菲律賓會 - 無國界食點 (Closed)

日前見廣告後訂位,8人同行,見有些網友食評好壞参半,但女朋友喜歡就腳方便,有飲有食足3小時,環境空曠又可食煙,讚!同意之前網友談及有些食物無味道,相信是雪藏過度或者過左X,似以前啓得机場果檔BBQ就大件事,為左可以久放落d防X劑>.<食多d蔬菜保險d.講真,我寧願去巴西燒烤,起碼有d味道.

除夕晚去左同朋友燒野食.一心諗住市區交通方便同綱上評語唔差,所以去bbq,由于book左9點,但8點幾大家都肚餓,所以打左電話去問可唔可以早少少到.諗住加鐘(一個鐘每人加$20)係個度開心過倒數過除夕.打左電話去cfm 有位.早去冇問題.所以一行人殺上去諗住早d開始bbq.一去到.個經理態度超差話..你地book左9點ka 喎.我地話頭先打過來..你話得,我地先上來.佢態度超差.好唔願意咁幫我地開爐.跟住我地話要加鐘.加到12點幾.佢又話好..收錢個陣又多謝哂好好笑容.點知到11點幾.隔離來左一班新客.佢要我地比張放野食既枱隔離.但明明係一人一張枱.我地同佢理輪.佢竟然話:我地係咁ka,一人半張.你同另一邊share啦!又想趕我地走.check 我地張單(單收錢同寫鐘咭個個都係佢!)張單就係個陣唔見左..唔知係咪比伙記唔小心收左.我地叫佢返去check 下.我地比足錢加左一個鐘,到12點幾!佢先唔出聲.走左去!呢d 咩態度a!我都有錢足錢!如果態度好少少.我地好願意讓出張枱出來.真係一肚氣!食物唔多得.種類少.味道好淡,飲品有部份不知名飲品.環境又好迫!!總知冇下次.下次我情願去遠d!

生日聚會，友人已選址在此，交通便利。燒烤是以自助爐燒形式，大量肉類、丸類任君選擇，燒烤肉類是難以有入不了口的情況，即燒即吃，當然相對美味是略有差距。全晚賣點是有啤酒、汽水無限量供應，無疑是挑戰你的耐力。有室內、室外收費之分，當然室內的收費相對是貴一點，提供空氣調節、唱歌設備，但場內的佈置、格局是怪怪的，進洗手間、上樓梯時，有感是拍懸疑、驚慄片的背景。說說笑笑，旋即到達切餅時段，當然是晚食物的吸引力所在，就是那四磅至五磅裝Tiramisu，因這生日餅是出自五星級酒店傑作，味道是以中上作評分，只可惜這個蛋糕是非賣品，因它是某人兄長的特別心意。

星期日有個朋友要走,咁我地成班10個人想燒野食又唔想去咁遠所以梨左呢度燒烤,今次係第3次梨啦,呢度有夾燒同用叉燒兩種,用叉要每人加$20,即係成$158位,包3小時,同埋開1個爐要成$28,比上次去1個人$138仲貴左啊,不過佢地啤酒同氣水就任飲,所以我地隊左好多啤酒,如果加鐘就要每人加$20,食物方面都O.K.既, 最好味係豬頸肉,油魚同蒜蓉包,另外牛排,豬比都唔錯,仲有芝士腸,紅腸,腸仔,珍寶腸,秋刀魚,粟米,獅子狗,魚旦,燒賣,雞腿,雞翼,墨魚丸,冬菇,番薯,雞排等等,不過如果去就SUGGEST大家一定要帶醬料囉,因為果度只供應鼓油,茄汁同好欺既HONEY咋...

佢d 食物選擇好少! 同埋真係好難食! 佢d蜜糖壺一噴, 就會攪到成手都係!!! 野飲係任飲! 不過千祈唔好飲佢d啤酒! 好似飲水咁! 飲2打都唔會wing!以後都唔會再去了!

7月1號~我0係菲律賓會攪左個好成功既party~響度多謝佢地既安排~我訂左係餐廳裡面,冷氣超豪bbq~場地ok la,又有feel.睇到出面有"paul"大榕樹,好鬼有歐陸風格~!卡拉ok歌又新...食物就見人見智啦...因為我都唔係一心黎食野....酒水勁多野揀...班fd全部飲到貓先走.....最衰係任飲啤酒..好彩我識閃..全部暈低得我冇野...幾威~哈哈~~~~d fd都勁話ok~~so上黎吹吹...

If you are price oriented, you can go for this restaurant, otherwise, please don't think about it and don't even put it in your consideration list.I never had BBQ buffet in a reataurant worse like this one. They said they have a lot of food provide, including this and that, but, ... it is not the truth. When you paid for your BBQ buffet (you have to pay before you start your BBQ), you will find some of the food they mentioned will not appear during the whole BBQ period.Except the food, the ser

約左d舊同學仔為某一個慶祝生日, 訂左十幾位, 戶外bbq,時限3小時任飲任食, 好早book左, 臨到前一兩天居然話比人包場, 踢我地去另一邊, 仲要加番d錢. 咁好啦, 加少少都無計啦, 約好晒~ 由於天氣唔好, 剛坐落o既時間已經有雨粉, 叫staff開摭比我地, d staff竟然話再大d先開, 到到我地個個都要攞住摭bbq佢至死死地氣攞住一把大摭上黎比我地. 但我地咁多人分左兩張枱, 好明顯應該比2把囉, 佢地踢一腳郁一下, 到到臨走前9個字, 雨再大d先至再攞多把, 小喇叭.. 十幾人用一個爐,食物質數更加唔洗講, 腸仔, 丸類d味怪怪地, 栗米似發育不良---唔新鮮, 燒完好靚, 但咬唔到落去! 獅子狗食落好似咬面粉,無味! 還看見staff將人地包場食淨d野倒番入去我地去攞食物o既地方. 而果刻開始, 我地哩邊至開始有獅子狗食咋, 你話幾正~ service? 完全唔掂. 淨係識得入場時"目及"實你入場點人頭囉, 埋單$153/位. 超唔扺! 我都無乜mood食~

我昨日同幾個fd諗住燒野食, 唔想去周圍搭車, 又o係附近睇完戲, 呢度始終係市區, 比較就腳~ o係旺角一齊坐的士去, 好快就到之前已經book左位, 佢星期日至四就收$98一位, 假日就138一位, 再加開爐費$30佢既食物, 我o個日食既, 有肉類:有丸(魚旦, 牛丸,豬肉丸), 腸(紅腸, 司華力腸, 雞肉腸), 豬頸肉, 雞翼, 雞搥, 牛扒, 雞扒, 金沙骨, 魷魚, 多春魚, 秋刀魚其他食物方面, 有冬菇, 粟米, 沙律, 蕃薯, 蒜蓉包。飲品可以任飲同埋都幾多款揀, 有樽裝既有罐裝既, 又有啤酒, 好多其他燒烤場都係得2枝汽水飲, 呢度算唔錯, 而食物方面, 都ok好食~ 雞搥, 魷魚都幾好味環境都算唔錯, o係草地隔黎, 不過地方細, 唔太光, o的枱好逼~ 同埋遺憾在佢個爐細, 又唔可以每人拎住隻叉一齊燒, 得1, 2個人圍住個爐用夾黎燒至於我o個日o的員工態度..又冇咩特別, 唔太好又唔太差咁lor假日貴少少, 但係, 咁近市區有咁既地方, 我個人覺得真係算ok..

下着毛毛大雨的晚上去無國界食點BBQ, 叫菲律賓會會多人識d. 打的去, 因為地鐵站行去又係幾遠. $98 任飲任食, 係榕樹下用網BBQ 係另有一番風味既.特別少少既野食有冬菇同麵包, 其他既就係豬扒雞扒魚蛋等等. 但唔算好食, 較好味既算係金沙骨, 雞翼都ok. 啤酒有兩款揀, 一款係Brick, 另一款唔記得. 隔離有張枱有雀糞, 很可怕.

一早book左呢度...仲比埋deposit...朋友就話呢個網站有好多關於呢間野既劣評....心諗都死梗喇~訂又落左..之但係去完之後又覺得唔係文中所寫得咁差勁...班fd臨去前就詐哂型,我都唔知點咁...去到之後環境好,交通又方便,d野食又都ok,服務都ok..可能個場唔係好大,一舉手就有人過黎,d侍應看來年紀輕...都預左佢冇乜經驗..但我覺得總好過有幾件老西餅黎招呼我,我去果日係星期六..自己又衰人多都唔早1 week book定,我星期二打去wed落訂先留到比我...因為我想book榕樹下靚位,所以先俾138..138既自助餐講真都可以講係比較大眾化既價錢...佢地既服務食物我地都唔敢抱咁大期望,畢竟我知道唔係坐0係5星酒店食...好彩..我班fd坐落都覺得ok先冇再怨鬼我...反而我地就覺得奇怪...點解呢度d食評可以鬧到咁一文不值??但好似某幾篇又覺得冇乜問題??雖然話就話顧客至上...我地做客可以批判餐廳..有好有壞....我們相信..顧客亦然~~!!

我係回應fat88fat 的食家架, 其實0個度都唔係佢講得咁差, 基本上0個度係無service, 不過態度都良好, 下雨時我地自己開傘, 佢地既waiter都主動幫我地. 不過講真0個句, 食物方面就真係麻麻地喇, 只有蒜蓉飽係最受廣大朋友仔歡迎, 其餘的食物就無乜選擇既, 環境就細D, 一定要book 位先好去喇!不過, 我地都要多謝fat88fat既評語, 因為我地成班抱住極差既心態去諗住試下, 結果, 的確係比想像中好D既!

18號同朋友慶祝生日，想bbq又唔想煩，所以就試下呢度大家都唔知呢度既exact location，唯有打的上黎啦...上到黎見到...原來好細ga咋，同網頁講既都唔同...地方又污糟，最慘係隔離檯d人好鬼嘈，講野大聲不特止，仲講埋d有味笑話，d waiters又賤格，周圍撩女仔，偷聽我地講野仲走黎撩我個fd，真係好難頂原本$98任飲任食都ok，點知話臨近聖誕所以要$138一位, 食物無特別，唔好expect有咩貴價野，最驚係去toilet，一到11點就無咩人，去toilet要行樓梯落basement，o個度一個人都無，靜英英，擺晒d檯布同屏風響度，真係超級驚，好彩有個fd陪我，如果唔係我實番轉頭，感覺真係好恐怖......大家仲好天真咁以為d乜乜club應該都ok，點知呢度咁唔掂,staff同客人都好無質素，仲收人$138一位，唯一好d就係有少少夜景睇下......唉......

態度差、食物差、服務差... 一定無下次~~~

知唔知點解呢間野鬧極都有咁多人幫襯?以我為例,我每年春秋兩季都會幫襯3、4次。無論一家大細,或柴娃娃一大班人都鐘意去這間餐廳。可說是愈食愈旺。這裏雖然服務態度不至於一流,但永無投訴需要。那位靚仔老板每次都會過來打招呼呢!如果要食高級燒烤,我自會去食Teppanyaki 。講真,又真係時時見到老板與客人理論。爭拗的總不離開超時結帳,要打折(明明11位要比10 位錢), 食完還要拎走等等。其實呢D係老板問題還是顧客問題呢? 希望老板快D加價,咁就可以少D講價客。唔使成日滿座。