菲律賓會 - 無國界食點 (Closed)

其實我過去黎過呢度幾次。由佢98到而家變成138蚊一個人，包三個鐘，燒烤同啤酒汽水任飲。開爐每個28蚊。上次我地黎，一夠鐘就即叫你走，無商量可言，連你個爐上面既野食都要同你倒埋。佢間野話收2:30，我地8:20開始，到11:20我地決定比廿蚊佢加鐘，到12:20分，佢得番一兩圍，佢話唔可以再加，因為無其他booking，所以唔加鐘，我話唔係呀，佢話明收2:30，我先唸住黎玩咋喎，跟住佢比我地加最後一個鐘到1:20。當然，未夠鐘個經理又行定出面睇住火記做野，一夠鐘即刻郁手收野。我覺得咁好過份囉，打亂晒我既計劃，係咁我唔駛黎啦，我地10個人兩個爐一人都184(加兩個鐘)，再加的話204添，我出去出面場可能唔駛咁多，仲可以玩耐添啦。仲有，佢其實都任飲架啦，我帶紅酒黎開，都唔明佢點解要收我50蚊一枝開瓶費。野食方面，都ok，叫做樣樣有，係最唔滿意個時間同收費。如果呢個價錢，真係唔駛黎。基本消費一人都144架喇。

食評日期：2007年10月21日0個日同舊同學聚舊，揀呢度係因為貪佢近市區又可BBQ。呢度的優點：1. 交通較郊區方便2. 汽水及啤酒任飲3. 粟米同番薯幾好食呢度的缺點：1. 我地坐平台向球場那處，在大樹下，好多不知明物體掉下來（包括毛蟲及果實）作加料！！～2. 食物種類好少，且不吸引3. 無服務可言，除開爐外，其他自顧自，想搵侍應都難～4. 物非所值！除人頭費外，每加一個鐘，一人要$20！！～　好似搶0敢！～　我地有0的人遲左，費事轉地方，唯有加一個鐘！～　最無品係差唔多夠鐘已有人企定0係隔離，等住、睇住你幾時走... 駛唔駛？！～　唔趕我地都會走啦！！～　原來佢地請0的侍應返黎，係做呢0的0野！～總括，如貪方便，而又不計價錢，食物，環境及服務質素的話，可以揀呢度！！～

最近去過不算太差地方幾好食物普通招呼ok 不過好大風每位$118 任飲任食幾抵蒜茸法包幾好味飲beer 都夠本有空會再去

左報章雜誌看見市區BBQ介紹一起去誠, 每位$118幾抵, 任飲任食, 食物就普通, 雞扒, 咸牛脷 ,豬扒, 蒜茸包, 牛扒,幾好, 其它一般. 不過收開爐費$28 ,服務幾有禮, 我班朋友任飲beer好開心, 下次再去飲過

11月20日,因為要farewell 個高層同事, 所以公司搞咗個BBQ Lunch, 嚟咗呢度玩,呢度既環境真係唔錯, 可惜食物質素就真係................... 有有多春魚、秋刀魚、冬菇、粟米、蕃薯、有雞翼、雞下髀、雞扒、豬扒、有金沙骨、牛扒、魷魚、墨丸仔、芝士腸、雞肉腸、紅腸、司華力腸(切片)、魚蛋、牛筋丸、燒賣、獅子狗。得個雞翼、牛油法包同秋刀魚最食得過, 其他嘢都好一般, 有啲仲唔好食, 例如個雞下髀同第一輪金沙骨, 同事食過都話變咗!而個啲多春魚唔知係咪唔新鮮, 好腥下......另外仲有飲品任飲。我哋今次係玩空內既, 本來有卡拉OK玩, 但部機突然壞咗, 所以冇得玩...不過啲職員服務又幾好喎~ 收碟收得好快呀! 同埋都好好禮貌呢!

星期日不知食セ無去好耐此地BBQ 今次去到同以前大大不同啲人不同由有人招呼幾好食物和飲品幾好每人$138 另加$28一亇爐近旺角幾方便可再去

星期六晚約好1行11人來這裡燒烤, 貪佢近市區同任飲任食, 今次坐下面比較熱, 但服務沒有以下食評寫得那麼差, 我們7點45燒到11點, 算是沒準時摧你走, 食物是一般的腸仔,芝士腸,紅腸,芝華力腸,魚旦,牛丸,獅子狗,豬排,牛排,雞排,牛舌,魷魚, 雞翼,多春魚, 秋刀魚, 冬菇, 粟米, 蕃薯, 牛油法包等, 法包記得之前是蒜蓉…但今次好似沒有蒜蓉味,但仍是好吃,其他食物ok la, 因為我們帶了私伙醬料, 好味好多,啤酒總類有很多不知名的,比較清淡, 可樂氣水都幾多,不知是飲得太多關係, 反而吃的不多, 我們開了兩個爐,每個爐要28蚊, 這裡是人齊埋單先的, 每人約$164, 同行友人說貴..不過對於我們這些懶去郊區燒野食的人來說, 又勁飲的人..這麼是不錯選擇. P.S. 是晚我們帶了一瓶蜜糖(這裡是有蜜糖水供應的) 但他們也另外再送一瓶給我們,也不錯吧.

放工後與同事一行八人去這里bbq, 諗住近近哋, 同埋又未試過. 但試過後真的好後悔囉.我哋八個人迫埋坐係一張長方形枱, 但有一邊係坐唔到人, 因嗰邊係燒烤場的唯一通道. 而另一邊有把太陽傘連個石矢座阻住係度, 換言之兩邊頭尾都坐唔到人. 同場內工作人員反映, 佢哋d 服務態度真係不敢恭維, 佢哋只係識得收錢, 有問題唔好找佢哋 >_<####仲有每張枱的距離係超近, 基本上我後面個張d 人每次行出去都會貼住我背部而出.食物方面, d 野食真係好唔掂, 全部無味. 一向我都係好大食, 但我食得來都要好味才食. 所以當晚我只吃了少量, 回家再食野囉~~~~汽水及啤酒係任飲, 但全部唔夠凍, 仲有選擇唔多.我們已一致通過以後絕對唔會再來.

放工後同同事去bbq,我地8個人要迫係一張枱,迫到死,又熱!枱與枱之間幾乎冇距離.食物麻麻地,勝在飲品可任飲.講真,一班人去bbq,食物味道其次,最重要大家座得舒服可以傾計.

$158 蚊燒烤, 可以燒三小時, 食物離不開紅腸、雞翼、獅子卷、秋刀魚、牛扒, 全部街市最廉價行貨, 悶到反胃, 醃得亦唔好。最無癮係價錢計到盡, 覺佢乜都賺盡。去到後, 原來開爐要另加28 蚊, 自備食物竟然要每磅收20 蚊, 明明係自助燒烤, 人地唔食你既野, 反而仲要收多啲錢, 完全無章法可言。如果深夜去, 人少少, 可能貪佢靜, 但人多就無謂去了。如果十幾人去, 賣單隨時三千, 其實去郊外野餐化算得多, 同樣價錢可以有更好更好的選擇。

中秋節正日同D朋友去無國界食點BBQ,嘩!呢間野簡直差到爆!食物淡而無味,款式又少,汽水唔凍!員工態度差,不時o係我地枱前食煙!同隔離枱太近,出入好易撞到人.中秋節我地要預早買飛,每人要$158再另加$28開爐費.呢間野完全唔值呢個價!我地一行六人發過誓,以後唔會再幫襯!!

本人10月5日2007年到無國界食點BBQ:-劣評1. 咖哩雞翼係一o的都唔入味...雪到硬晒超難食劣評2. 豬扒無味+ 好"鞋" 難食劣評3. 雜嘜腸仔(唔係廚師腸) + 切開一半難食劣評4. 粟米係白色既, 好似營養不良+畸形咁....食落無粟米味+ 好乾難食劣評5. 蒜蓉包無蒜蓉味唔好食劣評6.食物種類少劣評7. 場地燈光太暗, 黑嘛嘛...睇唔倒o的食物熟o左味劣評8.好迫....(同其他燒野食既人貼得太緊, 通道又窄) 劣評9. 太貴(物非所值) 有訂位每日138, 無訂位$158..另加開爐費$28/一個爐劣評10. 限三小時燒烤, 加鐘$20/每小時

兩年前已去過一次, 覺得好方便, 唔使去到山卡拉都可以bbq, 重任飲任食添~~ 不過每張枱 及每個爐既距離太近, 無咩私人空間, 同埋好大煙!!

去過此處燒烤數次, 東西一向不過不失, 但勝在於市區內, 方便我及朋友, 所以最近又想到此聚會,因要約十幾個家庭=無數之打出及打入電話之後, 我地訂好地方, 訂好日期, 時間, 約好朋友, 後因有朋友想食燒乳豬, 昨天我再打電話去預訂, 預訂燒乳豬時及之前數次電話往來均無問題, 接聽者亦有禮貌, 我自問亦係斯文人, 誰知昨晚有個自稱歐陽先生的人話佢係菲律賓會負責人, 打電話比我話我預訂燒乳豬又唔比訂金(佢公司規矩訂位燒烤, 唔使比訂金, 但訂燒乳豬則要比訂金), 我第一次訂燒乳豬, 點知規矩? 此人極為無禮, 態度極為惡劣, 最後更對本人說:"你地咁煩, 我而家唔做你生意呀, 我會取消你訂的枱, 你唔使來啦!"吓! 咁都得????!!!!!!!!!!!!!

27 January 2007 (Sat) - 晩飯有兩個朋友生日，黎咗呢度BBQ，其實我最唔鍾意BBQ，因為要自己動手，又唔知啲嘢熟唔熟，唉！山長水又遠，去到之前已經身水身汗，因為行咗好耐都搵唔到！食物種類唔算太多，而且佢比既位好細，個爐嗰塊咁既鐵網又根本唔夠長，我哋都係撻咗隔離個爐嗰塊黎用至夠長！嘢飲有多種支裝汽水同埋一隻唔知咩參水既嘢，ok好飲因為無糖！可能係我哋唔識燒，啲粟米勁難燒，燒極都係生同硬，唉，無晒心機！啲嘢又收得快，行開去攞完嘢返黎，就所有碟同刀叉都收晒，又要再行過出去攞．．．激死！我哋仲要係坐最入面，即係後面有條樓梯去上面個停車場嗰度，距離攞嘢食既地方真係好遠～～嗰度有隻小貓好可愛，一睇就知佢只係隻貓仔，但係佢個肚好大，可能食得太多～～其實最後大家覺得最唔抵係好貴囉，可能我哋要請兩個生日人，每日最後都要成$200左右．．．　真係肉赤！咁樣既質素，去以前既淺水灣燒好過～～