鍋心粥底火鍋 (世宙3座) (Closed)

美味，海鮮新鮮，非常抵食，須然不是任食，但個套餐食品豐富，未食完已經飽飽，食唔哂可以拎走，不用浪費食品，有蟹或龍蝦餐，食蟹價錢$200，龍蝦$220，沒有加一，另外可揀5款海鮮，有蝦，蠔，多寶魚，聖子，鮑魚，花甲等，推介多寶魚，非常新鮮，好味，仲有多款火鍋配料，可以揀8款，飲品另計，計埋飲品每人都係2百幾，以咁嘅價錢可以食到咁多款海鮮，物超所值。記住要打電話去book 枱，因為比較full, 三五知己又多一個選擇。

元朗出曬名係一個美食天堂，你只要諗到嘅，都會有得食，今晚去世宙探個朋友，佢做地主之誼，帶我去屋苑樓下嘅餐廳食粥底海鮮火鍋店鋪好大，唔洗排隊就可以入坐，地方都好乾淨衛生。火鍋嘅海鮮職員話會因應季節而有所改變，所以每次去食都可能會有驚喜今次我地食咗龍蝦，鮑魚，聖子皇，多寶魚，鮮魷，象拔蚌仔，每樣都好新鮮，龍蝦嚟到d肉仲會扎扎跳，牆上面仲有貼住張紙教你每樣海鮮要煮嘅時間，真係細心食曬海鮮就到食肉類，蔬菜，最後就會有職員加入軟飯將湯底煮成粥，吸收曬所有精華！份量多到完全食唔曬，二百幾蚊一個人，真係好平

鍋心粥底火鍋食既係新鮮❤️我已經食過好幾間分店雖然唔會話有驚喜！但開業咁耐依然可以保持出準要讚價錢合理而家非常飽肚鮑魚好彈牙😋多寶魚都好正啊🥰唔多人又想海鮮邊爐，非常推介

元朗終於開分店以後唔洗特登出去都有得食真係超級抵食自選5款新鮮海鮮自選8款配料最後仲要有海鮮湯底既粥每人平均都係$200抵食到爆海鮮仲要係好好好新鮮蝦係識跳鮑魚係識郁配料都唔錯就算係兩個人食都比好多次次都食唔哂最後會有芋頭，南瓜，用埋個海鮮湯低既粥 加埋蔥花芫荽豬油渣冬菜 真係想食多兩碗 可惜去食粥時已經超級無敵飽好值得去食

好開心, "鍋心粥底火鍋"終於在元朗開分店喇! Happy Friday, 我地一行四人就去試試, 這間分三輪17:45, 20:30, 11:00, 我book第一輪。我和老公準時到達, 因留枱只15分鐘。餐廳位置非常好, 朗平西鐵站行不遠就搵到, 餐廳裝修新穎坐位多, 是我去過幾間分店中最好的一間。每位$200，我第一次見到可選龍蝦(另加$20)所謂鍋心5重奏一) 粥底鮮味靈魂: 我地4位, 兩位選龍蝦+沙白蜆, 兩位選蟹+沙白蜆 ~ 雖然龍蝦要加$20位, 但好大隻好新鮮好抵。二) 任選5款海鮮: 我地選了鮑魚, 海蝦, 大尾魷, 元貝, 多寶魚 ~ 各款海鮮真係超新鮮, 鮑魚夠大隻, 蝦好生猛, 大尾魷肉厚鮮味。三) 海鮮粥配送南瓜粒, 芋頭粒, 粟米件~我地沒等到煮粥已食晒四) 任選8款配料, 我地選了蟹粉包, 牛舌片, 冬瓜片, 花膠仔, 爽口豬肚, 菠菜豬肉餃, 魚皮餃, 牛丸 ~ 所有配料都好味, 份量十足。五) No. 1 精華海鮮粥 ~ 侍應把適量的粥放入充滿海鮮精華的粥水內, 再加入芫茜, 冬菜, 菜甫粒, 大頭菜粒, 豬油渣粒一起煮, 真係超好味, 唔知係咪今次

今日即興想吃海鮮，4點幾試下打電話Book位啦，意外地竟然有位。記得上次來吃係2個月前，星期五晚係全部坐滿。今日可能係星期一，又或者近排少咗人出街吃飯，全晚都只係坐得2/3，不過人少少都坐得幾舒服。整體海鮮都比較新鮮，鮑魚夠大隻，好鮮甜。蜆就唔算大隻，不過都新鮮。螃蟹就無上次咁大隻，無乜膏。豬骨丸真係有骨，有老人家或小朋友就要小心啦，好易咬蹦牙!住附近就不妨過來試下，6款海鮮、8款自選配料，最後吃埋個粥，一定夠包!

🔻鍋心粥底火鍋近期開左新店係元朗呀🙌🏻小編第一次幫趁係深水埗分店 食過番尋味值得encore🤤.粥底火鍋主要食海鮮原本嘅鮮甜味 所以唔會有太多調味👌🏻每款海鮮都超新鮮！D肉係實淨彈牙 上枱時海蝦仲識跳😳個人特別推薦鮑魚、海蝦、肉蟹🤤.最後煮嘅海鮮粥感覺無深水埗分店咁鮮甜🤔不過豬油渣為成個粥加左唔少分🙌🏻.人均$210左右食到性價比高嘅海鮮火鍋真係好正👍🏻👍🏻🤓

分3場：17:45 / 20:30 / 23:00每位200元，不設加一想食頭場要預早訂位，個人認為訂左位先好去，星期六日都full booking自選5款海鮮及8款小食飲料另計，水 10元一樽，其他飲料由15元起點菜後，店員定時分發食材，服務員沒有介紹送來的食材是什麼。自己計時自己煮，其實咁樣上菜法，上少左都唔知，去到尾聲，食完超過20分鐘都冇再上菜，問服務員是否要煮粥，佢又話再煲下先，煲到水都冇乜，再追問三次先來上煮粥材料，材料到左又唔煮，再隔10分鐘突然來左碟生料豬肉片，其他野都食完咁耐啦，而家先上。煮完遲到生豬肉，需要再要求服務員煮粥，先至煮，呢餐飯都食得好攰。食材品質5星上菜方式減1星服務減多1粒星如果下次再幫襯，要留肚去食，唔想浪費就會自行帶準2個食物盒，一個裝食唔晒既食物，另一個裝粥

分別在大圍及元朗分店都幫襯過數次，200蚊一人價錢，可食7款海鮮（自選5款，另包蟹及蜆），真心覺得幾抵食，又沒有加一或其他雜費， 明碼實價，讚。講真，次次去，都真係食唔曬所點的食物，感覺有點浪費😅。海鮮質素， 首要讚係隻蟹，又肥又多膏，好香，好鮮甜，高質。另一讚位係隻鮑魚，大隻新鮮夠“淋“。仲有一個驚喜，元朗分店的炸魚皮真係幾得，冇油“益“味，鬆化，唔硬身，意外驚喜。值得一試!

今日試每位$198粥底火鍋。元朗店8點半時段，只要早四五天就能訂到枱。依間一樣上菜速度非常快，蟹非常鮮甜大隻，貝殼種類非常多，蝦亦非常生猛，店員亦好有耐性教你煮幾耐先好食，其他牛肉豬肉就普通正常，手工雞軟骨丸非常好食，煮到最後海鮮粥都好好味。今次一行六人卡位有小小迫，元朗分店比其它分店光猛，地方舒適，抽風系統亦非常好，唔會成身味道，因為要用手食海鮮，記得帶一大包濕紙巾去抺手，飲品需自費但便宜，食物分量非常足夠，六個大人算大食都飽到嘔，食唔哂佢會幫你打包，店員有禮有耐性，會自動跟進每張食枱進度，總括評語，平靚正，有很好消費體驗。

前晚同班舊同事飯聚，呢d場合想熱熱鬧鬧又坐得耐吹水既，火鍋絕對係個好選擇，為左照顧住唔同區既大家，本身諗住book市區既分店，點知間間都full哂，但又真係好想試下呢間咁多好評既餐廳，最後就book左元朗分店~入座時間8點半，我地預早10分鐘到達，門外有好多人等緊入座，不過店員動作好快，順利準時入座。一坐低，就要填返張點菜紙，自選5款海鮮同埋8款打邊爐料，一開始其實都擔心唔飽，始終唔係任食，又限住你嗌幾多款，但事實證明我真係諗太多!交左點菜紙，湯底隨即送上，亦有基本鼓油辣椒蔥俾你自製醬汁，大家都未坐定傾計，即刻有海鮮送到，原來除左自選5款，仲有蟹同蜆係送埋既，每枱都有張卡教你每款海鮮要煮幾耐，仲有必讚既係每枱都有包紙巾，對於要落手落腳剝殼既人黎講真係非常方便。食物就唔逐樣講喇，每款海鮮都好新鮮，肉質飽滿，有圖為證，其中最驚喜係北寄貝同鮑魚，蟹有膏，雖然撈上來個陣已經冇哂，但d膏去哂湯底度感覺仲正，食完海鮮已經飽左7成喇。至於打邊爐料一d都唔cheap，完全唔係任食個個質素，我地幾乎係跟住餐廳推薦黎點菜，真係冇介紹錯，印象較深刻既係雞軟骨丸、幾款肉同埋粟米，另外建議大家就算係食肉獸都好，

朋友向我推薦~這間係元朗鍋心很多嘢食~ 海鮮好靚新鮮! 講到咁好又去試試啦~ 間舖地方唔算大全部卡座! 如果身形瘦削還可以!遇著身形豐滿一張卡位坐六個人真辛苦! 人頭每位$200可選擇五款海鮮,每人🦀半隻,鮑魚,蟶子各一隻,蜆一碟生蝦兩隻~5人多寶魚一條~ 其餘食品~ 南瓜,芋頭,粟米,金菇,竹笙,炸魚皮同各項雜丸可選擇8款~ 但每碟分量很少~連菜都唔多款選擇咁就係200蚊包的項目~ 真係水都冇杯飲喎~飲品另計汽水$13至$18蚊不等蒸餾水十蚊… 侍應推介有新鮮蝦丸$20有四粒紅堤般大$5粒😒中伏… 加埋都二百幾蚊位~海鮮算新鮮但其他嘅食物就實在量太小…食完都唔飽既~ 咁就真係唔明點解講到咁好啦… 真心說只可以講一般般…!🤔😎

最近好多明星都介紹#鍋心為食嘅我見#元朗 開左間梗係要去試吓啦不過呢間係#粥底火煱並唔係#蒸鍋#星期日 都可以電話訂位佢係分三個時段我揀左8點半都唔算太多人入到去就已經上左一個粥水底先根住佢原本已經有#蟹 跟左蟹都多糕同香叧外可以自己再揀5款海鮮我就揀左#多寶魚 D肉幾滑#大尾魷 冇咩魷魚味🤔#花甲 新鮮冇沙#蝦 D蝦出嚟仲#札札跳#帶子 鮮甜再可以揀8款肉類個#黑毛豬豬腩片 同#黑毛豬梅頭肉 都好好食而且份量唔少#肥牛 就一般叧外有個店舖推介嘅#手打鷄骨丸 呢個食落有D奇怪有D咬口但唔太好食😅食完晒D肉佢地就會加番個粥落去會配埋#南瓜 #芋頭呢D材料由於之前係打緊邊爐最後加過粥底落去所以個粥好#鮮甜👍🏼因為呢間嘢食物D份量係配給所以如果食唔晒係可打包添一個餐每位$200都算#抵食只係飲品須叧計

之前在深水埗已經吃過一次，今次去試元朗新開不久既分店，由於這間店鋪常滿座👭👬最好電話預約📲幸好早2天訂座還有位 🙏🏻🙏🏻🙏🏻🙏🏻 ⭐️食物⭐️先自選指定5️⃣款海鮮🐟🐙🦐🦀🐙然後選8款配料，海鮮按人頭上，🦀是每人半隻，每款海鮮都非常新鮮👍🏻但貝殼類🐚就有少少沙，但無傷大雅都好吃😋最後員工會幫你煮海鮮粥✨✨可以食埋精華所在✨✨ ⭐️環境⭐️元朗分店這間會比較闊落，坐得會舒服一些😊👍🏻👍🏻 ⭐️服務⭐️每個座位也有計時器🕓及計算海鮮沸騰時間這點比較貼❤️員工也有禮貌，食到中途上菜時間比較慢，要催2次，明顯人手不太夠。 ⚠️總結⚠️分3般時段入座，每節時段食2小時多，完全有足夠嘅時間👍🏻每人定價$200，飲品是另計，這個價錢食咁多海鮮是值得再去❣️ （5❤️為滿）推薦：❤️❤️❤️❤️❤️抵食：❤️❤️❤️❤️服務：❤️❤️❤️❤️

聽朋友講元朗都開左鍋心粥底火鍋，以海鮮作為招徠的火鍋餐廳，我一向都非常有興趣，於是，第二日即刻相約三五知己去大快朵頤。誰不知換來既係背脊骨落，先講安排座位，我地一行四人，訂了8:30的時段，我地8:00已經到達，餐廳侍應一直無安排入座，其實個火鍋時段8:30開始，8:15準備比客人入席屬合理，點知要客人係門外等侍應一個一個電話號碼嗌入座，嗌頭6個電話都係客人回應，已經浪費晒在場既人唔少時間，係一個非常愚昧既入座方式。第二就係，我地一底開始上海鮮，我第一次光顧完全唔知海鮮份量，佢地用配給形式，放低左蟹，沙白同其他幾款海鮮，其實係門口等左咁長時間，而且過晒晚飯時間，都真係會好肚餓，咁等地就急不及待幾海鮮放份鍋內，咁岩我地有位朋友唔太食蟹，我地只放左一隻落鍋，食到興高采烈既時間，突然有個侍應走埋黎，話比多左份蟹我地，咁我地緊係好奇怪，點解擺低咁耐先話搞錯，然後再叫蟹一個同事係我地面前要變返碟蟹，其實我地覺得問題不太，但最大問題係，點解要係我地面前用手，簡返我地未食個半隻出黎，然後話我地比多左你地要收返，有無諗過食緊既人的感受？好喇，繼續食，好幾次需要加湯，我地招手，完全無人招呼，唔緊要，我自