師傅仔 (好順景大廈)

Open Now

Now Closed

本人對茶餐廳一向情有獨鍾，遷入元朗，一直搜尋一間好的茶餐廳，想喝一杯有小時候風味的奶茶。但事情一直不如意，直至在師傅仔，終於能找到小時候的那種味道。我最喜愛的早餐為蕃茄薯仔肉碎通粉，加上一塊鮮甜的豬扒(可改為腸蛋)，配上一塊厚多，真令人食指大動！享受完豐盛的早餐，再來一杯有古時風味奶茶，可能本人不太喜愛奶，個人認為奶少一些會更好。該餐廳的晚飯小菜也頗令我驚訝的，雖然等待時間比較久，但全部食物都是即叫即蒸。最深得我喜愛的就是蒸魚和啫啫煲，魚新鮮，啫啫煲亦很香。

第一次來晚餐, 簡單的點了兩個菜:蒜蓉通菜炒鮮魷用煲仔上, 好像鐵板一樣的效果, 好大煙, 好香, 通菜脆綠爽口, 鮮魷新鮮, 量多, 賣相吸引, 至於味道則淡而無味, 通常煲底有汁都會較咸, 不過這煲都是.....沒味。:豉油王肉絲炒米粉這個相當好, 夠鑊氣, 米粉不會太濕, 芽菜爽口, 豉油王也不會太咸, 最重要是碟底沒有多餘的油份, 這是需要相當的功力才能做到。

第一次去幫襯係食下午茶，叫左豬扒飽+熱奶茶，豬扒飽唔錯，見到塊豬扒都好juicy，飽入面加左d自己調較過既千島醬，雖然我唔鍾意食千島醬，但幾覺得幾有心思。另外同屋企人去師傅仔食晚飯，叫左三個小菜。第一個係啫啫通菜，原本係淨通菜，但伙計話加牛肉或者鮮魷都係一樣價錢，我地就點左鮮魷。上菜時用煲仔，好有穫氣，通菜都保持翠綠。第二個係咸檸蒸烏頭，我自己鍾意食烏頭，所以覺得條魚好好味最後係茄子牛仔骨，同樣用煲仔上，上菜時又係好大煙，但都係好好味。仲有我地係呢度食過一次早餐，轉埋凍飲都係$24，幾抵食。總括黎講呢間餐廳如果保持水準，係願意再去幫襯！

是日星期二﹐公司逼清假所以無返工。同雙親落街嘆個下午茶。點知天氣麻麻﹐於是誤打誤撞入左黎。下午茶同常餐都係$27左右﹐凍飲加$2。我覺得略貴。我叫左個豬扒炒公仔麵﹐爸媽都係叫常餐。同我地落單個個應該係太子仔﹐年紀九十後左右﹐禮貌很不錯﹐但有點笨黜。如果我係老細﹐$28一個鐘一定唔會請呢D無經驗之學生。老闆本人就黑口黑面﹐我見拒企左係一檯剛左低既人面前好耐﹐一副好似催人落單樣﹐唉﹐閒日下午茶﹐又唔係話好多客﹐放鬆D啦...茶先上﹐OK的。可以再好D﹐茶味唔夠。但水準係一般茶記之上。所以我收貨。而加要飲到好奶茶﹐機會率又如搭地鐵有位坐一樣﹐好難得架﹗豬扒丁﹐好油下﹐味道OK的。黎個陣辣醬一齊送上﹐唔洗叫先有﹐頗貼心(但本人介辣中﹐好似浪費左)媽媽個香茅朱扒米線﹐連火腿庵列蒜蓉包。庵列貌好似好油﹐我又唔食得蛋﹐無試。至於朱扒﹐味的確同我個D唔同。但就無香茅味囉。麻麻。爸爸個香茅雞中翼公仔麵就唔知搞咩﹐我地食晒先黎。中途催過一次﹐但太子仔話拒知﹐唔係漏單﹐整緊的。我地估係雞翼賣曬所以炸緊﹖等到唔記得影相。但都係偏油。一路等一路睇電視﹐留意到牆上面D餐牌(黑板粉筆字來的)﹐手字真係認真唔錯。兩種

今日早餐去左呢間新開既茶餐廳.其實係覺得佢環境幾好,入去睇見餐牌好多選澤有9款,結果叫左佢有個持別既青紅羅白豬骨湯底番茄肉捽通同熱奶荼$22.食落有D驚喜,因為佢個湯底真係青紅羅白豬骨湯,再加埋D番茄肉捽係好配合.再講埋奶荼有水準woo但坐位小D得幾十個要等5-6分鍾先入到去坐.因見佢制作咁認真,便叫店員比其它餐牌睇下,因為我住響冇幾遠可以試下第D午餐有成6款,晚上仲有小菜食,於是果日晚上冇咩地方去咪再去試埋佢D小菜,一家4人開餐.叫左佢介紹既招牌沙薑雞同梅菜扣肉煲仲有欖菜肉鬆四季豆.D菜好有住家feel.我鍾意佢用料好新鮮,師傅制作都好認真,唯一糸D菜出得慢D.但都合理,因佢D菜好味

嘩!我屋企行去呢間店真係遠,至少20分鍾..不過可當減肥....早餐選擇...都幾多化.有熱門的火腿通粉...有雲南米線.而我選我的蕃茄薯茸湯米粉.配料牛肉..選呢種食物原因.我唔想食蛋黃..二.較特別.凍檸茶.蕃茄薯茸湯米粉.配料牛肉.....24元凍檸茶:茶味好濃...別人飲可能覺得濃咪好.真材實料...但我飲會頭暈.心跳...神創造事物真係獨特,每人對食物.飲品見解都不同..集合大家意見.呢個網才會紅...至於檸看似好多片.事實勁薄..我好努力拮只感到茶濃...而無酸味.....我希望2者平均的...蕃茄薯茸湯米粉.配料牛肉首先說牛肉.有住家感覺.現在牛有牛味也不是廢話...有些店的牛肉化學加工得好厲害.這裏沒有化學.所以入口較鞋.,而帶牛的騒味...至於蕃茄薯茸.不俗.仲有紅蘿白.豬肉碎...味道清淡得來亦可接受....我鍾意....其實...我去過呢間店門口一次...當日太多人,食唔到...附近的食店.有些比呢間店便宜..環境欠佳...有些價錢相若...就完全無人客...早餐價錢.相距不大我情願貴少少.換到舒適......而店員服務亦佳又有笑容....如果...有下次光臨..

元朗新開茶餐廳,今晚三條友去食晚飯.試左D小菜.有招牌沙薑雞.生炒骨.梅菜扣肉.水準真係唔借,如果似一間茶餐廳尼講我比80分佢.吹開水,講開我想食炒米粉,不過我唔想食星州米.因為熱氣唔想食咖哩.但我又唔想食夏門米.甜孫唔鍾意..結果就叫左一碟炒米.,好香WU,一睇冇咩特別,叉燒絲,雞蛋絲,沖絲.干炒連豉油都冇落.不過食落口就好開心.好好味.原來唔使好好料.炒出尼記米粉係咁好味.己經好久冇吃過咁好味炒米粉,,呵呵.幾個人幾吓上落就食完.我覺得尼個米粉好食係因為炒個師傅手勢唔錯,清清地反而食到米粉記味道.所以我就叫尼個做師傅炒米.各位如果有機會去度尼間餐廳,又想食尼個炒米,咁你就講要師傅炒米啦,因為餐牌冇架.嘻嘻...話過你地知,我個大食老友同我講,尼間餐廳D早餐好正.又大份,而且一個星期就己經有熟客,佢日日都係見到個幾個係度,搵日等我早D去試下個早餐先,到時再八比大家知係咪真係咁正....

在茶餐廳食早餐, 從來沒抱有太大的期望, 幾天前同老公到處逛, 發現了一間新的茶餐廳, 於是試一下.看看餐牌, 見到早餐set中的三文治可改為脆脆包, 感覺已經不俗, 再睇真啲, 見到新野: 鮮茄薯茸湯, 可配鮮牛肉或鮮豬潤, 我當然要試試啦!湯底好清, 仲有青紅蘿蔔, 一食之下, 發覺那些配菜很有原味, 很有住家feel! 豬潤很新鮮, 食得出似鮮貨.我第一時間post上facebook, 我啲朋友仲以為係我自己整嘅早餐 另外我老公就叫了五香肉丁麵, 都好似唔錯, 我最鍾意連佢碗碗麵都有青紅蘿蔔, 好鬼健康, 唔駛淨係食肉! 另外, 下次一定要試下脆脆包呢到原來晚市有小菜食, 咁啱小學同學又係時間聚會, 於是大家決定近近地黎試下新野. 我地一行十人, 7點半到, 見到已經好多人, 只有6-8個位. 由於有人遲黎, 所以我地可以坐住等. 人多就最好, 可以叫多幾樣菜, 但由於一開始時太肚餓, 大家又掛住吹水, 所以唔記得影相好彩之後記得!我地叫左好多野食, 其中有幾樣印象最深:鮮磨沙薑雞 : 味道很好,, 雞也很入味. 老實講, 真係好耐無出街食雞, 因為怕啲雞無味, 但呢個雞好滑,