御苑皇宴 (Closed)

2007年8月18日。御苑皇宴。友人生日，9人行來試晚飯小菜：1．脆皮燒腩仔：肉質不松化，一般貨式。2．腐皮素鵝：也屬一般，腐皮是軟身的。3．頭抽生煎大海蝦：豉油太鹹了點，蝦肉彈，不錯。4．萬壽果杏汁燉白肺：這個湯全場都讚，豬肺看上去很乾淨，杏汁很香，唯木瓜不太夠。5．燒雞：沒有醉雞改了燒雞，也鹹了點6．荷塘吐豔映明珠：是得獎菜，用冬瓜包著蓮子，很清，蓮子很腍，幾特別，但冬瓜很薄，很吊癮。7．松子醋溜斑塊：無乜特別。8．清葵汁燒牛仔柳：wasabi的味道不是很出，但整體味道和牛仔柳都可以。9．宮庭醬烤骨跟花餅：不好吃，醬汁不好，肉也不怎出色。10．鮑汁玉掌扣靈菇：OK，不錯。11．高力豆沙球12．豆沙鍋餅13．Tiramisu14．木糠布甸15．元肉杞子糕全場最難吃的就是甜，無個好食，不是味道不像樣就是太甜，全不及格。整體上，大家對這裏的印象不錯，也覺得不算貴。環境舒適，坐得很舒服。

星期日去飲茶,嘩招呼真係好差,嚴重無人招呼,原本想睇婚宴埸地,領教之後,決定無交易,場地無執拾,重皇宴,簡直係大掛檔.

因為有贈券先會幫襯呢間酒樓本來無咩期望,因為都幾遠(渣車就ok方便,起碼泊車唔難,搭車就麻麻地)上到去兩個人叫左三幾樣野先黎個當晚推介既翅,一人一份,都唔會望有幾多翅係度不過味道就幾喜出望外,唔錯唔錯燒味拼盤要燒肉同埋叉燒,出黎既味道都不錯叫左個用冬瓜同埋蓮子整既菜將冬瓜整成薄片包住d蓮子好清淡又好香,夏天食下呢d野都幾好炸蝦球都整得幾靚幾脆幾好食可能因為係閒日晚上同埋個場新開既關係,無咩客係度都幾靜幾舒服

星期天11時，一行四人在星期天在此品茗，裝修、服務、食物都不錯。總共叫了九個點心﹕1)巨型蝦餃(可以一試，似一個大飽)2)賽螃蟹餃(好味)3)鵝肝饅頭(幾好)4)共$320，每人消費約$80

買佐飛9點50分睇變型金剛, 8點15分諗住食客家菜, 但要等幾張枱, 見到對面有特價package $388 4-5人餐, 又有好多餸菜揀. 朋友諗住不妨一試, 怕等得客家菜黎點唔到菜, 所以唯有去呢間唔駛等位既酒樓.第一碟黎燒鵝, 好細碟, 諗住例牌, 細細碟, 算啦.第二碟黎個波羅咕嚕肉, 我地4個人20幾歲人都未吃過咁細碟既咕嚕肉, 咕嚕肉大概有5-6塊. 其他黎既餸唔駛講碟碟都細到唔恨, 叫佐既白飯都驚d 餸菜唔夠分, 食幾啖白飯先一啖餸. 真淒涼, 猛咁呻笨.個d 雞煲, 一d 味都冇, 一舊舊洋葱仲多個d 雞, 冇火喉, 好似炒完放係個煲仔入面咁, 我阿爸爆d 雞仲好味過佢.最後係生果盆, 又係小到無輪, 係酒樓係個d 生果盆既西瓜都一塊成巴3角尺咁大呀, 佢將平時酒樓一塊既西瓜再切一半, 咁就睇落好似好多塊咁.我地都唔明, 佢岩岩開張, 駛唔駛咁孤寒, 仲壞個名呀? 咁細碟4-5個人食? 兒童餐就得, 或者減緊肥既5個女人一齊吃就得. 埋單加埋茶位加一$508今云簡直係俾人昆! 一路食一路小小聲. 要睇完戲食宵夜.

2007年7月14日。御苑皇宴買唔到Imax飛，呢度飲茶。空間多, 坐得好舒服。1. Mega 蝦餃霸($28/1件): 好大隻, 味道也好, 不過我都係鍾意細隻D。2. 千絲鵝肝酥($28/3件) : 好好味。3. 瑤柱賽螃蟹餃($24/3件) : 清清, 幾好。4. 石頭窩福建飯($78) : 熱辣辣, 料足,好食! 5. 叉燒包($18/3件) : 夠新鮮, 好味。不過D酸菜唔得。雖然唔平, 好食和食得開心好緊要。

早兩日星期一(7月16)無咪做同老婆走左去Megabox食飯, 同上次去好唔同今次可能星期一個場都幾靜, 完全唔洗等泊車。去到先知原來佢地剛做promote, 30頭日本吉品鮑半價, 賣$240一隻, 問明佢地系唔系正牌皇冠先, 有個主任個頭光光地ge保証系正牌, 出面賣成五六百ga ma, 所以本來唔打算食gum豪都同老婆一人一隻la. 其他餸就D平平地算因星期一自己食飯je. 叫左個例湯、上湯秋葵同牛肋肉。個鮑魚原來會堂面做, 未食都見好香, 一上台唔好講野中間一刀切開睇睇系唔系溏心先, 又系wor睇lai光頭主任無昆! 食落好正!其他野都OK特別個例湯, 好有老火feel.下次一定再來。

上個星期六原本諗住去鍾菜飲茶，不過去到無位又唔想等，所以去咗這間．當時未夠11點可能都係早的關係，只有大約10枱客．點心的款式都算多，叫了一個鵝肝卷，由於我唔鍾意食鵝肝所以無試到，不過媽咪話幾好味，唔係鵝肝醬而係成條鵝肝係裏面．一個菜螃蟹餃又幾好味，裏面有好多蝦和菜螃蟹不會有好肥利的感覺．一碟蛋包海蜇卷，這個冷盤都幾抵食，雖然＄38不過都有幾多海蜇．另外還叫咗一碟腸粉，菜肉包，Tiramisu.....，啲點心的味道都幾好味，環境又舒服，如果有機會都會再次幫陳．