The BASE nature (Closed)

嚟到荃灣咁多商場嘅地方😆，位於荃新天地嘅餐廳，裝修既簡約又舒服😌，最啱同朋友一路嘆美食傾下計。🧀🥔芝士薯格（$62）新鮮炸好嘅芝士薯格一上枱熱辣辣🔥，餐廳用咗兩種芝士嚟調味🧀，份量都幾多，多人嚟可以叫一份一齊分享！🐙海鮮墨汁意大利飯（$138）一般食意大利飯好驚會食到好滯好膩😖，但係呢個墨汁嘅配搭，無呢個感覺，啲飯粒又有口感🍚，入口都幾creamy同rich😚！三粒帶子都幾大粒同好食😋！🥩黑安格斯牛橫腹扒（$198）牛扒無得揀生熟度，不過有揀醬汁同鹽，今次揀咗佢推薦嘅煙燻岩鹽🧂同埋牛肉燒汁，牛肉食落好有牛味，係好食嘅牛💯，而且牛肉有咬口，口感唔會太老，至於醬汁就正常發揮，而岩鹽會有少少過咸🤣，所以自行決定點幾多啦！

The BASE nature荃灣楊屋道1號荃新天地一期UG70號舖一個人喺荃灣見完客就搵地方食lunch，差不多兩點鐘所以都唔洗點等位，見到衣間個menu都幾吸引就試下laSet lunch包一杯飲品，我叫咗《黑松露野菌菠菜米型粉63度溫泉蛋巴馬芝士》，第一次食米型粉，感覺幾得意，好似食緊有咬口嘅米咁，醬汁方面好香濃好creamy，撈埋溫泉蛋蛋黃一齊食更加香滑，再加埋一片片嘅巴馬芝士，層次更加豐富！不過就完全唔覺有任何黑松露味道嘅蹤影。餐任方面揀咗自家製嘅桂圓紅棗凍茶，可能因為無添加糖嘅關係，味道非常淡總括而言，食物係有質素嘅，但係服務員嘅態度就有待改善

荃灣新天地入面一間西餐店，雖然地方唔大，但坐落都舒適，啱哂同朋友傾計。餐牌入面食物嘅選擇唔太多，飲品都係茶類居多，花茶、果茶等。✨智利藍青口、白汁忌廉、蒜片、香草 (20 Pcs) $108 ★★☆☆☆上枱雖然見到出哂煙，但食落一啲都唔熱，最多係暖，受熱唔平均，呢個認真扣分。個醬汁冇白酒香味有少少可惜，食落得普通忌廉白汁味道，嫌佢稀身左D。藍青口唔算十分新鮮飽滿，有幾隻係腥臭。麵包得兩塊有D太少，雖然本身個醬汁都唔係多到可以沾好多塊包食。✨西班牙海鮮飯 $185 ★★★☆☆個飯整體望落好豐富，但飯個份量比較少，如果3個人就咁叫呢個再加D小食未必夠食，最好叫多個MAIN。南海虎蝦有3隻中SIZE，食落新鮮爽口，唔會霉。另外仲會有少少魷魚、大蜆、藍青口同埋臘肉。個飯軟硬適中，食落有陣南瓜同少少海鮮味道，整體上成個海鮮飯都OK唔差。✨MB2黑安格斯牛肉眼扒(250g) $268 ★★★★☆睇餐牌講解指MB2係澳洲牛肉油花評分其中一個標準，呢隻肉眼扒嘅肉味油脂分佈平衡。塊牛食落都真係全晚最驚喜，我地叫左7成熟，食落都仲好軟淋，一D都唔會韌，牛味好出下，油脂正如佢陳述咁，分佈得好平均，唔會太油膩

平時嚟到荃灣都會去d細街搵食，但今日有少少雨，所以就喺附近商場搵食。見到呢間之前食過一次，味道唔錯，但個menu就轉咗，所以再試一次。平時食西餐都會要個湯同飽，食主菜前濕一濕個口。個湯有少少辣，飲完之後，喉嚨會有少少辣味。個麵包就乾食好味d，濕咗會好淋，口感一般。第一個主食就係海鮮飯，都幾豐富，有大蝦、櫻花蝦、青口、蜆同八爪魚。大蝦d肉好結實，煎得好香。櫻花蝦撈飯一齊食，食到好香蝦味。個飯有啲似意大利飯但濕少少。整體唔錯。第二個主食係豬鞍，一上台就覺得好似好少嘢食，但食食下都幾飽肚。個豬鞍好淋，重煎到好香，加埋個汁有少少甜甜哋，食埋唔會好油膩。隔離啲配菜都比薯仔或者薯條好食，有南瓜、蕃茄、蘑菇、蘆筍，款式好多。推薦。最後加埋個菠蘿梳打，食咗咁多海鮮同肉，加埋杯梳打就可以清一清個味蕾，又唔會太甜而且仲有少少菠蘿肉可以食下咬下，唔錯。

餐廳位置係商場隱藏位置，去第二次就識搵路今次叫咗西班牙海鮮飯同豬鞍一試～轉set加$38想試下個湯，就其中一個餐轉咗set~非常多湯料，帶有微辣，甜甜酸酸幾開胃麵包邊仲係脆脆地飲品正常水準，有幾粒🍍西班牙海鮮飯用料幾豐富，有虎蝦、魷魚、蜆、青口…都算新鮮推薦豬鞍，肉質非常嫩，完全唔會乾/嚡口，配開胃菠蘿汁，有驚喜連配菜每樣都好好味大推整體質素不錯，見有幾枱慶祝生日有畫碟服務，可以紀念日再黎環境舒適

今日去咗荃灣行街，近聖誕節特別想食西餐，見到呢間口碑不錯就同朋友去咗試吓。餐廳行簡約風格，餐牌選擇集中，好快我哋就揀咗以下菜式：🥩 黑安格斯牛橫腹扒（250g) - $198 牛扒類揀左橫腹扒，簡稱封門柳，近年越來越多餐廳有呢個部位可以選擇，鍾意佢肉質鬆軟同肉味濃郁，牛扒可以配一款鹽同醬汁，我哋揀咗煙燻岩鹽同芥末子忌廉燒汁 ，煙熏岩鹽嘅煙熏味唔算好突出反而個醬汁幾特別，芥末味唔會過重帶少少甜味，點汁食別有一番滋味。🥘西班牙海鮮飯 - $185呢個燉飯賣相靚仔，海鮮配料豐富，每一粒意大利飯都沾滿醬汁，食到濃濃嘅海鮮鮮味。💡以上主食可以加$38跟餐加飲品，沙律菜新鮮爽脆，份量足配柚子醋醬汁好醒胃。飲品揀咗熱情果烏龍茶，清香唔會過甜，比起普通的餐飲更有新鮮感。🍺液體麵包 （$68）另外點左呢款本地品牌啤酒，之前已經比呢款啤酒嘅包裝吸引咗，飲落麥香味重帶少少麵包嘅香味，易入口，啱我口味。見到隔離檯食burger大大個好吸引，下次經開試下先～

嚟到 #荃新天地 #覓食 估唔到走到行尾 發現咗呢間 #thebasehk 經過俾佢門口個steak poster 吸引咗入去🤤唔想煩 左揀右揀 一於叫佢個 #招牌二人套餐 #澳洲MB2黑安格斯牛肉眼 依家仲要做緊優惠價 $408先嚟每人一個 #南瓜忌廉湯 #酸種法包多士接著 #招牌蟲草花米形粉 上枱個感覺有點似 卡邦尼😂 先將面嘅溫泉蛋撈勻 味道幾特別 不錯 米形粉嘅口感亦好好👍🏻 #重頭戲 出場 #澳洲MB2黑安格斯牛肉眼 (250g) 配上 #芥末子忌廉燒汁 #煙燻岩鹽 帶出唔同風味Order 咗要medium 控制得幾好 再配上烤菜 跟兩杯餐飲 可另加錢有多啲選擇#flatwhite 麻麻地 不過起碼飲得出唔係機沖咖啡 #蜜糖桂花茉莉綠茶 花香味幾好 連茶壺同燭台 茶係要熱飲

由觀塘開到荃灣的西餐廳🍽環境感覺是文青的戶外風（雖然這是室內😆）有啲Open Area 有種chillvibes 幾鍾意這裡的Menu 幾Details🐂黑安格斯牛橫腹扒 係連接住牛腩和肝臟的一小塊肉 好珍貴😮肉質比較瘦係揀成熟程度嘅時候考慮左一陣因為擔心5成➡️7成 所以考慮不如3成最後落單時問過 佢話5成就會係5成 好‼️信你‼️結果都如期望😌不錯！多汁有肉味！特別在有幾款鹽同醬汁選擇揀左法國灰鹽 不過看不出是灰色介紹話可以帶出肉啲鮮味唔知有冇特別帶出到 因為本身肉味都濃好欣賞揀嘅些利醋紅酒汁燒牛油🧈、紅酒、些利醋製成好香牛油味，酸酸的帶走油膩感🍔The Base美國草飼牛肉芝士漢堡內容超級豐富💥有牛肉、芝士、生菜、大啡菇、太陽蛋、烤蕃茄、煙肉⋯⋯配脆薯格份量極之多🥳熱氣野正🤩但偏鹹左啲⋯⋯牛肉嘅肉汁豐富 一路食一路滴不過醬嘅味唔夠濃 所以成為左一個好原汁原味嘅漢堡 喜好見仁見智 我就鍾意重口味多少少🤏🏾如果唔係就會感覺好家常

Hey，又俾我搵到平靚正嘅afternoon tea丫～～🥳🥳.荃灣The Base Nature “Signature afternoon tea”，$218/兩位，巧抵丫😍😍.我最鍾意呢幾件：。扒黑松露芝士火腿三文治：好香口嘅三文治，如果有得散叫都唔錯👍🏻👍🏻。迷你牛肉漢堡：唔好睇佢的的骰骰，其實有好多材料，夠晒juicy，好好味😋。香脆薯絲蝦：脆卜卜嘅熱氣野，我buy😉😉。朱古力榛子切餅：不得了！超香超濃嘅朱古力，好食到想食埋另外嗰件🤣🤣。柚子慕絲切餅：我係柚子達人，柚子味嘅食物，90%都係我杯茶，包括呢件切餅👏🏻👏🏻.咁抵，唔食就走寶咯😜😜

首先跟餐有一杯是日飲品同埋一個湯，蘑菇香味同埋忌廉融合得好好🥰好香滑而主菜呢就揀咗：📋蟲草花黑松露米型粉米型粉食落口感有少少似risotto，相對一般嘅意粉掛汁力更加強😍配搭埋流心嘅溫泉蛋，整體更加香濃🤩📋澳洲MB2黑安格斯牛肉眼呢款反而有驚喜❣️肉質有咬口得來唔會太韌，啱啱好做到五成熟😚另外揀咗黑醋汁，餐廳普遍嘅醬汁配搭都比較特別，唔會剩係得平時common嗰幾種🤣同時亦都都包左一款鹽，我哋就揀咗黑海鹽，同時餐廳亦有唔同顏色同埋產地嘅鹽俾大家揀🥳有興趣不妨一試

The BASE nature 地址: 荃灣楊屋道1號荃新天地一期UG70號舖電話: 23470211🔹🔹🔹🔹🔹🔹🔹🔹🔹🔹🔹🔹呢日去咗有香港天橋之城之稱嘅荃灣。天橋將接近廿個商場串連埋一齊。夜晚去其中一個大型商場「荃新天地」覓食，經過The Base Nature， 就俾佢個半開放式餐廳環境吸引咗，感覺開揚唔侷促。餐牌有好多嘢揀，牛扒、意粉、焗飯、漢堡包羅萬有。我地揀咗👇🏻👇🏻💫黑安格斯牛横腹扒🥩(250G) ($198)橫腹扒係連接牛腩同肝之間嘅部位。嗌咗五成熟，牛扒煎得外香內嫩多汁，肉質軟淋唔嚡唔靭，肉味濃郁。配埋煙燻岩鹽同芥末子忌廉燒汁，更加能將牛肉味帶出嚟，越嚼越香口。💫西班牙海鮮飯 ($185)海鮮多過飯，好抵食！有虎蝦、藍青口、蜆、魷魚。 蝦肉爽口彈牙，其他都好有鮮味唔腥。用上海鮮汁燉飯，每粒飯都好飽滿，啖啖都帶住海鮮嘅鮮味。💫柑桔柚子醋田園沙律🥗 (+$38) 只需加$38就可以轉套餐揀是日餐湯或田園沙律。我地揀咗🥗。沙律菜好fresh好爽口，配上柑桔柚子醋，味道甜甜酸酸好開胃。💫冷泡熱情果烏龍茶（+$3）茶味清香，入口有淡淡嘅熱情果味，非常清新解渴，有解膩消滯之效。

喺荃新天地開咗越來越多間Cafe 去到呢一間覺得環境好relax 而且係半開放式 環境寬敞唔會坐得好密質質 而且燈光光猛喺度俾人一個好精神放假嘅感覺 放假喺度食啲嘢加杯咖啡 真係一級享受 叫咗個慢煮美國有機雞柳配有機沙律蒜蓉多士 雞柳意想不到咁淋 個沙律配左芥末麻醬 當堂覺得個味好夾好好食 個雞柳配沙律真係世界級 唔好睇佢完全冇粉麵 但其實食完都好飽 我份量一啲都唔少 再陪杯mocha啱啱好 唔會太甜但係朱古力夠香勁濃 成餐飯簡直係完美享受

純尚自然感覺嘅 BASE Nature， 座位舒適又有空間感🥰 特色腸拼盤 特色腸拼盤好吸引，有多款香腸係入面紐倫堡螺旋腸、香草豬肉腸、英式雞肉腸及有機風味腸都可以一次食到 海鮮墨汁意大利飯帶子好大粒又好新鮮，還有其他海鮮混合係意大利飯，墨魚汁意大利飯嘅墨魚汁味濃😋，令整個意大利飯更出色 鮮花野莓芝士蛋糕 自家莓果椰子雪葩主打自家製芝士蛋糕，味道好creamy，配合莓子酸酸地及雪糕甜甜地就好夾，唔會太heavy

同朋友嚟到荃新天地 估唔到行到入行尾 俾我地發現咗間西餐廳係門口已經俾佢嘅steak menu 吸引咗Order咗佢地嘅 #二人餐 揀咗要steak 🥩依家仲要有優惠價 $408 #南瓜湯 配 #多士塊多士好脆 南瓜湯好creamy#招牌蟲草花米形粉呢個組合好特別 mix 埋一齊又幾好味喎😋而且米形粉嘅texture 都好新鮮#澳洲MB2黑安格斯牛肉眼要咗5成熟 肉味唔算好重 不過幾嫩口可以揀一隻鹽同醬另外仲有指定餐飲 不過可加錢轉drink menu 飲品#flatwhite 好一般 拉花🤷🏻‍♀️而且好多空氣#蜜糖桂花茉莉綠茶呢個唔錯 茶壺上 而且有蠟燭keep 著加熱 蜜糖亦另上 可自己調節甜度

The BASE Nature 靈感源以基本和簡約，追求簡單自然生活為基本理念，帶出舒服感覺嘅餐廳😊 呢度有多國菜式款選擇🍽，亦有特色飲品🍹同手工啤酒🍺 特色腸拼盤 🥨充滿德國風味嘅特色腸拼盤，有紐倫堡螺旋腸、香草豬肉腸、英式雞肉腸同有機風味腸，大大盤有好多款選擇👍 海鮮墨汁意大利飯大大粒日式帶子刺身好新鮮，加埋其他海鮮，仲有墨魚汁嘅意大利飯，充滿海鮮嘅鮮甜味😋 鮮花野莓芝士蛋糕 自家莓果椰子雪葩🍨豐富嘅晚餐後再食美味嘅甜品簡直人生一樂也， 自家製芝士蛋糕好出色，莓子帶點酸再加雪糕嘅甜味好有層次感🥰