烏蠅館 (新都城中心二期) (Closed)

去開將軍澳果邊做野，做完野之後就約咗朋友去食飯，突然間有啲想食烤魚，近近地就去咗烏蠅館食啦～蒜香清江魚烤魚好大條都幾新鮮，魚肉好細滑，唔食辣所以點左蒜香味，都幾惹味呢！滷牛筋覺得有點韌，但個汁都幾好味😋蒜泥白肉呢個係最愛的小食，肉質好滑好，辣椒蒜蓉好香口，整啲都幾正宗架👍🏻桂花寒天綠茶食完辣辣地嘅嘢，最好就係杯茶，就點左桂花綠茶比較清新可口更消膩感😋白桃綠茶甜甜地的白桃配綠茶十分清香可口呢

係呢間落過幾次外賣 有幾次係有一兩樣餸錯 咁就以為係我嗌個樣餸無 佢比其他餸代替返啦. 點知呢次 成兜打開 6個餸得1個餸係岩 其他全部都唔係我落單既餸 真心嬲到 最後打電話返去 佢話整返兜新既比我 再睇呢到啲comment先知 原來平時都係錯餸 > 無.

🍲烏蠅館 (將軍澳) 📍今次又嚟到烏蠅館，之前喺到食lunch嘅時候見到人食烤魚🐠，好似好吸引咁😍，今次決定再回訪一事究竟。🍴蒜泥白肉 $32見到咁平我哋就叫咗蒜泥白肉做前菜🙈，份量完全唔少，仲有兩款蒜🧄，食完成個人夠晒蒜味😙。🍴招牌香辣烤海鱸魚（小辣、少油、少鹽） $298 估唔到烤魚可以揀少鹽少油，即刻冇晒罪惡感😈。本身驚會唔夠濃味，但完全唔會，食落會越嚟越入味😋。魚肉份量好多🐟，好易就拆到啲肉出嚟食🥩，而且口感結實爽滑。🍴嫩滑雞柳 $68雞柳就算放喺度煮好耐🐥，食落都唔會柴，啲肉仲係好嫩滑👍🏻。🍴健康芋絲 $30呢樣唔使講啦，打邊爐必備✅，本身低卡路里得嚟📉，仲好索汁💦。🍴風琴豆腐串 $36份量超多，起碼有四五串🍢，又係索汁一流😎。🍴桂花味冰粉 $20邊食烤魚，邊食冰粉❄️，可以即刻解辣🌶️，冰粉真係有啲冰喺上邊🧊，真係涼到入心🥶。🍴玫瑰蜂蜜(熱） $18啱晒養生一族👵🏻，你真係有啲玫瑰嘅花瓣喺度🌹，而且唔會太甜。🍴黑糖珍珠鮮奶（凍） $28下次會想試桃膠或者冰粉多啲🍑，珍珠有啲太硬🧋，同埋佢係牛奶唔係鮮奶🥛。🍴雪碧 ＋ 檸冰底 $12 ＋ $4好耐冇見過樽裝嘅汽水🍾，

今日去開寶琳，唔知食咩好，上網睇見有人介紹哩間野，鍾意食嘢既我，當然都要去試吓啦~四川酥魷好硬阿~脆脆午餐肉 (加$10 小食)炸得好香,不過肉質比較淋~寶琳川式麻辣雜醬士豆粉真係好好食,但叫少辣都好辣~川式蓮藕豬肉餃又係好辣阿~蒜泥白肉無咩味道~流心白茶奶皇球拼薯格奶皇球真係有流心架,好好食~紅糖糍粑好好食~冒菜A餐 (6個餸) +土豆粉腩肉魚腐萵筍豬大腸准山肥牛土豆粉酸辣底唔好見佢清清地,都幾辣吓架~冒菜A餐 (6個餸) +土豆粉魚皮餃魚腐萵筍四川臘腸 (迷你臘腸,第一次見)准山土豆片土豆粉清湯底 味道正常!!

喺將軍澳，食四川烤魚嘅地方真係少有，今次就到寶琳站嘅烏蠅館叫咗 海鱸魚🐟特色泡椒湯底一滾起就試下個湯底先，酸辣味到位，而且帶點麻，令人流晒口水🤤爐魚多肉而且滑，兩個人食一定足夠，配料都好多，有芋絲、雲耳、菇類等。除咗享受烤魚嘅美味，同時亦都點咗唔少火鍋配料，包括打邊爐必食既牛肉、蝦肉雲吞仲有寬粉，吸哂麻酸辣湯嘅寬粉爽口彈牙，口感一流😋餐廳好貼心，因為烤魚用嘅湯底未必咁容易煮熟雲吞，所以餐廳準備咗七成熟嘅雲吞，我哋雲吞落咗一陣就可以食啦，雲吞有驚喜，蝦肉好新鮮，豬肉好香口，甚至食到燒左口魚嘅美味。

叫外賣三次比漏餸，今日仲過分，用openrice叫外賣，比冧巴，咁即刻打去，對單，個職員口口聲聲比個冧巴我係T11,等左三個字去拎，又話比左人，無講過係我張單，講野同電話講既勁矛盾，完全溝通唔到，打黎問清楚，對埋單，又話有，仲有冧巴比我，黎到又話無講過，即係點呀？我可以自己作冧巴既？請返正常人返工好嘛，我叫左10次外賣以上，總有幾次出錯，接單真係咁難咩？有障礙？

有一日見到社交平台story有朋友食烤魚 心血來潮就好想食烤魚！咁啱去開寶琳 所以今次黎到烏蠅試試佢😆🐟烤魚有三款魚可以選擇 包括珍珠斑、海鱸魚同埋清江魚 唔同魚唔同gram數 可以睇返自己想食幾大條魚🥘口味亦有四款 有辣有唔辣 任君選擇 (招牌香辣烤魚/特色泡椒烤魚/傳奇麻辣烤魚/蒜香烤魚)/650-750g 海鱸魚 $298我同朋友揀左招牌香辣烤魚 魚輕輕咁煎過加埋湯底都惹味幾香口😆海鱸魚唔會好多骨 食得好暢快 唔洗顧忌食到魚骨同埋肉質都比較結實爽滑 唔會一夾就爛哂 但又好嫩滑🥰香辣烤魚口味都唔錯 呢個口味係用左超過30種材料整 所以超過濃味惹味！！🌶️🔥我自己唔係好食得辣 但係有時都想食下辣 而且因為辣味會越煮越濃 所以少辣就岩岩好！四川寬粉 $28雖然本身就有芋絲係烤魚入面 但係食烤魚唔係唔加寬粉呀？又吸味又煙韌 而且一碟都幾多下 絕對唔洗怕唔夠飽 簡直係必選😍😍雙併滑 $98墨魚滑+鮮蝦滑 兩樣入面都唔係淨係得墨魚膠同蝦膠 有撈埋啲墨魚同埋蝦肉 多左啲口感同感覺增加豐富爆醬紅糖糍杷 $26呢個好出色係必食！！！🤍✨佢係糍杷入面藏住紅糖醬果種 一咬開就爆哂啲醬 啖啖都係糍杷同埋

呢幾日又轉凍，好想食下火煱，就近近地去左#烏蠅館 開餐囉。食完成個人暖笠笠的很讚啊。招牌烤魚～清江魚，餐牌介紹集鮮甜肥美結實，友人唔食得辣，便點左蒜香烤湯底，滾起時便聞到好香🧄味，清江魚新鮮大條，厚肉又鮮嫩，配料尚有芋絲、杏鮑菇、羅白同埋洋葱，煮到入晒味好食。花雕醉雞一份，醃製得入味，全部係雞肶肉好嫩滑，再加油麥菜，配埋蒜香湯底好惹味。老友要飲酒🍻，我就點杯熱飲暖暖身。#相機食先 #香港美食 #foodiehk #香港 #香港生活 #香港旅遊 #香港探店 #香港美食 #香港打卡 #香港必吃

屋企人唔食辣，又想食烤魚，所以就揀咗「蒜香烤魚」點知中伏一開始條魚冇湯，好多蒜碎+油，已經即刻同姐姐反應，想加湯，之後聽咗阿姐話唔好加湯條魚會冇味，點知愈來愈唔對路，翻開d餸個底冇湯全部都係蒜油，咸到仆直。之後加左4-5次湯都救唔返，係咁落菜同麵都吸晒d菜，仲係勁咸阿姐初頭講咩，驚條魚冇味，完全唔成立最後屋企人忍唔住同職員講，湯底太油好唔掂，個職員話可以叫少油，我過往食無論堂食定外賣烤魚，都未試過存在多油問題，好明顯d油係來自浸蒜蓉到嚟，好重手落太多。

有3種「三峽烤魚」供選擇，揀咗海鱸魚（650-750 g)蒜香海鱸魚唔食辣的選擇，非常大條，蒜味香濃，海鱸魚肥美嫩滑，沒有太多細骨頭，而且配料甚多有木耳、洋蔥、蘿蔔、雞髀菇、大量香蔥等等👍四川寬粉比較耐煮，很適合火鍋用😋滷牛筋比較有嚼頭，也可焯多一會，很軟入口即化的感覺😋自家韭菜餃本身已是七成熟，只要滾一滾就可以進食，非常飽滿大隻😋黑糖珍珠鮮奶珍珠軟硬度啱啱好，配埋香滑嘅鮮奶再加黑糖，真係冇得輸👍桂花寒天綠茶甜度啱啱好😄桂花味冰粉味道清爽，真是一流😄紅糖雪蓮子黑糖甜度剛好，感覺非常滋潤🥰

三峽烤魚海鱸魚，$298💰烤海鱸魚，非常辣烤魚料理，將海鱸魚和麻辣醬，海鱸魚肉質鮮嫩，很少細骨，入口即散發出濃郁的香氣，麻辣醬的口感香辣，與香料香菇鮮甜相鮮甜。三峽烤魚海鱸魚非常入味😀黑豚肉，$88💰黑豚肉的肉質鮮嫩，就可以品嚐到豬肉的原味，食完烤魚後可打邊爐😀自家鮮蝦雲吞，$72💰非常新鮮的鮮蝦的肉質鮮嫩，店家煮熟後直接煮熟，入口即散發出濃郁的香氣，不需要等直接就可以品嚐到蝦的原味。味道清淡，不會蓋過鮮蝦的原味，非常好的小食😀

成日經過見到烏蠅館呢個名好搞笑，原來除咗食冒菜之外，仲有做烤魚，今日特登試一試！海鱸魚650 - 750g $298海鱸魚細骨少，口感結實爽滑，肉質都幾嫩滑～份量都幾大條！口味就揀咗招牌香辣烤魚，用上超過30種材料去整！食落味道香濃，惹味香辣🤩味道層次豐富！雲南豆皮結呢個餸幾得意喎，係啲腐皮帶咗一個結咁樣，煮落都幾掛汁！雙併滑有墨魚滑同鮮蝦滑，一次過試晒兩款！蝦滑用新鮮蝦打成，好新鮮！墨魚滑就好夠彈牙！唐生菜菜有一大盤～好夠綠，一睇就知新鮮！龍口粉絲粉絲吸晒湯底既精華～好惹味，香辣！蒜泥白肉（小食）佢上邊有超級多嘅蒜泥，仲有豐富嘅辣汁可以撈勻嚟食~ 30幾蚊都有好多片肉！可樂，Zero可樂係樽裝既可樂，打邊爐火鍋飲，特別有風味！🥘烏蠅館 (新都城中心二期) (將軍澳)🥘將軍澳寶琳欣景路8號新都城中心二期G樓G10號舖

行過見到去咗呢間食冒菜嘅餐廳，佢另外都有烤魚可以叫，而冒菜嘅選擇豐富，有好多餸同埋湯底可以揀，而我就揀咗菇菌湯，味道好濃好入味，而且睇得出好足料，餸方面就揀咗娃娃菜肥牛黑豚肉等等，每款餸都幾多份量，以呢個價錢嚟講非常之抵食。而且員工服務都幾好，啲餸好快就上到唔使等好耐就食得， 50幾蚊嘅價錢嚟講佢真係超值。之後都會Keep住嚟，下次試埋其他唔同湯底。簡單食嘅最佳選擇～重點係啲用料都好實在，有質素嘅食材。

兩年前與朋友食過一次，烤魚係記憶中好味程度數一數二的，今日又有機會經過新都城，即刻決定重溫舊味，體驗依然係十分正！烏蠅館細細地夠晒溫馨，尤其係冬天，同朋友一邊食烤魚，一邊談天，勁配合。最令人驚喜嘅係烤魚同冒菜配料多多，飲品同甜品選擇亦足夠，一定搵到款岩你食😋😋😋🌟清江魚 $348/700-800克🧡配料：四川寬粉 $28/ 一盤🧡配料：自家西洋菜餃 $68/八顆鍾意餐廳照顧到唔同人口味，有得揀辣同唔辣，仲有得叫少鹽同少油，我哋今次就叫左蒜香味烤魚，入口有濃濃嘅蒜未，配以嫩滑結實的魚肉，真係享受。除左落單的配料，烤魚內仲有杏鮑菇、芋絲同蘿蔔，加埋寬粉，湯底將佢地都煮到好入味，真係停唔到筷，覺得配料都係一大賣點！自家西洋菜餃餡料豐富，肉和菜各佔一半左右，隱約食到蝦米的鮮味，皮薄餡靚，都幾足料，推薦！🌟桂味冰粉 $20/碗冰粉有四個口味選擇，我哋要左桂花味，加$10要左雙倍奶蓋，感覺都幾新鮮，冰粉同奶蓋好夾，不過我太貪心啦，叫左雙倍，覺得太搶味，下次加$5要一份奶蓋就應該岩岩好！🌟桂花寒天綠茶(凍) $28🌟茉莉蜂蜜(熱）$18整體黎講，烏蠅館嘅體驗真係好好，服務態度好，店員會留意我哋嘅需要

經常幫襯 好好食個人覺得好食過譚仔好多今次嗌咗兩份魚腐點知打開只係有一粒令人失望A frequent customer already The judge is amazing as always but I forgot to give me the dishes sometimes. I ordered 2 portions of fish tofu but was only given 1 single fish tofu this time. Very disappointing