甜品工房 (Closed)

好熱好熱好熱.......講三次代表香港正式進入炎夏，好在人類夠聰明，除了發明冷氣，還發明了美味消暑的食物來對抗炎夏今日去食牛奶豬最愛的甜品: 紫萄之戀這個紫萄之戀是牛奶豬讀大學時經常食的，那時的甜品工坊是一間在紅磡小街，店面只能容納3-4枱客的小小小店，但那時一吃真的驚為天人，自此就愛上呢，中間有段時間這店不再經營，沒有機會吃心愛的甜品多傷心不過好味的食物是經得起時間和風浪的考驗，現在又可以在尖沙咀厚福街(這個估計是尖沙咀相當貴的地段)吃心愛的甜品啦紫葡之戀最最好味的就係上面一大層的脆珠，很甜很脆，那種甜不是蛋糕和糖果個種甜，係新鮮生果個種甜得來很fresh的甜，配上底層的泡冰，就是一股透心涼的甜，消暑解渴提神配料還有香芋雪米糍，粒粒小丸子，和新鮮提子，soooooooo good~~~~~這個甜品介紹過給很多朋友呢，暫時都未收過投訴(除了要排隊等位)牛奶豬從一而終永遠都是叫紫葡之戀，而忌廉全就傾向試下新口味，所以叫了朱古力棉花冰試一啖有很濃郁的朱古力味呢，而且棉花冰好棉，一陣就溶哂係口，想再拎另一啖，還有抵讚的是份量很多，配料有粒粒小丸子，香蕉和椰果水準之作不過牛奶豬的愛不會變的，

賣相同份量都相當令人滿意，但味道普通，只能算是不過不失，沒什麼驚喜可言。而且完全沒有服務可言還要收加一，簡直有些不知所云...不過看得出有用心經營，只是寧願原價貴d，加一真心有d唔甘心

夜晚10點幾同幾個朋友行完街呢排天氣係夜晚行出街都會出晒汗所以同朋友諗住吃個糖水涼快下黎到呢間野 入面坐滿晒人 我地係門口等左大約15分鐘位入席 心諗終於可以涼下啦 ～點知坐到入去 一d都唔涼 個涼氣好似無開咁！！d座位仲要鬼咁逼！！同隔離位只係差cm 隔離位個女仔見我流晒汗都特登避開 搞到我勁唔好意思 =_=d位逼到每個人類係我後面經過 都要撞下我個背唔明食個糖水點解搞成咁總之我同幾個朋友成餐糖水都食得好唔舒服 完～

紫葡之戀＄54，呢個甜品得個奬，巨峰提子口味嘅冰，好適合夏天嘅甜品，唔會太甜唔會太溜，上面有好爽口嘅玻璃珠又係好爽口，側邊係提子同小丸子，個雪米糍可以揀雲呢拿味或者芋頭味，成個配搭都好好味～***注意：餐廳唯一唔好嘅地方係原來呢間甜品店堂食係會收加一，其他出邊嘅甜品店通常都唔會咁樣收加一，餐牌就係實價，咁樣變咗相對地嘅甜品原本係＄54加一之後就變咗＄60，所以呢個大家都要都唔為意嘅，就係其實變咗個餐牌嘅價錢唔係真實價錢，而係要加一囉～

夏日炎炎休閑閒行得攰就會諗起甜品 甜品不外乎有熱有凍 但係夏日最出名嘅就係時令當造嘅水果 所以今日我就到呢間甜品店到食當造嘅水果甜品 我叫咗一下芒果西米露甜品 芒果肉鋪滿成碗甜品 十分足料 而且面頭鋪上一粒一粒晶瑩剔透粒粒分明嘅西米加上底層配上涼粉 冰凍口感直頭可以幫你消暑 芒果肉咬落去鮮甜美味 一啲都唔酸 而且更上一粒一粒嘅西米 口感更加好 底層有涼粉 可以清熱解毒

最近天氣太炎熱，逛太久就想找地方坐下來降降溫，於是走進了甜品工房。下午五時多的時間，甜品店內只有四五桌客人。由於有最低消費，所以選了一個紫葡之戀和一杯芒果飲品。老實說甜品工房除了紫葡之戀外，其它甜品真的很普通，甚至有點over price。雖然只有數桌客人，但都等了好一段時間才送上甜品，製作時間有點太長了。最上面是提子味的粒粒，像魚子一樣，咬下去會破汁，很好咬😁中間有提子、小丸子、芋頭味雪糕糯米滋，最喜歡芋頭味的雪糕，全都很好味。底層是提子味的冰，通常吃到底層已經溶了一半，變了喝提子汁，冰冰涼涼的，但有點過甜。結帳時發現有學生優惠，不用90元就埋單。

我通常都係寫一間餐廳，好少為單一個甜品寫一篇食評～ 但「紫葡之戀」係我一直以黎最愛嘅甜品！！ 由細個佢係紅磡超細舖時，嗰時好耐之前細細舖冇裝修都有好多Poly學生同埋街坊嚟食，到依家尖沙咀同何文田大舖，佢仲係我嘅至愛！！點解呢個甜品「紫葡之戀」$54咁吸引我呢，因為提子係我好鍾意嘅口味，加上佢又唔會好似其他甜品溝奶或者椰汁(因為我係鍾意走奶走椰汁嘅人)，呢個純粹係巨峰生果味，所以fit晒我！！佢個巨峰提子汁唔會太甜唔會太溜，好味，唔會好似出邊嗰啲咁假或溝稀；上面嗰啲一粒粒玻璃珠又係好爽口，係我嘅至愛，加上好QQ嘅小丸子，成個配搭都好好味，全部係我最鍾意食嘅嘢！！ 除咗佢嘅雪米糍係芋頭味我唔食之外，其實其他全部我都好鍾意，抵佢攞奬！！雖然佢係椰汁紫米露$28，唔係咖啡系列，但係佢都好用心將個甜品拉花，值得一讚；好足料唔會溝稀，好味，價錢唔貴好合理～

五月廿九日，女友話食完晚飯要食糖水，於是近近地黎呢間食。九點幾都已經坐滿九成。平時次次經過都排曬人響門口，怕怕。今晚早少少，唔駛等位就食下。叫左個紫葡之戀，久違了，上次食都好似起碼兩年前既事。今次就試下水準有無下降到。最好味一定係個糯米池，入面香芋味既雪糕，正。巨峰玻璃珠咬落似大粒既蟹子既口感，卜卜聲咁，幾得意。小丸子就麻麻地，有啲痴口。最後感覺個刨冰係太多，上面配料係少左，所以食到最尾淨返啲冰同水就唔飲啦。

星期日晚上，想同朋友傾下計，揀左呢間甜品工房。多年前食過一次，印象唔錯，但今次真係......... 係埋好既餐廳做起左，都會咁？ 野食其實唔差，但服務態度同該餐廳既規則，都傳我地既心情麻麻😅呢間餐廳好計數好叻，我地原先唸住大家share食，叫左3款甜品，叫完，店員話有40蚊最底消費，我地要叫多兩樣野食。 都明白有餐廳有呢樣野，所以我地再叫多兩樣。甜品品算上得快，食到咁上下，店員就同我地講，夠鐘，因為有限時時限係45分鐘，即係大概餐廳收你一蚊一分鐘都係想搵個地方傾下計姐。另一樣野，餐廳既某枝燈壞左不停閃，洗手間維修中.LOL環境真係好一般朱古力棉冰正常，佢旁邊既配料我係欣賞既，小丸子都煙韌份量唔算多，底層全部都是冰，中間有幾粒小丸子，藍藍地食既「拉面」本身無問，靠則邊既糖醬去調味，可以自己調較，唔錯整體黎講，甜品款式唔算創新，質素唔錯，只係同樣既價錢，可以有好多選擇

客滿等位抹茶凍粉好甜，真係好甜。但抹茶味依然相當濃，紅豆味道可以。小丸子，份量都ok多， 大小份量適中。小丸子原本就無味，個芒果汁太少，得面果陣。令到個椰味果重，跟著我就把紅豆容夾著小丸子一齊食，諗住會好d。

尖沙咀好多糖水店, 食完晚飯同朋友眼花撩亂唔知食邊間好, 行過見呢間唔洗點等位, 就入去試下不過入到店入面坐位都幾迫下, 唔係坐得咁舒服黑色情迷(朱古力) $54 - 可以揀雪糕定乳酪, 諗住特別D所以就試下佢個乳酪賣相整得幾靚, 但一入口就可以好肯定揀雪糕一定會好味D, 因為乳酪同朱古力粉個味都幾唔夾紫葡之戀 $54 - 整得幾別緻, D水晶粒粒入口好似食緊魚子咁, 口感好得意, 丸子夠彈牙, 葡萄冰亦好夠味, 唔錯

記得以前在尖沙咀上班，間中吃完晚飯都會忍不住來這裡吃個甜品。但自從公司搬離尖沙咀後，加上區內有不少甜品店可供選擇，已有一年多沒有再光顧這間甜品店了。是日吃完晚飯後只是8點，見尚早，一於再光顧甜品工房，回味一下。記得以前晚上很多時都會大排長龍，可能今日時間早，所以店內仍有很多空位。每次光顧，總會點抹茶之舞，除了濃味的綠茶雪糕外，亮點在於香濃的滑嫩牛奶布丁，確實好味！襯上軟綿的日本紅豆及帶點煙韌的小丸子，增加層次感！我們揀選了曲奇口味的雪糕配窩夫。賣相不錯，曲奇雪糕味道穩陣，但窩夫的質感卻令人失望。窩夫表面帶點香脆，但裡面的粉漿又腍又不鬆化，加上價錢亦不算便宜，毫無懸念，以後都不會再點這款甜點。

今日發現甜品工房原來有LUNCH SET食...選擇不多, 只有幾個餐...人客都唔多, 得幾個! 咁就試試...除左幾個午餐, 冇野可以叫 (如咖啡, 甜品都冇得叫)我地1行2人ORDER左和風咖厘牛柳飯同埋檸檬吞拿魚意大利麵包餐!午餐包餐湯或果汁及一個奶凍!我地都係飲餐湯磨菇湯!味道都唔錯呀! 夠味!初時以為佢係好普通果d白色磨菇湯! 但原來都幾特別! 不錯!主菜既和風咖厘牛柳飯飯既份量比較少, 味道好普通!咖厘味不太重! 唔太辣! 但牛柳都冧既! 仲有配小小蘿蔔! 如果男士係唔會夠食!另外既檸檬吞拿魚意大利麵包....哩個麵包更加細 配小小沙律菜! 但係落得多醋得制有點酸!而意大利包好似冇檸檬味! 入面有小小菜, 小小吞拿魚...仲有青瓜...味道好一般呀!最後甜品有焦糖奶凍同埋芒果奶凍芒果奶凍既味道不錯! 奶凍不太甜, 芒果唔酸...但係焦糖奶凍就過份甜了...麻麻地!總括甜品店做什餐可能不會太出色, 份量也可以多一點! 

大名鼎鼎的難食甜品舖，原來名不虛傳。 赤地之雪 $47 另加一初頭食個雪糕 感覺唔太差之後想食深啲 就發覺尼個設計太差啦 我明白為左靚 但係想liu深啲黎食 就會滴到成枱都係 入面啲奶 加上奶涷 加上溶左既雪糕 變成一種非常差既口感 奶涷係非常淋 冇彈性又唔滑 冇奶香 士多啤梨雪涷過 外面一層就冰 勁唔新鮮 越食就越唔知自己食緊咩 又散又軟 難食到喊出黎 唯有叫杯熱茶黎飲 桂花茶 $36 再加一見到都幾真材實料 好多桂花 心諗實冇死啦 (雖然伴住兩塊丹麥藍罐曲奇) 但一飲落 真係勁苦囉！我明白茶是不甜的，但起碼要廿香，而這個真的是苦的啊

昨晚吃完飯後跟朋友去吃甜點，找到到這家甜品工房。看到只有小貓幾隻在外等就排看看。點了一個紫葡之戀跟和風物語(matcha low fat yogurt)紫色的小顆粒是grape jelly, 小丸子跟其他店的沒分別，香芋雪糕糯米籽就。。香芋雪糕糯米籽。可底是滿滿的冰跟半碗的果醬，好甜。。除了甜還真的找不到其他字眼可用。。。和風物語選了綠茶口味，只是yogurt上灑了綠茶粉而已，真的沒什麼如果是想找好看拍照放臉書的，這店會是選擇之一哦~