師傅仔 (好順景大廈)

Open Now

Now Closed

以前食開都OK.依家差左好多！涼瓜斑腩煲零鑊氣，似係求其炒熟d料放落煲再狂加獻汁。叉燒炒蛋，蛋夠滑，但叉燒偏梅。叔叔們一向好好，但收銀班妹妹真係勁無禮貌，好似吾想撈甘

賞完紅葉, 消耗了不少體力, 正值下午茶時候, 想放縱下一彌補剛才的腳力, 但又不想走得太遠, 於是到屋企附近的茶餐廳。 選擇了平時晚餐多光顧小炒的師傅仔。平日的下午茶時間席上不算多人, 樂得休閒。 茶餐選擇是普通茶餐廳常有的款式。 之前試過蕃茄薯仔肉碎通粉不錯, 不過不是今次選擇之列。法式西多士 $27西多士加上一大片牛油, 確實是超標的邪惡之物!塗滿牛油後, 淋上同樣邪惡的糖漿, 真的很難抗拒, 縱然卡路里和糖份都是爆燈! 西多士顏色不是平常見的金黃, 而是偏淺黃, 白麵包把蛋汁吸收得算是均勻, 只是蛋香味則一般。一般茶餐廳都會加入花生醬, 火腿等餡料, 但師傅仔的西多是沒有餡, 反而喜歡這普通。 不過厚度就較為薄了一點, 邊位帶有香口的蛋漿絲。 雖是油煎炸, 但油膩感不算太重, 作為一般的茶餐廳已算是不錯!沙爹牛肉火腿公仔麵 $30 沙爹牛肉公仔麵, 另一卡路里爆燈之選。湯是一般的味精湯, 不是太特別, 沙爹牛肉的汁混和令味道稍稍增加。 沙爹牛肉份量算多, 肉質腍軟, 不過沙爹味不算濃。 還併上火腿片, 一般茶記貨色, 厚度一般, 但有兩片之多, 算是不錯。麵條沒有要求轉為出前一

一向都是師傅仔常客，貪佢夠平味道又唔錯，仲送埋外賣，但最近食兩次都好失望，鮮茄豬扒飯，芝士肉醬意粉，咸到過哂火，唔知關唔關個茄汁事，太重手喇。希望有關人士睇到後輕手d啦

本人最愛港式茶餐廳， 一日三餐都會飲奶茶，西多士 ，沙爹牛肉出前一丁還雞髀炸薯條， 我相信好多香港人在茶餐廳就好似自己屋企一樣，唔需要唔見到餐牌，就已經可以叫野食，Lee D咪叫香港人攞。這一間茶餐廳除左以上的水準不錯外，還有我最愛的 鹹蛋蒸肉餅，每一次有這個鹹蛋蒸肉餅，我都必定會入去 叫鹹蛋蒸肉餅飯。要好味，最重要就係肉餅夠軟熟 ，鹹蛋夠多， 最重要都係即叫即蒸，熱辣辣放係枱面，味道方便，好有家庭式的做法，一食就好似回了老家，吃媽媽的餸一樣，雖然最好既不會永遠擁有，但記憶和味道永遠留在最深既內心深處。

雖然是住在這裏附近，但一次都無黎幫襯過，是日友人有事入元朗，隔離啲餐廳又爆滿，就黎左呢度食早餐。早餐廿七蚊，有好幾款野揀，但都係大同小異，一般茶記有嘅野囉。牛油厚多，凍檸茶。多士並不熱且有點過乾，檸茶檸味不足，只能說合格。配香煎豬扒，沙嗲牛肉公仔麵。本以為兩者會分開上，原來全部擺埋一碟。豬扒乾身，沙嗲牛份量少，公仔麵則唔錯但湯底淡，又係好一般。啲位都幾迫，服務亦欠奉，附近茶記選擇大把，似乎要加把勁吸客了。

黑椒牛柳絲炒公仔麵，一直以來都超好味，根本搵唔到一間咁好味架，但係近來愈來愈重手了，自問都係好辣之人， 但真係辣過頭食唔到喇，作為師傅仔長期支持者，真係 希望師傅仔留意一下啦!

今天雖然是立春之日，但是在下依還有假期。在不用上班的日子裡，大昏迷了將近十二小時，雖然如此，還是早上八時多起身，今天要好好享受一下，而且已經安排了入元朗。話就話入元朗，但目的地是南生圍，入去之前就在雞地醫肚，可是目標餐還未開門，只好在附近的師傅仔開餐。師傅仔是相連舖位，具備了茶記的格局，就連外邊也坐滿了食客，幸好裡面尚有卡座。然而在下卻不宜吃得太飽，但正餐還是要吃飯，才能有能量入南生圍。粟米肉粒飯似乎是在下久未吃過的碟頭飯，來一個也無妨。粟米醬汁加上了忌廉汁，口怠上都幾 creamy 和有粟米的甜味，肉粒也被醃過，不差，整碟無需再加上調味料調味，夠味。熱咖啡香濃程度稍遜，也稍欠咖啡味。當在下結賬付款時，還未付上銀兩，櫃檯收銀員竟然拿出銀兩來當找贖，經在下說明後，才放回櫃內，當在下正式付款時，才找續清楚呢。這一點店方不要太大意吧！

小弟係新手第1次寫食評,有咩唔明,敬請見諒 尋日約左女朋友係鳳琴街體育館度打羽毛球,打到身水身汗,打完梗係要搵野食啦!女朋友就帶左我去鳳悠南街,佢話有間叫師傅仔嘅茶餐廳幾好食,好!就試下先係門口需要等一陣位先入到,店內人頭湧湧,但有好多侍應招呼客人!我地唸住叫\三個小菜食,一揮手就有侍應埋黎落單,GOOD!等左大約5分鐘度就有野食啦...小炒王; 好惹味,餸白飯一流! 中式牛柳;看似普通,但食落易咬,唔似出面果D咬極唔爛!個汁夠結!四季豆炒臘味; 四季豆新鮮爽脆, 臘腸片軟硬適中, 有鑊氣之餘又唔會太油!

屋企無煮飯，於是乎落街搵個地方食晚飯。行下行下經過師傅仔，見食客十分多，就幫襯下啦！雖然話好多客，但店鋪人手充足，一舉手幾秒就有人黎幫你。睇到餐牌，好多選擇，但屋企人話食返d家常便飯，所以好快手我地就點左幾個餸。首先有腐乳通菜，岩岩炒起夠晒鑊氣！腐乳又有少少辣味，通菜都夠青嫩，而且無渣，好食！之後有涼瓜倉魚，魚夠新鮮肉質夠嫩，汁又夠味！最後有我最愛既生炒骨，個汁酸甜味道剛剛好，肉夠大，又唔肥，最緊要唔會炸到乾爭爭，而且份量幾多。雖然叫做師傅仔，但質素仲好過d酒樓，而且抵食好多。實在係街坊街里落街搵食既好選擇！

由於父母愛好茶餐廳的關係，本人從小到大到過不少茶餐廳，當然，當中素質皆有不同。在元朗居住了約三年，記得第一次進入此茶餐廳的原因是因為見其外觀整潔，有一個樓面熱情地走出來跟我說：「一位啊？有位啊。」我就傻呼呼的走進去了，至今，已成為了我在元朗中的飯堂。食物的素質真不錯，價格亦合理，$34元就能享用一個常餐：蒜蓉包／奶油厚多士、火腿奄列、香矛雞翼米線、飲料。（我較多光顧早餐：$25，包含蒜蓉包／厚多士、豬扒／腸蛋、沙爹牛肉／蕃茄肉碎／雪菜肉絲...湯麵、飲料）奶茶的味道雖不是十分香，但味道尚算不錯，如果怕其茶味不夠香，可以試喝這裡的鴛鴦，本人較喜歡這裡的鴛鴦。

在這條食街已經吃得七七八八, 今晚來一來這家師傅仔, 看食評早餐似乎不錯, 我就來試試晚餐吧~店內人流不多只座了約三成, 我們被安排到卡位, 十分寬闊、舒服. 座下不久黑面神待應就企在我旁但沒有出過一句聲音, 只是企在我旁等我們落單. 但我們很不自在, 跟他說我們要看看才落單. 再叫他落單時他真是一點表情也沒有, 由於這裏晚餐是小菜而沒有套餐的, 飯和飲品都另加錢, 但沒有問我地是否加錢另加其他東西. 我點了咖喱牛根飯, 他落單時仍說咖喱牛根腩飯, 但我只想食牛根, 他仍然說牛根腩, 但餐牌是分開的牛根飯, 牛腩飯, 我沒有說要雙拼. 我已說明但仍沒有用, 最後當然是來了牛根腩飯.幸好飯有那麼多, 相公就不用加錢點多一碗飯了. 咖喱味道不錯但相公卻覺得一點都不辣還點點怪味. 不過我覺得還可以, 而腩的部份是比根多, 根是否很貴呢??熱辣辣送上, 不知還以為點了鐵板餐, 滾油還四處彈, 我的手和頭滿是被油彈到, 連枱上的電話銀幕也有, 完全感受到什麼叫熱辣辣, 味道還不錯而份量都還可以. 不過這個小菜五十多元還不是餐, 所以有一定份量是正常的, 味道不會太鹹, 豆豉很香. 這樣的小店其實

話說上星期假日和單車友人前往環塘一周活動，最後回到元朗區，心想也5時多但肚子很空洞不如吃一個小小的黃昏餐吧?接著看到這一間師傅仔餐廳，看到門口對外的空地很方便放單車外，內裡也有接近門口的位置，就決定那裡用餐，友人點選西多，我選擇了公司三文治。連上飲品都只是57元 兩位罷了，味道上還不錯，但友人說西多的花生醬太少外包也炸得不夠好。我的三文治是就用了多種材料加上，但昋拿魚醬味道一般拉底了三文治的味道。但也算是不過不失。期待下次試試其他更好的餐品

鳳攸南街有很多小店，如茶餐廳、西餐廳、泰國菜、韓國菜、越南菜、日本菜、雞煲、點心店及甜品店等，真係要試哂都要好多時間，而且雞地附近無被自由行佔據，假日都可以輕鬆咁行，唔似大馬路咁要左閃右避，真係非常之好!!呢間師傅仔之前食過，只係覺得一般，但又唔想個個星期都去一蒲點，決定比多次機會佢!今次叫了豬扒包($26)、酸辣豬扒米線($28)~豬扒包: 叫了廚房一開二，我們SHARE來吃，個包烘得熱辣辣，係燶左少少，內裡的豬扒夾上青瓜及蕃茄，醎醎甜甜，配上少許沙律汁，熱烘烘都幾好食，至少好過去澳門間喜蓮的乾硬化豬扒丫~酸辣豬扒米線: 一小塊豬扒配上超少且碎的米線以及少少酸菜，水汪汪的，用筷子都夾唔到，好彩仲有隻匙可以輔助咁食，大食D都唔夠飽，至於胃口小的人都應該只係勉強夠填肚，收人$28，即使而家D肉好貴，都唔該D米線唔好少到咁離普丫!!其實呢條街咁多茶記，呢間試左2次都唔滿意，都無下次架LA!!!

上週四五放了自己兩天假，今天除了回到工作崗位，也要回復寫食評的好習慣。今晚就輕輕鬆鬆，又記一間樓下的食店吧!在這個小區，開心小敘的超人氣是人所共知的，店外長長的人龍是明證，但轉角這間師傅仔也長期滿座，令兩口子十分好奇嚮往；但因店內較窄泊不下BB車，也拖了很多個日子，才毅然抱著寶寶來幫襯了。那是一個中午，大家都餓壞了，就點了快捷的午餐，我是白汁芝士魚柳焗飯($32)。用的魚柳相當厚身，是急凍貨色但也保持鮮味，配以乾身蛋炒飯，再加上芝士焗香味道不錯，如果再焗多幾分鐘風味應該更佳。午餐還包一杯飲品，我照例要了熱奶茶，可惜成品不夠香也不夠滑，與開心小敘差得遠了。老公點了肉片炒河($32)，成品份量很足，炒河油分適中、入味、彈牙，稍點少許辣椒醬，風味一流。由於份量太大，吃不完的，打包回家，不另收費。飲品方面他點了凍鴛鴦(+$2)，也是欠了一點茶記風味，相比之下食物會出色得多。之後媽媽獨自來吃過早餐及下午茶，下午茶約有6-7款選出，媽媽點了英式公司三文治($26)，滿載芝士、火腿、吞拿魚、蕃茄及咸牛肉的四大件裝的夾層三文治，還加了烘，配上飲品只是$26，很飽肚很抵食!早餐的選擇可多了，至少有8款選

我愛茶記！只要時間許可，我都會嘆份茶記早餐。由師傅仔開業無耐已經開始幫襯，我諗平均兩星期會食佢一次啦。我鍾意佢的早餐有茶記風味之餘都有比較特別的選擇。我每次去師傅仔食早餐都係咁叫：蕃茄薯仔肉碎通奶醬多豬扒熱奶茶/茶走/鴛鴦佢個蕃茄薯仔肉碎通清清地，幾好食架！FEEL到無味精。豬扒應該係招牌食物之一，醃得好淋好入味。最唔好就係星期六好多人幫襯，通常要等位，就算座低左，由ORDER到野食黎都要啲時間。趕時間千祈唔好去。其實佢的LUNCH都唔錯架，好有鑊氣，尤其是炒河之類的！