The BASE (Closed)

同一大班朋友見面之前，小編先跟一位朋友去試the base係觀塘地鐵站行5分鐘左右就到，位置幾方便The base座位幾寬落，坐得都幾舒適小編同朋友分别揀左all day breakfast同egg Benedict黎share先黎飲品，分別係橙汁同熱洋甘菊All day breakfast，整體黎講好食，特別要讚既係係個大啡菇配上蛋同菠菜，好食黑松露煙三文魚Egg Benedict，黑松露係好好既點綴，雞蛋整得啱啱好，如果Benedict汁再多d同傑身d會更好

呢間The Base經常full booking，今日特登book左黎食，環境好舒服，就算lunch hour & full哂都唔會好嘈，team lunch或者幾個人黎傾計都好適合㗎！日式比目魚滑蛋蛋飯一上碟係一大碗舖滿紫菜絲，比目魚都好大舊無嬉場，另外有滑蛋同飯。🐟🥚🍚比目魚嘅皮係煎香左嘅，少少脆。魚肉好嫩滑，不過成舊魚都無乜味，有啲過淡，如果唔係面頭嘅紫菜就會有啲淡而無味了...😟全靠有紫菜同滑蛋，補救返呢個菜應有嘅味道。本身食得清淡嘅可能會鍾意食💁🏻‍♀️山楂蘋果茶好特別既跟餐飲品，山楂同蜂蜜加左好多蘋果煲出黎嘅，感覺好養生👼🏻 入面有3-4塊煲淋左嘅蘋果肉，加添杯嘢嘅口感😁😋另外包左一小碟醃製左嘅木耳，甜甜地都唔錯㗎！😀

走進觀塘工廈的一間食店 the base。餐廳以西式食品為主，地方寛闊，枱與枱之間有一些距離，啱哂gathering 。今次2人行去叫左魷魚墨汁意大利飯，蝦肉釀雞亦加大啡茹。味道不錯，份量一般，值得再去。不過地點比較遠地鐵站，需要由地鐵站步行15分鐘

係觀塘其實有好多隱世好餐廳。今次就選左The Base為同事搞farewell lunch. The Base 地方整潔，最啱同啲少女們去，而且食物好食之外，lunch set 都有十款八款。以我觀察女士們都喜愛特色意粉。以我比較大食，所以今次選了澳洲穀飼牛漢堡。這個漢堡是我在The Base 的其一至愛，牛肉香和不太多油之外，仲要加識量辣肉碎再加上一片煙肉，配上煎過的大蕃茄和生菜，可說是完美組合。最外層的麵包也有口感，一口咬下不會散掉，每口都有肉菜包，造工真不錯。另外還有香脆薯格和餐飲一杯。男生也不怕不夠食。The Base 係本人在觀塘十大喜愛餐廳之一。

是次去係公司每個月幫同事攪既生日飯（老闆都係今個月生日）Admin姐姐一早email左個menu比我地order定，我就叫左個香煎日本刺身帶子配海鮮墨魚汁意大利飯。D同事就叫其他，我偷食左佢地叫既veggie burger都幾好食，個汁唔錯同埋大啡菇好juicy。相反我果個飯首先帶子好乾，其實有煎就唔叫刺身啦right? 無味無盛咁，最慘係個飯完全無味，一d味都食唔到？？我要加勁多pepper調味先叫好d.....好失望。野飲我同另一同事叫左個涷既Caramel latte.....等左成餐飯人地食晒咁制先黎，吹左好幾次攪到飲到勁趕。其實間野唔係好多人，你預左做埋lunch就係咁，服務好一般🤦🏻‍♂️ 唔係公司請食都唔會黎，試過一次夠了。

一起身好想食 all day breakfast， 又想去睇下bb野，老公搵到依間工廈餐廳，朋友都話想試，所以快手打個電話去book檯先。去到門口， 好多人等緊位呀! 好彩有book到位。我叫左個煙三文魚 Egg Benedict, 平時食開Ham既我對依份三文魚有一種驚喜既感覺，因為係灸燒三文魚! 好好食呀! 同行既老公同朋友都覺得好食。餐廳有一個outdoor area, 我同朋友既小朋友都正值活躍期，多得個outdoor area俾佢地行下! 而餐廳雖然多人，但係講左俾個半鐘用餐時間俾你就真係個半鐘先叫你走，唔會掃你走或者黑你面，好公道。下次想食 all day breakfast 又有個好去處啦!

同事升職請食午飯，地點選了觀塘The Base. The Base 裝修簡約，有點文化氣息。點選了帶子海鮮墨魚汁意大利飯、南瓜湯及蜂蜜山楂蘋果茶。意大利飯汁底非常鮮甜，飯加了一點芝士，令口感尚佳。帶子新鮮，但size 略少。南瓜湯清甜，但有點不夠熱。蜂蜜山楂蘋果茶則沒有什麼特別。同事們點了素食漢堡及柚子比目魚飯，看賣相不錯，份量亦可以。聽她們説味道亦不錯。這家小店，以價錢來説，不平亦不算太貴。食物質素可以説中上。但在食肆林立、競爭激烈的觀塘, 這店要突圍，相信還要下點功夫。

今日同事請食飯，慶祝升職之喜！帶咗我嚟觀塘利豐中心嘅一間西餐廳, 餐廳內設計簡約，牆上更放置書架和書本，可供食客閱讀,有點文青和去了台灣書室的感覺。餐牌上的項目, 我樣樣都想試，本來想揀帶子墨汁飯,但怕食到成口黑萌萌咁,最後揀咗一款好特別嘅素食漢堡，名叫未來漢堡, 淨係個名都夠吸引！最開心係食咗感覺唔會好肥！入邊有芝士、番茄、燒烤蘑菇、牛油果和和一塊素肉，雖然唔係真。肉，但係有肉嘅口感和肉嘅香味，食得飽之餘又健康！

是日午餐由於人數比較多，所以一早book定位，餐廳都醒水，叫我地提早落定單。果然，去到唔洗等太耐就有菜上，雖然都係有小錯漏。大部分賣相都好好好吸引!!帶子配海鮮墨汁意大利飯。一般啦！唔會話膩，帶子都係大粒既。西冷偏乾身燒春雞既醬汁個人認為係偏咸未來漢堡既份量好足，又有呢排好興既牛油果，分開2邊上，的確係令人食得方便d既。反而每份主菜既伴碟（即係d蕃茄，南瓜，著格呢d）其實都好好食，係加分既!!飲品方面雖然好似好特別，其實飲落去都係普通味道，無乜驚喜。

最近既觀塘工廈為觀塘區帶黎左好多唔同既特色西餐廳炸蝦肉釀雞翼珍寶珠因為聽到個名好特別所以一試 點知真係同細個食到珍寶珠既外型一樣好有特色 先將雞翼既肉去骨折出再同埋打得好彈牙既蝦膠混埋一齊 整成圓波再插上雞翼單骨所以同珍寶珠既外形真係一樣！欣賞佢既炸粉好薄 而且蝦膠雞翼球好彈牙 入面仲好juicy!配埋蛋黃醬可以提升成個味道燒原隻魷魚釀墨汁意大利飯廚師預先已經將魷魚切開一件件 而每件魷魚圈入面會包住墨汁飯 最特別既地方係墨汁飯預先用紫菜包住 所以唔會好易鬆散 魷魚爽口彈牙同龍蝦汁好夾 飯粒充滿墨汁味令人食唔停口！值得一試！Popping rainforest 係一杯好有特色既特飲 沙冰充滿熱情果味 而且外型仲好似一座小山丘咁 最特別係加上左爆炸糖 令食一啖沙冰既口感都非常豐富 超推介！

平安夜食公司Lunch，十一個人。環境幾文青，典型既工廈cafe。個場唔大，10張枱4人枱多啲上下，都静既，幾好坐既。當日人唔多，7枱左右落order，問左句有冇凍檸茶，比個server疾左句特色西餐廳冇茶餐廳野飲嗌點左個angus，168蚊。兩點十五分落order，兩點四十五分先有野食，食物同飲品一個一個錯開咁上，時間横跨45分鐘，我地就一半人有野食一半人冇野食左半個鐘。全程server冇記過邊個落咩order，全程茶仔咁放係枱到傳/邊個食1號。食物上到枱碌link咁滑過個客到。burger舊草舊蕃茄跌左落枱，執番入廚房換burger舊免治肉得六成熟，舊Angus唔記得左order幾熟，煮到八九成乾哂，個sauce係尖酸味，唔知想點。同隔離同塊事係一隻手指vs兩成手指既厚度。另外佢可能唔記得左黑椒野食唔係話好差，啲product係好眼既，但成件事個feeling係極度貴價茶記，由其係佢果種自詡西餐廳個態度係極度令人反感。Black list

週末時間，早餐和午餐同一時間吃是常時吧。除了食物，優美的環境是重要的一環，因為有著優美的環境人的心情也好起來，食欲也不同。另一樣重要的東西就是要食得健康，這裡的水其中一個特色就是有薄荷葉在其中。味道不是很出，但就叫人覺得有一份清新感，希望如樽身所說，有排毒的效果。而重中之重當然就是食物，點了澳洲草飼牛肉漢堡。漢堡的肉質很豐厚，而且還看到清楚的肉紋，一點都不像是肉醉，口感和味道都是優質的。另一個驚喜是麵包，微微的烤了令味道更香，質感更脆。

喺閒日百忙於所面對的繁重工作🙇🏻‍♂️不經不覺到了終於可以休息一下的週末☺️除左同朋友或另一伴四處遊走散心之餘😆尋找一個小基地好讓自己放鬆心境☺️享受一個寧靜的下午時光亦至好不過☺️位於觀塘豐利中心既工廠小基地呢度環境設計環繞住Cafe Style😆木枱木架擺設的花卉植物小手作🍀🌿🌷牆上一排排各類既雜誌書籍📚配合四周充滿濃厚文青既環境☺️加上適逢聖誕季節🎅🏻環邊周圍增添不少聖誕氣氛燈飾飾物☺️🎄而適逢假日小基地亦借出露台位置搞小市集😆享受寧靜下午之餘亦可支持一下小本經營市集☺️從露台望出觀塘街邊太多人與車既景象🚶🏻‍♂️🚘🚇何謂天淵之別🙈為呢個繁忙石屎森林中帶點抒閒寧靜☺️🏙隨便尋找一個座位💺嘆著一份茶餐 一杯咖啡 插著耳機🍴☕️🎧就屬於你喺呢個下午的小基地☺️澳洲草飼牛肉漢堡配炸薯格以木板裝盛既一流賣相上枱🍔🤩採用澳洲草飼牛肉製成既漢堡扒🐮🇦🇺肉質夠哂滑嫩入味之餘😋脂肪比例均勻食落唔會太油膩☺️🥩另外有濃郁芝士及新鮮生菜茄片甜香洋蔥做夾心😋再以濃香肉醬同埋脆香煙肉做餡料配合☺️🥓焗到香脆既包包亦口感十足☺️(配搭有啲似鋒味包包既感覺🤪🍔)而薯格炸得夠透啖啖薯肉亦係小肥至愛☺️Cappuccino用Double e

去工廠大廈食飯，雖然唔似得大商場咁五光十色，但工廠大廈相對租平，用較平價錢食到好嘢的機會相對較大。今晚呢間西餐就係一個好例子。芝士薯格即炸脆薯格與Sharp Cheddar、Mozzarella 同焗，會有理由唔好食嗎? ?澳洲M級肉醬和牛芝士漢堡漢堡肉剛剛好做到 Medium, 牛肉味濃厚。配上半溶芝士、烤煙肉... 邪惡，但極好食。珍寶大虎蝦馬來喇沙海鮮孖辮粉第一次食用喇沙湯底做的意大利粉。意粉 Al Dente, 大蝦啖啖肉，蝦頭沾上粉漿炸至香脆，配啤酒一流。(可惜我唔飲得)金箔朱古力流心蛋糕配石板街雪糕香濃的朱古力蛋糕加上流心的朱古力漿，熱騰騰的口感再配上一球冰凍的雪糕，實在令人非常滿足。

今晚去左呢間隱藏喺觀塘工廈中嘅西餐廳｡室內環境非常寬敞, 座位主要以木色為主｡另外仲有室外座位｡飲用水都非常特別, 係一支浸住薄荷葉嘅水, 飲到咁上下, 店員仲會換支新嘅黎｡除左 2 人或 3-4 人 Dinner Set Menu 外, 佢嘅 A La Carte Menu 由小食、沙津、意粉、扒類至甜品, 應有盡有, 款式較多, 而且價錢都唔算好貴｡芝士薯格芝士嘅份量勁多, 而且焗到焦香, 散發住陣陣香濃嘅芝士味, 配埋脆卜卜嘅薯格一齊食, 好快就食晒成碟｡珍寶大虎蝦馬來喇沙海鮮孖辮粉好有創意嘅 Pasta, 用喇沙嘅材料炒孖辮粉, 味道非常特別, 醒胃得黎又有新鮮感｡ 虎蝦係一味兩食, 蝦頭以脆炸方式煮成, 而蝦身就慢慢煎香, 一次過食到兩個口感, 正 !澳洲 M 級肉醬和牛芝士漢堡非常大份 & 厚身嘅和牛漢堡, 漢堡肉 5 成熟, 肉汁豐富, 口感唔會實的的｡ 漢堡包有焗過, 所以食落去有 D 脆身, 漢堡嘅配料仲有芝士、煙肉、蕃茄、生菜, 份量十足, 一個人好難 KO 得晒成份｡金箔朱古力流心蛋糕配石板街雪糕賣相十分吸引, 心太軟上面鋪左一小塊金箔, 即時變得非常奢華｡切開心