鍋心八鮮蒸鍋

Open Now

Now Closed

呢間餐廳好多人食我地食之前都提早訂位先可以一個套餐八款食物 再加佢地既八寶蒸飯店員會幫我地蒸 幾貼心 可以唔洗自己黎海鮮都係新鮮 食得出佢地既鮮味八寶蒸飯好足料 真係勁多料但食到最後已經好飽 試左少少就算

1. 唔叫店員幾次，都唔會比水你飲2. 假帶子 - 用少量帶子裙，維住個粒貝殼細肉，放在唔知咩貝殼上，蒸比你食。同佢理論，就馬上去比你選擇個另一樣3. 聖子 - 唔好想佢比一隻你食，只得半隻殼加兩條肉，都唔知食咗咩4. 為咗裝大睇頭，用相似顏色的蔬菜伴碟，等你睇落去好似好大碟5. D 海鮮重未洗淨，重有好多沙全完之後，只得一半合格。* 題醒各位，如果唔鐘意D 海鮮，記得馬上理論，就會換上另一樣。比2百幾蚊位去食D極之唔值既海鮮，不如去食同價值的海鮮，好得多多聲，唔食好過食

朋友约我地2公婆去試太子的八寶蒸飯，讚不絕口，我地一齊去食。這間店好特別，有服務員服侍，由八寶蒸飯到左開始，就有服務員幫我地放食物入籠裡面，食物熟左又會分到我地的碟上，是真真正正的殘廢餐，我地可以不停倾偈等食。食物多元化，有海鲜如鮑魚，件件海鲜都有鲜味，仲有不同蔬果，仲有飯食添，對於我地班飯筒來講，無可能食唔飽。不同的食物仲有不同的醬汁，令食物更加美味。現場全滿，好彩我地訂左枱，否則要等位就麻煩啦！

今日生日！🎂早早訂咗晚上早段5:45-20:00pm，中午就收到WhatsApp短訊溫馨提示，但時間就變咗5:30pm，詢問下原來而家時間預多咗15分鐘等你可以唔使咁趕，不過其實時間都係比較早，另一半未放工，所以我都係話我自己5:45pm到先叫定嘢。因為係平日，而家真係冇以前咁多人迫滿晒門口，如果冇訂位早到都可能有位，之後我見有問冇訂位就無位啦！今次叫咗最貴嗰個$278龍蝦+肉蟹餐，另外10選6有海鮮同3款肉揀（以前係8選6，全部都係海鮮，而家10選6，但有三樣都係肉，其實海鮮選擇係少咗。）跟住一個八寶蒸飯同糖水。人齊先上足料燉湯，呢個不嬲都好鍾意，特別係兩隻雞腳夠晒林好味道，主角海鮮陸續蒸，全部海鮮都新鮮嘅，首先係龍蝦，大細適中肉質彈牙，鮑魚彈牙亦夠大隻，蟶子、元貝都合格，開邊蝦揀咗蒜蓉，呢個推介好好食，貴妃蚌同花甲幾好食，最尾嗰個肉蟹夠大隻唔錯，因為我唔食魚所以選擇再少咗啲，肉類我哋揀咗孜然牛肉，之前食過呢個好食辣辣地，見有特價$30兩隻象拔蚌仔（套餐揀嗰度冇）所以加咗，新鮮嘅但肉靭咗少少，八寶飯配料選擇好多，加埋蔥同花生好正，好多人細食食唔晒都要拎走，不過我哋兩個都幾拆得，全部食

上網看到食評說一定要訂位， 訂咗八點十五分嗰個時段 星期二晚上準時到達的時候已經坐滿了入座時可以揀想要的套餐和配搭的海鮮～我哋揀咗龍蝦蟹套餐， 再揀八款配搭海鮮和他們的八寶蒸飯配料。第一盤海鮮很快已上枱，但服務非常趕， 感覺不太良好，好似趕我哋食快啲 😢啲海鮮服務員幫我哋預定時間蒸同上碟，但全部都過熟， 完全冇曬鮮味。最後鮑魚同蟹我們因返自己嘅經驗蒸就好好多，終於食到啲鮮甜味。到出八寶蒸飯的時候，見到好足料，但我們已經非常飽 （ 我地兩個都係女仔）， 所以淺嘗細半碗已經全部打包～$278 免加一算係抵食， 服務員基本上 禮貌都唔錯 。但係可惜食海鮮冇鮮味， 同服務太趕，所以未必會再返嚟 😐

之前都係食開粥底蒸海鮮，見有新嘢八寶飯好吸引好似好好味😋每款海鮮都可以揀用咩醬，我哋一致覺得清蒸或蒜茸蒸最好食。蒸魚就用辣椒都好味，其他醬料就一般。所有海鮮都好新鮮，食完海鮮其實都已經飽到唔係好食得落飯🤣😋

餐廳位於太子蒸氣鍋，每位$278免加一包燉湯、2款必點海鮮、6款自選海鮮、八寶蒸飯和甜品，每款海鮮都可以選擇不同烹調方法，如清蒸、豉汁、金銀蒜、豆醬蒸等，店員由上菜、下鍋、計時、起菜都會幫手，客人等待食就可以🤣🦞海鮮餐🦀我比較鍾意食龍蝦同埋鮑魚，每隻龍蝦都有膏，肉質爽彈，鮑魚連果皮一齊蒸.龍蝦 - 清蒸肉蟹 - 泰式醬鮑魚 - 果皮蒸多寶魚 - 古法豆醬魷魚腸粉 - 金銀蒜蟶子 - 豉汁貴妃蚌 - 金銀蒜豬肋條 - 韓式醬🍚八寶蒸飯自選八款配料製作蒸飯，揀左人氣蝦醬豬腩肉、秘製雞軟骨肉餅、醬油漬牛脷、柱侯牛粒、銀魚仔、木耳絲、豆腐卜和豬頸肉，配料擺放整齊🥰一目了然，份量都幾多，飯非常入味，帶有油份，非常滿足甜品：鮮奶桃膠

食物質素非常差！海鮮份量非常迷你，細細隻，簡直無肉！無鮮味，隻貴妃蚌好似小兒麻痺未發育。每樣海鮮都加個多舊魚的配菜，但係配菜淡而無味，又沒有醬汁提供，失敗！蒸飯非常普通，夠晒大碟但係飯無飯味，菜無菜味，問你死未。最後糖水雪耳木瓜甜到漏，好似落咗幾斤沙糖咁。員工上菜速度快過打針，命令式起筷焗住要跟佢個速度keep住食無得回氣好辛苦，真係一波未平 一波又起，員工懶風趣，多多嘢講，好八掛。食餐飯姐，感覺很大壓力！

香港真係一個好特別既地方，一年四季都可以打邊爐，依家仲有蒸海鮮😂😂。大熱天時，三十幾四十度，竟然好想食蒸氣海鮮鍋😊。呢間鍋心八鮮蒸鍋，好似好出名，不過真係坐得唔係好舒服，同埋因為係套餐有限時間食，所以好趕，如果想同朋友傾偈，就唔建議黎呢度食飯😂😂😂。一黎先飲個雞腳湯，都幾足料😊。海鮮有膏蟹，龍蝦，聖子，蝦，花甲，鮑魚，多寶魚😆，不過我覺得海鮮質素有D參差，其實海鮮只要係新鮮既，好難會唔好食😅。膏蟹都鮮甜多膏，不過龍蝦就麻麻地，肉質好嚡，無彈性。多寶魚好滑，配上辣椒絲，好惹味😍😍。其他D海鮮就不過不失。最好食反而係八寶飯，因為好足料，所以D飯有多種味道配合一齊，好鮮香😋😋😋。

其實一路耐唔耐都有幫襯吓不過食埋今次真係唔使旨意再返轉頭啲嘢食差到呢 加價冇問題嘅 但唔好縮水吖啲海鮮縮晒水 又唔新鮮 連啲配菜都”淡貿貿”啲海鮮係一啲鮮甜味都食唔出嗰隻講真係爭在未係臭㗎啫Btw都有兩隻蜆仔死咗 蒸極都唔識開口 都費事換食晒成餐飯都唔知食出乜 冇樣嘢食係值得回味唯一算好味嘅係碗湯冇變囉龍蝦細隻 啲味亦唔鮮甜又冇咗多寶魚 得返䱽魚 真心唔掂個飯都係咁 冇乜味想落多幾滴豉油都畀啲員工趕收工執枱執走晒另外一提 員工服務態度極之趕客全部hea做 成晚執碗碟好似拆樓咁啲海鮮夠鐘起 個員工又唔知去咗邊度到我自己揭開個蓋 佢又叫我唔好搞住但又唔係即刻過嚟幫我開蓋 唔知想點啲海鮮本身已經冇乜兩啖肉 仲要蒸到老晒唉 真係不予置評 成間嘢都好垃圾 大不如前又貴咗又唔好食 真係睇吓佢幾時執笠

快快手上菜就係為左有中場休息下，三分鐘都未蒸完，話啲蜆開晒口就可以食，但係咪蒸熟啲先比較好呀，但都算有禮貌既，起碼有講🤣唔該☺️多謝先上龍蝦絕對係吸睛起碼你會將目光投向半隻龍蝦尾呀聖子就一般般啦 但都叫做新鮮，無鹽水洗過，而令到肉質變得好咸。蝦仔都比較細隻，話明蝦仔就梗係細啦 但配上蒜蓉蒸開邊蝦仔又真係好好食，仲有幾舊蕃薯俾你隊飽佢，但如果多少少蝦，件事會唔會完美啲呢最後呢個八寶飯係重點，好多人都會打包，但我建議您盡量食，有份鮮味係度。

今次同幾個舊同事訂左台食蒸氣海鮮，人生第一次試，我地8點幾去到門口都見有人已經排緊隊等入去，我地今次揀左龍蝦果個海鮮套餐，另包左8款時令海鮮，最後黎多個8寶飯&糖水，簡直係飽到不得了。首先，先黎個足料燉湯，夠入味！龍蝦，d肉幾爽口同彈牙跟住果8款海鮮我地揀左唔同既醬料去整，味道都幾ok，不過美中不足既地方係有幾款海鮮不是太好味，同埋有些少細隻。最後，原本我地都有5成左右飽，再上埋個八寶飯，我覺得呢個飯幾好食，d飯又唔錯，不過都幾多下，一野打爆左我地既胃😂食埋個飯再每人送上一碗凍糖水就end~

在餐廳的ig上見到晚餐時段有兩段，17:45-20:00和20:00-22:00，大約早四日打電話訂位，預留龍蝦餐，職員講到餐廳後不能更改。我們約星期三晚上20:15，到達後職員安排二樓的座位，我們二人坐四人枱，比較寬鬆，其實見餐廳其他的二人枱都比一般餐廳大。在食物方面，我們叫了龍蝦+泰好味白蜆套餐，當日的大蚌類有聖子，蠔，黑蚌。一坐下來，職員即刻上了兩碗燉湯，十分多湯料，有雞腳，紅蘿蔔，蟲草花，豬肉。海鮮方面，每款海鮮都有不同的做法，不需要全枱選擇同一種做法，可以選自己喜歡的。龍蝦比想像中細隻，我選了清蒸，蒸完見龍蝦有膏，食得出不是冰鮮貨。泰好味白蜆選了清蒸，同樣比想像中細隻好多，同埋唔知點解份量係單數，蒸完出嚟明顯見到有幾蜆有沙，比較失望。鮑魚選了果皮蒸，職員在蒸完之後主動幫助將鮑魚拆殼和內臟，鮑魚肉質爽口。海蝦選了金銀蒜蒸，金銀蒜佈滿蝦上，但味道不會過重，蝦比較細隻。多寶魚選了豉汁，同樣豉汁佈滿魚上，但這次味道過重，甚至有點苦，魚肉彈牙，分到部分魚頭和魚尾，魚肉較少。魷魚腸粉選了沙爹醬，算是全晚的驚喜，沙爹醬滲入腸粉，令腸粉十分好食，魷魚唔會過韌。黑蚌選了一款清蒸，一款金銀蒜，清

跨部門👭🏻👭🏻👭🏻🍚聚👭🏻👭🏻👭🏻雖然話係跨部門飯聚，但係都唔齊人 🙈🙈🙈，喺限最令下枱分咗兩台,我哋揀咗🦀肉蟹餐另外啲同事仔揀咗🦞龍蝦餐一坐底已經有盅燉湯, 估你唔到個燉湯又好正🤭話明係肉蟹餐肉下又點少得呢除咗🦀肉蟹🦀我哋揀咗 沙白 / 鮑魚 / 蒸蝦🦐/河蚌 / 蠔 同 聖子掛住食竟然冇影📸到八寶飯,失敗😅話明係八寶飯梗係有，我哋自己揀嘅八寶🐙土魷絲/ 秘製雞骨餅🥰 / 秘製雞翼 / 榨菜肉絲 / 牛柳粒 / 蒜茄子 / 銀魚仔🐟 / 淮山仲叫咗土耳其青檸汽水👍🏻👍🏻總有一個首尾呼應估唔到咁好味嘅糖水冰凍南北杏燉木瓜雪耳🤤

從來都未試過海鮮蒸鍋，決定試下鍋心海鮮蒸鍋，聽講佢新鮮夾抵食，所以想試下雖然好遺憾佢今次冇龍蝦揀，但有大大隻帶膏既肉蟹都已經好滿足首先要講下各種海鮮先，佢地真係十分之新鮮，蒸之前都仲係好生猛，郁尼郁去而佢地既調味都十分之惹味，泰式風味酸酸辣辣，加埋蒜蓉既香味，簡直一流而佢既果皮蒸鮑魚都算原汁原味，充分帶出鮑魚既鮮美想講佢既沙嗲醬魷魚蒸腸粉，絕對值得一試，腸粉滑得尼融入魷魚鮮味，真係一絕！而佢最後既八寶飯，都大份夾抵食，可以話用料十足之餘十分之香同埋濃味，可以為今餐畫上一個完美既句號