菲律賓會 - 無國界食點 (Closed)

一班年青朋友一行十數人, 諗住聚下, 燒下野食, 諗住貪方便近近地book左"菲律賓會 - 無國界食點", book 位要先付$500訂金, 點知去到, 只有一班人開始緊, 成個場有成差不多廿幾個爐, 只有一個爐係用緊, 真係明白晒佢地點解要收訂先, 如果到左現場望一望都有掉頭走嘅諗法!!點解!?佢地食物選擇少的可憐, 食物處理有欠衛生(完全無用冰塊保持食物溫度), 完全唔多覺有 refill 食物, 都唔在講, 服務態度差到爆就真係接受唔到.話說佢地營業到深宵1:00am, 佢地職員12:05am左右過嚟要我地結賬, 我地好理解, 都好快付款結賬. 之後大概12:45am我地有其他朋友過嚟接我地同行中朋友回家, 朋友見我地都差唔多走, 諗住坐埋一邊等我地食埋D食物唔好浪費, 閒聊間講左句"我地坐埋一邊等埋你地一齊行啦, 我地唔食野, 佢都吹唔漲啦.", 點知佢地職員咁啱行過, 即刻大大聲回左句 "我唔係吹你唔漲架, 我地計人頭收費, 我點會吹你唔漲". 仲話我地朋友說話囂張嘩大佬呀, 我地自己朋友間閒聊吹下水, 洗唔洗咁大反應呀!!!黑名單!!

好後悔冇上黎openrice睇過d comments先book, 原本一個開心既聚會, 點知貼錢買難受!野食種類少.大路野一定會有, 只係雞翼豬扒嗰d全部都係得一隻味道.,雞翼唔錯, 好入味.有秋刀魚燒, 不過好可惜, 佢哋並無清秋刀魚個肚, 所以食既時候好多人都覺得唔好食~~~ 其實秋刀魚個肚d野係要拎出黎先比人食, 唔知佢哋係懶定係咩呢,,,蒜蓉包都算好味. 不過呢個應該唔關佢事~~~hehe... 其他野就唔需要講..一個字....劣...劣..劣....任飲: 樽裝可樂同忌廉相信係好多人覺得抵既地方.其他罐裝就係d大陸飲品(包括啤酒 )服務不敢恭維, 差到爆果個短髮女人, 疑似負責人, 全程黑口黑面唔在講, 我地行一步都望實你,,驚死你偷佢d野...重有bbq係有3個鐘時間...當我們夠鐘時..個女人.即刻在我地枱面拎返我地較早前未開的飲品走...我們當時枱面只有3罐啤酒....個女人需唔需要咁計較呢?最重要一樣野..就係我地唔係在夠左鐘先再拎架!!總知..如果真係有人會去食..記得拎左d野飲後..全部開晒佢先....!!因為差不多夠鐘,,係沒有事前通知的!!

原本朋友仔生日好開心.,去左呢間菲律賓會 bbq ..點知中招,環境不過不失,但食物質數同佢收費唔成比例,雖然都有d款色可以食下,但唔係全部都係一個味ma ,,,就係無味,,成晚最有質數都係d燒賣..最好食,,最嬲係我地原本11點就散,,有2個朋友仔10:30 黎諗住切蛋糕,但個員工話唔得喎,總之一入就要比錢先,跟住仲好好咁比左個意見我地,就係加鐘,,加左鐘可以諗下唔收佢地錢,,咁我地就好開心咁同佢88 ,,跟住去左旺角cafe度切cake ..........呢間我唔會有機會去第二次,

簡直無法相信會有人去過之後唔鬧鬼，自助燒烤本來不會有太大期望，但都無諗過食物質素可以差到咁！假日毎人138元，要加一，開爐費20元，泊車費40元。雖然唔算貴，但亦唔算平。食物種類少得可憐。肉類方面，只有豬牛雞扒及不知名肉塊(似乎係鴨胸，但太樣衰唔敢試)，相信用了大量發粉，因為毫無肉味，近乎令人分唔出咩肉打咩肉。雞中翼用了奇怪醃料，味道好騎呢，咖喱雞全翼沒有味道可言；牛脷.......唔能夠comment，因為正常人見到果個樣都唔會有勇氣試。蔬菜，只有蕃薯、車厘茄、粟米及冬菇。粟米係用糖水浸過的，有好明顯的人造甜味但沒有粟米味，亦沒有牛油提供；冬菇好明顯洗唔乾淨，因為有沙。蕃薯我地比較食得多，因為算係正常味道，雖然其中一件係酸的。最基本的腸仔及丸類，丸只有兩三款，質地非常「純正」，因為係全粉團，不含任何肉質，以致根本無法分辨咩丸打咩丸，同食麵粉無分別，好明顯係批發貨之中最低價的一類。想找一點調味料自行「較味」，亦好困難，因為只有兩款唔知乜汁，外加一堆好明顯潮濕的粗鹽。想點？勉強算係最入得口的，是唯二兩種海鮮：秋刀魚及魷魚，以及叉燒。環境欠佳，因為空曠又無遮無擋，大風吹到頭痛，中途下起雨來

天氣乍暖還寒，朋友們想趁夏天前來個燒烤聚會，最後定好三月尾的星期六晚上。由於其中一位朋友為警察，所以地點方面我們選了交通便利的警察會，但結果因滿座而要再作周章。不想走太遠，價錢又要相宜，而且又要有位，最後在網上找到任飲任食，每位 $138 的菲律賓會。菲律賓會位於京士柏衛理道，雖是市區但交通也不算太方便。由於燒烤時限為三小時，所以我們等齊人才入場。踏上梯級，可見面積不大的一個燒烤區，但卻空無一人，原來沿梯再上，在草地旁才是我們燒烤的位置。那是一列狹長的走廊，一邊是流動的簡便桌椅，另一邊是一個個的方型燒烤爐，而中間則是唯一的通道。燒烤型式不是每人手持燒烤叉的自助燒烤，而是用鉗把食物在爐上燒，需站立之餘，且缺乏風味。我們曾問店員可否轉為傳統燒烤，答案是可以的，但每位要另外加 $20，而且燒烤時間不會延長，店員提醒我們時間未必足夠，似是不想我們轉換般。由於我們連大人小孩共十二人，每位加 $20 似乎不太划算，最後唯有維持原判吧。 另外，食物飲品則位於入口一邊的走廊盡頭，所以出入均要經過其他客人的位置，擠迫得來兼且在漆黑環境中很容易碰撞。 說回食物，這裡食物的選擇很少。肉類只有最普通的牛扒、豬

一月二日(星期六)。菲律賓會BBQ場是我去過、吃過既最很差之一個BBQ場。 環境迫夾無比,鄰檯與我哋兩邊都是背對背, 易有衝突。我哋既位置被安排在通往出口之要道上, 其他途人在我哋中間穿過很不是味道。想更換位置, 又話要加錢, 每位計喎。服務欠奉已經是小事。食物其差無比, 質素不新鮮本是預料中之事、所有肉類味道還帶點酸 、肉質還很(梅)。秋刀魚無清洗個魚肚”苦既”。咖哩魷魚就咸到苦。只有不用醃制既食物還可以接受。如腸仔、蒜蓉包、粟米、番薯 …吾通比$160就食這些。還好, 有限量樽裝忌廉, 罐裝康師傅飲品, 啤酒(珠江啤)就任飲。菲律賓會真識卓, 如每人花費約$160-$180, 『只計假日』每晚小計如有200人, 每月4個假日, 每月光是BBQ場便收十幾二十萬不等, 相信是菲律賓會經費主要來源之一。在OpenRice內他們打從2005年開始一直都是劣評之多, 到現在2010 年5年了都沒有任何既改進。鬼咩! 這麼垃圾既食物都客似雲來, 你話菲律賓會有需要改進, 有需要提供更好既食物來吸引客人嗎??好很差!!

好後悔無睇openrice食評先book.hk$138/位.我雞翼,法包,豬扒,牛扒,鴨胸,栗米,香腸,多春魚,紅賜,魚蛋,牛丸.汽水,啤酒任飲.除了紅賜,魚蛋,牛丸,栗米,香腸呢d基本野食都唔係幾好食之外,要醃的食物,真係好難食.燒了1個鍾頭,,數人頭數了3次. 有個女人,唔知係唔係老板,黑口黑面,去廁所,又問你地去邊. 好似唔想俾人去廁所. 最後我有d friend 因有事要遲d黎,我地都叫佢地唔好黎. 想坐多d燈的另外一邊, 食既野一樣, 低又話要加$20/位.總結: 未食過咁難食既燒烤. 同極之唔抵.

上個星期,朋友同我响度搞咗個farewell party,初初聽度原來係間bbq,諗住都唔荒有咩驚喜,點知最後所有人都好感動,好唔捨得首先,呢間bbq交通都幾方便,成班人由地鐵站撘的士去到都唔跳錶,每個人除開都係咁囉另外,野食算係咁,bbq都預咗無咩好野食,但係值得讚嘅係法包同雞翼,係我哋成班都鐘意食嘅野,之不過,問題就出現喇,bbq梗係想成班人一齊坐响爐邊燒嫁啦,但係呢度個爐真係細度佢…由於我哋嘅重點係想响走之前聚下,所以我哋食在個鯪鐘就坐低傾計,個侍應都好好,好快手就執晒枱面啲野,俾我哋可以安安樂樂咁傾計,而且個度係任飲,好暢快傾傾下,唔知佢係咪太得閒,個侍應主動要求話幫我哋影相,佢真係揀啱時候喇,咁我哋大大話話都有十幾人,人人都隊部手機俾佢,佢都唔怕麻煩,逐個逐個咁影,好欣賞佢,今時今日嘅香港,有咁嘅服務態度係咁啦不過最後最最最值得讚嘅係我哋超晒3粒鐘,個人都唔趕我哋,佢有問我哋加唔加鐘,咁我哋都唔食野啦,咁咪算囉,但係佢比我哋坐多陣,無人趕我哋走我哋超時成大半個鐘,過咗12點先走人,一直farewell都無人阻往我哋,啲職員真係好識做,好多謝佢地有幫我哋忙,令我過咗個好開心又好

7月27日是小弟的生日. 我透過朋友的介紹來到了"無國界菲律賓會"搞生日party. 當晚我們包了西餐廳, 這裡有冷氣,而且環境優雅,衛生還不錯!!! 這裡的食物應有盡有...牛排 雞排 豬排 雞翼連秋刀魚 多春魚都有...真的估不到!!! 味道方面: 總括而言,味道不錯, 最好味的是雞翼 and 雞排...當晚我食了十幾隻雞翼,哈哈!!! 在去菲律賓會之前,我都來過openrice睇介紹,見到有食家批評他們的服務態度,我都有點害怕!!! 但是當晚卻令我放下了心頭大石xD"...他們的服務態度並不是我想像中那麼差,不僅面帶笑容,而且在我們有需要的時候,他們都十分樂意為我們解決問題...令我和每一位朋友都十分滿意.我們玩得開心, 食得放心!! 令我有一個難忘的生日^^"菲律賓會的確是一個開BBQ party的好地方!!!

好後悔冇上黎openrice睇過d comments先book, 原本一個開心既聚會, 點知貼錢買難受!我地一行連小朋友53個人, 小朋友要先俾佢地睇過先決定收唔收錢, 一個4歲一個2歲冇收, 5歲都要收足成人價$148。6點book到9點, 總共俾左$7000幾蚊生意佢, 估唔到要受氣呢間野真係好差好差, 好想俾十個惡珍佢..............1. 服務不敢恭維, 差到爆果個短髮女人, 疑似負責人, 全程黑口黑面唔在講, 每次有新黎到的朋友, 都要重複由頭到尾數一次人數, 燒緊野食都要我地入番晒冷氣房內唔俾出入, 又唔講唔該同唔好意思咁就攔住出入口, 一個鐘頭數足8次, 我地數佢又話唔信我地! 佢自己唔認得d人又要再數, 自己又唔做d野去界介別我地! 如果佢真係做唔到咁多人, 控制唔到, 咁未唔好接咁大單生意囉!!!! 最後都係要我地自己剔名報數。2. 食物飲品食物總類少, d肉類顏色就有喇, 但係冇味囉, 唔覺有腌過, 所有野都係一個味, 又有烏蠅"嬲", 條魚苦既, 冇清內臟!!!! 入面仲有d黑色既腸!!!! 叉燒好肥! 除左garlic bread我地烘得好食之外, 真

唔駛山長水遠入去效區就可以燒野食確實係唔錯. 雖然話係鬧市附近. 不過因為佢地方大既關係, 係燒烤area附近都係d綠色既野, 環境都唔錯. 我哋被安排去2樓, 係隔離就有塊大草地, 唔錯唔錯. 百幾蚊任飲任食, 雖然話compare郊區算係貴左d, 不過慳番d車費都差唔多啦. 不過有少少失望既係, 佢呢到唔係用燒烤叉燒, 而係燒烤爐加夾, 開左爐之後就係其中一兩個人行埋去燒, 其他人係到等... 始終都係無係郊外燒野食嗰種齊齊圍住個爐, 一邊燒一邊傾計既樂趣. 至於野食, 佢哋既選擇唔係好多. 大路野一定會有, 只係雞翼豬扒嗰d全部都係得一隻味道. 雞翼唔錯, 好入味. 有秋刀魚燒, 不過好可惜, 佢哋並無清秋刀魚個肚, 所以食既時候好多人都覺得唔好食~~~ 其實秋刀魚個肚d野係要ling出黎先比人食, 唔知佢哋係懶定係咩呢. 蒜蓉包都好好味. 不過呢個應該唔關佢事~~~嘻嘻. 不過出面好多場都要另外比錢先有佢呢到有得任你食, 唔錯. 粟米好老, 有渣, 又唔甜.... 任飲: 啤酒, 樽裝cola同忌廉相信係好多人覺得抵既地方. 罐裝就係d大陸飲品, 其中一樣係康師傅檸檬茶~~~呢

平時我放工都10點,都會同d同事去食下野,果日我d同事話唔好去打邊爐,不如去bbq.....我諗唔係掛=.= 咁夜邊買得切野呀........=.=|| 點知佢話有個地方可以任飲任食bbq @@" 我地咪幾個人一齊去試下lo,原來係佐敦有間會所,式既bbq場,我地初初都覺得係市區都唔會好得去邊,點知去到好似去左大自然咁,周圍都係植物,旁邊仲有草地,最衰啦~~ 個草地唔俾人入去玩架,不過都岩既,個個都入去玩,咁就唔會有個咁靚既草地啦,我地覺得佢既收費都唔算貴,每人$118,再加開爐費$28,每人都係120蚊到者,都合理呀,佢地d野食款式大約20款到,都ok....都唔差......最好食係個蕃薯,粟米同叉燒, 呵呵~~~我食左好多,仲有雞亦同魚都好好食,d扒都唔錯......服務就最好笑,有個四眼姐姐佢好得意,佢好好笑容,又玩得.......我地成班仲想叫佢一齊坐低玩,不過佢返緊工就唔好令佢難做,其他人都好友善,呢種自助bbq無人走埋來煩你,自己鐘意飲乜食乜自己拎,我鐘意呀~~ 好過d人成日係你身邊唔知想點咁..........佢又有酒同汽水都係任飲,我地係果度飲左好多,最衰無啤

上個星期一朋友生日,一早話去無國界食點BBQ,冇辨法,上網睇左食評,做定心理準備,可能係咁樣,反而令我驚喜萬分。第一,落雨,但係安排左室內,保持靚靚儀容兼且冷氣開放,不另收費。第二,待應冇因天雨而待慢,反而細心安排放好我地D遮,夠窩心,走上走落,冒雨都為我地張羅,真心多謝佢地。第三,食物水平甚高,我十分鍾意佢地GE南乳雞翼,秋刀魚,鴨胸配喇吵汁。我地帶左2枝紅酒,經理只收左1枝開花瓶費,十分之識做。我諗今年我生日都會去,睇下冇落雨是咪一樣哈哈哈。

朋友suggest 去菲律賓會bbq, 聽到個名叫咩咩會, 以為ok 啦, 點知未去已經有人同我講話o個度好差, 所以最後都冇抱任何心態去, 諗住都係bbq 食o下o野..一行十幾個人去,有o的朋友會遲到, 但係佢一開爐就計時間, 所以最後都等o左一陣先開爐, 除o左人頭費$138 之外, 仲要加開爐費$28一個, 不過我o地有十幾個人, 所以開o左2個爐都係一個人加多幾蚊, 咁都算啦不過佢呢o的所謂既任食根本連20種食物都唔知有冇, 超少款囉, 正常o個o的雞翼, 牛排, 豬排都有既雞中翼o的味ok , 其他都係好似是旦整o的味上去就算..雞全翼同豬排係無色無味, 好似冇調過味咁最難食係o的腸, 外面好脆, 點知 inside 就好爛, o的朋友話好似雪o左好耐咁囉玉米同mushroom 就冇加任何調味, 不過呢 2 樣都出奇地好食, 玉米好甜, 幾好味成晚最特別就可以話係佢個蒜蓉包, 因為呢個好少會o係出面o的任食bbq 見到, 而且都有幾多牛油, 所以燒o左出o黎都幾好食..但係o的食物俾人拎晒佢o地就唔會再加,所以o的遲o黎既人根本o黎到既時候食物都已經冇咩choiceo的飲品

凡任何食材也愛試，煎、炒、煮、炸．．．做得好的話就愛吃，唯獨是港式燒烤即BBQ，再佳材料也不會弄得好東西來，實非自己所好，逢場作興一件起一件止，更徨論是任食。偏偏是日就要去燒烤兼之是「任食」的，出來行預了要還，硬著頭皮上吧。是一百五十元的自助式BBQ，一行十幾人包下偏位，安坐其中由鴨仔團專員負責燒烤，看過環境，似乎有秋刀魚、咖喱魷魚、雞翼、豬肋排、牛扒任添任吃，說到「任食」一詞，自然地Direct到「返本」，似乎單吃以上的食物，除非是大胃王能吃足十公斤，否則當交場租心會好過一點，最有價值又好好的似乎是支裝可樂，飲夠廿支足已回本。試過幾味，分別是多士、牛扒及雞翼，多士是是晚最好吃的，如勝香園蜜糖脆脆，這裡已預先塗上牛油，邊烤邊加蜜糖，幾次功夫後，香脆甜美；而牛扒，沒梳打感染，調味夠濃，以燒烤質素來說，可以，起碼比起小欖好；雞翼醃得夠味，竟然有米酒的香，有趣，不好吃亦不難吃。坐近三小時，周邊服務是零，衛生情況麻麻，惟一的好，是近市區，的士到旺角廿四元正，吃完早走早著！是日最大得著，是發現了附近一間順德魚鮮店，不日會來試的。P．S以自助燒烤角度去評的話，對市區人來說，不失為好選擇。