第五街冰室 (Closed)

呢間冰室呢排同屋企人都成日幫襯，個廚炒得好夠鑊氣，啲野食又大大碟！岩晒一家人一齊食👍🏻。🥢清蒸石班$108係冰室叫蒸魚，無諗到條魚咁得！酒樓既質素但只係$108蚊！好抵食！條魚肉質甜嫩，蒸得恰到好處，又唔會太乾。仲食到魚既鮮味。🥢涼瓜雙腩煲$88涼瓜爽脆，燒腩仔同魚腩都幾多舊！最緊要唔會太咸又夠惹味。。🥢叉燒炒滑蛋$88叉燒肥瘦相間，肉質柔軟，配埋滑滑嘅炒蛋，最簡單既餸但整得好食係唔簡單。。🥢楊洲炒飯$60炒野好抵食！又大碟又份量夠，鑊氣夠晒，粒粒飯分明，個底又唔油，功力十足👍🏻。呢度有支裝可樂！正！跟餐+$5 only 🙈同埋佢個例湯都幾唔錯👌🏻

同黃大仙朋友嚟咗呢間冰室開餐🤣$130「海南雞🐓半隻」：「海南雞🐓」煮得啱啱熟，雞肉不同部位有不同口感，但係總體嚟講都算幾滑🤣$58「蒜蓉🧄炒菜心」：簡單蒜蓉炒😋$108「西芹炒青斑片」：西芹幾爽脆，青斑片幾大塊🤣仲送咗兩個湯，一個係「羅宋湯」，一個係「霸王花中湯」：熱辣辣，兩碗都夠晒大碗🤣跟餐加 $7「熱奶茶☕️」，要咗2杯，大大杯☕️，夠晒熱，幾香幾滑😋見到好多應該係黃大仙街坊喺度食👍

喺竹園食飯，一定係去第五街冰室環境乾淨整潔，坐得舒服平日晚飯時間，都有好多街坊食客😎😎晚飯時間，有多款小菜選擇，仲有套餐添落咗單之後，飲返碗好足料嘅例湯，合掌瓜紅蘿蔔，正！韭黃蝦球炒蛋依種炒蛋正正係我想要嘅嘢❤️❤️保持濕潤感覺，但又唔會散修修。蝦球好巨型，口感超爽！馬來沙嗲雞本身諗住叫海南雞，但係餐牌上見到另外一款雞，馬來沙嗲雞，好似幾特別，所以就叫咗，沙嗲汁又幾好味喎！雞本身好滑，配上香濃沙嗲醬汁，成件事幾夾👍🏻👍🏻超好餸飯👍🏻👍🏻仲有我嘅至愛蒸魚❤️❤️新鮮就係好食！食飽飽，諗住嘆埋杯凍鴛鴦就走人，點知落大雨，所以就決定食埋甜品！晚飯時間都仲可以叫到西多士，只係20幾蚊，超值！如果特登要出去食甜品或者糖水，邊有咁平？😎😎西多士可以選擇花生醬或者咖央，配埋糖漿，夠經典😎😎

行過這裏幾次，都被這間茶餐廳的門面裝修吸引，驟眼看去風格有點不同。於是和兒子來吃過午餐。入到去餐廳環境有點驚喜，這是黃大仙區竟然有這麼高雅、有趣、別緻的茶餐廳。熱情的招待員介紹餐牌有套餐和散叫，也有鐵板燒，我就和兒子點了一份超大份量的第五冰室雜扒餐，這個餐有太陽蛋、火腿、德國大腸，豬扒幾塊，牛扒一大塊，雞扒和大量炸薯角、椰菜、西蘭花和紅蘿蔔，跟蒜蓉汁。蒜蓉汁裏面有很多新鮮蒜，味道香濃，雜扒餐跟一杯飲品、餐湯和餐包，這個餐港幣148。我又點了另外一個炒菜心，菜心都包一個餐湯。兩個餐湯份量和味道都非常好。雜扒餐的肉也鮮味沒有丁點兒醃肉的鬆粉或者硼砂味，比其他餐廳的肉還要鮮味。炒菜心大大條也有很多蒜蓉，絕對夠火候。做着環境舒適，有美妙的音樂，兒子星期一還要趕着交功課，測驗考試頻頻來，在將吃大餐聽音樂而且周圍有很多正面鼓勵的海報和有趣的模型，對小朋友和大人來說絕對是一個很好的休息用膳地方。

由我嗌完野食之後不斷聽到個戴眼鏡呀姐 鬧個自己伙記。成餐飯就係聽到個收銀呀姐不斷一路行一路鬧佢伙記，故意向食客講咁，完全影響食客食慾。見到都燥，基本尊重人都唔識。另外，食物方面尚算可以，但忘記了上一道菜，等到食完其他餸都未有，最後發現原來冇落單。

今次嚟到竹園邨廣場既一間茶餐廳, 見餐牌上有好多唔同選擇, 小炒、扒餐、咸豬手都有得叫, 仲有茶餐廳好小見既泰式、越式小炒，非常特別香葉札肉炒飯 $65炒飯乾身夠鑊氣, 做到粒粒分明, 而且非常足料, 超級大碟, 札肉份量亦都好多, 餐廳加入香葉係炒飯當中, 所以個飯入口有濃郁既香氣同小小辛辣味, 非常特別.個餐亦都會附送餐湯, 我就揀左白湯, 夠杰身唔會太稀, 仲有啲粟米粒係入面. 另外仲加左杯凍奶茶, 茶底不錯, 夠香濃順滑.

今日嚟咗呢間開咗大半年嘅第五街冰室食飯 今次食咗個重糧湯麵D餐 揀咗雞扒米粉 之所以揀呢個餐就係因為佢配蔥花火腿炒滑蛋 再跟扒芝士牛油厚多士 好邪惡啊 但係每一樣嘢都好正好好食 蔥花炒蛋，真係唔使1分鐘俾我搞掂咗

第五街冰室 (黃大仙)黃大仙竹園道15號竹園廣場地下S002號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：招牌美國肉眼扒餐 $188早上11am 開始食店便提供 “鐵板大放送”，有9款不同扒類可供選擇，又可選燒汁/洋蔥汁/黑椒汁/蒜蓉汁，奉送餐湯(羅宋湯/忌廉湯)及餐包，仲可以免費升級紅豆冰/菠蘿冰/什果冰，正！😄😄😄招牌美國肉眼扒：肉眼扒餐以優質的美國肉眼牛排為主角，品質優良，巨大厚身的一塊隨鐵板奉上，肉質鮮嫩多汁，口感豐富，建議七成熟，扒肉會更為嫩滑，淋上黑椒汁後變得香噴噴！👍👍👍配菜：鐵皮上另有海量的炸薯角，薯角表皮酥脆，內部軟熟，非常美味，加上新鮮的蔬菜和和香甜的紅蘿蔔，感為肉眼扒增添了一些清新的風味！😍😍😍紅豆冰：作為一杯消暑的食品，非常適合在用餐後享用。紅豆大粒而香甜，足有半杯之多，食過肉眼扒餐後再享用冰涼的紅豆冰，令舒爽愉快！😋😋😋

簡單一份扒餐外賣（牛扒、煎蛋、餐肉）竟然要等20分鐘，正常嘅餐廳都唔係呢個速度啦之後竟然可以做錯個麵餐出嚟畀我，既然廚房人手唔夠，不如直接多人時段直接cut外賣服務

今晚在竹園廣場地下嗰間「第五街冰室」晚飯，餐廳裝修得幾有特色，有很多figures擺設，地方整齊企理，而且餐牌選項非常多元化，小菜、西餐，樣樣有齊。我哋點咗幾個小菜。清蒸石斑蒸得啱啱好，肉質嫩滑又富魚香，沾少許豉油吃，更添滋味！豆腐雙腩煲，雙腩係魚腩同火腩，魚腩新鮮炸起再入煲，入口外脆內軟；火腩肥瘦適中，肉同肥膏比例各佔一半，味道唔會過鹹，豆腐索晒啲燒汁，非常惹味。BB乳鴿即點即炸，皮脆肉嫩又富肉汁，唔使點淮鹽同喼汁食都已經好夠味。另外呢個香芋臘味滑雞煲水準亦唔錯，雞件肉嫩多汁、芋頭粉軟綿糯，臘味有臘腸、潤腸同臘肉，鹹香惹味，用嚟佐飯一流！

再訪竹園抵食冰室💖 夜晚成日都滿座，好受街坊歡迎🥳 店舖空間闊落，環境休閒舒適，佈置好有心思 打卡一流📸 菜式超多選擇，中式、西式、日式都有，提供多款意粉、焗飯、湯飯、扒類、川菜等等，價格合理 份量多，人均$100以下已經飽👍🏻 晚市四人消費：$350 🫧不設加一服務費🫧💖💖💖食評💖💖💖二人餐 $188✨包括三碟餸、兩碗湯、兩碗白飯，兩杯飲品(可以免費升級特飲)韭黃蝦球炒滑蛋✨熱騰騰，鮮嫩多汁的蝦球和韭黃的結合，令口感好豐富。滑蛋的加入使整道菜更具口感，帶來了一種絲滑的觸感，配上白飯一流🤤 好飽肚好滿足海南雞（例牌）✨份量多，雞肉夠鮮嫩口，搭配醬汁更滋味😚清炒時蔬菜✨ 小白菜好新鮮好爽口👍🏻👍🏻 BB鴿(兩隻）$90✨香氣撲鼻🤤 烤鴿肉質細緻，帶有微妙的香氣，鴿肉的烤製技巧恰到好處，保持了肉質的鮮嫩，外表金黃酥脆😍XO醬鮮魷炒烏冬 配湯 $72✨ 好惹味！熱騰騰，結合了鮮嫩的魷魚和彈牙的烏冬，搭配著鹹香的XO醬，好味🔥 烏冬吸收了醬汁的精華，好入味😋

屋企樓下呢間茶記多野食又幾好鑊氣，屋企人指定要食呢間👍🏼鍾意佢啲野食大大份又好食😋。🥢紅燒bb鴿 $50：呢隻紅燒bb鴿絕對係港式燒味中嘅經典之選鮮嫩多汁，而且入味，紅燒醬汁香濃，每一口都帶有濃厚嘅風味。。🥢椒鹽鮑魚 $40/1隻：茶記都有海鮮食👍🏼好掂！椒鹽鮑魚肉質鮮嫩，入口有咬口，椒鹽調味帶出微辣同鹹香嘅味道，令鮑魚更加美味。。🥢豆腐雙腩煲 $108：豆腐雙腩煲裡面有火腩同魚腩！夠晒鑊氣又濃郁。豆腐又炆得入味！。🥢咸魚蒸肉餅 $88：咸魚蒸肉餅勁勁勁大碟！肉餅鬆軟多汁，而咸魚嘅鹹香味同鮮味能夠完美融合。。🥢楊洲炒飯 $60：楊洲炒飯飯粒鬆散唔會太油，帶有炒煮過後嘅炭燒香氣，配上鮮蝦、叉燒、火腿等配料，口感豐富。

喺運動場打完波，意外發現依家超高質冰室！見佢門面光鮮整潔，乾乾淨淨咁，食物選擇亦非常多，不妨一試晚飯時間有多款小菜，價錢大眾化，另外仲有唔少海鮮選擇😎😎例湯清甜，好多湯渣，啱晒我，合掌瓜夠晒清潤京都肉排份量比想像多，啖啖肉，醬汁做得到位，係經典嘅大排檔小菜，唔錯👍🏼豆腐雙腩煲啱晒貪心嘅人，除咗豆腐之外，有斑腩同埋火腩，又想食魚，又想食肉，再食埋個豆腐都仲得，非常抵食必食！椒鹽墨魚仔從來未見過咁大隻墨魚仔！每一隻都非常厚肉，口感超級正！椒鹽效果做到好香脆，令我對依間餐廳嘅出品刮目相看！一定有下次！係波友嘅說服下，再叫埋杯黑牛😆😆懷舊得來，夠晒爽😎😎

第五街冰室 (黃大仙)黃大仙竹園道15號竹園廣場地下S002號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：鐵板大放送 – 招牌美國肉眼扒 $188鐵板扒餐可免費升級紅豆冰、菠蘿冰或什果冰，非常抵食！😄😄😄鐵板滾熱辣上枱，喳喳聲，食完塊板都仲熱，夠惹味！👍👍👍招牌美國肉眼扒：非常大塊的牛扒，一個人食夠哂飽，肉眼扒嫩滑多汁，有濃郁的牛肉味，今次點了七成熟，外層烤得微焦而香噴噴，切開能看到清晰的牛肉紋理，咬下能感受到肉質的嫩度，附送的炸薯角炸能金黃酥脆，加上小紅紅蘿蔔和蔬菜，食到飽一飽！😍😍😍鐵板扒餐還附送餐湯和牛油餐飽，餐湯選了羅宋湯，味道酸甜夠開胃，蔬菜亦夠多，牛油餐飽則餐飽夠熱，牛油夠凍，冷熱交替更添滋味！😋😋😋餐飲選了紅豆冰，紅豆數量多，煮熟後口感軟綿，味道香甜，加埋花奶後製成紅豆冰，淡淡透心涼！❤️❤️❤️

白灼海蝦🥰2個人share呢個份量岩岩好，有D蝦既肉質都清甜爽滑， 大部份都冇腥味!。食白灼蝦既精髓就緊係個辣椒豉油，令白灼蝦食起黎更加鮮美~豉汁蒸䱽魚🥰魚身嫩滑滑溜，豉汁咸香味十足，夠哂惹味，鋪滿鯧魚魚身，零魚腥味，送飯一流。如果再大條D就更好喇!北菇蒸滑雞🥰雞件斬得好好，有雞脾位啖啖肉，雞油味重，肉質嫩滑，唔會好咸。香菇入味，吸收哂雞肉既精華，又一送飯必點既菜色。海鮮雜菜粉絲煲🥰味道夠哂鮮甜，有蝦乾 瑤柱 粉絲 魷魚 蝦仁 紅蘿蔔 西蘭花 菜心 等多款唔同雜菜，食起黎好fresh，湯頭清甜，而已仲有D薑同爆香左既蒜頭調味，所以食起黎味道都好豐富。