烏蠅館 (新都城中心二期) (Closed)

今晚同同事慶祝生日，佢揀咗去這間小店食烤魚。店舖有幾張二至四人枱，整齊企理，環境光猛。有烤魚和火鍋，前者係我地嘅選擇。有三款三峽烤魚種類及四款口味，揀好後就用QR code點火鍋配料、小食、粉麵、飲品、甜品等等。食火辣辣嘅烤魚當然要配凍飲，我要杯檸檬百香果QQ（$28），選三款配料，揀咗桃膠、雪燕和寒天，好豐富！同事要杯雪梨玫瑰檸蜜（$28），內有雪梨乾、玫瑰乾和檸檬，兩杯都味道酸酸甜甜，好解渴。揀咗招牌香辣烤海鱸魚（$298/原條），都幾大條，啖啖肉，而配料就有雞脾菇、白蘿蔔和紫洋蔥等。全條魚煎至金黃，滾起就可動口。鱸魚肉結實爽滑，滾較長時間都唔散爛，仲越來越入味，辣得過癮。當然要點啲配料，最鍾意係大部份配料都有全份或半份選擇，可以試多幾款。最後揀咗鮮淮山片（$19/半份）、豆皮（$14/半份）、濕炸枝竹（$15/半份）、油麥菜（$17/半份）和唐生菜（$17/半份）。鮮淮山片、油麥菜和唐生菜都好新鮮爽嫩。豆皮和濕炸枝竹就有咬口和豆香。另外都點了份滷牛筋 （$58），以為就咁食，但店員都建議我地滾滾佢。腍嫩黏滑，鹹香入味，正！墨魚滑 （$46/半份）幾彈牙，內裏混入不少墨魚粒，好有口

叫外賣，正常入到去問人張外賣單有未，職員都會答你有或者冇，冇都冇所謂咪等吓囉，但嗰個男人完全唔知做乜嘢，完全唔俾反應望你又唔望你咁，講嘢又對住張枱講，好似我殺咗佢全家咁。跟住企咗5至10分鐘，先發現原來個外賣一早放咗喺出邊。啲嘢攤凍晒都不在話下，我嚟買嘢食仲要受佢哋氣。其實唔想返工都唔使咁，想搞到間餐廳執笠以後唔使再pack外賣好未？呢間嘢真係唔會再食，間嘢幾好食都冇用，食飯送你一啖氣。如果大家想俾人鬧下可以試吓去呢度食。😏

烏蠅館是個人較喜歡的烤魚專門店，今天便來到將軍澳分店一試。特色泡椒烤魚清江魚$348 。清江魚魚肉鮮嫩，幼骨比較少，可以不用擔心太多幼骨，放心地吃。泡椒湯底帶點酸辣麻香的味道，令到人不知不覺把整條魚吃掉。百香果寒天綠茶$33，百香果的酸甜味道濃郁，綠茶香味適中，整個組合是個人最喜愛的。酸梅寒天綠茶$33，味道酸酸甜甜，寒天爽口彈牙，綠茶香味適中。燒雞皮$12，雞皮香脆可口，是一道不錯的小食。烤腩肉兩串吋$16，腩肉肥瘦均勻，脂肪甘香，非常惹味。萵筍片$28，鮮淮山片$38，唐生菜$32，這些蔬菜放在泡菜湯內，吃完魚之後，又可以清洗油膩感。

烏蠅館係我好中意既餐廳，去過尖沙咀 紅磡 寶琳，都食過好幾次，每間分店既職員態度的確係差，當然又會話大家打份工，咁算啦，但今次去寶琳呢間，唔見平時姐姐轉左個後生既女仔，佢差得嚟仲要唔比反應你，你唔知可以點？ 間餐廳已經細，佢要分烤魚或冒菜，如果食冒菜會大家逼埋坐一邊，但係勁逼，逼都算，仲要滴水，你要求換枱，望住唔比反應，咁自己郁，但隔離成個水桶擺枱面勁污糟又唔會搬開… 然後啲餐具盒 又勁污糟又有死左既昆蟲，相就唔影，現場去睇都可以，應該似唔會洗，因為啲漬勁耐無洗咁！啲食物，我食過咁多次，第一次係唔熱，食落去係岩岩暖左咁，然後叫紅糖糍粑問左可唔可以後上，話可以，點知轉頭就拎左出嚟，問返佢「唔係可以後上？」佢又hand左機唔比回應？ 然後就話想後上咪後上，咁我諗都係就咁拎返廚房，所以就算，但呢間分店真係唔會再去

對於辣椒唔係好接受嘅朋友，這款微辣蒜香口味烤魚是絕佳的選擇！🧄蒜香的味道濃郁，與微辣的口感完美融合，令人回味無窮。魚肉鮮嫩，入口即化，🌶讓人忍不住一口接一口。烤腩肉串，🐷外脆內嫩的燒腩肉，每一塊都讓人回味無窮，脆皮配小酒勁好食，鹹甜的搭配非常和諧，🔥入口酥脆即化。紅糖糍粑熱乎乎的很好吃，🥢軟軟糯糯又爆漿，朋友說吃完烤魚，再吃糍粑更美味。紅油水餃🥟濃郁的辣椒油微辣過癮，皮薄餡料滿滿，好吃。

諗住同朋友食餐好嘅，叫咗唯一唔辣嘅蒜蓉烤魚。原來蒜蓉烤魚呢個底係冇醬冇湯，只係得蒜蓉同埋油。食完條魚佢可以幫你加湯，但係啲湯係冇味，搞唔掂仍然好多油，目測2cm厚。 最大獲係已經叫咗響鈴（如果照食嘅話等於夾張紙巾入去個油池嗰度再放入口） 咁不如叫多個冒菜，起碼有啲湯浸下。 點知，店員話老細話烤魚同冒菜唔可以一齊點。我哋問點解，佢話總之規矩老細話唔可以。 咁我哋問佢可唔可以退返個響鈴？因為完全食唔到，佢話佢明，不過唔得，因為已經離開咗廚房一段時間，用唔返。 咁我哋叫佢提議吓有乜食法，佢話一係幫我哋煮熟佢，我問係咪用熱水，佢話係。因為我哋冇叫唔冒茶，唔可以幫我哋用湯煮。（咁咪即係等於食濕紙巾，冇味）同一時間其實好多人排隊喺度等緊外賣冒菜。 我哋問可唔可以開新單，外賣之後喺度打開嚟食？佢話，er…..咁我退返響鈴俾你哋 呢個環境，想支持一下本地餐廳都冇計，冇下次

老公話想食烤魚，第日放假，放工後一於去食，慢慢嘆，唔驚夜返屋企。將軍澳呢間分店細細，食客多，氣氛熱鬧。蒜香烤魚：珍珠班$268兩個人叫咗比較細小嘅魚類，珍珠斑。老公唔食得辣，所以叫咗唔辣嘅蒜香味。我哋發現原來佢仲有得要求少油少鹽，健康嘅我哋當然要啦。烤魚即叫即做，煎魚需時，等咗一陣烤魚上枱，烤魚香氣撲鼻，蒜香味十足，條魚煎得金黃，肉質非常嫩滑。烤魚嘅配料有蘿蔔，雞髀菇雲耳，吸收晒濃香的蒜香醬汁。雖然是少油少鹽，但已經很夠味。食完條魚就可以加湯食火鍋料，d丸類，餃類可以叫半熟，方便放烤魚鍋灼熟。西洋菜餃$68真材實料，西洋菜爽口，皮薄餡靚。魚腐$52我地好鍾意呢個，質地軟腍，好鮮味。牛丸$48Size 細細個，彈牙，牛味都濃。魚皮餃$42魚皮餃不過不失，皮可以再煙韌d。四川土豆粉$28印象中第一次食，原來煮熟後會變透明，口感Q彈。油麥菜$32好大一碟，新鮮，洗得乾淨。

烏蠅館⭐️招牌香辣烤魚⭐️精選牛板腱⭐️鮮淮山片⭐️四川寬粉⭐️丸類雙併 （墨汁墨魚丸&貢丸）⭐️娃娃菜最近同屋企人好想食烤魚，揀咗去將軍澳嘅烏蠅館。 招牌香辣烤魚揀咗食鱸魚，因為鍾意嫩滑啲嘅魚肉，成個烤魚都超級惹味。提提大家餐廳有得揀少油少鹽，推薦想食得健康嘅人可以request。除咗烤魚之外，我哋都叫咗啲火鍋配料，想順便打邊爐。個人推介精選牛板腱同埋四川寬粉，兩種都係容易入味嘅食材，放落個烤魚度煮幾分鐘已經好好食。我見餐廳入面好多人都有點佢嘅四川冒菜，如果下次再嚟嘅話應該都會想試下。

烏蠅館 📍將軍澳寶琳欣景路8號新都城中心二期G樓G10號舖⭐️精選A餐 淨餸菜4款 $47+$5麵2碗都揀咗四款冒菜✨鴨血、鵪鶉蛋、雞肉、魚皮餃 +麻辣湯底揀咗BB辣都超級辣🔥🌶️ 鍾意食辣嘅朋友仔可以試吓大辣個味道有啲似食緊麻辣燙✨蓮藕、芋絲、鴨胸肉、芝士丸 +滋補菌湯底個湯底好重菇味，幾香👍🏻⭐️地瓜球 $26唔係空心地瓜球，內脆外軟！⭐️紅糖糍粑 $26呢款竟然係流心糍粑！滿滿嘅紅糖夾心好正🤍#fookdie寶琳 #fookdie將軍澳 #fookdie麵 #fookdie辣 #寶琳美食 #將軍澳好去處#香港好去處 #香港夜繽紛 #台灣美食

個爆漿紅糖糍粑真係好鬼正 我係當下午茶買嚟食 專登嗌外賣佢 冇嗌佢啲其他嘢食 係新鮮咋 攞上手勁熱辣 然之後一咬開 啲糖漿爆曬出 真係勁邪惡 同埋唔算好甜 外脆內軟 真係勁正記得一定要趁熱食 凍食完全係嘥咗舊嘢

上次食完尖沙咀分店就一直念念不忘😭今次黎將軍澳店再食過‼️一樣座無虛席…同樣食完烤魚就可以加湯Binlo🥢一次兩個願望🌟高質烤魚🌟高性價比🌟!!🧚🏻‍♀️~~~~~~~~~~~~~~~~~~~~~~~~🧚🏻‍♀️🟢 —— 蒜香烤海鱸魚｜少鹽 少油 $298原來食魚都可以啖啖肉!!🤯怕骨人士放心叫!! 海鱸魚細骨較少魚肉口感結實爽滑, 約650-750g重蒜香口味濃郁✅食材吸盡湯底精華～仲配埋雞脾菇 蘿蔔 洋蔥 等配料!!🤰🏻🟢 —— 嫩滑雞肉 $68雞肉份量超多💯食落肉質嫩滑掛滿蒜香湯汁好惹味!!🟢 ——牛丸 $48一碟十粒👍🏻咬落爽口牛味濃郁!! 會爆汁添!!🟢 —— 滷牛筋 $58牛筋滷得入味, 煙韌有口感想入口即溶嘅仲可以自己煮耐啲～🟢 —— 四川土豆粉 $28份量同樣唔少, 土豆粉嗦滿湯底精華超正!! 未煮之前一條條硬梆梆估唔到食落似銀針粉嘅煙韌版～🟢 —— 燒腩肉 $16/2串特式推介!! 腩肉烤至金黃色💥滿口油香好邪惡🧚🏻‍♀️~~~~ ᴛʜᴀɴᴋ ʏᴏᴜ ~(˵¯̴͒ꇴ¯̴͒˵)~ ꜱᴇᴇ ʏᴏᴜ ~~~~🧚🏻‍♀️p.s. 店鋪係商場外都不停有人入黎爆滿嗮🤓咁就知有幾正啦～✏️整體評分：#

開左一段時間既烏蠅館，見到好多人都揀冒菜一碗碗湯粉但我今次就想試下烤魚，有三種魚選擇，珍珠斑、海鱸魚同埋清江魚。而我地揀咗清江魚同埋招牌香辣（中辣）。魚好大，4個人食都足夠魚肉唔會太老同無腥味，湯底香辣，啲辣味越煲越濃，好過癮烤魚本身已經包括芋絲、蘿蔔、雞髀菇仲有我點咗烤魚必備既寬粉，萵筍片、豆卜、鮮淮山，全部都好夾個烤魚湯底，好味好味。飲品方面，今次試咗黑糖珍珠鮮奶，唔會太甜 幾好下次再試埋冒菜先

烏蠅館 又嚟烏蠅館食三峽烤魚最鍾意佢哋烤魚種類同口味選擇多今次兩個人食🥢叫左珍珠斑🐟入口肉質幼滑、味道鮮甜～唔錯湯底簡左～招牌香辣烤魚使用超過30種材料，味道濃香我就揀咗小辣～先食烤魚～再加湯打邊爐珍珠斑烤魚本身有調味～加上炸香～口感一流湯底愈煮愈香～食完烤魚加入自選配料豆皮、四川寛粉、風琴豆腐、唐生菜🥬配料吸收哂湯底精華～好味啊除左烤魚仲有小食、串燒叫左麻辣豬耳～爽脆香辣同埋燒雞皮～$15 有兩串好抵食📍將軍澳寶琳欣景路8號新都城中心二期G樓G10號舖

ʀᴇsᴛᴀᴜʀᴀɴᴛ ʀᴇᴠɪᴇᴡ烏蠅館餐廳位於新都城MCL戲院旁入口位置有點隱蔽要行出商場先會見到餐廳餐廳主打川菜除左提供冒菜之外亦有烤魚及火鍋選擇最後選擇了烤魚餐廳一共提供三款不同魚種選擇包括珍珠斑、海鱸魚及清江魚經店員介紹選擇了清江魚口味方面亦有四款不同選擇(招牌香辣烤魚/特色泡椒烤魚/傳奇麻辣烤魚/蒜香烤魚)第一次試就選擇了招牌香辣烤魚(中辣)烤魚 (清江魚 / 招牌香辣烤魚 - 中辣) $348烤魚上檯時清江魚只有一條大骨並無出現多骨影響啖啖肉的快感魚肉入口啖啖肉肉質爽滑亦不易散湯底香辣魚肉入味辣味會越煮越濃越食越令人停唔到口烤魚本身的配料都非常豐富有芋絲、蘿蔔、雞髀菇等另外我加配左下列配料萵筍片 $28.00四川寬粉 $28.00風琴豆腐串 $36.00鮮淮山片 $38.00全部都同個烤魚好夾烤魚必備寬粉又吸味又煙韌又索湯汁非常不錯飲品方面店舖亦有非常多選擇檸檬百香果QQ$28黑糖珍珠鮮奶$28兩款都好飲，個人比較鐘意檸檬百香果QQ烏蠅館 (TSEUNG KWAN O)📍 Shop G10, G/F, MCP CENTRAL (Phase II), 8 Yan King R

今日行行下新都城商場外圍見到有間烤魚餐廳。門面勁大紅燈招牌好特別。依間餐廳主打食烤魚主菜💯泡椒清江魚（少辣）到店必點用長方形嘅Gas爐裝住一條清江魚🐟，魚非常大條，而且分開兩邊容易索汁。若不太吃辣的話可以叫最少的少辣；泡椒的香氣一直漂出嚟。魚皮炸過非常香脆，魚肉勁嫩滑可以一梳梳咁𢳂嚟大啖食；一條直骨完全唔怕啃骨。配料亦好足料，有三款：蘿蔔丶雞脾菇及芋絲，魚肉索晒湯頭，加上底部有少少油好好食😋。若食完烤魚未夠飽，之後加湯打邊爐好正。海帶苗好好食，d葉好嫩滑，自身帶鹹味。再叫左個蝦滑，墨魚滑雙併，勁彈牙。小食🟣尖椒皮蛋經典涼盤小食--凍食非常開胃，靚皮蛋配紅油好正。配埋餃子🥟食都好正😊。❣️飲品：黑糖雪燕鮮奶—加入雪燕非常滋補，黑糖甜味剛好不會太甜，鮮奶可以解辣。檸檬鰈豆花特飲🤤酸酸甜甜好開胃，蝶豆花茶顏色好靚。必點甜品：玫瑰味雪燕，滿足甜品絲