甜品工房 (Closed)

可能因為尖沙咀租貴客人多，佢規定左人均消費最少$40即係如果兩個人去食，而你又想食基本簡單甜品($30左右)，你朋友就要叫過貴既配合返。。。講返野食。。見到有期間限定榴槤綿綿冰，好似幾特別，就叫黎試下。點知勁中伏第一：綿綿冰一D都唔綿。係偏實身既第二：配料（不是自選的）菠蘿同榴槤唔多夾，好奇怪第三：榴槤味好假，頭一兩啖覺得係少少榴槤加好多好多水，榴槤味好薄弱。但After taste 就有陣怪味，我唔識形容，不過朋友話似膠味。。。就係咁，大約五六啖之後，就無人問津。。因為個碟太淺，怕溶左之後會流出黎，所以就叫侍應幫手收左佢，佢望一望果碟基本上無食過既甜品"哦"左一聲就收好左。身為挑剔又奄尖既港女，果刻真係有少少失望，如果果侍應會主動問多句係咪唔岩食，甚至offer我揀過第二樣，成件就完美解決，而且加分不少。

厚福街越開越多甜品，但都係呢間最靚。————————————————————#可可之吻（$47）朱古力雪糕係自家制🍫，非常香濃，個香港唔係好知做緊咩🍌。面頭d可可米好脆好正，可惜得幾粒太少，好彩下面有好多朱古力脆米補返。好欣賞佢個層咖啡味啫哩☕️，咖啡味好出有咬口。軟雪糕本身易溶🍦，唔建議擺最底層。窮遊指數：6/10好味指數：7/10————————————————————

厚福街越開越多甜品，但都係呢間最靚。————————————————————#可可之吻（$47）朱古力雪糕係自家制🍫，非常香濃，個香港唔係好知做緊咩🍌。面頭d可可米好脆好正，可惜得幾粒太少，好彩下面有好多朱古力脆米補返。好欣賞佢個層咖啡味啫哩☕️，咖啡味好出有咬口。軟雪糕本身易溶🍦，唔建議擺最底層。窮遊指數：6/10好味指數：7/10

同好友食過飯意猶未盡，想食甜品，見到呢間好多人，心諗大概唔差得去邊，於是攞飛啦，當時話等約6至7張枱，估唔到都等多過半個鐘。預左等，但其實可以擺啲櫈係門口比人坐下，anyway，等到又熱又攰，入到去梗係歎甜品啦！叫左呢個芒果同香桃既組合，真係攰到個名都記唔到！啲芒果酸到痴線，桃就無乜味，又話有芒果汁，淡到咩咁，總之就貼錢買難受！同行友人叫既都係無味既！仲要收加一！乜糖水鋪都要收加一架咩？到底有咩服務呢？真係好好奇，到底點解會咁多人排隊食呢？嘥我時間，超唔值，唔會再黎！

紫葡之戀(hk$54)用巨蜂琉璃珠、巨蜂汁刨冰、提子、小丸子、白芋雪糕糯米糍堆得滿滿的～味道幾夾幾解渴！和風物語(hk$54)最上層係日本山蕨餅和低脂乳酪，另外可選擇低脂雪糕, "低脂"哩兩個字減低左我食甜品既罪惡感😳! HAHA，而中間分別有日本小丸子和紅豆, 再配上抹茶汁，即使乳酪唔會過酸，但都遮蓋左大部分既抹茶味，所以對於抹茶控黎講會有啲失望，當係普通乳酪甜品黎講就不過不失!

今天和朋在尖沙咀晚飯後，找甜品吃，忽然想一起在厚福街的甜品工房，很久之前試過，但這裹經常出玩排隊人龍，今天趁機會在嘗試，這次大慨等了十五分鐘有位，待應清楚說明每位最低消費及用餐時限，四十元一位，我覺得合理，出面閒閒地一件蛋糕或雪榚都要三，四十元，何況堂食，裝修新潮，非一般甜品舗，很多選擇，樣子美麗精緻，值得一試柚子雪榚，自家制作，很清新柚子味，質感軟滑，極力推薦！

食完晚餐，當然要食糖水啦。好多時食這間都要等位，但值得ge，好食呀ma。綿綿冰超滑，完全唔似食緊冰。味道一舨，下次可以叫其他。食過好多次，基本上都冇邊樣甜品係難食ge。

甜品當正餐。安安未食過甜品工房就入左去試下，大概6點入去見到班侍應坐喺度吹水。坐低就叫左個夏日推出既哈密瓜綿花冰。上面係金華火腿咸咸地幾得意，配料有小丸子，啫喱。盛惠48元，仲要加一真心唔知佢俾左咩服務，只係張碟野攞過來。

甜品工房以前吃過幾次，一直都覺得質數不錯但員工態度就十分令人感覺不好今天首先同好好嘅男朋友仔吃過好時沙爹後好食又好飽，又海南雞飯又喇沙。。。又真係幾好食所以就決定食個甜品更滿足！五點倒來到甜品工房門口，難得廿張枱空得兩張枱有人，當然想入去share個好味嘅！門口大大張紙寫住最低消費要每人$40，我地就諗: 不如問下可以兩個人share一個嗎男朋友推門就問個staff (白白地頭髮四眼斯斯文文其實幾靚仔嘅算見人見智）：係咪可以兩個人一個？staff叔叔: 係呀係呀咁我地就開開心心坐低揀到揀好想要果樣好似xx之吻，就落單跟住，staff叔叔: 落住一個，仲有一個？男朋友仔就問: 啱啱入黎，唔係話可以兩個人一個嫁咩？Staff叔叔: 唔係，兩個人一個，咪兩個人一個囉! "兩個人，一人一個" (我見倒佢覺得自己講完都有問題) 我同男朋友仔講: 一定係大家溝通有問題Staff叔叔 (一口咬定啲語氣仲有少少迫人) : 唔係，係你誤會，係你誤會!我地決定走，因為叫多個就算送我地，我都吃唔落佢見我地唔要，之後佢就叫廚房hold住。我地之後就走了因為人地白紙黑字寫明，無謂嘈雖然可能係溝通問題但作為客人，

早前食呢間甜品工房一直都唔記得打食評首先，就個人而言我好鐘意食雪糕但我食左人生最難食既雪糕唔香唔甜仲食到啲粒粒賣相就夠曬吸引喇可惜虎頭蛇尾，得個樣。係！我明白係自家製要求不可高但咁難食不如唔好自家製吧友人食左個提子戀冰同豆腐花哇！完全唔得！提子汁加埋花奶惡頂過咳藥水！食到中間一舊大冰不如比個'作'我食喇啲豆腐花！同上面果位講既一樣的確係百福黎5十幾6十蚊食佢 講真冇創意冇良心，相當搵笨！不過呢，有個幾斯斯文文既鬍鬚哥哥啲服務都幾Nice，質量差服務態度搭救?蠢事唔會再做第二次！可一絕不可再！

第一次試他的yogurt酸味十足 欠缺frozen yogurt的滑口感我想應該是下太多冰了吧加多一點牛奶 甜味會正常點那杯抹茶yogurt以為會像yomama般的濃烈抹茶味誰知是把抹茶粉灑在原味yogurt上而已 吃完表面那層 = 沒有抹茶味 有點失望 紅豆 小丸子 正常得不過以它價錢來說 只能說ok, 下次食froyo 都是行多一兩步去K11了

每次去尖沙咀，男朋友一定扭計要食呢間甜品其實我都好鐘意食，我最鐘意既係食佢既乳酪，因為佢話係低脂，同埋唔係周圍都可以買到每次去都會食我最鐘意 黑色情迷其實仲有雪糕可以揀，但係我始終鐘情乳酪每次食都想快啲食到中間，咁就可以食到Oreo 因為乳酪唔係成日有，所以都要靠運氣

下午去完迪士尼，天氣又熱，同女友坐東涌線出番尖沙咀，直接放棄晚飯諗住去食冰品，就話食甜品工房（因為上幾次去都無乳酪，只得雪糕，所以無食幾次）去到門口即問有無乳酪賣，店員話有就即刻拎飛等位，入到去立即叫左個黑色情迷，本人係朱古力迷，所以以朱古力為題既黑色情迷就最適合我，等左10分鐘就有得食，時間唔算耐，指定動作當然相機先食，食完一層乳酪涼一涼先，中間仲有oreo同脆米，正呀！女友叫左個藍莓乳酪，雖然都甜但我始終覺得我個個oreo配乳酪好食啲，之前試過一次配雪糕麻麻地，都係乳酪酸酸地先好食埋單$120都okay可以接受，一星期一次過下口癮就算：）店員服務態度一般，服務質素不算太好，不過考慮到只係食甜品所以無太大介意，美中不足係天時暑熱要係門口等25分鐘先有位建議平日9點至10點去食就無咁多人排隊

同朋友去街少不免要食甜品，呢一次就去咗甜品工房。我本身鍾意食涷嘅甜品，叫咗個芒果綿綿冰。呢個甜品有小丸子，椰果粒，芒果粒。刨冰刨到好簿，食落口入口即溶，正！椰果粒，芒果粒同個好刨冰夾，因為刨冰淡淡地的原故，椰果粒，芒果粒食落唔會太甜。今次埋單大約40蚊，因有學生證所以平啲。店舖的環境都幾舒服，十分乾淨。加上已經十點左右，店內客人唔多。下次有朋友想夜媽媽食甜品可以再去啊！

在尖沙嘴吃甜品的地方並不多 所以晚飯後跟朋友來到了甜品工房 等了一個小時才有位置 點了 紫葡之戀 提子和紫色的冰堆得滿滿的 很好看 提子味的顆粒 和 雪糕糯米糍都是非常特別的 但是其他的都是很假的提子味 雖然很多人說這是他們的鎮店之寶 我覺得其他甜品店可能還比較出色