八福甜品館 (Closed)

今日食晚飯食唔飽，於是我建議去呢到食d野填下肚。我叫左個桂花酒釀丸子，可能我未食過既關係，覺得佢好香，但酒味唔係太濃，d而且又唔係太甜，丸子好細細粒好得意。但屋企人叫左個薑汁鮮奶燉蛋，反而唔覺有蛋，薑味都唔係太出，白色既奶實左小小。亦都叫左個芝麻湯圓，俾我感覺係自己整，因為我未見過一粒湯圓可以咁大粒，而且d湯底好薑。環境方面，可能坐住左個冷氣位，好大風。面積都好細但又坐得舒服。但係最值得讚既係d服務真係好好，未開門入面個女仔已經幫我地開埋仲好禮貌問我地幾多位。而落單又會覆一次，埋單個時唔係好知點埋，俾左好多麻煩，但佢地都好好咁幫我地埋單。係同區入面，我覺得都算唔錯。服務都好好。下次我都會再去。

今日同三五知己打完羽毛球,見口痕痕咁......遊到八福諗住食木糠布丁加綠茶沙冰,點知鬼咁多人,唉........但D fan又話唔想周圍走,咁無計啦.......好彩等咗兩,三個字就有位坐,拿拿聲叫咗個木糠布丁,綠茶沙冰,芝麻糊豆腐花同D fan Share,佢地都話幾好食,特別係沙冰都唔會太甜,同埋D冰一入口唔會太大塊,消暑真係唔錯,個布丁都幾香又滑...^ ^ ,本人極力推介布丁加沙冰 !!

上星期同班friend係白石燒完o野食，突然想食糖水，有人提議去西貢滿記，有人話太遠，不如去馬鞍山啦，佢話有一間成日都好多人又容易泊車，咁我地就成班人去這度。我地係這間叫了杯佢推介的綠茶沙冰同埋個有菠蘿的椰汁喳咋，佢話好特別，所以咪試下，點知個綠茶沙冰，簡直係不知所謂，加d 旺旺仙貝落去，令到杯沙冰又咸又甜，仲要係超甜，好難食，仲要d 沙冰係”參”口，都唔滑，又唔係好香綠茶味，我係九龍城的甜蜜居食的藍莓沙冰，不知滑這度幾多，沙冰英文叫smoothies，我諗這杯係我人生中食最難食的一杯沙冰，個菠蘿喳咋仲不知所謂，有少少酸酸地，搞到我都唔知係唔係碗喳咋變了，佢咁整佢都幾好，假如碗喳咋變酸了都無人知，最慘一d 椰汁味都無，又唔係好多豆，只係得糖加水咁。佢d 不知所謂的fusion，但係我地真係接受唔到。佢仲話可以係對開的地方泊車，好少趕車，點知我地一坐底就有差人來，搞到我嗱嗱聲要將架車泊入停車場，冇晒心機食糖水。食完之後，我同介紹我地來那個人講，你d 口味都頗為特別，我諗佢可能係好憎我地咁多個，所以先叫我地來這間食糖水，下次都係去遠d 都滿記食。

今晚去到這間見到好似好多人幫襯的糖水舖，咁記憶中openrice d 人都話幾多食，所以就去試下，叫了個凍豆花，楊枝甘露同埋個芝麻糊豆腐花(熱)，咁我地share 食，個凍豆花不知所謂，一d 豆味都冇，雖然我都知凍豆花一定冇熱豆花好食，因為始終雪過都抽了d 水走，所以就唔滑，但係冇諗過一d 豆味都冇就叫豆花仲要硬過豬肉，到個楊枝甘露，都唔知點解個楊枝甘露有好重椰汁味，又好橙色，食唔到芒果味，d西柚一食就知係罐頭貨，冇口感，至於個芝麻糊豆腐花的芝麻糊完全冇芝麻味仲要搞幾下就變了水，個豆花諗住熱應該滑，點知又係唔滑，真係唔知點解d 人要去這間唔好食的舖頭食o野，唔同佢地只係搵個地方傾計呀?所以下次都係唔好見到多人就直衝入去食呀!要諗下先呀!仲要見到d 人坐晒係門口呀!d 人係唔係搵自己笨呀？又要熱住食d 唔係咁特別唔係咁好食的糖水呀?

整個馬安心區的甜品鋪話多唔多, 話少唔少, 但好味的我認為只有這一間, 昨晚和朋友食完飯想吃糖水, 於是試試這裡, 店內爆人, 於是坐街外, 好在果晚冇落雨, 又有少少風, 都坐得幾舒服.我叫左楊支甘露, 好多芒果肉同西柚肉, 味道不太甜, 朋友叫了酒釀丸子, 她吃得很開心, 說味道很好服務員態度友善, 雖然這餐甜品比晚上吃的貴, 但都吃得很開心, 所以不覺貴呢

來過幾次，次次試唔同糖水/ 甜品，呢間面積好小，位置不多，但勝在夠光猛、整潔! 食得安心!個人比較喜歡中式糖水，我喜歡這裡的豆腐花，豆腐夠滑，糖又唔會落得太多，唔敢講最好食，但有時就係最平凡的至係最好味。另外，白果腐竹薏米糖水又係一個不錯的選擇。

前日同ｄ同事打完波，去咗八褔食甜品，叫咗個木糠布丁，味道好好，好ｃｒｅａｍｙ，超正，份量都幾大！不錯！之後叫多咗咖啡奶凍，咖啡味好濃厚！正！　　　　　　　

食完晚飯過黎食碗糖水叫左一碗楊枝甘露糖水過甜非常嚴重芒果超酸碗野好明顯溝左水好稀不知所謂食左幾淡埋單走人.....

打完籃球,路經此地,見到間未見過的甜品舖,入面又冇人,就入去試試...入到去,店員即刻同我講有d野仲未有,我說不要緊...menu制作都算幾好,呢度款式都頗多,背面寫了八句金句,講八種有福的人...點了七彩明珠...七彩明珠(時果+水晶珠+涼粉)睇起上黎份量唔算少...不過時果方面,自己有點吃驚...時果裡面居然冇芒果(雖然芒果宜家唔合時),反而用一d其他甜品店比較少用的生果,如梨,菠蘿,桃...時果都算新鮮,梨爽但唔係咁甜,菠蘿,桃食得出唔係罐頭果種...但水晶珠份量較少,可以說只是一層的灑在生果上...食落彈牙,也帶爽口...涼粉可以的,無乜味,草味唔夠...椰汁底,嫌佢甜左少少...不過呢度冇音樂聽,唯有睇電視...因舖位在個冇乜人行的位置,相對上人流也較少...八種有福的人其中一種係飢渴慕義的人,其實有得食都係一種福氣,珍惜食物,都珍惜福氣吧...