玉桃苑 (Closed)

難得平日放假, 一早起來, 本想去釣魚翁飲茶, 可惜那裡的侍應態度實在太差,  冷氣又太凍,  於是決定到樓上的玉桃軒飲, 早市至十二時（入單計）.蝦籽燒賣皇19.8: 名為燒賣皇, 但卻很細粒, 和平時飲茶吃的普通燒賣一樣大小, 但勝在肉汁多.香茜牛肉腸 11.8: 完全冇茜味, 腸粉皮ok薄滑, 牛肉份量偏少.咸魚肉片蒸飯 7.8: 白飯有少許咸魚味，肉片不嚡, 不過飯量很少.鳳爪排骨飯: 同樣地份量少，一小碗，鳳爪微辣, 排骨尚算有肉.玉桃蝦餃皇: 2粒13.8, 每隻蝦餃有3隻蝦，冇腸，味道ok山竹牛肉球 9: 牛肉球滑, 而且有馬蹄粒, 不錯.欖菜排骨陳村粉11.8: 欖菜份量很少, 陳村粉ok不太厚.吃到最後, 發覺馬拉糕仍未上枱. 再三追問之下, 原來侍應落漏左馬拉糕! 本來是很容易發現的, 不過這店卻沒有點菜紙給客人, 所以冇得對.埋單時, 發覺收費多了. 一問之下, 原來過了中午十二時後, 茶錢要俾九元/位，以中午價錢計! 感覺上很取巧, 又沒有張貼出來! 不過, 總的來說, 食物OK, 不過份量大小也很細, 要吃多一點才可!

価個月没帮衬觀塘玉桃苑，點知中午一入去，咦!没咗以前热闹的氣氛，叫咗几個平時食開的菜，有點心糯米卷，没平時口感好，卤水拼盘，顔色黑黑哋，是不是老賣不出去呢?我在心裡暗想，未吃已經對賣相大打折扣，结果真和想象中一样，猪大肠一阵味，卤水鹅却没味，真大失水准，還有炒河粉，炒面，實在不敢恭维，又咸又硬，酒樓收費，茶餐厅的水平，跟以前相差太远，我想我以後是不會再光頋這閰水准咁差的酒樓，勝瓜好似冇批皮，白切鸡如嚼蜡般难吃!

一家人本想飲早茶,結果一肚氣!我們當日叫了三樣野:1)灌湯餃 (忘記價錢) 味精湯,吃下要不停飲茶 餃皮十分厚,D料又係重味精2)咸水角 ($18) D皮深啡色,又「淋」,百分百係翻炸, D油有古怪味道 D料又咸3)帶子炒飯 ($98) D飯生米 極重味精D服務又差,食物水準又差,冇下次!

喺官塘諗唔到食乜好，見之前下晝黎LEE到飲茶都唔差的所以一於黎試下DINNER LA入座時間係8點到啦！但個場好少人呀！當日係新年喎我地一行6個人，叫左一個4人餐，再叫左3個餸6先講下個4人餐先鹵水拼盤，有豬耳、鴨肉、鴨翼、豆腐，味道不錯的也不會死咸唔知乜乜魚膠炒西芹，個D魚膠好得意架，有D似JELLY，又比JELLY硬D囉！又好似好重膠質咁，但一D味都冇架魚菇炆鵝當，冬菇有陣味架，鵝掌我冇食，只係食左墊底的生菜，相信生菜好難會難食的例湯：發財好市湯，湯是冇鮮味可言的，只係死咸脆皮燒雞，單看外表是冇問題的，每人夾了一舊後發玩隻雞超多血水呀，終於叫服務員來看看，服務員將碟雞取走了，我們還以為她幫我們換過一碟，當我們還想給肔一個"讚"時，她竟奉上以下的一碟放入微波爐番叮的雞給我們，我地真係"O"哂嘴呀雞叮了會好"鞋"的，我真係忍唔住要幫牠拍個寫真呀！老實說，我們不是貪你換過碟比我地，但真係唔會諗咁大間酒樓，竟然會將一碟超多血水的雞給客人還不夠，還將番D的雞給客人品嘗囉蒸魚，唔會難吃的另叫了芋頭帶子盒，好似芋角咁囉，帶子當然是雪櫃貨啦！肯好的不會太油菇菇炒牛柳粒，菇菇好好味，牛柳粒是無牛味的

開個OPENRICE戶口, 本來目的都係諗住將啲心水開飯地點公諸同好, 隱惡揚善 ... 不過最近食過呢間野, 真係攪到我要破戒, 不吐不快! 觀塘APM呢頭搵野食, 一向都唔容易, 個晚7點左右, 行咗一ROUND APM, 間間都要等 , 於是轉去鱷魚恤中心睇睇 ..., 先先上去七樓彩晶軒, 點知FULL HOUSE , 於是神推鬼擁落咗去六樓 ...一出LIFT已經有個好醒目嘅知客問: 先生幾多位? ... 來不及反應已經比佢帶咗入去坐低, 四圍望一望, 咦咦 ... : 點解冷冷清清, 得個幾檯客嘅? 心諗: 無所謂啦, 仲好! 可以清清淨淨咁食一餐.侍應奉上功夫茶, 夠晒苦, GOOD! 跟住花生一碟, 係"琳"嘅炸花生 ... 個心即刻涼咗一截.跟住叫野食, 酒樓無提供正式餐牌, 每檯都係放低幾張特價餐單紙, 提供特價套餐, 特價小菜等等, 平民菜式, 以潮式和粵式為主.當晚點了一個二人餐$218 一湯兩餸, 再加四隻茄汁"大"虎蝦, 每隻$22.先上個湯, 選了瑤柱花菰炖茶膽, 基本上係一碗加咗味精嘅東菰湯, 不過睇菜膽嘅焾身程度, 都應該用咗佢幾個鐘頭煤氣錢嘅!

慶祝父親節, 一家六口到了玉桃苑晚飯, 未試過, 貪其就腳, 但意外驚喜一一上演.........叫了半圍父親節套餐, 跟據多年經驗, 這些套餐大都是搵笨和貴, 但是這次真是例外 :先來茄汁干煎大虎蝦 - 虎蝦大概有五寸長, 蝦肉鮮甜而且爽口, 比美海鮮酒家逐兩計錢之貨色, 味道酸甜適中, 好味竹笙海皇燴花膠 - 材料豐富, 花膠有口感, 而且一窩大概有八碗之多碧綠桂花蚌帶子 - 帶子鮮甜, 可惜每人只有一件, 桂花蚌也很爽口, 四季豆比較老, 有點硬四喜拼盆 - 每人一件 (豆腐, 鵝片, 蝦棗, 蟹棗), 海哲很爽脆美味, 媽媽是做海哲高手也盛讚脆皮農家雞 - 皮脆肉嫩, size 小了一點, 半隻比一般例牌還細碟鮮竹珍菌浸時蔬 - 雞肶菇, 秀珍菇煮白菜仔, 清清地, 吃了這麼多濃味的餸, 清清味蕾也是好的清蒸大海班 - 大約一斤多重, 只是這條魚, 外面叫也要兩佰個大洋最後重頭戲來了 - 瑤柱金錢福滿掌 - 瑤柱比一圓還大小小, 鮮甜無比, 東菇是靚花菇, 厚肉, 鵝掌很大隻, 炆得很入味松露蟹籽炒飯 - 因太飽, 沒有吃, 打包回家,但見到材料豐富, 也炒得很乾身桂圓紅棗荼

見宣傳單張下午茶有優惠,所以去試下,但一d都唔平,普通腸粉都要$25,小點都要$16,只有2個傳菜員,等左半個鐘先有1籠點心味道唔算特別好食,但衛生認真唔掂2款點心的蒸籠里面都仲黏住唔知幾手之前的點心漬(好似係蝦餃粉果d皮)仲已經發黃灰灰的,都唔知幾耐無洗過裝叉燒包的蒸籠的竹條已經爛到散開, 更有幾條竹絲散落左叉燒包上見到都好唔開胃

母親節正日晚飯,沒甚麼選擇,七大一小要了個$2200八位套餐,內容有:多子厚菰瑤柱甫 - 整個小菜都有水準,最好食的是冬菰和蒜子.甜豆花姿玉帶子 - 這個小炒菜色不錯,爽的爽,滑的滑,竹笙蟹肉魚翅 - 配料多,主角難尋,味道可以.頭抽蔥油蒸海班 - 班算滑,火候亦好,蔥油撈飯幾好味.茄汁煎大虎蝦8隻 - 蝦不算大,味道中規中矩.醬油金皮雞 - 皮薄脆,肉嫰滑,雞入味又沒油膏,全晚最好食!精選甜品(紫米露) - ,大路貨,不覺突出.蟠桃賀皇母 - 蓮蓉壽包,皮薄饀香,飽肚也即刻食埋.再加五白飯,三啤酒,還可以食埋生日蛋糕.基本上,這店的食物水準,只算中上,但座位寬敞舒適.最值得buy的是員工的服務態度主動積極,未開聲,已主動詢問顧客需要,水準一流!

101124 星期三 | 又跟媽媽到鱷魚恤中心飲早茶，本沒打算到玉桃苑飲茶的，但升降機到6樓時門打開，還未到9點，原來玉桃苑已開市，之前只在星期六、日才開9點，平時日開10點的，可能現在人流多咗，就連平日都開早D喇，反正有位唔駛等，就入內開茶。其實上個月來過一次，今次也要了個早晨孖寶，皮蛋瘦肉粥和豉蒜蒸排骨 ($12.8)，不過今次平2蚊，平時日飲茶係平宜些的呢， 還要了兩個超值早茶點心，鮮蝦菜苗餃 ($9.8) 和羅漢齋鴨掌 ($12.8)，再加碟翡翠帶子腸粉 ($23)，很豐富的早餐喔。皮蛋瘦肉粥，比上次的好些喎，無咁稀又無咁鹹，材料就一樣咁多，吃起上來好味D喇。豉蒜蒸排骨，肉排都幾有肉汁又幾腍，好似無上次咁油喎。翡翠帶子腸粉，滑滑的腸粉包著帶子和瓜片，幾好味，豉油另外上，可以自己調較鹹D或淡D，唔錯。鮮蝦菜苗餃，未食已可以清楚看到裡面有甚麼餡料了，蝦肉爽、菜苗腍，都幾好食。羅漢齋鴨掌，鴨掌夠腍又入味，都OK唔錯的呢。

101010 星期日 | 跟爸、媽飲早茶，八點半來到玉桃苑，不用等位就可以開餐，這就是早起床的好處了，曾來過這裡吃晚飯，是潮州菜式，走高檔路線，飲早茶倒是第一次，點心款式都幾多，部分還有優惠價，就點選了6款點心作為我們的早餐了。 假日早晨孖寶：皮蛋鹹瘦肉粥配豉汁蒸排骨($14.8)，雖然碗粥頗多材料，但就一點都不綿，稀汪汪，但又不是潮州粥那樣，味又鹹了些，而那碟蒸排骨呢，排骨本身不太肥，但浸著很多油，有點肥利了。 菜肉生煎包($9.8)，從未見過這樣反轉晒啲包上枱的，覺得好攪笑，而包和肉餡料是完全分開，似乎不很新鮮，而上枱時只是微暖，看似求其翻叮就算。 水晶松露餃($12.8)，餡料有松露粒、冬菇粒、紅蘿蔔粒、馬蹄粒等，皮有點煙煙韌韌，很有嚼口，味道也不錯，是健康之選。 賽螃蟹帶子餃(大點)，餃子皮厚了些，餡料有蛋白、帶子和蝦肉，都幾好味道，但跟樓上彩晶軒的西湖鮮蝦賽螃蟹餃相比，這就遜色些了。 什菌雞絲春卷(中點)，相當脆口，雖然餡料跟平時食的春卷多了些什菌，多了些健康的感覺，但食落口又沒有多大不同。優惠點價錢算便宜，茶錢也只是$6位，但埋單要$107，那大點跟中點的價錢都幾貴喔。整體

再次到此大廈吃晚飯，本來沒有打算吃潮州菜的，但是看見從沒試過，就當是試試其水準如何吧。進出電梯之後看見入面只有一圍客人，也許是時間早吧，所以照原定計劃入內進食。侍應們招呼周到（當然的事，因為人客根本不多！）我們只得兩人，所以唯有點餐牌上的二人套餐，198元有湯，有魚和一道菜。1.西湖海皇豆腐羹---原來是每人一湯碗上的，不過味道不錯，清淡中可以吃出蝦是新鮮的，作為晚飯的第一口湯，令人開胃點是好事。2.梅子明爐烏頭魚---沒有採用古式的金屬魚身樣子的盛器來盛無頭魚，反而使用厚身玻璃長方容器，下面明火，不用擔心以往的金屬器皿容易翻瀉入面的湯，值得推薦此做法。味道上可能是小了那種泰式的香料特別是青檸，不過差點忘記了此處是潮州酒家！對我來說，烏頭魚味道是好的，份量也足，不消十分鐘已經跟白飯一起吃得清光。3. 蝦蟹棗---雖然只有廖廖六件，不過味道不差，配合那種比較濃的醬汁一起吃，算是一味適合送飯的菜式。4.發財上湯七樣菜---顧名思義，發財和七樣不同的青菜，雖然收68元是貴一點，不過為了吃菜和出外吃飯也不可以計較太多了，起碼可以一次過吃到七類不同的菜也是比較特別的。我們認為他們一定要想想法子以

昨天（星期六）跟家人出外吃飯，沒有book位，到鱷魚恤中心碰運氣，6點9，時間尚早，先到玉桃苑看看，門口的知客說已fully book，那我們只好掉頭走，正想乘升降機到別層碰運氣，後面傳來另一位知客說，可以給我們一張枱，但要8點交枱，雖然只得大概一個鐘食飯，有點急，但因為天氣不太好，下著毛毛雨，我哋又扶老攜幼，不想再走來走去碰運氣，就接受她的安排，匆匆忙忙的看過餐牌，就隨意點了四個菜，無諗清楚，咁就出事喇。 鮮腐竹煮珍菌，清清地，味道不錯。 椒鹽九肚魚，雖然脆口，但粉槳多過魚，錯誤的選擇。 竽茸帶子盒，好似點心竽角的製法，而竽茸裡面是整粒帶子，咬落去就是先脆脆、然後軟軟、再最後有少少彈牙，口感很好。 梅羔醬焗鱔柳，少少粉槳，令鱔柳咬落脆脆地，比九肚魚好多了，加上那層脆槳外薄薄的蘸了梅羔醬，甜甜酸酸，幾開胃的喔。四個菜中有三個都是油炸的，很熱氣，又不很健康，喝多杯茶以消除熱氣，但又因為茶有提神作用，特別是功夫茶，攪到整晚睡不著，慘矣。下次還是先打個電話訂枱，那麼就可以有較多時間想清楚去點菜，不會一次過食那麼多油炸嘢了。

一踏出笠就比佢哋紅噹噹嘅屏風吸引住, 當日剛好有酒席, 雖然人多, 但完全唔會覺得迫, 酒樓安排得唔錯, 好開心見到太極嘅joey同patrick添。因為係潮州菜, 一坐低部長就拎啲潮州茶嚟。 叫咗個8人套餐承惠$1,288, 以為有酒席出菜會慢, 呢頭落單, 唔使一陣就有得食。 仲要好好味, 尤其個青欖燉螺頭, 甘甘地。

八月七日 (星期六)今日是世伯生日,前一日在附近行,想訂新開的王家沙,可是已經full booking了唯有去到鱷魚恤中心看看有什麼好吃了知道開了幾間酒家,是但行到了一間-玉桃苑 就訂了六位當日吃了一個二人和四人餐二人餐胡椒豬肚湯世伯伯母點了這個湯,覺得味道偏淡-可能自己煲會比較好招牌沙薑雞一上菜時,覺得不對路,外表是脆的,似炸子雞多一點於是叫服務員過來,他說是他們的獨特手法,但是我們再吃多幾口,都吃不出何為沙薑!!!再問部長,他說如果沙薑味不夠,可以另上一碟沙薑醬給我們點來吃等了又等,不見沙薑醬的蹤影再叫另一店員,又說沒有這回事,世伯開始不耐煩了再與待應要求要沙薑醬,最後才得到一碟仔的沙薑醬味道已經不是好了,要求一碟沙薑都要這樣勞氣,而且服務員的態度不太友善!梅菜扣肉味道濃,但是之前在外面茶餐廳吃的更好四人餐牛肉豆腐羹味道很淡,牛肉味道一般像喝清湯似的蒸烏頭有點酸的味道,是潮州的弄法味道可以,我認為是比較好的一碟至少吃到魚的鮮味再以這個價錢相比,的確不錯腐竹班腩煲班腩不太新鮮,而且全部營養不良,完全不見魚肉只見骨出面的茶餐廳還好吃呢大腸老水鵝拼盆以套餐價錢論,算是可以老水味適中,份量

今日去玉桃苑飲茶，兩個茶壺無晒水，放左好耐都無人理，因為佢真係唔多侍應，咁我就叫其中一個女侍應添水，諗住好心拎俾佢，點知佢竟然黑口黑面用手拍落張枱度，仲拍左兩下，示意叫我放低!!!!!!成棟鱷魚恤中心咁多間酒家，試左幾間，呢間都算最差，環境係唔錯，地方算寬敞，坐得算舒服，但食物普通，款式又少，其中一隻碗仲要好似無洗咁，態度仲要咁差，難怪最少人係呢間~~