皇后燒烤 - 盛宴BBQ (Closed)

大食妹今日約咗一大班朋友仔去燒烤，香港好少有燒烤場係鬧市附近朋友仔介紹左呢間位於伊利沙伯醫院附近嘅皇后燒烤，佐敦站出行多大概5分鐘就到喇，位置算係十分之方便<日間燒烤$228>一間燒烤加埋一都係$250一個，嘢食任燒，飲品任拎，仲有雪糕做甜品，晏晝12點可以燒到5點鐘，價錢都算係好抵食物種類算係好多，牛、豬、羊、魚、海鮮樣樣齊，仲有唔少丸同埋蔬菜揀至於飲品，除咗有汽水果汁之外，仲有啤酒紅酒任飲雪糕就係雀巢雪糕，雖然唔係話咩高級品牌，但係勝在有唔同嘅味道可以揀鬧市中有個咁樣嘅燒烤場，環境又唔錯，得閒會再同朋友仔再嚟㗎

抓緊冬天的尾巴去bbq，圍爐取暖🤪原來油麻地都有bbq，唔洗去到大尾篤咁遠☺️.入面有飛鏢機、足球機、街機玩~.Bbq一定要燒雞翼，呢度提供錫紙比你，如果唔想用叉，可以用錫紙放晒d野上去，懶人恩物🤣.海鮮有生蠔，扇貝，海蝦，青口，多春魚，真係加晒分，值回票價啦！.值得推介嘅係燒菠蘿🍍，呢個要直接放爐上面燒，燒焦一面加蜜糖再燒一陣，有少少坑紋勁正！🤤.飲品比預期中多，除左基本罐裝汽水，綠茶烏龍茶啤酒之外，仲有白酒紅酒任斟，正😛.因為圍數唔多，有私人空間又唔怕迫😍 望住🌙燒嘢食好浪漫好relax❤️

在鬧市中都可以約朋友BBQ， 位於油麻地京士柏衛理道， 昨晚我們揸車去，地點方便。 星期五大約八點到達， 燒到九點半就要走了，因為要趕住去睇戲。 晚上大約$295 一個， 唔知係咪有加一或者開爐費？ 因為我見到星期五至日價錢應該是$268， 平日價錢是$228。食物方面有豬頸肉， 金沙骨， 雞扒，一口牛，煙肉，脆皮腸，芝士腸 ，生蠔，青口，扇貝，蝦，雞翼，番薯，栗子，茄子，菇類和不同種類的丸。 但當晚沒有羊架，有點失望。雞扒醃得好入味， 燒起來嫩口好味， 一口牛味道都唔錯， 大蝦新鮮好味。 飲品有很多選擇， 汽水，啤酒， 還有紅酒和白酒，好齊全，最後記得留肚食雪糕啊！燒烤其實好多工序， 如果沒有時間準備食物和燒烤用品， 到這些任飲任食的燒烤場都幾方便。

朋友之前黎過，話呢度燒野食每人$228，可以任飲任食，勁抵呢到以市區黎講，燒烤場都算幾闊落，仲可以係室內打機同休息，算係幾高質！一開始職員會幫手開爐，幾nice。食物方面，呢度既種類都有好多，差唔多成百款，質素都幾高。個人最推薦海鮮類，超級回本，係必食！海蝦雖然係急凍，但燒出黎都好彈牙！另外蠔同扇貝都好有鮮味！燒烤必食既雞翼有好多味可以揀，有辣有唔辣，味道都唔錯。另外仲有漢堡扒、牛脷等等都幾好食！總括黎講，去自助燒烤場乾走淨腳真係好正，又唔駛透爐，又唔駛買野搬野，食完唔駛執野就走得！下次想燒野食一定會再黎～

聖誕節當天，大家一大群人到衛理道菲律賓會的皇后燒烤lunch BBQ自助放題，優點係的確有哂青口、羊架、一口牛、生蠔、扇貝和豬頸肉，但海鮮們都比較細小，味道一般，但牛、豬、羊都鹹，金沙骨和豬扒正常點。但花甲和蝦卻不錯，而且size不細。又有任飲韓國罐裝飲品、啤酒，環境雖小但勝在集中，又有梳化位。當然，假日268元看來只試一次就夠。沒有風景和走動地方，但一家人只為燒烤，圍著燒都不錯，因食物、用具已備。

呢幾日天氣開始轉涼 終於有返冬天嘅感覺開始凍就好想去燒嘢食 但係又唔想去到小欖屯門嗰啲咁遠上網搵咗一輪 原來市區竟然有燒烤場 就喺菲律賓會入邊地點一流 位於京士柏 無論係黎定係走都好方便每人只係$228 可以十二點燒到五點 燒足幾粒鐘任飲任食 包埋燒烤用品 而且食物種類比我想像中多雖然燒烤場係露天 不過地方乾淨 燒烤食物同飲品擺放整齊衛生工作人員好快就幫我地點着爐火 而且擺低蜜糖 紙巾 紙碟 夾等等師傅透爐好快手 唔使幾分鐘就可以開始燒嘢食食物種類多到眼花撩亂 有雞中翼雞全翼豬扒牛扒生蠔扇貝 等淨係雞翼都有幾種 我最鍾意香草味 好入味除咗肉類當然仲有香腸魚蛋燒賣等等食完鹹野梗係要食甜品 佢有好多唔同種類嘅雪糕杯不過我哋選擇咗加錢買棉花糖 整燒棉花糖多士🤩再唔係佢有蒜蓉同牛油 可以自製蒜蓉多士燒吓食吓傾吓計 好快就過左幾粒鐘好彩呢度位置通風 唔會燒完一陣味食完慢慢散步去附近行吓街 位於市中心就有呢個好處 絕對有下次👍🏻

天氣超凍勁想BBQ，但羅焗腸話燒烤產生嘅二噁英仲多過tg，咁點呀？冬天點可以唔燒烤呀？凍起上嚟餓起上嚟命都本出去，一於同你嚟個對足燒烤爐幾粒鐘嘅實驗好正喎，入面有飛鏢機、足球機、街機玩景觀一流，又唔使去小欖咁遠，聽吓網球聲都幾寫意師傅透爐非常快手，唔使幾分鐘就燒得裡面有幾種基本醬料供應，仲有牛油𠻹有生蠔扇貝燒真係加晒分好多唔同嘅材料任君選擇，好難揀呀竟然仲有白酒紅酒任斟？正呀大量啤酒提供用叉用得攰可以用錫紙包住燒記得留肚食雪糕呀我地自創燒多士新食法除咗酒，老少咸宜嘅飲品都好多。對足個爐幾個鐘，唔係好感受到二噁英嘅威脅，反而燒吓食吓，身心愉快得很

今次突然去燒野食，估唔到在佐敦附近都有這樣優質BBQ餐廳😘, 優質食材很不錯😋。佐敦B2 出口行10-15分鐘，都幾方便，有時約人BBQ唔使走到老遠，真是一個不錯的選擇！門口就比較隱閉，經過菲律賓會所側邊角落有個門口，按下門鐘仔就可進入。價錢$228/位任食，BBQ燒烤愛好者真心推介🤩因為圍數不太多，所以唔太迫同有私人空間！❤天台上看到🌙同遠境都很浪漫架！❤❤係一個放鬆好地方。香茅雞翼：至愛的雞翼樣子普通，香茅味很野味唔辣🥰，燒完面很脆，像燒雞皮咁❤很特別。蠔：部份都很肥美，新鮮唔腥很不錯。秘密要加上雞翼汁和牛油一起放爐邊燒，燒一陳用刀起肉反轉燒一會，不要燒過熟，朋友讚我燒得好，點先叫very骨😏😏😏，去相片睇睇就知幾完美🤤, 最好自備1把刀仔。😋😋蝦：雖然雪藏蝦，但要用大火燒蝦肉先都彈牙😘❤👍🏻，但要睇火亞老友，不要只吹水，記得放中間大火燒，細火燒會霉架，師傅教路。栗子：放在網上燒栗子不要石紙包，放爐邊慢慢燒，真好好味亞🤤。青口：本來都熟的。加點牛油輕燒熱可食。放爐邊燒，味道也很好❤❤❤，因為殼很薄會爆殼架，小心小心。燒菠蘿：真係要直接放爐邊燒，勿用石紙😏😏😏，燒焦一面加蜜糖再燒一會

秋風起想BBQ , 唔想去到新界咁遠，就連美孚九華徑都覺得有啲隔涉！所以今日就揀左去油麻地呢個燒烤場！呢度環境都幾闊落。燒烤爐有烤架提供，鍾意用燒烤叉又得，放哂上去燒又得呢度任食任燒之餘，仲要係任飲！任食既食物除左包括一般雞翼、豬扒、丸之外，仲有好多特色食物同埋海鮮。例如有大人細路都終意食既漢堡扒，我見隔離爐就起碼燒左二十塊另外又有羊扒、牛舌等等！都係啲貴價野！而海鮮就有蝦、蠔、扇貝、青口等！淨係食海鮮都夠回本！飲品邊面，除左有汽水，茶之外，紅白酒、啤酒都係任飲！！！另外雪糕又係任食仲有娛樂區簡單黎講，黎呢度bbq 好難蝕本！連一般燒烤場用黎賺錢既野飲，呢度都任飲！真係一個價錢唔駛煩而且又唔駛自己開爐、又唔駛自己執野、地點又夠哂方便！下次再有gathering 想bbq 都一定揀呢度

公司攪聚會，有同事說秋天天氣涼燒嘢食最好，早前佢成家去衛理道的皇后燒烤，食物有質素入美味，地點旺中帶静，交通便利，任飲任食包埋燒烤用品，燒烤應有的食物都好齊全。大家都同意去試試，安排咗今晚去燒嘢食。燒烤場是露天的，地方整潔。設有自助區，燒烤食品和飲品擺放整齊，分門別類，清潔衛生。重有機動遊戲等設備供客人享用。有工作人員為我們點着爐火，每枱配有蜜糖一杯、紙巾、紙碟、大小夾和2隻自取燒烤食物的碟。食物新鮮種類都有好多，燒烤必食的醃肉都好入味，雞翼有中翼和全翼、豬排大大塊、牛排、羊架等肉質軟嫩入味！虎蝦大隻又彈牙。還有燒生蠔，生蠔新鮮冇腥味。同事們邊食邊傾，盡興而回。

好耐冇燒過嘢食啦我地住市區嘅燒烤場選擇唔多之餘，我好怕燒完走果陣成身燒烤味仲要撘一輪車先返到屋企最近發現原來佐敦菲律賓會都有任食燒烤場，2百幾蚊可以由6:00燒到11:00，雖然個場比較細，但位置都幾通風，ok的食物方面都算多種類，每款嘅醃味都有少少唔同的，都有供應海鮮。不過我燒嘢食主要係瘋狂咁食廚師腸同麵包。蒜蓉，生油，醬油同錫紙都有齊㗎，唔鍾意網燒都可以用返烤叉我對燒麵包嘅要求好嚴格㗎，要脆但唔可以燶😂之後加蒜蓉牛油同蜜糖，超正的飲品都係任飲的，可惜冇可樂😢但係有而家好少地方買到嘅碧泉蜜桃茶呀😍最重要係夠近屋企，食完可以慢慢散步返去

以前都唔知呢個位有得燒烤，無意中發現「皇后燒烤」。發現所提供食物種類都好多200幾蚊連燒蠔、扇貝、蝦、青口都有，而肉類亦都一d唔失禮，羊架、牛扒、豬柳、豬頸肉、厚切鴨胸，一應俱全，我相信食肉獸都滿足到，另外更有栗子🌰提供，真係好應節，而丸類、腸類同蔬菜等亦有充足供應，真係方便過自己買野去沙灘bbq👍🏻以下係我覺得係不得不燒既食物👍🏻羊架油脂充足，無騷味，有種入口即溶感覺👍🏻豬排燒完有陣漢堡扒味道，係靚既位先有呢種味，唔係一般雪藏豬排可比擬👍🏻扇貝配上店內無限提供的牛油及蒜蓉，簡直突顯其鮮味👍🏻一口牛夾堆牛油蒜蓉，有種鐵板燒既應覺👍🏻咖哩魷魚大隻厚肉，濃郁咖哩味，真係一食再食店舖更無限提供各類飲品，如汽水、牛奶忌廉、檸檬茶、甚至有啤酒、紅白酒提供。真係一個價錢包晒所有需要既野，唔洗再俾爐錢、炭錢同酒錢，真係抵到爛。

成日都好想一班朋友去燒嘢食但係旺角嗰啲天台燒烤比較污糟美孚有好處比較遠， 大尾篤就唔使講啦啱啱畀我知道咗佐敦菲律賓會有一個燒烤場就梗係去試下啦，呢度bbq唔限時間， 二百幾蚊一位任食環境比較 細但係 五臟俱全，人多嘅話可以坐房入面， 入面有得玩飛鏢出面嘅位就啱 四至六個人齊排排坐，佢哋就好似美式燒烤咁樣，有個網喺上面或者利用叉燒都得你坐好啲後就會有專人幫你透爐㗎啦講下啲食物飲品房仔入面有一個飲品櫃，仲有一個開放式雪櫃， 入面 食物種類都幾多都算係新鮮嘅， 可唔好食就見仁見智啦不過一班朋友嚟燒嘢食就唔理啦主要都係想大家傾下計， 呢個價錢有咁上下嘅質素都好㗎啦

香港都有靜靜地，而設備又齊完的樓上燒烤場！（有點驚訝）因為朋友有優惠券，所以就來試下過家燒烤店。一到空間很闊落，而且很整潔。食物、飲料都係放在室內房間，需要就入去自己夾。有齊50多款的燒烤材料，都幾抵食～而且職員好貼心準備好每一枱的餐具紙巾，還會幫忙開爐～最推薦是海蝦和雞翼。海鮮都是有冰保溫，相對新鮮，而且很鮮甜，是最快被搶光光的食材之一，哈哈～而雞翼是很入味，辣辣的，不會有雪藏味，不錯。食完主食還有麵包、水果等等可以自己夾取，很飽很滿足，而且環境加分！

呢度真心不能接受，當日牛油同羊排變酸 , 海鮮唔新鮮，麵包都放在雪櫃, 雪到硬晒, 蜜糖開水好淡冇味, 腸仔同雞翼叫好少少,  同片完全唔同,  連埋開爐費, 每人要$170, 片中話有水果甜品, 果日都冇, 唔會再去！