Video
4-min walk from Exit B, Kennedy Town MTR Station
continue reading
Opening Hours
Mon - Fri
12:00 - 15:00
18:00 - 23:00
Sat - Sun
12:00 - 23:00
Above information is for reference only. Please check details with the restaurant.
平時都唔寫食評，但呢間真係想comment 下。個日諗住經過食碗面，未食過呢間野諗住叫樣最穩陣，生牛肉湯河味道應該都係同出面差唔多，黎到個湯係冇味，牛肉好"un"冇牛肉味，一d 都冇越南風味，可以話係我食過最難食既生牛肉湯河！！🤨
continue reading
同朋友一齊食午飯，自己叫咗個黃咖哩豬頸肉飯，諗住份量都係普普通通啦，點知上菜時係一大碗，無錯係一大個碗，比其他食過的越南或者泰國餐廳的份量，可以算係多好多。賣相不錯，味道亦不過不失，雖然d咖哩就水咗d，自己比較鐘意「傑」d濃d。咖哩亦唔辣岩曬口味，但for食開辣的人就不適合。不過，最重要都係份量多，填到個肚飽一飽好滿足。而午餐送埋飲品叫咗青檸七喜，係幾好飲。如果旨在食飽其實可以一試，無講到咁差....
continue reading
好耐冇去過堅尼地城，聽聞厚和街有好多間餐廳，今晚在地鐵站附近聽完 seminar 後，就貢去睇嘢有咩食。可能夜的關係，很多餐廳都打烊了。 唯獨是呢間蓮越坊最多人，於是毫不猶豫就走了入去。我叫左個生牛肉金邊粉，味道一般。湯底唔算好濃，生牛肉嘅份量都多。上青檸時無跟辣椒粒，要問先有。辣椒粒唔夠辣。老婆想食清淡啲，就叫咗個青咖哩雜菜飯。飯送到的時候見到佢有三件略略煎過的豆腐，但裏面其實冇乜雜菜。 另一個不足之處，可能雜菜水份太多，食到尾時啲咖哩汁都變曬做咖哩水。另外叫咗一個春卷做小食，呢個相對ok. 不過4舊春卷配兩塊生菜，就好似少咗啲啦。
continue reading
越式既粉麵係我最喜歡既菜式之一，之但係要整得好味就唔容易。小弟同朋友仔今次去到西環士美菲路個邊既厚和街試左蓮·越坊，叫左河內牛爽腩金邊粉 (HKD 55)同埋手撕雞金邊粉 (HKD 50)。佢地係不收加一既。兩碗金邊粉既分量都尚算適中，調味料如檸檬同辣椒都有跟足，而且都有健康既蔬菜。 牛腩非常爽口彈牙，口感唔錯，湯底濃郁，非常有越南風味。 另外個碗既湯底相對清甜，手撕雞分量多，而且又啖啖肉。其實佢地都仲有小食如炸蝦餅，香茅豬扒，豬頸肉等等。 不過唔想眼寛肚窄，留番下次再encore過。
continue reading
本身食開越盞，今日做野行經見到有間越南野，咁啱個肚餓餓地，咁就去呢間野食個靚飯。食開越南野都必食生牛河，而呢間啲生牛河個湯底真係不得了，無味精，加埋啲生洋蔥，牛肉同河粉，簡直一流。我食到連湯都無剩一滴咁滯。另外試左個滴滴咖啡，先知原來越南咖啡係用練奶沖，味道幾特別，有興趣既朋友可以一試。而蝦餅係即叫即炸，上枱仲有煙出，入口外內爽，朋友見我食唔停口，都忍唔住嗌多左碟食！一件$20,手掌咁大件，抵食！！
continue reading