鍋心粥底火鍋 (世宙3座) (Closed)

想試好耐，聽聞好食之餘又抵食，咁就去試吓啦，食8:30pm,以為唔多人，所以冇book位，原來都好多人食架，个个都book哂位，好彩有一張2人枱冇黎，咁我地就可以有位入座坐底後就即刻点野食，蟹同沙白已經係 default左，再可以点多5款海鮮，8款火鍋料，我哋揀左蝦，鮑魚，魷魚，蚌，多宝魚，份量都ok既，粥底煲黎到，就落蟹同沙白先，佢哋有个表教煮几耐，有埋計時器用，但我地冇用到，隨心，加上我地食開海鮮，大約知道煮幾耐🤭蟹-唔掂，d肉「梅」既，我哋食開新鮮海鮮，一食落去就知咩事沙白-有沙既方蝦-新鮮，上檯時仲係跳紮紮，size唔細，每人2隻鮑魚-正常，size都ok, 每人1隻蚌-唔記得个名，都ok，每人1隻多寶魚-好味，平時成日食，一碟有四、五件聖子-另外$30有2隻，size都ok, 抵食既食完海鮮，再黎火鍋料黑毛豬肉片-見色澤麻麻，食落去都几好，有6、7片 雞軟骨丸- 大推，好有口感 炸魚腐- 都好好食生淮山- 正常野，切得唔夠厚及大塊，好易溶曬鴨紅- 一般 花膠仔- 可以 花枝丸- 都係一般貨色 油炸鬼- 唔夠脆食完火鍋後，有專人幫我們整個粥底，另加蔥、菜脯，個粥好好味，唔會太鹹

啲野食都可以既 但啲服務態度勁差 需要幫忙嘅時候啲侍應當睇唔到您 晚7～8點打去訂位 竟然話冇晒海鮮 做唔到生意 咁間鋪頭點解要開門到凌晨兩點呢？呢個情況咁早打去訂位我都試過幾次 佢都係話冇晒海鮮 但係我經過間野望入去睇吓 其實冇咩人食得個小貓三四隻 我唔明點解要咁早可以冇晒海鮮囉 其實係咪有心唔使做生意定係點？既然成日都話冇晒海鮮接客 咁不如鋪頭嗰度唔好寫做到凌晨兩點啦😡😡😡😡😡😡😡真心覺得老闆要跟進下啲個問題 粥底火鍋梗係要海鮮 你成日都話冇海鮮 咁點樣做生意啊？仲有我都唔明點解有客人係到啲員工可以大搖大擺坐喺度食煙埋數 雖然差唔多收工姐 但有客人喺度 都唔應該咁做😤😤😤😤果次夜左少少11:30去食 食到都未夠一點鐘 佢就走過嚟叫我地食快啲話一點半要清場 叫我地一次過倒晒啲嘢食落去個煲到 快啲食完啲海鮮 就可以食粥 唔使你講我哋都知啦 但個煲咁細 點容納到咁多海鮮 都放唔晒落去啦😡😡😡😡

哈哈又係我去食海鮮啦，上次食完蒸海鮮今次有朋友提議話去食粥底海鮮火鍋，呢間又叫鍋心應該係同一個集團，上次我去食完蒸海鮮覺得好正好好食所以對呢個海鮮粥底火鍋都幾有信心😆今次同幾個朋友一齊去食，因為約得比較趕所以好多分店都冇晒位剩返元朗分店仲有位所以嚟咗呢間，元朗分店地方有少少難搵大家要早啲睇定地圖，同蒸海鮮餐廳一樣都係分時段，夠鐘等一陣就入得啦，餐廳裏面地方唔算大，我哋坐到有少少迫揀咗個火鍋湯底之後就開始煲海鮮食啦，值得嘉許嘅係服務員會教你食邊樣先同埋每樣海鮮要煮幾耐就食得，每張枱上面都有一個計時器，咁就唔驚太生或者太熟😉啲海鮮好新鮮呀好好食😋，尤其個蒸蟹我覺得好正咩都唔使點原汁原味，另外仲有鮑魚、帶子、多寶魚、蜆、仲有最後煮埋個粥底吸晒啲海鮮精華，好正不過大家已經飽到食唔落啲粥啦哈哈😆

剛剛去了元朗鍋心新店吃海鮮粥底火鍋。餐廳一開店就立刻滿座，基本上都是一早預約的客人。慶幸友人已在早一星期前訂座。粥底火鍋每兩位包一隻蟹和一碟沙白，另外再可選5款海鮮和8款其他配料，另會送粟米、芋頭粒和南瓜粒。海鮮選了鮑魚、黃金蚌、帶子、多寶魚和海蝦。餐廳非常細心，提供計時器及焯海鮮的時間指引，不用怕海鮮未熟或焯得過火。海鮮非常新鮮，海蝦還蹦蹦跳。蟹非常鮮味，而且蟹膏十足，啖啖肉。沙白洗得乾淨，並沒有沙，值得一讚。配料方便可選黑毛豬梅頭肉、豬腩片、豬肉丸、肥牛、花膠仔等抵食配料。餐廳員工服務態度不錯，而且非常細心。當火鍋料吃得七七八八時，店員就會拿出飯以及大頭菜、冬菜、豬油渣等配料煮粥。粥底吸收了海鮮的鮮味及粟米南瓜等配料的甜味，而且非常綿滑。以每位$200的價錢來說，真的是非常抵吃。

之前係佐頓食過一次，一直對佢念念不忘，知道佢係元朗開左，就梗係要去食啦！🤤🤤🤤我地兩個人book左8點半，未夠鐘就見到好多人係出面等緊。夠鐘佢先會叫電話號碼安排入座。聽的時候要留心d，因為現場人好多，又無咪，好易就會miss 左自己！🙈🙈$200 包粥底，7款海鮮同8款打邊爐料。真心抵！👍🏼👍🏼👍🏼沙白同肉蟹係固定海鮮，然後可以再揀7揀5，揀多5款！而呢7款自款都係時令海鮮，不定期會更換。我地揀左海蝦、鮑魚、黃金蚌、大白魷同帶子。呢度比其他粥底火鍋更貼心的係佢寫哂唔同海鮮應該淥幾耐，仲俾埋計時器，確保你可以食到最美味的海鮮！☺️☺️☺️☺️沙白數量都唔少，呢度係二人份量好大隻肉蟹而且仲要係爆膏嫁！😱😱😱😱😱 淥完成煲都充滿蟹膏的味道呀！😋😋😋😋仲有鮑魚，海蝦都好大隻，仲好新鮮！☺️☺️☺️☺️佢地上枱的時候仲係好生猛！落蝦的時候記得要夾實浸一陣，如果唔係佢有機會會跳嫁！要小心d！勁厚肉！仲有其他海鮮都好新鮮，好好味！👍🏼👍🏼👍🏼食哂海鮮就開始打邊爐！推介黑毛豬梅頭肉！唔肥又好有肉味！👍🏼👍🏼👍🏼其他都係普通野，不過都建議大家叫個菜，因為用個海鮮湯底淥的菜係非常鮮甜！🤤🤤🤤🤤另外係其他分店食過油炸鬼係外

今時今日，$200已經唔係咩錢！但$200可以食到咁多嘢！真係好鬼抵食！只可以用平靚正來形容。準時8:30pm安排坐位。點好食物後，一樣一樣上菜。唔洗放到成枱都係食物。有晒時間牌，海鮮幾耐煮！海鮮新鮮！唔係咩貴價貨！$200一位咋！食到十七樣嘢！飽到想嘔！差少少粥都食唔到！最後果淡精華真係好好味！中途追加一碟肥牛！$20我係咪返去大陸？真係食到笑出聲。好滿意！店員滿有笑容又快手！上菜時間控制好好！海鮮新鮮又洗得乾淨！真係好滿意！

食過2次，覺得唔差，啲海鮮夠新鮮，蝦鮑魚黎既時候仲識郁，特別蝦，落鍋既時候要小心啲，啲蝦會跳來跳去。油炸鬼必食既野，好食。同埋食既時候要好好控制住啲水份，因為落粥既時候，太多水，個粥會唔好食，水份要岩岩好，就會最好食。

鍋心火煱在元朗開設分店，元朗居民很好的選擇，我吃過很多間鍋心分店之火煱，每間供應食材是一致的，很有質素保證，只收每位200元，不設加一服務費，值得去推廣大家分享