Video
Exit L6, Tsim Sha Tsui / East Tsim Sha Tsui MTR Station
continue reading
Telephone
22687818
Introduction
The Haven offers breakfast, lunch, and dinner buffets. The environment is spacious and the decor is in a modern and simple style. There are many food choices. And you can enjoy delicious food with a beautiful view of Victoria Harbour.
continue reading
Opening Hours
Today
07:00 - 14:30
18:15 - 21:30
Mon - Sun
07:00 - 14:30
18:15 - 21:30
Public Holiday
07:00 - 14:30
18:15 - 21:30
Public Holiday Eve
07:00 - 14:30
18:15 - 21:30
Above information is for reference only. Please check details with the restaurant.
About Reward Scheme
尖沙咀YMCA酒店四樓的「再臨閣 The Haven」，知道餐廳擁有維港景色的用餐環境，一早已成為Buffet愛好者的熱愛之選。未食Buffet 之前，見到餐廳全落地玻璃的設計，將對岸的高樓大廈與維景夜景盡收眼底，慶祝聚會實在一流。知道再臨閣最新推出的泰式主題自助晚餐，是與泰國米芝蓮餐廳主理人及本地星級主廚一同監督，絕對值得一去。食自助餐，基本的海鮮、肉類已經滿足不了我，要去的都要挑選一些有特別主題的自助餐。✸ 海鮮冰鎮海鮮有波士頓龍蝦、琵琶蝦、雪場蟹腳等等。再臨閣的波龍確實不錯，食得出龍蝦肉的鮮味。另外，重點要提的是熱食區的即煎虎蝦，大廚以鐵板將虎蝦即時炙烤至焦香，熱辣辣非常好食，至少encore 4隻；即煮鮑魚亦都處理得非常好，彈嫩度堪比刺身級別。✸ 沙律冷盤泰國主題有不少泰式前菜，無骨鳳爪沙律清爽酸辣；魚乾西瓜沙律則是非常創意，我個人就較喜歡青木瓜粉絲沙律，有點像曼谷街頭攤檔的風味。✸ 熱葷主菜區猶如濃縮版泰國市集，特別要大力推介泰式青辣椒汁蒸烏頭，餐廳以香茅、南薑與青辣椒碎鋪滿魚身蒸製，魚肉肉質非常細嫩，又富有少少辣度，非常滋味；另外，泰國最新名物，火山排骨以巨型豬肋排堆疊成山，淋上泰式青辣椒酸辣醬，一咬即溶在口內，酸酸甜甜辣辣的味道特別過癮。仲有泰式海南雞，亦係做得非常稔滑。✸ 甜品壓軸的泰式甜品宛如一場藝術展。泰式主題有芒果糯米飯、熱蒸泰式千層糕。喜歡榴槤就更幸福，D24榴槤pancake將貓山王果肉打成泥，以pancake 煎餅包裹着，內餡流淌出濃郁榴槤岩漿。凍餅就有泰式奶茶慕司蛋糕，泰奶味道相當濃郁。另外，即整心太軟亦都非常出色，建議至少要食一個。YMCA 再臨閣出名性價比高，絕對無講錯。
continue reading
最近想帶媽咪去食好西👩👧❤️見到 YMCA 酒店再臨閣推出咗新嘅 泰式自助晚餐🥢🇹🇭即刻心動～話咁快就訂位去食！講到再臨閣，一定唔可以唔提佢個超靚 維港景色🌆坐喺窗邊食飯，望住夜景，氣氛一流～環境又靚又舒服，裝修好摩登🪑✨，真係好適合一家大細來chill～🍽️ 自助餐選擇超豐富，由冷盤到熱食，泰味十足！🥗 冷盤部份已經好吸引，有五款唔同風味嘅泰式沙律每款都開胃又醒神，仲有芝士拼盤、水晶肴肉等🔥 熱食都有好多選擇，泰式海南雞飯雞肉滑溜香口，火山排骨肉質嫩滑入味，配埋微辣嘅醬汁勁開胃泰式豬手煮得好入味，皮脆肉嫩，完全唔膩。即煮船麵湯底濃郁，麵條彈牙當然唔少得冰鎮海鮮任食！龍蝦🦞、大蝦🍤青口、蜆夠鮮甜仲有即煎虎蝦、即煮鮑魚、燒西冷、燒羊排骨加埋刺身同壽司🍣甜品方面更加係一大亮點，有一口芒果糯米飯熱辣辣嘅蒸香蕉糕、泰式奶茶慕絲蛋糕、玉桂木薯布甸、香茅芝士蛋糕等等，最驚喜係有超厚肉嘅 D24 榴槤 pancake榴槤控一定要試！😍當晚仲好開心欣賞到泰國樂手表演，氣氛滿分🎶最特別嘅係有米芝蓮推薦餐廳 Mekin Farm 嘅主理人 Pu 同 Yim 親自到場聯同 YMCA 酒店行政總廚黃志明師傅即席烹調咗3道正宗泰菜包括青辣椒汁蒸烏頭、特色咖哩魚同鮮花七味蝦每一道都賣相靚味道正!Mekin Farm主張Farm to table 秉承少油、健康嘅煮食理念炮製出嚟嘅菜式原汁原味 用料天然💕
continue reading
每次食buffet嘅重點一定係海鮮同魚生，波士頓龍蝦同蟹腳首先滿足咗我嘅要求，龍蝦彈牙清甜，部份仲有橙膏好正，蟹腳正常發揮，蟹鉗好甜。 值得一讚海鮮refill得好快，完全唔洗爭，仲有比較少見嘅琵琶蝦，食得好滿足。魚生有啲驚喜，三文魚、八爪魚、希靈魚同𩶘魚算係常見款，切得好靚仔夠大塊，重點係三文魚夠晒肥美，比平時日本餐廳食到嘅有過之而無不及。鐵板區幾有心，連牛肋骨都會幫你再煎一煎香。 大推虎蝦，order完師傅會即煎，非常新鮮大隻，開埋邊啖啖肉，encore咗好多次。熟食除咗巴東牛肉夠惹味之外，泰式豬手非常入味軟腍，充滿骨膠原。鮑魚夠彈牙，醬汁都幾香。泰式船麵檔湯底一流，淨係要咗菜底同魚蛋，淥咗一陣已經好入味，朋友食咗成個麵大讚好味。榴槤pancake榴槤蓉俾得好慷慨，pancake皮煙靭軟糯。 可以自己加料，不過我覺得本身榴槤蓉已經好夠臭好夠味，可以唔使搞咁多嘢包埋就咁食。
continue reading
泰🇹🇭滿足啦❤️🔥酒店搵左黎自榮獲孔敬《米芝蓮指南2023》推薦餐廳Mekin Farm既泰國主理人👩🏻🍳Pu 和 👩🏻🍳Yim(Chongrak和PraneetCharuphanngam)，「從農場到餐桌」既美食概念，聯同港青酒店行政總廚👨🏻🍳黃志明先生🤝🏻一齊將一系列泰式風味美食😋帶到今期既自助晚餐🍽️~•~•~•~•~•~•~•~•~•~•~•~•~•~•~•~•~•~•~• 🇹🇭「味遊泰國」自助晚餐 🇹🇭(供應時間 18:15 - 21: 30 • 即日至2025年8月31日).✨亮點菜式 : 香茅蝦沙律🦐 • 泰式蒸烏頭🐟 • 特色咖哩魚✨.▪地道泰式美食▫️泰式沙律 無骨鳳爪 • 魚乾西瓜🍉 • 青木瓜粉絲...▫️熱食泰式海南雞飯🐔 • 火山排骨🍖 • 泰式船麵🍜.... ▪甜品區 款款都好精緻泰式 : 即製D24榴槤💛Pancake🥞 • 炸榴槤波波💥 • 芒果糯米飯🥭 • 蒸千層糕 • 泰式奶茶Mousse蛋糕🤎 • 芒果椰子撻🥥 • 班蘭蛋糕 • 香茅芝士餅 • 椰汁西米糕 • 芒果布甸🍮...另外仲有即焗心太軟(勁流心🤤).💁🏻♀️仲有...▫️冰鎮海鮮 (波士頓龍蝦🦞 • 琵琶蝦 • 蟹鉗🦀 • 小龍蝦🦞 • 青口 • 蝦 • 蜆)▫️環球美食(燒原條有骨西冷🥩 • 即煎虎蝦🦐 • 即煮鮑魚)▫️即切魚生檔 • 壽司🍣▫️芝士拼盤🧀 • 多款沙律🥗 • Parma Ham🐷 • 生果 • 凍食...▫️冬蔭功 / 西湯🍲 • 小麵包🥯 • 咖啡☕️ / 茶🫖 • 果汁🧃....~•~•~•~•~•~•~•~•~•~•~•~•~•~•~•~•~•~•~•🔺需加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~•
continue reading
天氣越來越熱今年四月，大家有沒有去「龍城美食潑水泰繽紛」，感受泰式節日氣氛？錯過了？又或意猶未盡？可前來再臨閣享用全新推出的「味遊泰國」自助晚餐。尖沙咀港青酒店再臨閣今次供應全新「味遊泰國」自助晚餐，提供一系列地道泰式佳餚，泰式甜品，食客可盡情品嚐各式泰國美食。鮮花七味蝦，添加了美美的食用花，賣相吸睛，同時令口感清新，味帶微辣，非常適合夏天食用。除了鮮花七味蝦，自助晚餐當中，特別推薦曾獲米芝蓮推薦餐廳 Mekin Farm 泰國主理人 Pu 和 Yim 推出的正宗泰國地道菜式 - 泰式青辣椒汁蒸烏頭及特色咖哩魚，充滿泰式風味，絕對不可不吃。冷盤永遠是我吃自助餐的第一碟美食，今次，我揀選了波士頓龍蝦，搭配大蝦與蜆打頭陣，作為頭盤，龍蝦不但大大隻，而且肉厚爽口，還有滿滿的膏，相當高質。鐵板中的即煎虎蝦，新鮮炮製，大大隻又夠惹味，肉質爽口彈牙，簡簡單單的調味，剛剛煎熟，鮮味滿分，又是另一番風味！即煮鮑魚口感軟稔彈牙，燜煮入味，帶出鮑魚本身的鮮味，而且份量也不少，每次前來，必吃之選。這裡的泰式海南雞，雞肉肉厚，脂肪少皮薄，肉味香濃幼滑，蘸上醬汁，更添滋味，伴入帶黃帶香的雞油飯，令人大滿足！D24榴槤薄餅，同樣是即製的，除了榴槤蓉，食客還可自行添加水果食材，最重要的是榴槤香味相當濃郁，榴槤控必試！這裡的甜品款式相當多，不但外型精美，而且不屬太甜膩，吃多了也沒有太大的罪惡感，當中還有不少泰式甜品，好像芒果糯米飯、斑蘭芒果卷等，相當有心思！
continue reading
You may be interested in