11:50黎到已經入得座，一坐底見到ｄ野食好吸引已經忍唔住手食甜品先，都有好多款，而且細細件又易入口又可以試多幾樣，魚生好ｆｒｅｓｈ　，亦都有６，７款架，唔錯熱盤都有幾多下，食到最尾２：３０飽飽走人^^

行開tstlunch表姐話呢度抵食就去啦好full 要等一陣先有位都食物唔洗搶先起碼好多款野食真係魚生都有6,7款幾鮮蟹蝦都有甜品好多款簡食到勁飽都要食^^服務唔錯不停加水收碟又快讚有hsbc 85折下次黎試埋dinner buffet先!!

媽咪生日ｂｏｏｋ左呢度食ｂｕｆｆｅｔ夠平夠多野食服務又好先講食物，種類多，湯有三文魚忌廉湯，味道很濃烈中湯亦很有老火湯的感覺。 刺身有６款源源不絕供應。有亞拉斯加蟹腳(拆肉/ 完隻腳兩款供選擇) 貨色上等，大大隻啖啖肉絕無欺場。意大利軟雪糕有3種味，還有六款特別配料。其他食物都水準平均，意大利麵包，多款傳統西式/港式沙律，蝦，蒸魚，法式焗田雞，燒味，天婦羅，鐵板燒，點心，海鮮，麵包布甸......等。食物Re-fill 非常快用恒生卡有85折 環境又唔錯﹐食過都想再食.下個月細佬生日再黎食過先百零蚊一個抵食！

28/6,thu表弟想食buffet,未黎過呢度食lunch,見呢又平平地,所以就一行四人黎試下啦~可能因為接近7.1. 好多人呀..望落去似係內地朋友添~佢\\\地拎食物拎得幾昌狂架wor..成枱都係~但係最衰係食唔曬ma.........噢~好浪費呀~入正題,呢度都算多野食,有6-7款撈好既沙律..冇生蠔,不過有好大隻長腳蟹,同大大隻凍蝦..蟹腳雖然長,但係感覺好水, 味道唔多充實,而且用好多時間去食~好麻煩呀....另外仲有燒味,熱葷又分中,西.款式都算多~西式就有墨汁天使麵同有個焗蜆味道幾好..中式會不斷轉款, 有個炒三文魚鮫定魚腩就最好喇..不過~我諗日式鐵板燒就最受歡迎喇..因為就新鮮ma..chef不斷燒各種肉類及海鮮, 屋企人就最鍾意食大蝦喇,夠味同彈牙,另外佢\\\有兩款炒好既pasta, 旁邊有4款sauce:日式燒汁, 黑椒汁, 茄汁, 肉醬隨你自行添加~味道唔錯....魚生有5款, 品質都唔差既,仲有專人不停手握各款壽司, 都算係咁啦...甜品方面,唔算少, 但唔多合我心水...我表弟就幾鍾意d泡夫...tirimisu就最搶手, 我就寧願先製雪糕新地好過喇,因

這一夜,奉爐兄之命,決定破戒一次,十多人到美麗華酒店吃自助晚餐.離棄自助晚餐已久,對上一次Dinner Buffet已數到去六年前,早年少不更事,覺得自助餐已是一切.包羅萬有,單是在頭盤上的次等生蠔,辣椒仔檸檬汁起勢咁落,也吃得非常開心.今日回想起來,當然是一段失笑回憶,現今的自助餐也不便宜,四百銀一個人是閒事,拿著這個價錢,去其他西餐廳吃散餐,不是更好的嗎?吃得更精,更加高興.你估個胃真係如黑洞?今期的主題- 蟹,也是其中一個動力.最大原因是,手持Coupon有折,原價差不多$400,特價$250.十多種不同種類的蟹聚首一堂,老實講,花多眼亂,我也記不清.頭盤系列等沙律,賣相佳,味道就一般.每人奉送一個焗蟹蓋,用什麼材料去焗,不記得,只記得味道麻麻.冷盤沒有生蠔,當中以蟹腳最為鮮甜,海蝦肉質爽甜,蝦膏甘香.青口肉質鮮嫩,應是來自紐西蘭,藍貝肉質偏瘦,翡翠螺就很淋,一點爽勁口感也沒有.熱盤有蟹粉小籠包,炸軟殼蟹,咖喱蟹等等.全部只是普通貨,連賽膀蟹也有,當然加上真蟹肉在內,面頭上的魚翅,加添多份豪氣.只是材料多多的賽膀蟹,有點畫蛇添足,已經失卻吃賽膀蟹之原意.其他如蒸魚等非蟹類熱盤,沒

相隔大半年再幫襯,主題仲係strawberry覺得這店不太進取食物比上次差了很多鹹點媽媽大人表示蝦餃的蝦係霉,小籠包又難食本人就覺得串牛仔骨勁韌,最難食,串燒亦唔得味道ok包括酸辣,燒味,沙律類較為好食有小麵包甜點蛋糕類及梳乎厘唔得,strawberry blueberry crumble難食味道較好有朱古力coating的strawberry,焦糖布甸服務收碟依然極速優惠只提及恒生咭,要多口問才說hsbc亦有優惠(折扣較少)培訓依然不足

同意樓下所講, buffet個名真係要改改,完全有誤導成份,最唔得竟然係佢個主題:士多啤梨同甜品第一round就試下佢d士多啤梨先...(其實都有心理準備ga lar, 因為睇左食評先至去) d士多啤梨酸到呢~~有時係超市買到的一定好過佢其他甜品非常之麻麻, only chocolate strawberry 同strawberry mousses tart ok主要都係食ice-cream, 因為而家tcby在hk已經所剩無幾三文治同包仔成本雖然低, 但賣相精緻熱食同點心都唔錯食物的種類亦足夠最好味的係海鮮粥總括o黎講,buffet個名改番好d了~~價錢合理, service ok,sun tea time無咩人, 唔洗book就咁walk in 都一定無題,唉~~但有蚊滋"嬲"住食物 最開心的...係可以同我最鐘意的bb一齊食~~~bb...多謝你~~!!!p.s.最特別係有位女食客的衣著非常配合主題,係士多啤梨衫加綠色裙

友人生日，一行5人訂了檯於此吃tea buffet慶祝，首先是地點方便，食完即行街。一到場，先環繞buffet檯一周，發現食物種類很多，無論咸甜小點都十分吸引。甜品以草莓為主題，故基乎所有甜品都有草莓為材料，草莓質素亦高，特別是草莓朱古力串，草莓又大又甜，吃了很多支。而最令我高興的是有很多咸點，不會因為太甜而吃膩了！咸點有點心、雞翼、意粉、炸炸野，最吸引的是很精緻的小包包及三文治。另外，還有即煮粉麵及任飲水吧！最後$118+10%，用恆生咭有85折，好抵！當天只吃了一餐，飽晒~~

Buffet 食物種類多，湯有三文魚忌廉湯，味道很濃烈，不像麵粉溝水，令人想一飲再飲。中湯亦很有老火湯的感覺。刺身有四款源源不絕供應。還有亞拉斯加蟹腳(拆肉/ 完隻腳兩款供選擇) 雖然只出兩至三次，不過貨色上等，大大隻啖啖肉絕無欺場。意大利軟雪糕有3種味，還有六款特別配料。其他食物都水準平均，意大利麵包，多款傳統西式/港式沙律，蝦，蒸魚，法式焗田雞，燒味，天婦羅，鐵板燒，點心，海鮮，麵包布甸......等。 今日所有媽咪級都讚多種類又好食。環境寛 敝，服務不俗換碟快！百零蚊早午餐一齊食，值得推介。

今期以strawberry為主題不過strawberry好酸,要做成tart,cake或朱古力coating才會好食tart比cake好食鍾意這裡除了甜品外鹹食都很多,無咁容易食到好”漏”老媽推介海鮮粥沙律的蔬菜唔多新鮮,唔推介服務:收碟速度極快,幾好埋單時,侍應給帳單時,本人多口問有哪張credit card有優惠她才答hsbc有9折,恒生有85折覺得這樣便要扣分

這餐等得太久了原來四月得悉安然渡過一關時已經說要請全家人來順道獎勵一下自己怎料位還未訂下一浪已來到話口未完現在這浪就快過蟹自助餐又就黎完才能如願下一浪會係點?食完先算啦朋友教落食buffet吃冷盤魚生前要先吃點熱野墊一墊胃才不會滯所以習慣都會以一個湯作開始海鮮羹清清地就最好呢度既蟹肉海鮮羹都唔錯唔算太杰幾好飲全晚最記得既係要排隊的鐵板燒帶子每次只有十零廿隻但燒得很香很新鮮加上汁料豐富排隊請早蟹腳也是那一句很有海水的鮮味不能說不好吃但香港人吃多了的便沒有新意了冷盤海鮮無蠔但翡翠螺和凍蝦其實也相當好吃魚生任夾反而無咩人拎證明左呢物以罕為貴亦係自助餐係香港歷久不衰既原因反而日本部既醉蟹幾特別酒味不重但很香今次主題下熱葷全線失利樣樣都話有蟹但係全部唔多吸引送的甚麼釀蟹蓋更加就…次次話送既重頭食物都麻麻地今次就更加好似想質飽人咁呢度向來都不重視甜品無咩好講喇總之食物同服務都穩穩陣陣唔會好大失望但係就係無驚喜架喇我諗我屋企就係鍾意呢樣野所以先咁鍾意黎囉六大一小恆生卡再九折其中一個長者一個巨蟹座分別有六折同半價仲送多一張lunch buffet 免費coupon咁計落都ok抵既

果晚食左"橫行十八"buffet全蟹宴,我自己就第二次食喇,我覺得真係唔差丫,食咁多唔同o既蟹,呢個price好抵架喇!兩次之後,最recomment o既係:魚子醬印度小麥,灼蟹腳,大蝦salad,蟹粥,花旗參蘆薈果凍,mini cakes,栗子mousse cake,TCBY ice-cream and topping.兩次食o既野都有dd唔同,其實全部都好好味!上次一行3大1小,$1044.4

記得係上年的事lunch buffet買一送一於是來食其實好少野食一眼睇晒最麻煩就係當日有好多檯細路一來好嘈之餘二來佢地攞野食好麻煩夾野食整到周圍都係唔衛生三來啲細路坐唔定周圍走好騷擾供應的全部都係大路野沒有驚喜不過食物素質尚可接受自助餐就係咁見咁平就算啦不過佢啲格局就係似3星酒店服務態度OK 算啦唔想咁挑剔