蓮．越坊 (Closed)

平時都唔寫食評，但呢間真係想comment 下。個日諗住經過食碗面，未食過呢間野諗住叫樣最穩陣，生牛肉湯河味道應該都係同出面差唔多，黎到個湯係冇味，牛肉好"un"冇牛肉味，一d 都冇越南風味，可以話係我食過最難食既生牛肉湯河！！🤨

同朋友一齊食午飯，自己叫咗個黃咖哩豬頸肉飯，諗住份量都係普普通通啦，點知上菜時係一大碗，無錯係一大個碗，比其他食過的越南或者泰國餐廳的份量，可以算係多好多。賣相不錯，味道亦不過不失，雖然d咖哩就水咗d，自己比較鐘意「傑」d濃d。咖哩亦唔辣岩曬口味，但for食開辣的人就不適合。不過，最重要都係份量多，填到個肚飽一飽好滿足。而午餐送埋飲品叫咗青檸七喜，係幾好飲。如果旨在食飽其實可以一試，無講到咁差....

好耐冇去過堅尼地城，聽聞厚和街有好多間餐廳，今晚在地鐵站附近聽完 seminar 後，就貢去睇嘢有咩食。可能夜的關係，很多餐廳都打烊了。 唯獨是呢間蓮越坊最多人，於是毫不猶豫就走了入去。我叫左個生牛肉金邊粉，味道一般。湯底唔算好濃，生牛肉嘅份量都多。上青檸時無跟辣椒粒，要問先有。辣椒粒唔夠辣。老婆想食清淡啲，就叫咗個青咖哩雜菜飯。飯送到的時候見到佢有三件略略煎過的豆腐，但裏面其實冇乜雜菜。 另一個不足之處，可能雜菜水份太多，食到尾時啲咖哩汁都變曬做咖哩水。另外叫咗一個春卷做小食，呢個相對ok. 不過4舊春卷配兩塊生菜，就好似少咗啲啦。

越式既粉麵係我最喜歡既菜式之一，之但係要整得好味就唔容易。小弟同朋友仔今次去到西環士美菲路個邊既厚和街試左蓮·越坊，叫左河內牛爽腩金邊粉 (HKD 55)同埋手撕雞金邊粉 (HKD 50)。佢地係不收加一既。兩碗金邊粉既分量都尚算適中，調味料如檸檬同辣椒都有跟足，而且都有健康既蔬菜。 牛腩非常爽口彈牙，口感唔錯，湯底濃郁，非常有越南風味。 另外個碗既湯底相對清甜，手撕雞分量多，而且又啖啖肉。其實佢地都仲有小食如炸蝦餅，香茅豬扒，豬頸肉等等。 不過唔想眼寛肚窄，留番下次再encore過。

本身食開越盞，今日做野行經見到有間越南野，咁啱個肚餓餓地，咁就去呢間野食個靚飯。食開越南野都必食生牛河，而呢間啲生牛河個湯底真係不得了，無味精，加埋啲生洋蔥，牛肉同河粉，簡直一流。我食到連湯都無剩一滴咁滯。另外試左個滴滴咖啡，先知原來越南咖啡係用練奶沖，味道幾特別，有興趣既朋友可以一試。而蝦餅係即叫即炸，上枱仲有煙出，入口外內爽，朋友見我食唔停口，都忍唔住嗌多左碟食！一件$20,手掌咁大件，抵食！！

牛肉牛筋變味＋侍應態度差：以前我來過兩三次，雖然侍應態度不太好，但我覺得它的火車頭牛肉粉還可以，所以今晚想和家人開開心心到那裡吃個簡單晚飯，可惜卻換來一肚氣。今晚我慣常㸃了火車頭牛肉粉，太太和仔仔分別㸃了香茅豬扒撈檬和香茅雞翼飯，當火車頭上枱時，外觀已經跟以前不同，份量明顯少了很多，吃下極不新鮮,細嚐後感到牛肉有㸃問題，我對侍應細聲表示情況，以免影響其他食客，侍應說會換過給我，她還説可能天氣熱所以牛肉變了,我等了一會，她還未收回我面前有問題的火車頭，我已感到奇怪，跟著她用了一個細碗，載了幾片剛煑好的牛肉給我，真的估她不到，這樣也做得出來！阿姐，碗粉是用那些牛肉來煮，妳現在只換牛肉而吾換碗粉，有冇搞錯。我同佢講咁碗粉係咪都要換後？她才去換。。。但第二碗D牛筋都係有怪味，我仲邊有心情食落去，諗住快快埋單走人，以後唔再幫襯，埋單後我再同侍應呀姐講其實D牛筋同其他配料都有D異味，佢極冇禮貌話：「得啦！」嘩！我真係火起，我問佢一句：「洗唔洗我call食環署？」佢答我：「唔該哂！」呀姐， 你係得嘅。最後我當然打了1823。

和朋友行完山落堅尼地城食lunch，想食得清淡D，見有越南河粉食就入左去，食完真系後悔冇睇下openrice 食評先入去 （1 7都系有原因ge）。叫左個番茄牛腩河粉，賣相其實唔錯。不過攞匙羹一bug時就知賴野喇，好鬼杰，其實我覺得湯唔系一味夠濃就叫好，加些少水會正常好多。牛腩都算唔錯，夠冧，可惜個湯底真系太過甜，以致我以為自己食緊甜品ge河粉，有啲奇怪。另外叫咗個紅咖哩薄餅，得四小片，基本上就系超市賣的$10零蚊嗰種的1/4份量，賣$38都幾貴。講真D食物質素就麻麻地，但又未至於好難食，不過個waitress的服務態度真系幾差。唔係好多人，叫左落order兩次先幫我地，仲要勁黑面，好無言。以後應該唔會再想食呢間。

中午去到厚和街打算是但搵間餐廳食lunch，所以無睇食評就入左去食，全店只有一個樓面女侍應，叫左幾次落單都唔理，之後態度奇差大聲話‘等陣啦’，落單時就係用晦氣ge 語氣問一句‘食咩’，菜都未點完就拿拿聲收左個餐牌。返到去openrice check 返先見到原來之前已經有人遭受到呢間食店某女侍應ge 不禮貌對待，平時唔寫食評，就算唔好食都費事打字，但係呢間除左野食唔得之外，侍應態度實在太差，完全貼錢比人黑面！！服務態度奇差之外，食物質素亦低，叫生牛肉河（HKD49不包飲品)，湯底好鹹，只有鹹味，好似用味粉開出來；酸汁味道同平時出面越式餐廳好唔同，個味好奇怪，好似有水果味。另外一個薄餅（HKD38）更加不堪，係 一塊 超市10幾蚊一包幾塊ge 印度薄餅切開4塊都算，仲要煎唔香，油淋淋，完全中伏

一行3人忽然然肚子餓，在厚和街衆多菜式選擇之下，揀了這間越南小店。裝修一䑥，但算整潔。點了鮮茄牛腩反，伹不知怎的那碗牛腩汁，好像牛腩湯一樣、質地很希的。另一牛鮮茄牛腩湯味道較酸👎炸蝦餅還可以，春卷普普通通。總括嚟講真的無甚驚喜。

8點入去，完全冇人。好可疑點了生牛肉火熇金邊粉同雞絲河，湯底完全不正宗爆咸，仲落糖中和，結果又咸又甜，唔知想點炸春卷過晒火，黑晒兼苦，退貨價錢又貴，食越棧大眾化越式食堂仲好過佢唔會再黎

今日晚飯無煮 就外賣返屋企食之前已食過幾次堂食 味道好 侍應嘅禮貌更好 佢地嗰度又有用嚟食撈檬嘅汁賣俾人 $30一支 我鐘意個汁 唔太酸 可撈米粉或者冷盤都好食（之前買左兩支 不過最多三日要用哂）今日買左 火車頭湯河呢個本身係生牛肉 不過上次外賣試過個湯唔夠熱 所以今次落單時已轉要熟牛肉 佢啲河粉都好滑 同埋佢會湯另上要左個香茅豬扒撈檬 春卷撈檬 燒雞撈檬（本身要豬頸肉 不過賣哂）春卷佢會另上 有兩條 都唔會好油 係焗淋左小小 個豬扒都幾香香茅味個雞上次未試過 無豬頸肉就轉呢個 呢個就差 太硬同乾要多兩份蝦餅 同一份軟殼蟹 蝦餅依然好味 不過要$20蚊一件 個蟹就焗淋左 味道一般之前第一次嚟嗰陣 以為係街坊小店 同店員相談間先知原來灣仔都有分店

琴日中午同朋友經過呢間越南菜餐廳，見門面不錯，便引起我的興趣入去試試。2個人叫左碗生牛肉湯河，黃咖哩牛腩飯和牛油雞翼share食。3款餸菜都味道一般。首先是生牛肉湯河，味道較淡，需多加一些越式調味醬汁先夠味；黃咖喱牛腩飯，吃不出咖喱味，只覺得整個醬汁很甜，牛腩不夠冧；而牛油雞翼就沒有牛油香味，雞翼似沒有醃過的，味道很淡，似普通炸雞翼。成餐飯最欣賞的，就是那杯三色冰。

禽日第一次光顧, 估唔倒我架第一次食評比咗佢..同意之前有位食家後悔無睇comment就中入去..唉晚上差不多9點到達, 唔洗等位, 打開menu, 無咩選擇, 但反正已坐底就試一下吧, 叫了:火車頭河粉 - $68 (無河粉, 改了金邊粉)番茄牛腩河粉 - $52 (同上)牛油雞翼2隻 - $28首先黎架係番茄牛腩金邊粉, 個湯係鮮紅色, 杰到不得了, 味道好似茄汁加少少水, 牛腩其實並不是牛腩, 係用牛肋條當牛腩, 真係未食過咁難食架番茄湯底..唔掂之後黎個火車頭金邊粉, 生牛肉黎到已熟哂, 而其他料都係好少同味道一般, 收費$68, 真係有少少難譜..不過最難譜係個牛油雞翼, 一上枱心諗..唔係化, 兩隻小形雞中翼夠膽收$28?? 仲要係無牛油味, 唉..由於個番茄湯實在太杰, 所以叫個女侍應比碗湯我, 個女侍應態度真係好差, 碗湯黎到問我洗唔洗幫我倒, 我話好, 點知佢倒咗d 落我條褲度, 我老公話佢唔小心, 佢話佢已經有用手幫我擋住, 依家佢仲"碌"到隻手, 跟住佢同我講, 你應該無事啦係ma..講真, 好彩只係比d湯彈到少少落條褲, 但佢d態度真係差到無人有, 我老公再話多

過開去CAKE's SECRET 取蛋糕，有些肚餓便走入了這家店試下。因為我在香港仍然未找到一家像樣的越南食店，所以好幾期待這家小店可以給我驚喜，可惜只是不過不失而已！ 價錢方面尚可接受，只是QUALITY有待加強！火車頭：  生牛肉到台時已經熟透了， 血水跑入了湯底， 失去了生牛肉的精要。 牛展不夠入味，檸檬葉不夠味。河粉質感尚可，湯頭也夠清甜。牛肉河粉： 牛肉太硬，沒有肉味，口感及味道也不太好，只河粉質感及湯頭較佳。 春卷:  味道不錯， 即叫即炸夠新鮮可口，可惜生菜太細片，整體被春卷搶了味，大大減少生菜既清爽感覺。

好耐無寫食評，呢間越南餐廳令我重現openrice！好後悔無睇過食評就入左去食。是夜等老公收工，八點幾係西環搵食，自港鐵鋪設鐵路公布開始，西環已經反天了，多左好多好多大大小小的餐廳食市，中菜比較少，西式和fusion菜比較多。見呢間餐廳無乜人又心癢癢想食越南粉，就盲中中入左去，點知中招。1. ＄47一碗越式牛腩粉係西環呢個位置實在太貴，但如果好食當作別論；可惜牛腩un到咬唔開，呢碗粉份量只叫夠女士食男士食我會覺得唔夠飽；但食的人係我老公，連一個大男人都要咬牙切齒先可以咬開牛腩，可想而知牛腩有幾un。2. $51 一碗炸蝦餅撈濛粉，炸蝦餅由兩件蝦餅切開四個半圓形，蝦餅是交來的貨色，蝦餅一D咬感都無；濛粉超級碎濕濕。3. ＄18 兩隻牛油雞中翼，＄18兩隻你無睇錯，兩隻超級難食的牛油雞中翼，最慘係呢間餐廳用開放式廚房，我親眼見到佢拎兩隻疑似炸過再急凍再炸的雞中翼出來。Come on, 你收我呢個價錢你比呢D野我食？雞翼內完全無味，雞翼上的炸粉只有咸味無牛油味。成餐飯食物出品已經唔得，仲有位疑似老闆的男人，完全唔知佢想點！你餐廳設計的坐位已經Chairs貼Chairs背，是但一張Chairs