Video
慧景軒對面
continue reading
Telephone
34879622
Opening Hours
Today
07:30 - 21:30
Mon - Sun
07:30 - 21:30
Above information is for reference only. Please check details with the restaurant.
是日與屋企人搵地方食飯，近近地去過濕地公園附近食，見到呢一間稻神食堂都幾靚裝修，乾乾淨淨，有中式有台式餐。我見台灣肉燥飯幾吸引，於是滿心期待地叫咗個雞扒肉燥飯，餐牌嘅相係好靚，但係出到嚟嘅賣相有少少出入，變咗有少少失望😂味道亦很一般般，雞扒很嚡，食多一半就已經唔想再食。屋企人叫咗個帶子卷雞粒炆飯，個湯好味精😂真係可一不可再。不過侍應服務態度很好，入餐廳嘅時候很多位置不用排隊，如果一家人要很早食晚飯都可以勉強將就。
continue reading
坐落喺人來人往嘅商場裏面，The Farm真係一個難得嘅平民化美食角落。一入到去，懷舊嘅擺設已經係好吸引人。嗰日我就試咗幾樣好受歡迎嘅菜式。首先，紅燒牛筋菜飯真係一絕，牛筋炆到腍滑得嚟，味道重又唔死鹹，完全可以話係高水準表現嚟㗎😋。其次，秘製美國黑毛豬煎蛋飯，叉燒真係肥而不膩，煎蛋滑嘟嘟，以家常來講實在係無得輸。呢啲嘢已經使我樂而忘返💖。當然唔少得嚟一啲點心式嘅小吃。芝麻單骨雞翼同香酥雜菜餅都係必試之選，酥香跳係舌尖，解開咗成日嘅乏味。啱哂搭配一杯清新檸檬薏米水，消暑又提神🍋。食完之後，個人心情同胃口都好滿足。The Farm，你下次見到我嘅時候，一定會喺我手上多埋嚿啖皆知嘅笑意㖭！🍛🥢
continue reading
今日黎左呢間茶餐廳食午餐，都係掃qr code點餐。▪︎山東燒雞配蒜香豉油汁▪︎$68跟餐▪︎紫菜湯▪︎個湯有紫菜加小小蛋花、蔥花，味道唔錯，仲落左麻油同小小醋味，幾開胃既一個湯。個麵類似上海麵但係係幼身版，配埋個豉油汁，甜甜咸咸幾惹味，可惜上枱唔太熱，微暖。而個雞就質地較乾同有點硬身，所以食左幾舊都無再食。▪︎紅燒牛肉牛孖筋上海菜飯▪︎$70呢個我無試到，但應該都正常發揮。跟餐 ▪︎冷泡龍井▪︎跟餐唔使加錢有冷泡茶飲，都幾清幾解渴。跟餐 ▪︎凍檸茶▪︎凍檸茶正常野無乜特別。
continue reading
難得的休閒下午茶🍽️，選了The Farm(稻神食堂)，皆因平時喜歡它的紅燒牛筋菜飯，今日下午休假，就決定親身到訪👇🏼餐廳格調舒適，牆上掛着美國演藝人的黑白照，如柯德莉夏萍、James Dean等，很有懷舊feel👇🏼看過下午茶餐單後👇🏼order了吉列魚柳包配雜果沙律$43，wow，太好味了😋，魚柳外脆內嫩，魚肉新鮮白滑，邊吃邊讚👍🏼；沙律也弄得好😍，內有薯仔粒🥔、椰果和罐頭雜果，薯仔不是腍啤啤質地，是爽口的，沙律醬既美味又充足👇🏼沙嗲串燒(雞/豬各一串)$20，兩者質量都好，雞肉滑，豬肉嫩👇🏼欖菜雞粒蔥花蛋炒飯$49，香噴噴的炒飯，不油膩，份量多，味道合我，且適合不愛鹹的人士👇🏼凍鮮薑檸檬梳打$15，造型清新醒神，味道不錯，雖說是凍，但不是很冰凍，適合受不了太冰凍的人士。而我下次就要說多冰呢😁👇🏼凍夏枯草$8、凍洛神花茶$8，欣賞有這些另類飲品選擇
continue reading
今日去呢間餐廳叫咗一個早餐D，餐牌寫明係「香煎豬柳 或 黑椒雞扒 配腸仔、炒蛋及丹麥蒜蓉牛油多士」，然後落單個頁面顯示可以轉太陽蛋或者熟蛋，咁我揀咗太陽蛋，結果嚟到嘅時候得太陽蛋、雞扒同多士，而冇咗腸仔。我問職員，佢就有備而來咁樣講，話好多客人都咁問佢。腸仔同炒蛋係炒埋一齊，所以有太陽蛋就冇腸仔。我心諗，個餐牌上面寫住「腸仔、炒蛋」，又唔係寫腸仔炒蛋，咁係誤導，同我埋單嘅時候同嗰個高級少少嘅職員講，佢就話：哦哦哦，我同公司講，同埋唔好阻住後邊收錢咁嘅服務態度，真係冇下次
continue reading