森林麵包

Open Now

Now Closed

一路都覺得呢間餅店嘅老闆好努力，不停係社交平台出post，又去唔同地點擺pop up store，又攪團購，比佢地嘅努力感染我試左第一盒朱古力牛油曲奇，認真係食到心機，香得黎又好鬆化，仲要上面有朱古力，配合得黎又冇左市面上嘅機械廠製感，之後又嘗試左佢個梅子漿海綿蛋糕，平得黎又好食，仲要有嗰種兒時回憶。話雖如此，我都唔會一味hard sale, 佢嘅麵包的確味道好一般，凍左之後又硬又實，冇咩麵粉同蛋嘅香味，本人唔會encore。**整體而言，有努力，但都需要繼續追求食物的素材質素，加油！

見到成日喺荷里活廣場同淘大商場擺booth，經過樂華特登去試屋企人鍾意食豬仔包，但係見到喺櫃嗰啲有啲乾又扁扁地，應該唔係新鮮出爐。咁啱收銀附近有另一個櫃，應該係新出爐既，就多口問左句可唔可以要兩個。其實俾唔俾都冇所謂，我都係隨口問下，語氣都係客客氣氣。但係收銀嗰個一野睥上黎，話外面冇咩。我繼續有禮貌問佢嗰啲係咪新出爐，點知後面有個店員行過，對住地下講買就買啦⋯⋯全鋪4個店員就開始吟吟沉沉，兩個有咩分別、唔買就走啦、個個都黎貪新鮮出爐、咁唔洗做生意啦⋯⋯我自問全程都係有禮貌咁問，亦都冇話佢唔俾我就發脾氣，但係咁既服務態度真係不可恭維。街坊生意起家，做到有啲名氣就一副狗眼看人低既樣，仲要價錢唔係平。慶幸樂華冇乜幾多麵包舖揀，如果唔係憑你咁既做生意方式⋯⋯

買個蛋糕話一係用膠袋一係用膠盒，價錢寫18收錢收20，係咁問要唔要呀！後邊冇阻住人排隊唔知咁惡做咩呢？用個膠盒將個蛋糕夾硬塞入去塞到扁晒爆曬啲肉鬆出嚟。其實你賣得呢個蛋糕都知道佢需要一個妥善啲嘅包裝，夾硬用橡筋再箍實個盒，條橡筋掂到晒裏面個蛋糕 。仲要眼超超，態度不得了 。

聽朋友介紹下第一次食森林麵包嘅朱古力麻糬包同埋千層吐司, 要食到佢嘅包都唔容易, 首先佢係位於牛頭角只此一間, 所以為左方便大家, 可以WhatsApp預訂, 係唔同日期, 時間, 地點交收麵包團, 等大家都可以容易食到師傅用心出品嘅蛋糕/麵包/曲奇🍞🍪朱古力麻糬包有驚喜！！裡面嘅煙韌麻糬好似芝士咁拉絲, 非常大方😛😋Mocha咖啡千層吐司比我預期中迷你, 我以為好似一袋方包咁嘅size😂面層鋪滿朱古力醬, 裡面一層層layer都是滿滿朱古力醬, 食落有隱約嘅咖啡香味, 但唔太突出, 反而朱古力相對較明顯🤤想充斥味蕾同埋喚醒嗅覺嘅享受, 真心真心建議焗熱佢黎食, 180度3-5mins❤️

一間位於一個屋邨商場既麵包舖。做出好味道同用心製作既麵包同甜品蛋糕等。其實森林麵包本身係一間細細間屋邨麵包舖。佢哋啲麵包真係好好味。重點係有啲麵包裏便係有麻糬。麻糬仲要煙煙韌韌。甜品種類都好多款式選擇。有啲款要係佢做pop up store 先有限量供應。所以我上次已經買咗一啲比較特別嘅味道。同埋每個月佢都會做地區團購。所以對於我哋住得遠但又想買呢間麵包舖既麵包係好好既幫助。真係多謝森森麵包舖悉心照顧。

一直想試下千層吐司之前去天后個間麵包店原來已經冇賣lu🙈無意中發現呢間麵包店都有趁住佢有係各區擺市集 所以就可以試下啦呢日係咖啡流心千層吐司 咖啡餡份量適中 唔會好漏同好甜 👍🏻👍🏻即使天氣咁熱 面層朱古力都無溶到

之前試過呢間小店嘅雞批🥧，個酥皮好正👍🏻👍🏻又真係唔少餡料，不過唔記得咗影相🥲印象中好似係8蚊雞？ 總之抵食啦今次試下呢爆醬千層吐司🍞咖啡味🤎本身室溫食應該會流心感多啲同鬆軟啲～但見天氣太熱，擔心面層朱古力會溶，我放咗入雪櫃🤣🤣🤣雖然個千層會比室溫食硬少少🤏🏼，但係個流心cream變咗雪糕甜品🍧咁，都幾正🤣🤣個咖啡味幾好，唔會太甜～性價比好高👍🏻👍🏻👍🏻👍🏻👍🏻

平時實體店比較遠所以幫襯唔到難得擺市集梗係要去買啦（＾_＾）.「千層吐司 - 花生朱古力味」 ($32)佢大部份嘅餡料都係集中喺上層所以我將佢分咗上下層兩部份咁食 ～上層就好似平時食包咁一次過食下層我就將佢一層一層咁撕出嚟食講咗上層先佢啲花生醬真係好足料（店員話係花生朱古力 不過我食唔到朱古力味 似係淨花生醬）望落好似唔多咁但咬落去嘅時候會爆醬出嚟 味道係唔錯嘅 V(^_^)V不過花生醬嘅味係有少少搶嘅 ～.下層呢因為冇咗/少咗花生醬逐層逐層咁樣食反而可以食到淡淡嘅牛油香有啲似平時嘅牛油多士不過個吐司焗完之後牛油味就更加香 (^o^)

一直都好想嘗試佢地嘅麵包但佢地嘅門市對我黎講有少少隔涉一見到佢地出左個榴槤牛角包之後就覺得勁吸引!!!決定join佢地個團購 好方便去好多唔同地方 總有一個係你附近!!香芋麻糬義大利包 $15個麻糬好好食 好淋好煙韌 甜甜地相對之下個包同香芋就無咁甜 但唔係唔味 應該係無特別加好多糖爆漿榴槤牛角包 $28係真係超級爆漿 兩個鐘無放落雪櫃已經漏曬出黎 有少少可惜但唔影響味道!!個榴槤漿係非常流質 無食到榴槤肉 但係好重榴槤味 好正至於個牛角包唔係好脆個種係淋嘅個種酥皮 不過好香牛油味 都唔錯

一間位於屋村的麵包店，舖頭裝修同普通麵包店一樣，但裏面唔至得菠蘿包同雞尾包，仲有特色麵包可以選擇，的確係一個小驚喜！———芋頭麻糬包呢個芋頭麻糬包的確幾特別，芋頭蓉比較似中式點心嘅芋頭，相對保留返芋頭原本嘅味道。麻糬反而有驚喜，麻糬味道相對接近牛奶香，比較濕潤，相信小朋友會幾鍾意食！———🏠 屋村麵包店的小驚喜❤️ 得意之作推介指數：❤️❤️❤️（五個心心為滿分）

森林麵包這個名字上月在一位好朋友口中得知，原來是牛頭角一間街坊麵包店忽然廣為人知，也得知它們近日推出的巨大化焦糖蛋撻在社交媒體被瘋傳。朋友上一次見面送了我一個朱古力麻糬包，吃過後念念不忘，决定等待店舖有團購就要再幫襯一次。剛好昨晚有一團在家附近，二話不說訂了好幾種麵包和家人分享。店家會定期在instagram發放訂購link,只要適合地揀選地區時間，網上付款，等待訂單確認，店方會email通知確認，前一天也會用whatsapp通知交易地點就可以了。整個交易都順順利利，看得出來店家下了不少時間心機把這件事做得妥妥當當。今次訂了這幾種麵包，而今天主要說說朱古力麻糬麵包。對它情有獨鍾是相對有原因的。強烈建議大家吃前叮三十秒讓包種軟化，內里的麻糬也更暖洋洋更好吃。一入口，是柔軟的，每一口都沾有朱古力碎醬，然後麻糬很大方地一大顆，兩者夾雜起來吃很配合，相信嘗甜的小朋友和偶然想沾甜的大朋友都會相當喜歡。附上下單的方式：

聽朋友講森林麵包幾好食.又喺網上見到有人介紹呢一間小店.今日係屯門海翠坊見到森林麵包喺度做promote.咁啱阿女放工就買咗2個麵包和2個撻回家一齊分享.(1)檸檬撻:撻皮好鬆脆,食第一啖雖然檸檬比較酸,但感覺好開胃.上面塊乾檸檬咬落好清新.(2)日本白桃撻:撻皮下面抹左一層朱古力醬,上面放满白桃,唔會太甜,好味.2個麵包留待明天早上食用.其實麵包店有不同款式嘅美食,港式麵包、特色方包、西式甜點、中式甜點和曲奇甜點,各式各樣,任你選擇.

✍︎︎一直都好想試呢間麵包同蛋糕奈何成日夾唔到時間買佢哋嘅團購或者去門市😣咁啱見佢哋喺沙田開市集🤩立即去試下佢哋新品🍮布甸味千層吐司🍞 $23☕️咖啡味千層吐司🍞 $23❥一片又一片咁搣嚟食，其實都幾治癒(´▽｀)吐司質感鬆軟，好香牛油味🧈面頭塗上一層朱古力🍫而最驚喜係吐司內餡均有咖啡cream/布甸cream🥰••••••••••••••••••••••••••••••🔎森林麵包 牛頭角振華道70號樂華商場地下111號舖••••••••••••••••••••••••••••••

最近森林麵包來到屯門開Pop Up Store，認識這間麵包店是因為它的巨型黃梅醬蛋糕，一直也未有機會嚐到，難得它來屯門，必須試一試。 這次買了三款麵包，有最近很流行的千層麵包和卡通造型麵包。 ➡️咖啡千層麵包/ 布甸千層麵包每日限量推出的千層麵包，這款麵包是用酥皮的方法一層層接疊而造成千層效果。麵包面層塗上朱古力，兩款麵包裡面分別填滿咖啡cream / 布甸cream，相當有驚喜。 ➡️卡通造型麵包（ 紅豆麻糬麵包）這個獅子造型的麵包，造型非常可愛。店主用了肉鬆放在麵包周圍，裡面是紅豆及麻糬，整體味道很夾，但略嫌內餡少了一點。

黑森林蛋糕係細細個食嘅港式黑森林蛋糕，走樸實，實而不華路線😜冇西式黑森林蛋糕嘅酒味，小朋友都食得。蛋糕體幾鬆軟，又唔太甜，屋企長輩好鍾意❤️最鍾意莎翁，夠煙韌😍皮蛋酥裏面竟然有薑？超驚喜😂